رواية سودانية كرهته 💔ثم احببته❤️ الكاتبه :نادين عبد الغني موقع روايات سودانية

 رواية كرهته 💔ثم احببته❤️ 

الكاتبه :نادين عبد الغني 

 

 رواية كرهته 💔ثم احببته❤️
الكاتبه :نادين عبد الغني  
(1)

يابت كفاك نوم قومي نضفي 😠

خلاص كويييس ميري  الحبشيه🙍🏽‍♀️ جايه (هلا اكيد استقربتو🤨 انا منو ولي بقول كده انا اسمي علا عمري 18 سنه ياداب بعد يومين بنزل اولى جامعه (برلومه يعني )   وامي اسمها نسرين عمرها 45 سنه وابوي اسمواحمد عمرو 50 سنه   وماعندي اخوان ولا اخوات عشان كده مجنني جن قومي سوي قومي🙂 اعملي🙂 بس ربنا يكتبو اجر✨ )ونحنا ساكنين امدرمان 

انا:وين المكنسه 🧹

امي:قاعده في المطبخ امشي جيبيها سريع وكنسي وامسحي 

قلته ليها  كويس لكن ياامي انا دايره خدامه🙍🏽‍♀️ حرام عليكم ياخ كده 🥺قالت لي خلي الكسل😄 يلا سريع 💫

(امي مشت الجيران وانا نضفته 🧹وشربت الشاي☕ ونمته تااني 😴ماتسالوني لي انا بحب النوم حب ♥️)

بعد ما جات من الجيران لقتني نايمه قالت لي يابت انتي تاني نمتي 😹

بعد يومين صحيت بدري للجامعة🏬 طبعا كنته متحمسه🥳 شديد قمته استحميت🧖🏻‍♀️ اتكرشته كوييس😅 وجيت جاريه على المكياج🤭 شي حواجب شي روج 💋💄وايلاينروماسكرا وفاونديشن حتى البدره ما خليتها وجري لبسته اسكيرت اسود وبلوزه بيضه وجكت جينز ولبسته طرحه كبدي 🥿👗 ماشه في الشارع واتبسم😃 الناس بقو يعينو لي🧐 بكونو قايلني مجنونه😂 ولا اشتغلته بي زول بي تبسمي دا مشيت (ابوي قال لي   امشي بي المواصلات اول اسبوع مسافه رخصتك📝 تتطلع تاني بشتري ليك عربيه🚗  ) وصلته الجامعه🏬 والابتسامه لي الضرس الرابع 😁مشيت استكشفته  الجامعه   واثناء ما كنته بستكشف حسيت روحي ماشه الحمام🚽🚰 والجامعه جديده علي قمته شفته لي ولد واقف براو شكلو سنيور وسمح سماحه النصيحه الولد عجبني 😅قمته مشيت سالتو قلته ليهو استراحه البنات وين قام ابتسم 😁وقال لي هناك لمن مشيت لقيت في اولاد كتار قاعدين لمن شافوني ضحكو 😂وقالو لي شكلك برلومه وفي  زول برلمك🤓 قمته مرقته وشفتو هناك عاين لي وقاعد يضحك 🤣قمته مشيت قعدته في الكفتريا وبقيت  ابكي 😭وحسيت انو اول يوم في الجامعه كان اسواء 😔يوم واثناء ما انا ببكي حسيت انو في زول قدامي رفعته راسي لقيته بت 

قالت لي:يابت مالك بتبكي 

قمته حكيت ليها الحصل و ضحكت 

قالتلي انا اسمي سحر انا زاتي برلومه 

قلت ليهااخيرا لقيت اي زول قدري 😃

وقعدنا مع بعض واتعرفنا وقالت لي   انا ساكنه شمبات  فطرنا مع بعض وبقينا صحبات وبالعصر ونحنا راجعين واقفين للمواصلات 🚌في عربيه جات ماشه ورشت فينا الطين🟤 وبعديها العربيه وقفت ونزل منها نفس الولد القبيل😒 واعتذر وقال لينا تعالو اوصلكم وانا لسه زعلانه من  موقف الاستراحه قمته قلته ليهو لا شكر بنعرف نمشي برانا قال لي احسن خففتي لي العربيه (في اللحظه ديك قربته ابكي وشميتو شمه😒 لكن اتماسكته)وهو ركب عربيتو ومشا لمن رجعته البيت لقيت في مره بتنضف مشيت لي امي سالتها قلتا ليها دي منو ؟

قالت لي:

 رواية كرهته💔ثم احببته❤️

الكاتبه :نادين عبد الغني
(2)

قالت لي :انتي مش قبل يومين قلتي عايزه خدامه انا جبته ليك خدامه 

طبعا عيوني بقو كده🤩🤩🤩 

قلته ليهاتسلمي يا امي  ياغاليه انا بحبك شديييد ووقلته ليها انا ماشه ارتاح 🥱

قالت لي اها اول يوم كان كيف ؟😃

(ما كان نفسي احكي )قلته ليها كان كويس وحلو وجريت🏃🏼‍♀️ على اوضتي رقدت في السرير وفكرته في الحصل وحسيت روحي كرهته😣 الولد دا ودي كانت اول مره في حياتي اكره زول ونمته بي هدوم الجامعه 😴جاتني صحيه بليل 🌌 مشيت استحميت🧼🛀🏻 وغيرته وشلته التلفون 📱لقيت 4 مكالمات فائته من سحر قلته ارجع ليه لكن لقيت الساعه 2:15 صباحا قلته مامشكله بلقاها في الجامعه  ورجعته نمته لمن صحيت لقيت الساعه 10😨 وانا عندي محاضره الساعه 11 قمته سريع سريع اتجهزته ومشيت لقيت سحر جمب باب الجامعه قالت لي قلقته عليك مالك ما رديتي 

قلته ليها مما جيت طوالي نمته شفته مكالماتك الساعه 2:15

قالت لي ايواا ما مشكله ارح  سريع اتاخرنا على المحاضره 

دخلنا حضرنا المحاضره ومشينا الكفتريا  واثناء ما بناكل 🌭🥪 ولد امبارح جا داخل  وانا لسه زعلانه منو جاء طلب سندوتش ومرق بعديو جات بنت👱🏻‍♀️ قعدت معانا واتونسنه معاها  

قلت ليهااسمك منو ؟

قالت لي تبيان

قلنا ليها انا وسحراسمك حلو ( البنت كانت حلوه ماشاء الله عليها ) 

البنت قالت لينهة عيونكم الحلوين 🙈

وبعد ما اتونسنا معاها طلعت  ساكنه الحلفايا   ونحنا طالعين اتفاجاته لمن  عايزه تطلع في عربيه الولد داك 😳قامت شافتنا وقالت لينا تعالو اركبو من البدايه قلته لي سحر لا لكن تاني اخدني الفضول🧐 اعرف هي بتعرفو كيف المهم ركبنا والولد متذكرني وبعاين لي بي مرايه العربيه وانا اشيل واحمر ليو (علما بي انو انا مابعرف الحمر منظري بقى زي العويره 🤓) سالته تبيان قلته ليها دا منو 🙂

قالت لينا دا خوي اسمو مؤيد بقرا في خامس (ومؤيد دا ساكت 🤐ما قال اي حاجه لحدي ما وصلنا البيت (الولد عامل فيها مؤدب😇 قدام اختو)

انا في اللحظه ديك قربته اغمر 😶البنت ظريفه لكن اخوها الحمد لله بس 

قلته ليها ايوااا ومعاها ابتسامة😀 

وصلته البيت ودخلته اوضتي وقفلتها وكنته في اللحظه ديك بفكر انهي علاقتي بي تبيان لكن قلته البت مسكينه مازي اخوها الكعب دا 

اتغديت ونمته طوالي

بعد اسبوع 

ابوي جاب لي العربيه وانا ماشه على الجامعه عملته حادث مع عربيه تانيه لمن نزلته لقيتو دا مؤيد وبقينا نتشاكل ونتشاكل🤬😡 لحدي ما جاء المرور👨🏼‍✈️ وطلعوهو هو الغلطان😁 وانا مشيت الجامعه وحكيت لي سحر وتبيان 

سحرقالت لي الحمد لله الله ستر ما حصل ليك حاجه 

تبيان:(شكلها كانت حاسه بالذنب لانو اخوها هو الغلطان😟) قالت لي انا اسفه وياريت تسامحيني انا ومؤيد 

قلت ليهة انتي ماعندك ذنب ياتبيان دخلنا المحاضره ومرقنا طوالي وصلته سحر وتبيان مشت مع اخوها 

بعد شهر من المشاكل مع مؤيد وكل مره يطلع لي في حته انا بقيت ما طايقه خلقتو ولو شفتو في الجامعه ما بعاين ليو 

(بنتونس في قروب فيهو انا وسحر وتبيان بس 

تبيان:عليكم الله تعالو لي 

قلته ليها شرط اخوك مايكون في البيت

سحر:ان شاء الله لو لقيت طريقه 

تبيان :خلاص تعالو بكره مؤيد مارق مع اصحابو بجي العشاء 

قلته ليها خلاص كويس  

وقفلنا على كده اصلا بكره كانت اجازه 

من الصباح اتجهزته😆😆 ومشيت لي سحر وتاني  مشينا لي تبيان وقعدنا معاها لحدي العصر فجأة باب الشارع يفتح ودخل مؤيد قلته لي تبيان انتي ما قلتي ما بجي اسه مالو جاء قالت لي ما عارفه وطوالي انا شلته شنطتي وودعتها قالت لا لا اقيفي ماتمشي وانا طالعه وهو لسه ما دخل كويس قال لي السلام عليكم ولا رديت ليو طوالي طلعته مشيت البيت واتعشيت وفتحته التلفون لقيت 

رواية كرهته💔ثم احببته❤️
الكاتبه :نادين عبدالغني 
(3 )

فتحته التلفون لقيت طلب صداقه من زول مسمي روحو زول رائع😎 فتحته صفحتو لقيت منشورات ضحكتني😂 قمته قبلته الطلب وقفلته التلفون ونمته صحيت مشيت الجامعه لقيت جدول امتحانات نهايه السنه معلق🙂 صورتو ودخلته المحاضر انا وسحر وتبيان ما جات الجامعه قمته ضربته ليها طلعت عيانه🤕 بعد الجامعه مشيت ليها انا وسحر لقيناها رقده وشكلها عيانه شديد🤧🤢 قعدنا معاها شويه جاء اخوها سلم علينا ومشا وانا رسلته ليها الجدول ومرقنا منها اثناء ما انا سايقه اسمع صوت التلفون جاتني رساله ما فتحتها لحدي ماوصلته البيت لقيته من زول رائع كاتب لي فيها هلا ياعلا (انا اصلا في الفيس مسجلة روحي علا أحمد )قلته ليهو اهلين قال لي ممكن نتعرف قلته ليهو الاسم انت عرفتو وانا في الجامعة قال لي انا اسمي ماهر  برضو بقرا في الجامعه انتي سنه كم قلته ليو اولى وانت قال لي انا في خامس وقفلته التلفون على كده 

بعد اسبوع بدت الامتحانات وبقيت مشغوله بقرا📒📔 عشان ما املحق والولد تاني ما رسل لي بعد انتهت من الامتحانات الولد تاني رجع يرسل وبقيبنا نتكلم مع بعض كتير وحبينا بعض❤️ واتعلقنا مع بعض شديد من دون ما نشوف بعض ولا حتي نتكلم تلفون تاني شال رقمي وبقينا نتكلم اتصالات والعلاقه استمرت كده 6 شهور بعديها قال لي انا كذبته عليك في حاجه وياريت تسامحيني قلته لي في شنو قال( انا اسمي الحقيقي مؤيد وانا اخو تبيان بقرا معاك في نفس الجامعه وانا بعتذر عن اي موقف زمان عملتو ليك لكن بس كان على سبيل الهظار صاح انا كذبته في اسمي لكن صدقته في اي حاجه تانيه وبالجد انا حبيتك من اول يوم في الجامعه لكن الظروف البلاقيك فيها ما ساعدتني واذا انتي بعد ما عرفتي انا منو ما عايزه تسامحيني  فإتذكري انو انا حبيتك وقرار انهاء العلاقه في يدك )بعد ما قريت الكلام دا عيوني دمعو وزعلته شديد لانو ما بحب زول يكذب على قفلته التلفون ونمته الصباح ما مشيت الجامعه قعدته في البيت وسحر وتبيان جوني في البيت وحكيت ليهم قامت تبيان قالت لي مؤيد ما كعب  انا اختو الوحيده وكنته بئر اسرارو صديقيني مؤيد ما حبا ليو وحده من دخل الجامعه وانتي البنت الوحيده الحباها قلته ليها هو ما كان يكذب على قالت لي اذا وراك الحقيقه انتي كنتي ها تحظريو قلته ليها واسه ها احظرو الاتغير شنو قالت لي لا لا عليك الله اديهو فرصه (كلامنا دا كلو وسحر بتعاين بس ) سحر قالت لي جربي اديهو فرصه ياعلا قلته ليهم 

رواية كرهته💔ثم احببته ❤️
الكاتبه: نادين عبد الغني 

(4)

قلته ليهم انا ما ها اديهو فرصه ولا اي حاجه قالو لي انتي اصلا ما بنفع معاك الكلام ومشو مني قريب العشاء وانا فتحتا الرساله وتاني قريتها وحسيت بي شعور غريب اول مره في حياتي اشعر بيو صليت العشاء ونمته وصحيت صباح اليوم بدري جهزته ومشيت الجامعه امي زاتها استغربت مني 

دخلته المحاضره ومرقته لقيت مؤيد واقف جمب باب القاعه قمته مشيت سريع قام مسك لي يدي قال لي يعني ما عايزه تسامحيني فكيت يدي منو ومشيت مرت ايام وهو كل يوم بنتظرني بره القاعه قلته ليو انا صاح ما حظرتك لكن دا مايعني اني سامحتك ومشيت منو بالعصر وانا راجعه البيت في عربيه وقفت قدامي وقفته وانزلته لقيتو مؤيد قال لي سامحيني وانا بحبك وانا ما متحرك من هنا الا تسامحيني قلته ليو اذا ما اتحركته بجيب المرور قال لي جيبي (انا كنته خايفه عليو عشان كده ما جبته المرور )قلته ليو تاني لو سمحته ممكن تزح قام قال لي كويس عشانك ها مشي ومشا وانا مشيت والشارع كلو بفكر ياربي اسامحو ولا لا في النهايه قلته خلاص بديو فرصه صباح اليوم مشيت الجامعه ومؤيد ما جا وليو اسبوع ما جاء تاني لا هو لا تبيان قمته مشيت ليهم في البيت مافي زول فتح ضربته لي مؤيد ما رده ضربته لي تبيان قالت لي انا قاعده في المستشفى🏥 مع مؤيد قلته ليها مالو قالت لي  عمل حادث واسه هو في غيبوبه ليهو اسبوع 😨😭الدموع بقو يجرو من عيوني من دون ما احس قلته ليها انا جايه عليكم وقفلته الخط ونسيت اعرف اسم المستشفى قلته ارجع ليها لقيتها مرسلاهو لي مشيت سلمته عليها وحنسته الدكتور يخليني ادخل دخلته وبقيت ابكي بي صوت 😭لمن شفته حالتو وشفته الاجهزه مركبه فيو ودقات قلبو منخفضه وبقيت اقول ليهو قوم انا مسامحاك والله مسامحاك وبعديها اسمع جهاز دقات القلب عمل تنننن😨 اشار لي توقف القلب والدكاتر والممرضين👩🏻‍⚕️👨🏻‍⚕️ جرو عليهو وطلعوني بره وانا  وتبيان بقينا  نبكي😭 وقلته لي تبيان انا مسامحه اخوك وبقيت ادعي ليهو🤲🏻 بعد مسافه طلع الدكتور قال لينا

 رواية كرهته💔ثم احببته ❤️
الكاتبه: نادين عبدالغني 
(5)والاخيره 

بعد مسافه الدكتور طلع وقال لينا المريض حالتو حرجه شديد وبدا بنزف تاني ومحتاج لي عمليه مستعجله  و محتاجلي قزاز دم مشيت جبتا القزاز من بنك الدم وتبيان وجاتها سحر  قعدو في المستشفى رجعته والدكتور دخلو العمليه وبعد انتهت جا طالع وقال لينا  مبروك المريض اتعدى مرحله الخطر انا و تبيان وسحر  بقينا نحمد في الله وجرينا دخلنا والدموع في عيوني ووشي محمر من البكى قلته ليو ياغبي يا مبتعرف تسوق خوفتني عليك 🥺 انا مسامحاك وانا بحبك❤️🥺 قام قال لي منو القال ليك انا بحبك😁 قمته بكيت 🥺قال لي بهظر معاك انا بموت فيك وبعد اسبوع وانا كل يوم بجيو بعد الجامعه طلع من المستشفى وبقا تاني بجي الجامعه واتخرج واشتغل وانا في سنه تانيه ولسه بنحب بعض وكان بجينا في البيت وامي وابوي عرفوه وبجيني في الجامعه وعلاقتنا استمرت تاني 3 سنه وانا اتخرجته قام جا اتقدم لي واهلي وافقو وعملنا الخطوبه💍  وعقدنا واتصل لي يوم العقد وقال لي عروستي البكايه 😂وانا ابكي  بي المساء جا ساقني من الكوفير وعملنا عرسنا وكنا احلى عرسان👰🏻🤵🏻 وبعد شهرين طلعته حامل🤰🏻 وكنا فرحانين وولدته🤱🏻  بت وولد توأم 👨‍👩‍👧‍👦سميناهم مزن ومازن ربنا يخليهم لي ويحفظهم ويخلي لي ابوهم وتبيان عرست ولد اهلهم وعندها بنت اسمها لجين اما سحر مخطوبه من واحد كان بقرا معانا في الجامعه وبتجهز لي عرسها 

النهايه🎀