قصة سودانية ماساة فتاة بقلم الاء صديق الناير

موقع روايات سودانية يقدم
ماساة فتاة
الاء صديق الناير
عدد اجزاء 10


يمكنك تحميل القصة PDF ب ضغط
>>هنا<<

: الجزء الاول:-

 ماساة فتاة

بقلم الاء صديق الناير

بطلت رويتنا هبة انسانه بسيطه ومتواضعه و زوله طيبه القلب والكل بحبها.هبة البت المتوسطة  لي هالة وامجد ولديها اخت اكبر منها واخ  اصغر منها ولكن رغم ذالك هالة وامجد بحبو هبة اكتر من اخوانها  لانها الوحيده البتسمع كلامهم وصلواتها م بتضيعها محافظه علي كل حاجة في حياتها حتي في علاقتها مع الناس متواصلها مع كل اقربائها بعكس اخوانها م عندهم شغلة بالعلاقات مع الناس اي زول في حالو.لو جينا لاختها الكبيره هيام مثقفة شديد وبتقرا في الجامعه السنة الاخيره ليها بتحب الروايات والافلام والاغاني وعلاقتها مع الناس محدودة م بتحب تدخل في الناس طوالي تلقاها دايما عايشة في خيالها . اما اخوها الصغير محمد م عندو علاقة مع القرايا نهائي طالع يومي ماشي المدرسة وجاي من المدرسة تسالو عن حاجة تلقي م عارف كل العارفو الشلة الماشي معاهم اصلو مصاحب اولاد فاشلين وم دايرين يقرو وطبعا الاتنين لا بصلو ولا بسمعو كلام امهم وابوهم. هبة البت الشايلة هم اخوانها بعد ولادتها بالرغم من انها م كبيرة شديد بتقرا في الجامعة المستوي التالت الا انها دايما تنصح اخوانها وعايشه دور البت الفاهمه ذي م بيقولو ليها اخوانها.هبة ترجع من الجامعة بدري كعادتها م عندها شلة تقعد معاها في الجامعة وتجي تساعد هالة في البيت وتقعد تقرا وتنتظر هيام لمن تجي البيت عشان تبدا معاها تنصحها كالعاده يومي  .هيام ترجع البيت متاخر تلقي امجد وهالة منتظرنها وتمش براحة عشان م تصحي زول وفجاة النور يولع وصلتي اخيرا ي بت انتي م تكوني ذي اختك دي وترجعي بدري بتقعدي تعملي شنو في الجامعه ماما الموصلات صعبة انا طلعت بدري من الجامعة بس م لقيت موصلات وبعدين بطلو محاضراتكم دي انتو الاتنين لو مهتمين بي كده اعملو لي ترحيل

 الجزء التاني:-

ماساة فتاة:

بقلم الاء صديق الناير

وتدخل الغرفة وتقفل الباب وتغمد عيونها وتقول اوووف ماما وبابا ديل عزبوني يخ وتفتح تلقي هبة في وشها وتصرخ فيها هم لو م خايفين عليك اصلا م بسالوك وبخلوك علي راحتك احمدي الله انهم بتكلمو معاك ساي والله انتي لو بتي يومي اشبعك ضرب دا زمن ترجع فيهو بت ناس البيت انتي بتشوفي كلامي دا فارغ بس بكره حتندمي وانا بحبك وخايفة عليك ودايره مصلحتك وعارفة انك مستحيل تسمعي كلامي بس علي الاقل اسمعي لامك وابوك المساهرين الليل عشانك ي بت انتي م عندك غيري ولا متغايظة عشان انا عايشه حياتي وانتي م عايشاها امشي شوفي سريرك وين م ناقصة محاضراتك دي اقطعي وشك مني وخليني علي راحتي لو الله داير يهديني بهديني استغفر الله استغفر الله منك ي هيام ربنا يهديك وهبة تمش تقيم الليل وتنوم وهيام تقعد مساهرة مع اصحابها في الواتس للصباح الصبح يأذن تصحي هبة تلقي هيام لسة صاحيه تصبح عليها وتعاين ليها عين حقاره وم ترد ليها هيام م تزعلي مني انتي عارفاني بحبك وبحاول انصحك بس م اكتر ارجوكي م تشيلي في قلبك مني انا اختك حبيبتك وهيام تعمل فيها زعلانة وتقفل الواتس وتنوم م تشتغل بيها تقوم تصلي الصبح وتقعد تقرا قران وتطلع تفتح غرفة محمد عشان تصحيهو للمدرسة تلقي محمد صاحي وداخل الواتس محمد تصرخ فيهو كالعادة يجدع التلفون ويعمل فيها نايم تجي تقومو يااخ كرهتينا البيت دا الزول وقت م يقول داير ينوم يلقاكي انتي العارض في وشو حمودي بطل كسل وقوم امش المدرسه الترحيل اسي بجيك يومي انت متاخر عليهو امش واجي لو لقيتك نايم تاني بصحيك بطريقتي عارفها شنو طبعا اوووف منك خلاص قايم قايم ويقوم يدخل الحمام وينوم كالعاده لمن الترحيل يجي تمش تصحيهو وتخلي يلبس بسرعة ويلحق الترحيل .....يتبع...

 الجزء الثالث:

بقلم الاء صديق الناير

هبة حبيبتي الله يخليك لي من غيرك م كنت عارفة اعمل مع حمودي دا شنو  امي دا كلام شنو انتي وانا واحد وبعدين انا كبرت خلاص بعد دا وححمل همك كلو وهيام تجي ماشة امها تصرخ وتقول : ياريد ناس كده يتعلمو منك وهيام تعاين ليهم وتقول اووف وتمش .

يلا هيام كانت مرتبطة بواحد من الجامعة وكانت بتحبو شديد ومستعدة تبيع اهلها عشانو وكانت بتحكي لي هبة عنو ودايما بتنصحها وتقول ليها لو جادي خلي يجي يتقدم ليك ويطلب يدك من ابوي وغير كده انا بعتبرها علاقة م جادة وعايز يقضي وقت بس معاك م اكتر يخ انت حياتك كلها جد في جد انحنا لازم نحب بعض ونعيش مع بعض اول بعدين نفكر في الزواج والكلام الذي دا بس كده حرام ي بت اوووف حرام شنو انتي كمان الحب حلال والرسول قال حبو وتحبابو وبعدين انحنا لينا اربع سنين مع بعض وحنكون لبعض في النهاية بس انتي في مصليتك كدة ادعي لينا معاك الله يهديك ي اختي وتضحك ليها الله يهدي الجميع وانتي منهم وتبطلي تخربي علاقات الناس عاملة فيها فاعلة خير وتضحك وتطلع منها وتقول الليله برضو برجع متاخرة عشان حكون مع حبيبي يلا يابايرة عاملة ذي المرة الكبيرة قال شايلة هم البيت مسكينة ماف زول شغال بيك ولا شايل همك . هبة عمرها م زعلت من كلام اختها واخوها عشان عارفه نفسها علي حق وانهم دايما بغلطو وقبل م تطلع تصلي وتدعي ليهم وتطلع تمش الجامعه .محمد الترحيل يوصلو المدرسه يهرب بالسور ويمش مع شلتو ويرجعو في زمن الترحيل يمشو البيت.هيام تمش الجامعه اليوم كلو تكون مع حبيبها وم تحضر المحاضرات.وهبة تكون سرحانة وتفكر في حال اخوانها وانو امها وابوها لازم يتابعوهم اكتر من كده وهي حتحاول تصلح حالهم الي الاحسن. وتقول انا لازم اتابع كل واحد فيهم واشوفو بعمل في شنو ..يتبع.

الجزء الرابع

 ماساة فتاة

بقلم الاء صديق الناير

واعرف الغلط وين واصلحو وتقول ابدا بالصغير اول عشان الحقو قبل م يضيع ذيادة وتاني يوم تمش تسال عنو في المدرسة تلقي الحضور بتاعو ضعيف وم بحضر كتير وغايب ليهو مدة من المدرسة وتطلع تقول انا لو وريت ماما وبابا حينصدمو هم براهم م ناقصين كفاية العليهم انا كبيرة بقدر احل موضوع حمودي دا براي .

حمودي يرجع البيت ويدخل غرفتو يلقي هبة قاعدة مستنياهو في الغرفة اووف ي بت انا ناقصك مالك قاعدة لي ذي حرس الامن كده في شنو لخصي م فاضي ليك محمد تصرخ في وشو اسمع كلامي دا كويس وكلمتي واحدة تاني م بعيدها والا اكلم بابا عنك وعن اي حاجة بتعملها انا مشيت ليك في المدرسة اليوم وعرفت اي حاجة عنك وانك م بتحضر الحصص وم بتمش اصلا المدرسة وحضورك ضعيف اسي لو ابوك عرف انو ولدو الوحيد بعمل كدة حيكون منظرك كيف قدام ابوك حمودي انا اختك اسمع كلامي انا م بهددك ولا بتجسس عليك بس انا نفسي اشوف اخوي الوحيد في احسن حال واشوفك في الجامعه وافرح بيك ي اخوي  عارفه كلامي معاك قاسي بتمني انك تفهم كلامي دا كويس وتاني م تغلط ويمثل فيها انو متأثر بكلامها ويعمل فيها ندمان ويعاين تحت.اختي انا اسف بس عشان خاطري خليهو سر بينا وبابا وماما م يعرفو حاجه مش انا اخوكي الوحيد ذي م بتقولي تاني بسمع الكلام وبحضر الحصص بس انتي م تكلمي زول عن العرفتي دا ي هبو وهي طبعا حنينه شديد كلام محمد يدخل في قلبها مثل السكين وقلبها يتقطع من جوة وتحس انها انجزت وحاولت انها تصلح حال محمد وباقي ليها هيام وتقول: بوعدك م بكلم زول م عشانك بس عشان انا بحب ماما وبابا وم عايزاهم ينصدمو بيك وتطلع من الغرفة ومحمد يزعل شديد ويكسر اي حاجه قدامو ويقول هي قائلة نفسها منو عشان تتدخل في حياتي والله م اخليها ...يتبع..

الجزء الخامس

 ماساة فتاة

بقلم الاء صديق الناير

محمد يستمر في الحضور لمدة شهر وهبة تكون متابعة حضورو عشان يقنعها انو بحضر وتصدق وتاني م تتابعو.

وتطمن هبة علي محمد وتقول فاضل لي هيام عندها صديقة ليها في جامعة هيام تتصل ليها وتقول عايزة تقابلها في جامعتهم عشان تتابع تحركات هيام. وفعلا فاتت الجامعة ولاحظت انو هيام مقضية زمنها كلو مع حبيبها بقت تتقرب من صحبات هيام وتسال عن الولد الماشي مع هيام وتكتشف انو واحد صايع وغاشي ليهو اكتر من بت في الجامعة بس م في نفس الكلية البتقرا فيها هيام بس العرفتو من صحباتها انو هيام دي م قدر ليها وداخل في تحدي عشانها ليهو اربع سنين عشان يتزوجها عرفي طبعا ويخليها وحسب كلامهم انو السنة دي بيحاول يقنع فيها وانها بدات تفكر في كلامو.

بس غلطة هبة انها لمن سمعت كده من حماقتها علي اختها مشت ليهم وهم قاعدين وكلمت هيام عن اي حاجة سمعتها عن الولد وقالت ليها لو م مصدقاني تعالي اسالي صحباتكم ديل هم الحكو لي اي حاجه وهيام طبعا مخلوعه من تصرف اختها وكيف قدرت تتجسس عليها للدرجة دي وم ردت عليها ولا بكلمة ومشت عشان يسالو البنات ينكروها ويقولو اول مرة يشوفوها وهيام تضرب هبة كف وتقول ليها انتي كيف ضميرك يسمح ليك تعملي كده انا عارفاك انك حاقدة علي بس عمري م اتوقعت انو حقدك يصل لي حبيبي وتكذبي فيهو بالطريقة دي غلطانة انا البوريك اسراري بس من اليوم لا انتي اختي ولا اعرفك امشي من هنا ولا ارتكبت فيك جريمة وصحبت هبة تجي تسوقها وتوصلها البيت . وهيام تبكي وتعتزر من حبيبها لانها بتحبو شديد وبتثق فيهو وهو يقول ليها حبيبتي اصلا الناس الذي اختك ديل عمرهم م حيكونو سعيدين شكلها اختك دي حاقدة عليك اعملي حسابك منها بالجد انا تاني م بكون مطمن ليك وانتي معاها في نفس البيت ..يتبع...

الجزء السادس

 ماساة فتاة

بقلم الاء صديق الناير

وانا خلاص قررت اني اتزوجك مهما حصل بس مع عيلتك البتكرهك دي م بخليك تقعدي معاهم تاني وينتهز الفرصة عشان يقنع هيام انها تتزوجو .طيب انا موافقة علي اي حاجه انت بتقولها انا خلاص زهجت من تصرفات ناس بيتنا ديل. ذي م بيقولو هبة جات تكحلها عمتها ذيادة. طيب ارح اسي نتزوج خير البر عاجلة لا لا م اسي خلي. يوم تاني عندي حاجة مهمة لازم اعملها اول وترجع البيت تلقي هبة مستنياها هيام انا م كان قصدي اخرب علاقتك بس والله انا الكلام دا كلو قالو لي البنات وم قدرت استحمل جيتك عشان اواجهو قدامك بس م كنت قايلة انو البنات ديل كده ارجوكي صدقيني انا اختك العمري م كذبت عليك في حاجة لية م دايرة تصدقي هيام بتكلم معاكي ردي علي. تطلع وتخليها م تشتغل بيها كتير تلقي محمد قاعد يفكر تجي تقعد جنبي ووشها باين عليهو الزهج اكيد البت الحشريه دي مزعلاك صح اي ي حمودي انا نفسي اخنقها وارتاح منها بس خايفة ارتكب جريمة وهي م بتستاهل اني ادخل عشانها السجن والله بفكر لي في طريقة عايزاها بس تتطلع من البيت دا وتاني م ترجع عشان اقدر اعيش براحتي طيب رايك شنو لو لقيتي الزول البساعدك لا لا م معقول انت برضو بتكرهها ذيي كده والله انا بكرهها اكتر منك انحنا م لازم نخلي واحدة زيها تخرب علينا حياتنا انا عندي خطة تخليها تطلع بلا عودة رايك شنو اها اها قول وانقذنا من شرها انحنا نعمل خطة نثبت فيها انها ماشة مع ولد وانا عندي ليك الولد اخو صحبي بعرف يمثل كويس يلا بكده ماما وبابا حيكرهوها ويسفروها لحبوبة ونرتاح منها لا لا ي محمد طلعت شاطر انت وكبرت وبقيت تفكر ومنك فائدة بس انحنا لازم ننفذ الكلام دا الليلة قبل بكره طوالي اسي لو اتصلت ليهو بجي البيت طيب مستني شنو اتصل بسرعه محمد: الو شنو ي خوه.يتبع

الجزء السابع

 ماساة فتاة

بقلم الاء صديق الناير

محمد: الو شنو ي خوه لو دايرك اسي بتجيني عشان الموضوع الكلمتك عنو داك موضوع شنو ي حبيبنا يخ عن اختي الحشرية ديك تتذكر ي زول انت جادي عايز تعمل في اختك المن لحمك ودمك كده يخ لحم شنو والله دي انا حاسي بيها مستوردة م مننا نهائي م عليك انت حتجي تساعدني ولا اشوف غيرك لا لا بجي اهم حاجه الكاش موني خليك معاي دقيقه اهاا ي هيام قال داير قروش قول ليهو اي حاجه بنديك ليها بس هو يجي ويخلصنا منها اهاا ي خوه سمعت اختي قالت ليك شنو ي شيخ اختك كمان معاك والله انتو طلعتو اخوان اخير عدمكم م علي بيكم انا بجي بعمل الاتفقنا عليهو وتاني انتو وضميركم دا لو عندكم ضمير اصلا ي زول م عندك شغله بينا تعال بس بسرعه خلاص هوا واكون عندكم.  الباب يدق هبة تمش تفتح الباب وكلهم يكونو بتعشو يسمعو صوت هبة تصرخ يقومو يجرو علي الباب يلقو الولد ماسك يد هبة انت لازم تمشي معاي انا بقيت راجلك افهمي حاجه ذي دي كويس لو م كنت دايراني م كان توافقي علي زواجنا من البدايه واهلك ديل زنبهم شنو تفضحيهم معاك كده انا لمن اتصلت عليك مفترض تجيني بره بس انتي ماف حاجة بتهمك لا اهلك لا سمعتك لو كان بهموك م كان قلتي لي اعمل البريحك اهاا كده عاجبك انا الليله البريحني بس تمشي معاي اسي وابوها من النوع الحمق البصدقو بسرعه اي حاجه بيقولوها ليهم. ويجي يضرب هبة ويقفل الباب ويدخلها في الاوضه ويقفل عليها الباب ويضرب فيها للصباح وهي تصرخ وتقول بابا انا بتك العمرها م غلطت تصدق عليها حاجه ذي دي وامها قلبها يتقطع عليها . بس في اتنين كانو مبسوطين شديد والفرحه كانت م سيعاهم لانو خلاص جا اليوم الحيتخلصو فيهو من الحشرية. وابوها يقول البت دي جابت لينا العار وم لازم تعيش معانا ولا يوم بعد الان...يتبع....

الجزء الثامن

 ماساة فتاة

بقلم الاء صديق الناير

هبة غلطت لانها م حكت لي ابوها وامها من البدايه عن اخونها والبعملوهو كانت حاسه انها بتقدر تغيرهم .تكون قاعده وجسمها كلو مشوه من الضرب ومصدومه وفي الف سوال بدور في راسها كيف الولد دا جا بيتنا ومنو الجابو عمرها م اتصورت انو ممكن اخوانها يعملو فيها كده. يدخلو عليها هيام ومحمد وهم يضحكو فيها وتعاين ليهم بستغراب وتمسح دموعها شوفتي دي نهاية الحشرية بتاعتك الكتيره  مسكينه م كان دايرين نعمل فيك كده بس انتي م خليتي لينا خيار غيرو خلاص اخيرا حتختفي من وشنا للابد عشان عندنا ليكي خبر كتير مفرح بابا قرر يوديك تعيشي مع حبوبتك اصلا انتي تستاهلي تعيشي مع عجائز بس ديل شبهك. وتبتسم وتقول : انتو عارفين انا الليله اسعد انسانه في الدنيا لاني حبيت وم لقيت الحب واعطيت وم لقيت المبادره انا مبسوطة نفسي اصرخ باعلي صوت اليوم والعالم كلو يعرف اني مبسوطة م عشان انتو عملتو فيني كده لا عشان انا ربنا بحبني واداني اخون زيكم يكترو علي الحسنات اشيل همهم ويرمو فيني .طبعا يندهشو بردت فعلها هم الاتنين.وتواصل كلامها انا اليوم حطلع من البيت وراسي مرفوع لاني م بستاهل فعلا اعيش مع ناس حاقدين زيكم وكان بامكاني اوري اي زول فيكم انا عرفت عنو شنو لي التاني بس لا بعد دا حخليكم كده وبكره لمن تنكشفو حتندمو وبرضو م حكلم بابا وماما لاني بحبهم وم عايزاهم ينصدمو فيكم. انا م هماني الجامعه الحخسرها بسببكم بس وانا ماشه كل همي انكم تكونو بالعملتو دا مبسوطين وفرحكم فرحي. يضحكو ويقولو ليها م ناقصين محاضراتك البايخه دي اطلعي وخلصينا منك. طالعه ي اخوي بس قبل م اطلع امانه في رقبتكم اعملو اي حاجه انتو عايزنها في نفسكم بس ماما وبابا م تصدموهم فيكم. هيام: اطلعي م ناقصين كلامك الفارغ دا...يتبع

الجزء التاسع

ماساة فتاه

بقلم الاء صديق الناير

هبة تطلع وابوها يمش يوصلها ويجي راجع وقلبو م مطمن انو عمل الصح هبة دي كانت الوحيدة البحبها اكتر من اخوانها بس اتسرع في قرارو وامها كمان كانت حاسة انها م عملت حاجه وانو الولد دا بيكذب عليهم.

هيام تمش الجامعه بعد غياب يومين وهي فرحانه ومبسوطة انها اخيرا حتعيش مع حبيب عمرها وفجاة تشوف اتنين قاعدين تحت شجرة وتشك انو القاعد دا واحد بشبه حبيبها صحبتها تقول ليها ي بت يخلق من الشبه اربعين ارح م تخليك كده وتقيف تعاين ليهم وفجاة تتذكر كلام اختها ومن غير تفكير تمش ليهم وكانت المفاجاة انو دا هو ذاتو بس معاهو واحدة تستاهل انو يبيع الف واحده ذي هيام دي عشانها. كده تعمل فيني انا  وتصرخ فيهو .انتي منو ي بت حصل مرة انحنا اتلاقينا  اصلا اول مره اشوفك وهنا هيام تنصدم من كلامو وم ترد عليهو وصحبتها تجي تسوقها وتحكي ليها اي حاجه  وانو اختها كانت صادقه في السمعتو عنو  . تحس انو الدنيا مسخت عليها وكيف فرقت اختها عنهم بطريقه كعبه العدو م بعملها مع عدوهو وتبكي وترجع البيت.  تلقي ابوها يضرب في محمد لانو لقاهو بالصدفه مع الولد الاتهم هبة .وتسال امها وتقول ليها محمد حكي لينا اي حاجه وكيف انتي وهو قدرتو تعملو في اختكم كده وتضربها كف انتي عارفة انو اختك الاصغر منك كانت بتعرف انو محمد ماشي مع شلة فاشله وم حكت لينا عشان م ننجرح وحتي بعد م عملتو فيها كده م فضحتكم انا بالجد خجلانه من نفسي اني جبت ابناء زيكم يخسي عليكم هيام تعتزر من امها وابوها وتحكي ليهم الحاصل عنها وكيف الولد كان داير يخدعها وهبة حاولت تنقذها بس م صدقتها وهنا انصدمو كلهم وعرفو انو قرارهم كان خاطي وكان قبل م يبعدو هبة عنهم علي الاقل يصدقو البراءه الكانت في وشها..يتبع...

الجزء العاشر والاخير

 ماساة فتاة

بقلم الاء صديق الناير

انتو عارفين انا م حسامحكم لامن اموت وم راضي عنكم وعن العملتو في اختكم دا . بابا انحنا غلطنا ارجوك سامحنا وجل من لا يخطي وعرفنا غلطنا وين وحنصلحو بس انتو سامحونا. لو في زول لازم يسامحكم هو هبة. انحناحنسافر ونعتزر من هبة ونجيبها معانا .هبة اروجكي سامحينا انحنا اخوانك البتحبيهم عارفين قلبك كبير بس مهما عملنا انحنا م بنستاهل انك تسامحينا. انا م كنت زعلانه منكم انا كنت زعلانه عليكم بس اسي خلاص مدام عرفتو غلطكم ربنا هو المسامح وانا كنت مستنيه اليوم دا يجي والحمدلله اليوم جا بس اوعدوني انكم م ترجعو لنفس غلطكم تاني وحتشيلو مني لقب الحشريه دا وتضحك ويمسحو دموعهم ويضحكو معاها انتي م حشريه انتي احلي واحن اخت في الدنيا انحنا بنحبك وم بنزعلك تاني حبيبتنا هبة يلا ارح ارجعي معانا البيت ماما وبابا م قادرين يجو يواجهوكي كيف وزعلانين من نفسهم شديد بس انتي الوحيده القادره ترجعي ليهم سعادتهم من جديد وترجع معاهم البيت وتضم امها وابوها في حضنها وتوعدهم انها تاني م تخبي عليهم حاجه وتترجاهم يسامحو محمد وهيام عشانك انحنا مسامحنهم ويعيشو مع بعض احلي حياه .

 يلا الصدق في العلاقات مهم جدا واهم حاجه الرعايه لي الابناء انت م تجيب ليك ولد واتنين وتقول خلاص انا عندي عيال وكبرو وبقو مسولين من نفسهم يخ عيالك ديل لو م انت غرزت فيهم عنصر المحبه منذ الصغر عمرهم م حيحبو بعض وحتكون في كراهيه بينهم. يلا شنو  عشان انحنا نتخطي مرحله انو تكون في كراهيه بين ابنانا نراعيهم ونحسسهم انهم سند لبعض وم نغلط ننمي عنصر المحبه دا في واحد والتاني نخلي علي راحتو لازم نعلمهم انهم خلقو في الدنيا دي عشان يحبو بعض ويحبو الناس الحوليهم بكده عمرهم م حيخسرو بعض....تمت بحمدلله





لاتنسي وضع تعليق لنا ورايك في الرواية وتنسيق الكتابة والموقع
رايك مهم عشان نطور من شغلنا عشانك قدام