احبتني لقيطه رواية سودانية بقلم اديب محمد

لتحميل الرواية PDF

#احبتني_لقيطه😍💜
اديب محمد

-1- 

اديب محمد😎:

#احبتني_لقيطه😍💜

انا امل 😊عمري 22سنه انا جارني ابوي بالطول ده علي حسب كلام امي ،،، "حلبية" ع قول بنات الحلة ،، ابوي  متوفي من زمان امي  ربتنا  نحن ناس على قدر حالنا  ماما شغاله في مشغل خياطه في البلد  عندي اخوي اصغر مني اسمو عادل لما ابوي كان عايش كنا  عايشين حياة  حلوه لكن لما ابوي مات اتقلبت حياتنا راسا على عقب كل الاوضاع اتغيرت انا خليت المدرسه بقيت شغاله مع امي   في المشغل عشان اساعده مع اني  كنت صغيره جدا بس امي كانت بتعتمد على في كل حاجه كانت بتقولي انا متفائلة بيك جدا حاسه انك تكوني حاجه كبيره في المستقبل كانت على طول ترمي اللوم على نفسها لانها  ما قدرت تخليني اكمل دراستي و كانت حاسه كانو ده تقصير منها،،،،  لما كبرت شويه قلت ليها يا امي انا عايز اسافر خليني امشي الخرطوم  اشتغل هناك في البلد هنا  ما في شغل  على الاقل اساعد نفسي و اسعادكم .. ،، خالتي سعاد جارتنا  بنتها شغاله في المدينه وانتي شايفاها بتمشي وبتجي كل مره خليني امشي اشتغل معاها عشان اقدر اساعدك واساعد عادل 😞 ،،، لا لا مستحيل يا امل اخليك تسافر  براكي🖐🏽😳  انتي لسه صغيره و انا بخاف عليكي نحنا ما عندنا زول في الخرطوم حتعيشي كيف  هناك والبلد ديك الناس بقولو العيشة فيها صعبة ي بنتي🖐🏽😪 احسن تكوني قدامي حني لومتنا من الجوع شيلي الموضوع ده من راسك خالص ،،  أثناء مابنتكلم دخلت رقية بنت خالتو سعاد الكنا بنتكلم عنها ،،،، ياخالتو امنه كيفك 🖐🏽😊انا جاية اسلم عليك واودعك لانو بعد بكره حامشي الخرطوم وعايزه اشوف امل جهزت حاجاتها ولالا?? يارقيه كيفك يابتي اقعدي ماتقيفي خليني امشي اعمل ليكي كوباية قهوه ... لالا ي خالتو انا فطرت هسي لكن تعالي اقعدي واحكي لي ليه ماعايزه امل تسافر وتطلع من البلد عارفة ي خالتو هناك حاتلقي شغل حلووو والله وحاتساعدك انشالله اوعدك اكلم سيد البيت  الانا شغاله فيهو  يشغلها ،،،، قاطعتها امل لكن يارقية انتي عارفه انا ماكملت تعليمي وانتي قلتي الناس الشغاله معاهم ضيوفهم كلهم اجانب وناس بره ديل انا حاتكلم  معاهم كيف? 😨😨 ،،،  هههههه يابت انتي حاتتكلمي معاهم قدر شنو اصلو ماياهو حاجات صغيره ،، ،،، ناس هاي وباي وثانيكو 😅😅... ي امل الموضوع ده خلي علي انتي بس وافقي وجهزي حجاتك ،،، حتي الشغل ماحار والله لانو اابيت كبيييييير فيلا 5 طوابق ،، ومشغلين حبشيات للنضافه وكده ونحن حانهتم  بالاطفال والاكل وكده يعني الشغل محايكون صعب واي وحده من الناس الشغالين عندو غرفة صغيره كده براهو حقتو فيها ملابسو ومستلذماتو  ،،، ياخالتو عليك الله وافقي مادام الشغل حلال يبقي مافي داعي للخوف ده ،،، وانا امل بختها في عيوني الاتنين انتي اتطمني ،،، المهم بعد تحانيس واقناع حتي امي وافقت ع السفر بس لفتره مؤقته كم شهر قالت اذا حسيت نفسي مامرتاحه ارجع طوالي ،،، ماصدقت طبعا 😍😍😍😍  وجريت نزله شنطة ابوي حقت الملابس الليها 20سنه قديمه طبعا ومنتهية بس اعمل شنو ماعندي غيرها ،،

#يتبع

اضغط متابعة لصفحتي

او انضم لقروب الواتساب

-2-

اديب محمد😎:

#احبتني_لقيطه 

.

.

اثناء ما انا بجهز في شنطتي جات خالتو سعاد لامي بره وبقت تتكلم معاها لانو عارفه انا دي اول مرة ابعد عن امي فيها ،،     ما تخافي على امل يا امنه  بتك كبرت 😀 خلاص حتقدر تعتمد على روحه و لازم كمان تشوف مستقبله مش كفايه خلت الدراسه خليكي جنبها وساعديها ما تبكي خليكي قويه هي  محتاجه لي زول يقويها و لو انتي بكيتي هي ح  تضعف و ما في حاجه بتحصل ما مقدرة من ربنا ما تخاف عليها و خليها على ربنا،،،،، 😀 ،، يا سعاد انا ما خايفه عليها و بس انا حا موت لو امل حصلت لها حاجه ابوها خلاها امانه في رقبتي قبل ما يموت قلي حافظ عليها في عيونك الاثنين و هي ماشه هسي  خلاص انا اعيش من غيرها  كيف 😔 22 سنه ما غابت من عيني فجاه القاها ما في الحاجه دي ما ساهلة  علي 😔😔 كمان امل ما احصل طلعت برا البلد احسن رقيه شويه كانت بتمشي لي عماتها في الخرطوم و ترجع لكن  امل من يوم ما انا جيت بيها البلدي احنا تاني ما طلعنا منها و انتي عارفه يا سعاد الطريقه جينا بيها البلد كيف كمان  عارفه الحصل من 20 سنه و من الحصل هناك بقيت  اتخيل الخرطوم وحش ممكن يهجم  على امل و ياكله بس بقى عندي خوف منها 🖐🏽😔،،  يا امنه الحصل من 20 سنه مستحيل يرجع ويتفتح تاني خلي البنت سافر و تشوف حياته ،،، 😒حاضر يا سعاده حخليها تسافر تشوف مستقبلا 

(خالتو سعاد وامي بتربطهم علاقة حلوه شديد انا من اتولدت ووعيت ف الدنيا عرفتهم صحبات بيوتنا فاتحه في بعض ،،، بس الغريبة كنت دايما بحس انو في حاجات مشتركة بينهم اسرار وحاجات مافي زول عارفة غيرهم ،،، طوالي بكونو مع بعض مابغرقهم الا النوم علاقتهم بالجد تحير عشان كده انا كنت بقول لخالتو سعاد امي سعاد ورقيه كمان كانت بتقول لامي امي امنه )) المهم  في اللحظه دي طلعت برا و كنت مجهزه شنطتي طلعت لقيت امي وظاهر عليها الخوف 😓😓 يا امي ما تخافي علي و الله العظيم حاكون كويسه وهاندي رقيه معي انت بس ادعيلي ربنا يوفقني بشغل كويس و ان شاء الله بعد ما اشتغل كلنا حانجي   الخرطوم ونعيش هناك😍 وخلي عادل اخوي يكمل  تعليمو 😘😍😍  ضحكت وقالت لي يابت انا البلد دي مابفوتها الا بجنازتي 😊حضنتها شديد وقلت ليها اوع اسمعك تقولي كدو تاني ي امي 😔😢 قالت لي طيب امشي نومي عشان بكره حاتصحي بدري تمشي الموقف وتركبو البص وحاتعدو يوم طويل حتي تصلو 😘 بوستها في جبينها وطلعت ،،، طوووول  الليل  كنت نايمه في الغرفه و بتخيل ممكن حياتي تتغير كيف😅😅 لو انا مشيت الخرطوم كنت  بتخيل حايكون صحباتي منو ،،، حلاقي منو حاتكلم كيف والناس الهناك عايشين كيف😅😅😅 لحدي ماجا اليوم التاني مشت امي وخالتو سعاد معانا الموقف ودعتني امي وحاولت قدر الامكان ماتبكي قدامي عشان هي عارفه لو نزلت منها دمعه صغيره واحده انا ممكم اخلي اي شئ ،، وصتني كتيييير ،،، خلي بالك من نفسك ،،، اوعك من الصحبات ،،، تخليكي ف شغلك بس ،،، ماتطلعي من الحته الشغلة فيها تتضربي لي كل يوم عن بتاع الدكان الفي الحله كل يوم فهمتي .. حاضر ياامي 😊😃 اوعدك حاضرب ليكي كل يوم ،، خالتو سعاد خلي بالك من امي طيب ختيها ف عيونك ،،، حاضر يابتي سعاد دي اختي ،،، يلا خلو بالكم من بعض ،،، ركبنا البص وودعناهم🙋 والبص اتحرك ..

#يتبع

↚

-3-

 اديب محمد😎:

#احبتني_لقيطه

.

. 

  وصلنا المدينه الساعه 5مساء ...   كنت مبسوطه شديد 😍 😍 اول مانذلنا راسي جاط شديد مدينه جديده علي عربات كتيرة وزحمه وناس كتيرين ،، مسكت في رقيه ،، يارقية دي شنو الزحمة دي ،، ديل كلهم ناس وماشين وين زاتو😬 ،،، ي امولا نحن في العاصمة يعني لاذم تكون كبيرة وفيها ناس كتيرة بس اطمني هنا حاتعرفي ناس كتار وحاتشوفي اماكن حلوه شديد غير الفي البلد ،،،، يارقية هههههه انتي بتضحكيني هي البلد اصلا في اماكن  جميلة وصلنا بيت كده لقينا فيهو مره كبيره يعني عمرها بكون زي ناس امي وخالتو سعاد   وبنتها اسمها ليلي ،،، سلمت ليلي ع رقيه سلام معرفه  وقالت ليها ،، مش وعدتني ماتغيبي كتير ليه يعني طولتي ،،، ليلي ماطولت انا كلها اسبوع😅 انتي عارفة امي هناك براها ولاذم كل شوية امشي اشوفها ،،، ولقيتيها كيف 😍،،، كويسه شديد تعالي اعرفك دي امل بنت جيرانا في البلد هناك يعني تقدري تقولي كده زي اختي 😍😊😘 جبتا عشان تشتغل معانا في البيت الشغالين فيهو ،، طيب كويس جدا انا اسمي ليلي ي رقية ،انتي من الليله عندك اختين مااخت وحده طيب ودي امي 😊 اسمها اماني ،، اهلين ياخالتو اماني مبسوطه شديد بيكي اول ماشفتك اتزكرت امي ،،، مرحب بيكي يابتي ماشاءالله ماشاءالله انتي جميلة جدا 😍ربنا يحفظك ويغطيك من العين اتبخري يابتي و من يوم الليله انا امك عديل زي انا ام رقيه وليلي 🙂 صحبات ليلي كلهم بناتي  ،،  ليلي قالت لي تعالي ي رقية اوريكي غرفتنا طبعا عشان بيتنا زي ماانتي شايفه صغير امي بتنوم بره في الصالة وانا وليلي هاندي غرفتنا اصلا ماقاعدين نقعد فيها كتير لانو قاعدين ف البيت الشغالين فيهو ،،، (بيتهم ماكان اكبر من بيتنا الفي البلد وحالتم المادية قريبه لحالتنا  رغم بساطة البيت لكن كان مليان بالفرحه 😍) .. نومتا بالليل مع ناس رقيه و ليلي وطول الليل كانو بحكو لي عن البيت الشغالين فيهو ناس كيف 😍 وعايشين كيف ،، وقدر شنو هم أغنياء و بحكو لي عن الحفلات البعملوها وعن لبسهم وسهراتهم كنت حاسه كانو البحكوهو لي ده خيال 😅 قلت ليهم انتو جادين في البتقولو ده يعني الناس ديل عايشين كده ماقادرة اصدق ،،، ليلي قالت لي اصبري بكره تمشي وتشوفي بعينك 😉 بس اوعك تتخلعي وتفتحي لينا خشمك من البتشوفيهو ... كنت عايزه الصباح متين يجي عشان امشي البيت البقولو عليهو ده وفعلا جا الصباح ودعتنا خالتو اماني ووصتني قبل ماامشي اني لاذم اخلي بالي في شغلي و م اركز في حاجه تانية .. وماادخل في حاجه  مابتخصني ،،، قلت ليها حااااضر من عيوني وصلنا البيت وهنا كانت المفاجئة 😳😳 بيت كبيييييير ب 5طوابق اول مادخلنا شوفتا حوض سباحه كييير بقيت اضرب في رقية ،، ي رقية ي زفته ناس البيت ديل بيدخلو هنا 😳😳 ،، قالت لي اي 😅 كلهم بناتهم واولادهم قلت ليها انا عمري ماشفت الحوض ده الا في التلفذيون وماكنت عارفه انو في حاجات زي دي عندنا 😂😂 اسكتي اسكتي طيب ماتفضحينا ،، دخلنا جوه البيت وبقيت عامله 😳😳😳😳 رقيه ده كلووووووووووو بيت بتنضفوهو كيف هسي ده والكراسي دي رهيبه شوفيها كبيرة كيف  ده تلفزيون ي رقية 😳😳😳 لاحولا تلفذيون نص الحيطه ،، ي امولا دي اسمها شاشه 😅 هههههه شاشه والله امي لو شافت الشاشة دي وشافت تلفذيونا الا تحرقو ،،، اسكتي اسكتي خلاص هانديك المره ست البيت ناذله من فوق 🙊(جات وحده ناذله من فوق ماشاءالله عليها لابسة بنطلون اسود وقميص احمر وملونه شعرا ب الاشقر  كانت حلوه شديد 😍 وريحة عطرها من وهي في السلم فاحت ف المكان كلو 

بس الحاجه الماحبيتها فيها انا كانت صارة وشها 😠 ولا اصلا دي خلقتها كده ماعارفة ،،، سلمت علي وسلمت علي ليلي ورقيه ،، صباح الخير مدام دي البنت الحكيت ليكي عنها اسمها امل ،،، صباح النور رقية ،،، اهلين بيكي ي امل ،،، رقية وليلي انتو امشو شوفو شغلكم طيب وخلوها لي ( قالو ليها طيب ومشو خلوني وانا طبعا خايفة ومتفاجئة ب الشايفاهو في البيت ومن شكل المرة ومن اي شئ ) ماتخافي ي امل اتفضلي اقعدي في الكرسي ده ،، قعدت قالت لي ،،، شوفي انا اي زول بشتغل معاي هنا انا بعتبرو جزو من ناس البيت اهم شئ عندي النضافه ،، والالتذام بالعمل ،،، وتنفيذ الاوامر ،،، ده بس البلزمني ،، قامت وقغت ومشت علي اتجاه مكتبه كده موجوده نهاية الصالة الكبيرة وجابت لي صوره قعدت وقالت لي مفروض تعرفي البيت ده عايشين فيهو منو ،، دي صوره فيها العائله كلها ،، دي انا طبعا وده زوجي اسمو  قاسم زوجي مدير شركات ومصانع كبيره هنا واغلبيه شغلو بكون في الخارج يعني سفرو بكون كتير ،،، دي بنتي موده وهي عايشه ف امريكا بتجي اجازات عشان بتدرس هناك 😊 ده ولدي احمد بدرس في الجامعه هنا وده مستغر معانا في البيت ،، وده ولدي الكبير اشرف 😊 اشرف ماسك شغل ابوهو كلو هنا تقريبا كده هو الرجل التاني في العائلة بعد ابوهو ،،، اخر شئ دي بنتي يمني 😊 بتدرس ف الثانويه ،،،،  الاستاف الشغال هنا في البيت انتي ورقيه و ليلي واماني ام رقيه ، مديرة البيت والمش

رفة عليكم كلكم وحا تاخدو الاوامر منها ومني اسمها هند ،،، بقت تنادي ياهند تعالي ،،، نعم ي مدام جات هند لابسه اسكيرت اسود قصير وقميص ابيض ولافه شعرها كلو مع بعض ،،، قالت لي جه اللبس الرسمي بتاع الشغل ،، انا اي حاجة في مملكتي دي بتحصل بنظام ،، ماتشوفي عدد افراد الاسره  نحن طول الوقت بيكون معانا ضيوف ، اصدقاء العيلة ،،، صديقات الاولاد  ،،،، يعني غالبا ماحصل البيت بقي فاضي ،، هند خديها معاكي ووريها طريقة الشغل ،،، واعملي الترتيبات اللاذمه اخدي منها اوراق اثباتات الشخصيه 🖐🏽  (طبعا الكلام ده كلو حصل وانا مافاهمة شئ 😅😅😅 لانو كنت خايفة ومرتبكه )

#يتبع 

-4-

 اديب محمد😎:

#احبتني_لقيطه

.

. 

جيت لرقية وليلي واضحك 🙊😂😂😂ده شنو اللبستوني ليهو ده والله امي لو شافت رجولي برة كده حاتقتلني ،،، ردت لي ليلي يابت ده لبس الشغل 😅لاذم تلبسي كده المدام دي صعبة شديد بالمناسبة واهم شئ عندها النظام والاهتمام بالشكل الخارجي ،،، عشان بجوها ضيوف وحفلات وناس مهمين لاذم يشفونا كلهم بمنظر جميل 😃..... طيب نفسي اشوق الحفلات البتقوليها دي زي حفلاتنا في البلد 😍 وبجو شباب ويقعدو يرقصو كلهم ،،، يابت بلد شنو ههههههه عموما بكره في حفلة ماتستعجلي حاتشوفي بعينك 😉 ،،، هسي يلا عشان نجهز حاجات بكره وعشا بكرة لانو اليوم بكره محايكفينا لاذم نبدا هسي 😊 بسرعة قبل ماتجي هند المشرفه تشبكنا ليك اعملو وسووو وافعلو ،، المره العاملة وشها ذي اخر الشهر دي 🙊🙊.... شكلك بتكرهيها ي ليلي مالها هي معاكم ،،، ردت لي رقية مابنكرها والله بس هي بتاعت حركات ويوم تكوم كويسه وتتونس معانا ويوم تركب لينا وش حديد 😒😒 اسكتو اسكتو هاندي جات 🙊🖐🏽 .. 

دخلت هند ،، سلام عليكم يابنات ،، كيفك امل مع اول يوم ليكي ف الشغل ،،،، كويسه والله بس ياع اللبسة دي مضايقاني وحاسة بيها قصيرة وضيقة ماممكن البس جلابية 😍،،،،، (رقيه وليلي قعدو يضحكو 😂) قالت لي شنو 😳😳جلابية شنو عايزه المدام تنتحر ،،، انتي هنا لاذم تكوني كده استايل والحاجه الحلوه انك جميلة جدا ☺ ممكن تكوني واجهة مشرفه للبيت وللضيوف يلا يابنات نشوف شغلنا ،، عارفين طبعا انتو في الحفلات الزي دي بنعمل شنو جهزو شغلكم انا حامشي مع السواق اجيب باقي المستلذمات ،،، رقيه وليلي ارجوكم مااجي القاكم غلطو ف حاجه   

بعد ماطلعت بدينا الشغل وتعبنا ،، شديد خلصنا الغدا و قالت لينا هند وزعو الاكل في الصفره بره ،،، (اي شئ بنظام في البيت ده لكن بس هلكت وتعبت في الشغل ،، ) عدي اليوم الاول وبدينا اليوم التاني يوم الحفله جهزنا الحاجات ،،، وحوالي الساعه 7 كده بدت الحفلة وانا طبعا فاتحه خشمي زي العبيطه ،، الانوار بالالوان ،، وموسيقي  هادئة و الكراسي اشكالها غريبة تقعدي فيها تحس نفسك واقفة 😅😅 ،، كلوووو كوم والمعاذيم لما جو كوم تاني 😳😳😳 كنت واقفة في زاويه كده من زوايا البيت الكبير ده وقاعده اتفرج بس ،،، البنات لابسين كيف فساتين و حاجات كده تلمع .. قصير وطويل وضيق احمر واصفر واخضر الوان غريبة وناس اغرب وتسربحات بالنسبة لي مجنونه 😅😅😅 ده كلو وانا مزهوله جات ليلي جرتني قالت لي انا حاسة انو حانترفد بسببك تعالي شيلي العصير ده وديهو واعملي حسابك في ناس مابحبو البرتقال وفي ناس بتشرب مانجو ،،، في ناس بحبو الفراولة  في ناس بشربو سكر خفيف وماس مابتشرب سكر خالص وناس سكر كتير اعملي حسابك اي غلطه ممكن تتحسب علينا ،،، فهمتيني ،،، قولت ليها حاسه اني جوه تلفزيون 😂😂 شوفي البنات لابسين كيف اقسم بالله كانو مالابسين زاتو حاجات غريبه ،،، شلت العصير وبديت اقدم للناس بقدم للناس ف العصير ومفتحه عيوني زي الفنجان بعاين وبضحك براي زي المجنونه 😅 أثناء ماانا ماشه مااحس بنفسي الا وانا خابطه حد قدامي 😱😱😱 العصير اتكشح في الراجل وانا بقيت ارجف وهو بدا يصرخ ،، عميانه انتي ،، مابتشوفي    لايعني مابتشوفي 😡😡العيب مافيك في المشغلنك 😡😡😡😡 كان لابس بدله طلع الساعه والبدلة وبقي يكورك ،،،  جات وحده كده كانت واقفه قريب مننا وبقت تتكلم معاهو ،، خلاص اهدي يابيبي ماحصلت حاجه كبيرة شويه عصير و حاتغير اللبسة ☺بس انت اهدي الناس بتشوف فينا😬😬  انا طبعا كنت عاملة كده 😰😰 قال ليها كلو من الغبيه دي 😡 ،،، طوالي في اللخظه دي زعلت شديد كيغ يعني غبية 😡 وبعدين انت هسي جايط كده لشنو وبتكورك انا لو كنت شايفاك ماكان كشحت فيك العصير ،، بعدين انت تستاهل عشان شرير 😡😡😡 البنت المعاهو 😠😠 قالت لي ممكن تمشي تشوفي شغلك بدل ماانتي بتردي عليةو ،، جات جرتني رقية من يدي قالت لي انتي مجنونه صح 😱عارفه ده منو الكنتي بتشاكلي فيهو ده ،، قلن ليها يعني حايكون الرئيس ف النهاية هو غلطان ليه يقول لي غبية 😡😡😡 ... طيب ده اشرف ولد المدام الكبير والكانت معاهو دي خطيبتو ،، 😏😏 حاتشوفي ايام سودا انتي

#يتبع...

↚

-5-

 اديب محمد😎:

#احبتني_لقيطه

.

. 

  طول الليل بقيا خايفة وبرجف واقول لرقية خلاص حايطردني انا متأكدة ،، قالت لي ماتخافي ي امل اصلا مااظن يكون متزكر 😰 ليلي قالت لرقية ،، مايكون متزكر شنو يابت ده قلع الجاكيت بتاعو .. عديل وماشفتي كان شكلو كيف قرب ياكلها ولاخطيبتو العاملة زي السحلية دي 😏😏قلبي اصلو مابدورها مفترية كده  وشايفه روحها تقول مس لندن 😏😏     .. أثناء مابنتكلم رقية نامت ،، ليلي قالت لي ارح البلكونه نتونس شوية ،، مشينا قعدنا ،، قالت لي ي امل انتي حصل حبيتي ??! 😍 قلت ليةا شنوووو 😱😱والله امي تعرف تقطع راسي ،، ههههه ي مجنونه تقطع راسك ف شنو اصلو ده حب ولاحاجه تانية ،،، يابت نحن في البلد ماعندنا كلام حب وكده البنت من تبلغ بزوجوها انا الا امي كانت بترفض وبتقول البنت صغيره  حتي كانو بشاكلوها انتي كل البنات بتزوجوهم صغار لية بنتك بس  ،،،، فعلا ياامل اكيد حايسألو لانك جميلة شديد وحده بحلاوتك مابتتخلي 😍😍 (عاينن ليها وكان شكلي حزين ) شوفي ي ليلي تفتكري انا كل طموحي الزواج بالعكس كان نفسي اكمل تعليمي واخش الجامعه كان نفسي ابقي حاجه تفتخر بيها امي  ،،😓😓 ،،، يابت كلو قدر ومكتوب ارح ننوم عشان بكره الجمعه ومفروض نصحي بدري عشان نجهز الفطور ،،،

في الصباح جهزنا الغطور وبدينا نطلع فيهو ،، الصفره طبعا فيهت 20كرسي 😳😳 كانت معاي رقيه قلت ليها انتي هسي عاملين 20كرسي ليه 😏😏جنس بزار هو 🙊،،،، يابت اقغلي خشمك ده انتي مالك ومالهم  😂😂😂😂😂  المهم بدينا نوزع ف الصحون بس المدام واولادها الاتنين  نزلو مع بعض وشوفتو اشرف 😰😰😰 بقيت ارجف ،،، اخوهو احمد شاب كده لطيف وبحب الهزار سلم علي قال لي انتي امل صح ،، البت الجديده واووو علي فكلاه انتي حلوه شديد المره الجاية في الحفلة حاخليكي ترقصي معاي ماتخافي اعتبريني اخوكي الصغير 😅😅 ،،، المدام قاطعتو ،، ولد انا قلت شنو الناس مفترض تحترم الاكل وماتتكلم فيهو ولااتا حاعلمكم النظام من جديد  احمد جاني وقال لي في اضاني طبعا امي بتموووووت في النظام تحسي بيها رئيس رئيس كده انا بخاف منها 😅😅 ضحكت وغطيت خشمي عشان المدام ماتشوف ،، الوقت ده كلو اشرف كان بعاين لي ،، قال لي بلاي انتي الامس كشحتي فيني العصير 😒 قلت ليهو ايوه انا ،، بس والله يامدام ماقاصده ،، قال لي انا السألتك ماالمدام ولاحتي مابتعرفي  تردي زي مابتعرفي تشيلي العصير 😒😒،،، حسيتو احرجني واول مره اتحرج كده دمعتي قربت تنذل حبستها وجريت المطبخ ،، المهم بقيت اغسل في العده وابكي واقول في نفسي انا الجابني شنو للعزاب ده بس ماكان  اقعد في بيتنا معززه ومكرمة 😔😔😔 المهم أثناء ماانا بتكلم جات المدام داخله ،،، امل كنت عايزه اقول ليكي انو لو حاتكملي معانا شغل يبقي لاذم تستحملي اشرف هو شويه حاد ف تعاملو لكن قلبو ابيض ،، يلا عن اذنك ،،رجعت اتكلم مع نفسي تاني ،،، قلت المدام دي حتي وهي بتعتزر صارة وشها ،وقعدت اضحك 😅😅  في تلفون في المطبخ لو واحد من الناس الفوق عايز حاجه بيتصل فيهو ،،، التلغون رنا ☎☎ الو ،، جاني الصوت المابغباني داك ،، جيبي لي قهوة في غرفتي سرعه عشان انا طالع ،، 😰😰خلاص يعني انا الولد ده حاشوف وشو كل دقيقتين 😡😡😡😡 عملت القهوة وطلعت ضربت ع الباب قال لي ادخلي دخلت واشوف 😱 لابس ملابس البيت وانا طبعا ماعارفه انو ملابس البيت عند الناس ديل كده لابس بنطلون ومن فوق مالابس شي 😬  طوالي رجعت لفيت وشي تجاه الببت قلت ليهو ،، انت لما بتغيير ملابسك  كان تكلمني عشان م ادخل طوالي 🙈 اول مره اسمعو بضحك ،،،  ههههههههه بغير شنو يابت انتي مجنونه ،، طيب ختي القهوة في التربيزه دي وامشي شوفي شغلك 😂😂😂قلت ليهو سبحااااان الله انت بتعرف تضحك يعني😂 ،،، ?!😂 طبعا بعرف اضحك انتي فاكراني وحش ولاشنو ،،لا ماوحش لكن المرات الشغتط فيها كنت عامل زي الوحش ،، بعدين خليني اسألك هسي انتو 5 اشخاص بس ساكنين في بيت قدر ده لية 😒زاتو بجيب الاشباح ،،، بزار بس 😏،،،، بقي يضحك بااعلي صوت ليهو 😂😂😂😂😂😂😂يابت انتي بالجد مانصيحه ولسانك طويل كمان تستاهلي يردو ليك زي ماكنت برد ،،، بس اثناء ماانا بتكلم المدام جات داخله غرفة اشرف !!  امل??!! بتعملي في شنو هنا ،،، رد ليها اشرف لا مافي شئ بس انا كنت طالب قهوة ،، طيب اذا خلصتي ممكن تمشي ،،، طوالي جريت طلعت ،، غايتو الواضح كده انو الكل بخاف من المدام حتي اولادها ده الشئ الفهمتو من خلال تعاملهم مع بعض

#يتبع...

-6-

اديب محمد😎

#احبتني_لقيطه

رجعت المطبخ وانا بضحك وببتسم 😅😅،،، رقيه قالت لي مالك 😳،، لالا ماف شئ😅 بس مشيت وديت القهوة لااشرف وسبحان الله لقيتو بضحك طلع بضحك 🙊🙊 ،،،، لالا شايفاك ي امل الود شكلو عجبك 😉 بصراحه هو بعجب طول وقوام و قروش ووجاهة ياخ والله تستاهليهو احسن من السحليه خطيبتو دي 😏😏 ،، بس اثناء مانحن بنقطع تدخل علينا المطبخ خطيبه اشرف 😳😳😳 انا طبعا بقيت عاملة كدة قولتا جات في زمنها بالضبط مع القطيعه 😳😳😳،،، رقية قالت لي مالك ،،، قولت ليها بصوت واطي  السحلية وراك 🙊 اقصد خطيبه اشرف ،،،، قبلنا عاينا ليها الاتنين وظاهرة الخلعه في وشنا😰😰 ،،، قالت لينا مالكم سرحانين وين قلتا ليها لالا ولامكان ،،

المهم قالت لي رقية جيبي لي قهوتي في غرفة اشرف طيب وطلعت 😳 ،،، جريت رقية تعالي ي مجنونه طالعه وين دي بلبسها ده وبعدين مالها قال مابتلبس طرح ولابسة ليها فستان قصير كمان 😳😳😳 ،،،، رقية ردت علي يابت هي اهدي العربية الكبيره المظلله البرة دي حقتها من مكيف غرفتها لمكيف عربيتها للحته الماشاها قايلاها عندها سوق زينا كده 😏😏ولا بتمشي برجولا ،،، طيب ي رقية مامشكله قلنا اللبس لكن هي طالعه للراجل في غرفتو كيف اجي هسي المدام لو عرفت حاتعمل شنو  ??!😱😱 ،،،،، ياامل الناس ديل متحررين وتفكيرهم مازي تفكيرنا في البلد فهمتي ،،، ياختي تحرر شنو في النهاية الاخترام والاصول دي وحده 😏😏،،،، اسكتي ياامل اي زول ادري بالبعمل فيهو بعدين دي ماحاجه تخصنا نحن هسي مفروض ننجز سرعه الليله راجل المدام جاي من السفر استاذ "قاسم" هاندي القهوة جهزا شيليها وديها للسحليه المع اشرف دي وتعالي سرعه ماتتاخري ،، شلا صينية القهوة ومشيت فوق ونسيت مااخبط ع الباب 😰لسه انا مااتقلمتا علي الحاجات دي الاستئذان وكده كل مره بنسي المهم دخلت توووووش ،،،، بس اشوف السحلية قابضه في اشرف وحاضناهو اول مادخلت قامت فووووق وهرشتني 😡😡 ،،، الواحد لما يدخل مكان لاذم يستأذن الاول مش يدخل بطريقتك دي ،، قلت ليها اسفة والله ماكان قصدي اعفي لي انا بس بنسي  ،،، لالا لاذم تتعلمي وبنسي دي ماعايزه  اسمعها تاني 😡😡  اتدخل اشرف وقال ليها ي تاليا "خطيبتو اسمها تاليا "  الموضوع مابحتاج جوطه قدر ده قالت ليكي نست والبنت لسة جديده وماعارفة القوانين الهنا شويه شوية حاتتعلم ،، طيب اسف ي امل اتفضلي امشي 😊،،، ردت عليهو انت جادي ي اشرف كمان بتتأسف 😡 ،،،  قولت ليهو خير ماف مشكله  وطلعت مشيت جا اشرف وراي وقال لي والله العظيم انا اسف اصلا تاليا هي كده كلامها زي الرصاص قلت ليهو لالا عادي ياخ اصلا انا فعلا غلطانه مفروض اضرب الباب قبل ادخل قال لي طيب سمعيني ضحكتك الحلوه قبل تمشي 😊😊ابتسمت  وقلت ليهو والله مافي شئ  مشيت بسرعه ،، قلت لرقيه البنت شاكلتني عشان ماضربت الباب قبل ادخل 😅😅خايفاني اشوف عمايلا الوسخه دي 🙊🙊 ،،

المهم بعد ساعتين كده حسيت نفسي تعبانه وحاتني حمه وصداع المدام جابت لي الدكتور قال شويه ارهاق ومحتاجه اشرب سوائل كتيرة ،، المساء جا و وراجل المدام وصل من الشغل المره دي كان النظام اكتر من الاول ،، هند مديره البيت كانت بتقدم العشا بنفسها ،، الكل كان انيق ولابس لبس جميل حتي احمد الكان بشاغلني لما يكون قاعد ف الصفره المره دي سااااكت وقاعد باادب المدام واشرف والسحلية دي ،، بعد جهزنا العشا المدام قالت لي ارجعي ياامل غرفتك لانو الدكتور قال ماترهقي نفسك شديد ،، ماعارفه لية وقتها عاينت لااشرف لقيتو بهز لي براسو نظام بسألني وكان مركز معاي شديد ،،، والكويس انو خطيبتو ماشافتو كانت حاتعمل مشكلة  عدت الايام وانا واشرف بقينا نقرب لبعض اكتر ولما يكون ماف بحس في حاجة غريبة ف البيت وطول فترة مرضي كان بجي يطمن علي  😊😊 كنت بحس بيها تصرفات غريبة ،، بس في النهاية اكتشفت انو ده حب ،، ايوه انا بحبو اشرف 🙁☹ بس نهاية حبي ليهو شنو ،،، هو وين وانا وين ياخ مجرد التفكير في الموضوع ده برهبني وبرعبني مابقدر حتي اتخيل ردة فعل المدام ،،، برجع وافكر اكيد هو بتعامل معاي كده عشان بعطف علي مسكينه وبعيده من اهلي وبعدين اصلا هو خاطب ،،، بس برجع واقول ليه مامهتم برقيه وليلي زيي كده لو هي اساله مساله عطف ،المهم احاسيسي جايطه ومشاعري جايطه كمان

#يتبع...

↚

-7-

 اديب محمد 😎

#احبتني_لقيطه

ماكنت قادرة اميز المشاعر الحاسة بيها دي اذا كانت حب او مجرد تعويدة لانو كان قريب مني في الفترة الاخيرة حتي خطيبتو لاحظت  كده ،، المهم بقيت اتفاداهو كتير عشان مااخلي مشاعري تتحكم فيني ،، وفي يوم ،، الاستاذ قاسم زوج المدام طلب من رقية قهوة وتجيبها ليهو علي مكتبو قالت لي ممكن ي امل تعملي قهوة للاستاذ وتوديها ليهو علي مكتبو ،، قلت ليها حاضر مشيت ولقيت الاستاذ سلم علي ،،، اهلين اتفضلي .. وين رقيه ??! يااستاذ رقية بتعمل في حاجة ف المطبخ  ،، طيب مافي مشكلة علي فكره انتي اسمك منو قلتي لي ??! بتشبهي وحده كانت غالية علي شديد 😊 انا اسمي امل عثمان احمد الخليفه 😊،، اممممم امل عثمان احمد الخليفه الاسم دة ماغريب علي 😟 طي احكي لي عنك اكتر ،، المهم حكيت ليهو عني وعن ابوي وانو انا مت اتولدت ،، اتولدت في البلد وامي اسمها منو وكده ،،، المهم حسيت بوشو اتغير وجاب مية لون اول مااسمع اسم امي ،، وقام طوالي لبس بدلتو وبقي يقول مستحيل ،، قولت ليهو طيب يااستاذ والقهوة ،، ماردا علي وطلع 😳😳😳😳انا بقيت مخلوعه ده مالو اول ماحكيت ليهو عني كانو ركبو الف عفريت 😰😰 مااهتميت كتير شلت القهوة رجعتها ،، وفي طريقي صادفت اشرف نزلت راسي تحت وعملت فيها ماشايفاهو   جا وقف قدامي وقال لي امل انتي كويسه ،، انا كويسه شكرا ليك ،، انتي ليه بتتعاملي معاي كده ،، اتعامل معاك كيف انا مافاهمة هو مفروض نحن نتعامل كيف !!? ... شوفي ي امل انا عارفة انك مستغربة في تعاملي معاك كل الشهور الفاتت بس اذا ممكن ممكن تلاقيني بعد نص ساعه برة انا حاكون منتظرك بالعربيه برة رجاءا لو حابة تفهمي في شنو لاقيني اتصرفي بااي حجه واطلعي انا حامشي اغير ملابسي وحاطلع انتظرك برة ماتتاخري ... دخلت المطبع وانا متلخبطه 

وماعارفة المنتظرني شنو ولاهو حايقول لي شنو .. خفتا شديد بس اتحججت لرقيه وليلي اني الليله انا الحامشي السوق لانو هند كان مفروض تمشي والمدام رسلتها مشوار لبست اقرب عباية وطلعت لقيتو منتظرني بره ركبت العربيه (في اللحظه دي هند كانت راجعه من مشوار المدام وكانت راكبة عربيه البيت لمحت امل وهي عايزه تركب عربية اشرف بس لاامل ولااشرف ماشاوفوها  ) المهم طلعنا مشينا قعدنا في مطعم اول مره في حياتي ادخل مكان زي ده ولاحتي عمري كنت بحلم بيهو قال لي اطلب ليك شنو 

قلت ليهو ماعايزه حاجة ارجوك ي اشرف خليني امشي ماعايزه اعمل مشكله  😔 عايني ي امل ا من الاخر كده انا من اول ماشفت  ك وانا بفكر فيك وماكنت متاكد من مشاعري دي لحدي ماانتي بقيتي تتجاهليني وقتها بالجد حسيت انو انا بحبك وقبل ماتقولي اي شئ عارفك حاتقولي انت خاطب بس والله علاقتي دي علاقة عملية اكتر من تكون عاطفية زواج مصلحه وتبادل منفعه ابو تاليا شريك ابوي في جزو من الشركات اخدو قرار الخطوبه ده من غير اذني وابوي عارف رايي ف الموضوع ده ... طبعا اشرف كان بتكلم وانا كنت بس بعاين ليهو قلت ليهو ،، طب انت خلصت من كلامك صح عارف انا عمري مادخلت مكان زي ده كنت بشوفو في التلفذيون بس من الاخر كده شوف نفسك انت منو وانا منو انت وين وانا وين . ياود الناس انا والله العظيم جيت بلدكم دي عشان اشتغل واساعد امي واخوي ماعشان احب واحد ملياردير ،، يعني انا لاشبهك ولاانت شبهي شوف خطييتك وصحباتك  شكلهم لبسهم عيشتهم  انا ده ماتوبي مازيهم ولاعمري حابقي زيكم ،، انت اخسن ليك تتزوج من توبك ومن الناس الفي مقامك ،، قاطعني ي امل اوعدك لو وافقتي علي علاقتنا انا ح احل اي مشكله واقفه في طريقنا  اول شئ انا وتاليا حانفسخ الخطوبة امي وابوي حاعرف اقنعهم ،، حانجيب امك واخوك وحايعيشو في احسن حته هنا وحاخلي اخوكي يتعلم احسن تعليم ،، انا ممكن اعمل اي شئ عشانك لانو بالجد انا اول مره احس بااحساس الحب 🖐🏽😔 ،،، طيب انا حاقول ليك حاجة وحدة انساني وعيش خياتك الطبيعيه انا مستحيل اوافق علي العلاقة دي ولوسمحت هسي ممكن توديني السوق غشان انا مابعرف من هنا امشي كيف ،، طيب حاوديكي بس محاعتبر نفسي سمعت رد وارجوكي فكري .. طلعنا ومشيت السوق من رجعت وانا شارده شلت الصحن بغسل فيهو وقع واتكسر مني نزات ارفعو اتجرحت والجرح كان عميق ليلي جاتني مالك يابت لاحولا انتي ايدك بتنذف سيبي اي شئ وتعالي عقمت لي يدي ولفتها لي بشاش ،، انتي ماعجباني ليك كم يوم ماعلي بعضك احكي لي في شنو ، ماف شئ ي ليلي بس اشتقت لاامي ... امل ماتكزبي علي انا عارفه انك فيكي شئ احكي لي واوعدك لو ماوقغت معاك محاضرك .. بعد اصرار من ليلي حكيت ليها كل الحصل .... طبعا اتخلعت وقالت لي معقولة اشرف 😳 الود ده فعلا من اشتقلت هنا ماشفته بضحك الا بعد ماانتي جيتي المهم خليني انصحك اشرف شاب ممتاز والله محاتلقي زيو ،.. ماتستعجلي  في قرارك وصدقيني كل شئ بااوانه ويمكن ده قدرك الجابك من البلد عشان تلاقيهو هنا . المهم ارتاحي انتي في الغرفه هنا انا حارجع اكمل الشغل   ف المطبخ وبعدين نكمل كلامنا في اللحظه دي المدام وزوجها كانو بتكل

مو في غرفتهم ،. والمدام سألت قاسم . قاسم انت مالك في شنو من جيت من بره ماعلي طبيعتك ،،، ايوه انا ماعلي طبيعتي بزكرك شنو اسم عثمان احمد الخليفة السعداني الاسم ده متزكراهو 😰😰 ?????????!!!! شنوووووووو عثمان احمد الخليفة 😳😰😰😳😰😰😰😰😰😰😰😰

#يتبع...

-8-

 اديب محمد 😎

#احبتني_لقيطه

في اللحظه دي وش المدام اتغير وبقت خايفة شديد وبترجف وبتقول لراجلها مستحيل الكلام ده يكون صح وتكون دي بنت عثمان احمد  الخليفه انت اكيد بتهزر صح ?!! قولي انك بتهزر  الشئ الانا عارفه انو غثمان من يوم ماكان شغال معانا هنا وطلع وهو وعدني مايرجع تاني 😨😨 .... رد قاسم للمدام انتي مفتكره انو الماضي بيتقفل بالسرعه دي كلمتك انا قلت ليك ماتدخلي وانو الموضوع ده انتهي واصريتي انك تخليهم يطلعو من البيت ماضيكي بلاحقك يامدام !!! ...  المدام بقت مرعوبه وده الشي الكان ظاهر في وشها وهي بترد لقاسم .... يعني  كنت عايزني اعمل شنو اسيب وحده تدمر بيتي انت ناسي انك خنتني مع الشغاله  الكانت هنا كنت عايزني ابقي فضيحه وسيره علي كل المجتمع الانحنا عايشين فيهو يقولو زوج المدام بخونها مع الخدامه وبكره خبرك ينذل في الجريده .. 😡 وبعدين الماضي يلاحقني لية انا ماعملت شئ كل العملتو اني طردتها من البيت وقبل مااطردتها زوجتها لااحمد عثمان السواق عشان تعيش باقي حياتها مبسوطه واديتهم قروش يكفوهم لطول حياتهم ،، بس انا زنبي شنو انها ماتحملت الصدمه وانتحرت عشان حست انك خذلتها .... دي مشكلتك انت هي انتحرت بسببك انت مابسببي ..... لااااا يامدااااام لو نسيتي افكرك هي انتحرت عشان اخدتي منها حياتها وانتي عارفه انا بتكلم عن شنو  متزكره لما بقت حامل مني وانتي قولت ليها لاذم تنذلي وتجهضي  البيبي ولما رفضت رسلتي ليها ناس خطغوها بالغصب  وخلوها تجهض ،، حست انها فقدت اي شئ فقدتني رغم حبها لي وفقدت ولدها الكان ممكن ينسيها الالم والخذلان العاشتو معاي انتي السبب مع اني قلت ليكي وكلمتك خليها انا حاخدها وأجر ليها تسكن براها والبيبي اكتبو بااسمي وحايعيش بعيد عن اولادك ،،، انت مجنون كنت عايزني اسيب خدامه  تستولي علي ثروة اولادي من ولد حاتجيبو في الحرام ، بعدين انا كنت مقصرة  معاك في شنو كنت متزوج اجمل الجميلات بتشرفك قدام عيلتك واصحابك تقوم انت تخوني مع الخدامه   من يومك نسونجي وتحب اكل الشارع والاكل النضيف عمرك ماحبيتو

😅😅😅انتي ماقصرتي معاي ?? ياخ انتي كنتي بتفكري في نفسك بس مؤتمراتك شغلك بريستيجك طلوعك ونزولك شعرك كوافيرك انتي حتي كنت بترفضي تحسسيني بالحب ماحسيت ولو للحظه واحده انك حبيتني كل يوم عشته معاكي كنت بنتظر منك تحسي علي حالك  كنت بقول يمكن تتغيري وتحس انك متزوجه و يكون في حبه اهتمام منك بس انت السبب خليتني اخونك تصرفاتك الانانيه و غرورك وحبك لنفسك .... يااااااه بلاي الكلام ده كلو فيني .. انه طلعت بطل علي كده ،،، المهم هسي ماف شئ يخلينا نخاف يمكن يكون اسم امل اسم علي مسمي وحتي لو دي  بنت احمد ف الخدامه ماعندها بيها علاقة لانو كلنا عارفين انو الخدامه انا الخليتها  تجهض ولدك وده سبب انتحارها ،،

 (الحاصل مع امل ) 

اشرف وامل بقو يحبو بعض شديد والكلام ده ظاهر في عيونهم حتي لما يكونو وسط الناس نظراتهم لبعض واضحه انها حب ..  وفي يوم دخل اشرف من الشغل وجاري ماري جنب المطبخ وماشاف زول دخل ومسك امل من يدها وجراها لغرفتها لانو قريبه من المطبخ قفل الباب وهي بقت تصرخ ،، اشرف اطلع من هنا لو شافك زول انا حانتهي الله يرضي عليك ياخ اطلع من هنا ،،، لا ماحاطلع لو ماتكلمتي معاي وقلتي لي انك موافقه وعلي كل حال انا كده كده حاحكي لناس البيت بعلاقتنا فاشنو مافرقت يعرفو هسي ولابعدين .... طيب يااشرف حانتكلم بس بعدين .. طيب خدي انا جبتا ليك الموبايل ده عشان اتكلم معاكي بيهو واوعك تقولي محااشيليهو لانو حانط ليك هنا كل دقيقتين .... طيب يااشرف حاخدو بس انت اطلع وقبل ماايطلع اشرف مسكها من يدها وقال ليها والله العظيم بحبك ومستحيل اسيبك ،،، مهما يكون  فهمتي ... وطلع اشرف من غرفة امل وبس لما طلع للمرة التانيه تلمحو هند والمره دي هند بقت مستغربة البخلي ولد المدام يدخل غرفة امل شنو ... تلفون اشرف رنا وكانت المتصلة تاليا  📞📞 الو ،اشرف في شنو لي اسبوع بكلمك وماعايز ترد الخاصل شنو ... مافي شئ خاصل ي تاليا واصلا في موضوع كنت عايزه اتكلم معاك فيهو .. انا وانتي حاننفصل وياريت نتلاقي بعدين عشان اقدر اوضح ليكي اكتر 🖐🏽🖐🏽 .... نعم ??!  اشرف انت مستحيل تعمل كده كيف يعني ننفصل انت عارف انا بحبك قدر شنو ،، انا حاجيك هسي في البيت واتفاهم معاك .. قفلت الخط  وبعد اقل من ساعه كانه تاليا داخلة علي بيت ناس اشرف ولسؤ حظ امل قابلتها في وشها ،، سالت امل وكان ظاهر عليها الغضب في وشها ... اشرف وين 😡😡😡... امل قالت ليها موجود في غرفته و بحركه استفزازيه زحت امل بيدها وقالت ليها زحي من طريقي .. 

دخلت تاليا غرفة اشرف وامل هنا بقت محتاره ،، انشاءالله مايكون اشرف نفذ تهديدو و قرر ينفصل عن تاليا ،،، وبعد شويه الاصوات علت بين اشرف وتاليا وكانو بصرخو .. عايز تسيبني يااشرف انت مامن حقك تاخد القرار ده لوحدك كده فهمت 😡😡😡 وكمان انت ماحق وحده تانيه ولاعمرك حاتكون حق وحده تانيه طالما انا عايشه وبتن

فس انت ملكي انا يااشرف فهمت ولااعيدو ??! 

لامافهمت ياتاليا وده ماموضوع للنقاش انا وانتي ماينغع نكمل بالعافيه هو يعني 🖐🏽 ... ايوه بالعافيه يااشرف وبقت تصرخ اكتر وتبكي بالعافيه لاني بحبك .. المدام وقاسم سمعو الجوطه وجو جاريين لغرفه اشرف ،،، وبقو يهدو فيهم 

المدام اتكلمت مع اشرف ،، في شنو ??! 

ردت ليها تاليا ،، اشرف سيادتو عايز يفسخ الخطوبه .. وبقت تبكي بهستريا 

المدام اخدتها في وقالت ليها طب هسي انتي ماتبكي واشرف اكيد ماقاصد وده ماقرار بياخدو لوحدو واخدت تاليا وطلعت مشو غرفتهم ،،، بقي في الغرفة قاسم و اشرف .. قاسم قال لااشرف شوف انا ماكورك فيك زي امك احكي لي براحه الحاصل شنو ،،، ياابوي ماف شئ انا مابقدر اكمل معاها مابحبها ياخي حاولت قدر الامكان اني احبها بس ماقدرت ....

متفهم وضعك انا ب ي اشرف انت اهدي وروق وكل شئ بيتحلا و اكيد انت ما حتتزوج غصبن عنك بس روق و احكي ليه ليه اخدت القرار في الوقت ده  بالذات انت في زوله في حياتك صارحني عااديب محمد😎:

ان السواق عشان تعيش باقي حياتها مبسوطه واديتهم قروش يكفوهم لطول حياتهم ،، بس انا زنبي شنو انها ماتحملت الصدمه وانتحرت عشان حست انك خذلتها .... دي مشكلتك انت هي انتحرت بسببك انت مابسببي ..... لااااا يامدااااام لو نسيتي افكرك هي انتحرت عشان اخدتي منها حياتها وانتي عارفه انا بتكلم عن شنو  متزكره لما بقت حامل مني وانتي قولت ليها لاذم تنذلي وتجهضي  البيبي ولما رفضت رسلتي ليها ناس خطغوها بالغصب  وخلوها تجهض ،، حست انها فقدت اي شئ فقدتني رغم حبها لي وفقدت ولدها الكان ممكن ينسيها الالم والخذلان العاشتو معاي انتي السبب مع اني قلت ليكي وكلمتك خليها انا حاخدها وأجر ليها تسكن براها والبيبي اكتبو بااسمي وحايعيش بعيد عن اولادك ،،، انت مجنون كنت عايزني اسيب خدامه  تستولي علي ثروة اولادي من ولد حاتجيبو في الحرام ، بعدين انا كنت مقصرة  معاك في شنو كنت متزوج اجمل الجميلات بتشرفك قدام عيلتك واصحابك تقوم انت تخوني مع الخدامه   من يومك نسونجي وتحب اكل الشارع والاكل النضيف عمرك ماحبيتو

😅😅😅انتي ماقصرتي معاي ?? ياخ انتي كنتي بتفكري في نفسك بس مؤتمراتك شغلك بريستيجك طلوعك ونزولك شعرك كوافيرك انتي حتي كنت بترفضي تحسسيني بالحب ماحسيت ولو للحظه واحده انك حبيتني كل يوم عشته معاكي كنت بنتظر منك تحسي علي حالك  كنت بقول يمكن تتغيري وتحس انك متزوجه و يكون في حبه اهتمام منك بس انت السبب خليتني اخونك تصرفاتك الانانيه و غرورك وحبك لنفسك .... يااااااه بلاي الكلام ده كلو فيني .. انه طلعت بطل علي كده ،،، المهم هسي ماف شئ يخلينا نخاف يمكن يكون اسم امل اسم علي مسمي وحتي لو دي  بنت احمد ف الخدامه ماعندها بيها علاقة لانو كلنا عارفين انو الخدامه انا الخليتها  تجهض ولدك وده سبب انتحارها ،،

 (الحاصل مع امل ) 

اشرف وامل بقو يحبو بعض شديد والكلام ده ظاهر في عيونهم حتي لما يكونو وسط الناس نظراتهم لبعض واضحه انها حب ..  وفي يوم دخل اشرف من الشغل وجاري ماري جنب المطبخ وماشاف زول دخل ومسك امل من يدها وجراها لغرفتها لانو قريبه من المطبخ قفل الباب وهي بقت تصرخ ،، اشرف اطلع من هنا لو شافك زول انا حانتهي الله يرضي عليك ياخ اطلع من هنا ،،، لا ماحاطلع لو ماتكلمتي معاي وقلتي لي انك موافقه وعلي كل حال انا كده كده حاحكي لناس البيت بعلاقتنا فاشنو مافرقت يعرفو هسي ولابعدين .... طيب يااشرف حانتكلم بس بعدين .. طيب خدي انا جبتا ليك الموبايل ده عشان اتكلم معاكي بيهو واوعك تقولي محااشيليهو لانو حانط ليك هنا كل دقيقتين .... طيب يااشرف حاخدو بس انت اطلع وقبل ماايطلع اشرف مسكها من يدها وقال ليها والله العظيم بحبك ومستحيل اسيبك ،،، مهما يكون  فهمتي ... وطلع اشرف من غرفة امل وبس لما طلع للمرة التانيه تلمحو هند والمره دي هند بقت مستغربة البخلي ولد المدام يدخل غرفة امل شنو ... تلفون اشرف رنا وكانت المتصلة تاليا  📞📞 الو ،اشرف في شنو لي اسبوع بكلمك وماعايز ترد الخاصل شنو ... مافي شئ خاصل ي تاليا واصلا في موضوع كنت عايزه اتكلم معاك فيهو .. انا وانتي حاننفصل وياريت نتلاقي بعدين عشان اقدر اوضح ليكي اكتر 🖐🏽🖐🏽 .... نعم ??!  اشرف انت مستحيل تعمل كده كيف يعني ننفصل انت عارف انا بحبك قدر شنو ،، انا حاجيك هسي في البيت واتفاهم معاك .. قفلت الخط  وبعد اقل من ساعه كانه تاليا داخلة علي بيت ناس اشرف ولسؤ حظ امل قابلتها في وشها ،، سالت امل وكان ظاهر عليها الغضب في وشها ... اشرف وين 😡😡😡... امل قالت ليها موجود في غرفته و بحركه استفزازيه زحت امل بيدها وقالت ليها زحي من طريقي .. 

دخلت تاليا غرفة اشرف وامل هنا بقت محتاره ،، انشاءالله مايكون اشرف نفذ تهديدو و قرر ينفصل عن تاليا ،،، وبعد شويه الاصوات علت بين اشرف وتاليا وكانو بصرخو .. عايز تسيبني يااشرف انت مامن حقك تاخد القرار ده لوحدك كده فهمت 😡😡😡 وكمان انت ماحق وحده تانيه ولاعمرك حاتكون حق وحده تانيه طالما ا

نا عايشه وبتنفس انت ملكي انا يااشرف فهمت ولااعيدو ??! 

لامافهمت ياتاليا وده ماموضوع للنقاش انا وانتي ماينغع نكمل بالعافيه هو يعني 🖐🏽 ... ايوه بالعافيه يااشرف وبقت تصرخ اكتر وتبكي بالعافيه لاني بحبك .. المدام وقاسم سمعو الجوطه وجو جاريين لغرفه اشرف ،،، وبقو يهدو فيهم 

المدام اتكلمت مع اشرف ،، في شنو ??! 

ردت ليها تاليا ،، اشرف سيادتو عايز يفسخ الخطوبه .. وبقت تبكي بهستريا 

المدام اخدتها في وقالت ليها طب هسي انتي ماتبكي واشرف اكيد ماقاصد وده ماقرار بياخدو لوحدو واخدت تاليا وطلعت مشو غرفتهم ،،، بقي في الغرفة قاسم و اشرف .. قاسم قال لااشرف شوف انا ماكورك فيك زي امك احكي لي براحه الحاصل شنو ،،، ياابوي ماف شئ انا مابقدر اكمل معاها مابحبها ياخي حاولت قدر الامكان اني احبها بس ماقدرت ....

متفهم وضعك انا ب ي اشرف انت اهدي وروق وكل شئ بيتحلا و اكيد انت ما حتتزوج غصبن عنك بس روق و احكي ليه ليه اخدت القرار في الوقت ده  بالذات انت في زوله في حياتك صارحني عارفني بخبك ومستحيل اغصبك علي شئ ماعايزو ... اي في ي ابوي .. في??! طب هي منو انا بعرفها .. بحكي ليك ي ابوي كل شئ في وقتو اكيد حاحكي ليك 

طلع قاسم من غرفة اشرف الوقت ده امل كانت في غرفتها خايفة من الحاصل فوق وبعد شويه الموبايل رنا 📞📞شافت لقت اشرف اصلا الموبايل جديد وماف زول عارفو غير اشرف

#يتبع...

↚

-9-

 اديب محمد😎

#احبتني_لقيطه

ردت امل علي التلفون .. اشرف الحاصل شنو فوق انا سامعه صراخ انشاءالله خير ..  حبيبتي انتي انا مش قلت ليكي محاسيبيك  انا حاسيب تالية خلاص وحكيت ليها واوعدك كل شئ حايكون تمام ... بس في اللحظه دي دخلت تالية ولقت اشرف بتكلم بالتلغون ،، جن جنونها وبقت تصرخ 😡😡😡 بتتكلم معاها السبتني عشانها صاح ... قلعت منو التلفون واتكلمت مع امل ردي يا******  امل بقت خايفة شديد ووقعت التلفون من يدها ،،   اشرف شال من تاليا الموبايل وضربها كف طراااااخ 👋🏼👋🏼 بتتكلمي كده ليه انتي مجنونه صح ،،، بتضربني يااشرف عشانها دي منو الاحسن مني دي 😡😡😡 مصيري اعرفها ي اشرف وحاتندم شالت شنطتها ومفتاح عربيتها وطلعت جرت ... اشرف رفع التلغون وبقي يتكلم وماسمع صوت امل مع انو الخط مفتوح  طلع اشرف  طلع وجري لاابوهو قال ليهو انا عايزك ودخلو غرفة المكتب بتاعت قاسم ،،ياابوي انا عايز اتزوج امل ،😔 ،، امل منو ي اشرف ??!  امل ياابوي امل الشغاله معانا ،، 😳😳😳😳 انت جادي ي اشرف بس انت عارف امل  مامن مستوانا وبعدين امك لو عرفت انت عارف رايها حايكون شنو ،، انا ماعندي مشكلة امل زولة كويسة  وبنت جميلة  محترمه ...و .. دخلت المدام ف اللحظه دي دخلت المدام ،،  مااكون قاطعتكم ،،، اشرف رد ليها لا ي امي اتفضلي ... من غير مقدمات ي اشرف ممكن تشرح لي الحصل قبل شوية ده معناهو شنو ??! ياامي انا كلمتكم من الاول البنت دي انا مابحبها وانتو اجبرتوني اعمل الخطوه دي وكلمتكم لو ماقدرت اواصل معاها بفسخ الخطوبة وانا هسي ماقادر اكمل ودي 

حياتي الخاصه مامن حقد حد انو يتدخل فيها ... 🖐🏽.... طيب شوف ومن الاخر كده انت حاترجع لي تاليا وانا حتي نقاش في الموضوع ده ماعايزه ياقاسم حاول اقنع ولدك والا انا حانتحر فهمت يااشرف حاقتل نفسي لو فكرت تتزوج غيرها ،،، شوفي ي امي انا حاتزوج غيرها انا بحب امل وحاتزوجها ومستحيل اسيبها ... دقيقه دقيقة امل منو ?!!!!!!!!!!! 😳😳😳😳🖐🏽 بس ماتكون امل الخدامه 😳 

ماتقولي عليها خدامه ي امي امل انسانه وكونو انها شغاله عشان تصرف علي اهلها ده مافيهو عيب  ... قبل مااشرف يكمل كلامو جرت المدام علي الخذنه بتاعت المكتب وفتحتها وطلعت منها مسدس ووجهتو لراسها😳😳 الكلام ده حصل في اقل من فلتو ثانية اشرف وقاسم اتخلعو ووقفو فوق وبقو يقول ليها لا . ماتعملي كده ... اشرف بقي يقول ليها خلاص ي امي العايزاهو حايحصل بس ماتعملي كده حرام تستغلي حبي ليك وتهدديني بيهو ... في الفتره دي اتسحب قاسم براحه ورا المدام واخد المسدس بعد الطلقة الفيهو طلعت وضربت حيطة المكتب ،، كل البيت لما سمع صوت الطلقة حا جاري فوق لانهم كانو سامعين صوت صراخ قبليها .. لقو المسدس في يد قاسم

 امل كانت اول الناس الواقفين  طردتهم المدام قالت ليهم الجابكم هنا شنو اطلعو من هنا😡😡😡 طلعو واشرف وقاسم بقو يهدو في المدام ،، بعد ساعه المدام دخلت غرفتها وقاسم طلع واشرف وعد المدام انو حايرجع ل تاليا .. وامل قاعدة ف المطبخ بترجف  .. دخلت هند للمدام في غرفتها وقالت ليها ي مدام في حاجات بتحصل ف البيت ده وانتي لاذم تعرفيها .. انا شفت اشرف وامل كم مرة مع بعض مرة في سيارة اشرف ومره كان طالع من غرفتها البنت دي شكلها خطيره وناوية توقع اشرف في شباكها عشان عارفه انو غني وعندو قروش الحقي ولدك ي مدام ..... شغتيهم ولية ماكلمتيني 😡😡😡.. ابدا بس كنت عايزه اتأكد من شكوكي وم اكون ظلمتهم ولما شفتو طالع من غرفتها اتاكدت ..... طيب مهمتك انك تراقبيها لي في كل تصرفاتها بتمشي وين وبتجي من وين بتعمل شنو  اي شئ عنها تديني بيهو خبر مفهوم ????! حاضر ي مدام ،،، طلعت هند والمدام بقت تكلم نفسها . الماضي بيعيد نفسو وانا وي مااعرفت اتخلص من مرت ابوكي سابقا بقدر اتخلص منك ي امل ، بس استني علي ... 

اخد اشرف التلفون واتصل علي امل .. ردت اسمعي ي امل بكره تطلبي اجازه من المدام وترجعي البلد طيب ?!" ارجع كيف يعني حاسيب الشغل ،، لا محاتسيبيهو ،، انا حاجي واتزوجك هناك ف بلدكم .. بس  لو بتحبيني وبتثقي فيني اطلبي اجازه من امي وانا متاكد انها حاتديك ليها ... طيب ي اشرف حاضر حاخد اجازه ... وفعلا جا الصباح وجات امل طلبت اجازه والمدام ماصدقت طبعا ووافقت علي طول  ...  طبعا رقية وليلي عايشين الوضع وليلي كانت واقفه مع امل شديد في قراراتها ،، رقية كانت خايفة لانو عارفة المدام صعبه ... رجعت امل البلد وحكت لاامها انو في زول عايزها وانو ولد المدام الشغالة معاها .. طيب يابنتي بس انتي عارفه نحن وضعنا مازي الناس ديل كيف حاتتأقلمي معاهم ??! ...  ياامي هو لما يجي حايحكي ليكي اي شئ بس انتي وافقي ..  طيب ي امل هو اسمو شنو ??! اسمو اشرف ي امي  😊😊 اي نعم هو من اسرة غنيه وامو صعبه  😡😡 وتعاملا زي وشها بس هو طيب وانا بحبو عشانو هو ماعشان قروشو ..  طيب بعد يجيني هو حايجي متين ،، ماعارفه ي امي بس حايتصل بي ويكلمني اصلا هو الجاب لي التلفون ده .،😊😊 وأثناء ماامل

بتتكلم كده موبايلا رنا فرحت شديد وبقت تنطط ي امي ياهو اتصل 

ام امل بقت مبسوطه شديد اول مره تشوف امل مبسوطه كده كمان عادل اخو امل بقي مبسوط شديد .. وقال ليها لما تتزوجي حاتاخديني اعيش معاكي 😊😊... ياامي اشرف قال كمان ساعه وحايصل البيت لانو جاي بطيارة خاصة 😍😍...  وعدت الساعه دي كانها دقيقه ووصل اشرف واول مالاقي امل بقي يضحك وقاليها مش قلت ليك محاسيبك ... دخل اشرف البيت وسلم علي عادل و علي ام امل ،، شنو ي امل محاتعرفيني بااسمائهم .. اكيد امي اسمها امنه 😊😊😍 اخوي اسمو عادل ... ردت ام امل مرحب بيك ي ولدي ... اهلا امي امنه اتشرفت بيكي شديد انا اسمي اشرف ،، اشرف قاسم عبدالوهاب المرضي 😊 ((كأنو  وقعت مصيبة علي راس ام امل اسمك منوووووو 😱😱😨😨☹))

#يتبع...

↚

-10-

اديب محمد😎

#احبتني_لقيطه

اشرف قاسم 😰😰 وظهرت الخلعه في وش ام امل لدرجه انها ماقدرت تقيف وقعدت في الكرسي الوراها جات امل مسكتها ياامي مالك في شنو 😦😯 امي انتي كويسه ، واشرف جا جاري ومسك ام امل معاها وقال ليها ي خاله مالك انتي كويسة ،، قالت ليهم انا كويسة اي بس الظاهر عليها انها ماكويسه  .. ياامي انتي هديتي كده صح 😍 طب الحمدلله ده اشرف الحكيت ليكي بيهو .. ده الزول العايز يتزوجني ☺😌 ايوه ي خاله ماتتخيلي انا تعبت كيف عشان اصل المرحلة دي واجي اتقدم ليها انا مابقدر اعيش من غيرها صدقيني مابقدر ... 😔 رايك شنو ??! 

رايي لا طبعا مستحيييييييييل اني اوافق وانت تطلع من هنا هسي وتنسي حاجه اسمها امل 😓😓 ارجوك ي ولدي انساها والا بزواجك منها حاتحصل مشكله كبيرة ،،، بس ياخالة ليه??" انتي خايفة اني مااقدر اعيشها واسيبها اوعدك حاشيلا في عيني 😢... لا انا قلت لا يعني لا ردت ليها امل ،، ليه بس كده ي امي 😭😭 حرام عليكي انتي مش كنتي موافقه لحدي قبل شويه ... قامت ام امل من مكانها وجرت امل دخلتها في الغرفة وقالت ليها ده موضوع منتهي وانا ماعايزه نقاش فيهو .. وطلعت لااشرف بره وقالت لو سمحت من غير مطرود اتفضل اطلع بره 😰... 

اشرف زعل شديد وانهار وكان حزين وأثناء ماهو طالع من البيت كان بعاين لاامل بالشباك بتاع الغرفة  وهي كانت بتبكي ودموعها علي خدها 😭 ... طلعت ام امل ومشت لسعاد جارتها ،،،، الحقيني ياسعاد مصيبة مصيبه ووقعت علي راسي 😱😭 ،،، مالك بس ي امنه كده اهدي وروقي في شنو الحاصل شنو وانتي مش الولد جاي الليلة يتقدم لاامل .. مادي المصيبه هنا 😱😭 الولد العايز يتقدم لاامل ود قاسم ،، الماضي رجع واتفتح من جديد والخايفه منو حصل 😱😭 امشي علي وين الليلة ي سعاد ،، (سعاد اتخلعت 😳) واااااااي ي امنه لاحول ولاقوة الا بالله الود ود قاسم كيف يعني ،، قاسم الزمان ياامنه ،،، اوع بس تقولي الولد اخو امل 😰😨😱😱😨😨😱😨😰😱😱😱 ... ماعارفة ي سعاد ماعارفة ،،، وفي اللحظه دي كانت امل واقف  في الباب وسمعت كل شئ  

😨😨ممكن زول فيكم يفهمني الانا سمعتو ده شنو ،، سعاد وامنه قامو فوق وكانو برجفو سجمي امل 😱سمعتي شنو ... سمعت كل شئ ياخالتي وامل بدت تصرخ ،، في شنووووو واشرف منو اخوي وقاسم ده منو الابوي فهموني ياخ وجات واقعة واغمي عليها 😓😓 جرو رفعوها و رقدوها في السرير و رشوها بمويه وفوقوها حبة حبة ،، لما صحت قالت ليهم عليكم الله 😢 قولو لي كنتي بتحلمي وانو مافي حاجة من السمعتها دي صح مسكت امها من اكتفاها اتكلمي ي امي ساكته ليه ، انا منو وبنت منو عليك الله اتكلمي ... ردت سعاد قالت ليها ي امنه خلاص بعد ده لاذم تحكي الحقيقه  امل لاذم تعرف بااي شئ 😔🖐🏽 جا الوقت المفروض تعرف انا حاطلع  احليكم تتكلمو براحتكن وطلعت سعاد وخلت امنه وامل ،، قالت ليها طيب ي امل انا خاحكي ليكي كل شئ بس اوعديني ماتسألي من شئ لحدي م انتهي من كلامي القصه كالاتي 

) مره انا كنت شغاله في المدينه هناك كنت صغيره في عمرك هسي تقريبا 😔 كان عندي صحبتي اسمها هاله كانت شغاله معاي في نفس البيت .. قام سيد البيت كان بحب هاله برغم من انو كان متزوج وعندو ولد واحد كان الوقت داك ،، ارتبطو مع بعض ووعدها انو يتزوجها  حملت منو 😔😔 وكان حايوفي بوعدو ليها  ويتزوجها لكن زوجتو عرفت بعلاقتهم  دي 😡 وجن جنونها وطلبت منو انو يسيبها ورفض قال ليها هي حامل مني مابقدر اسيبها و بس المدام لما عرفت الموضوع ده كانت حاتقتلو وشالت المسدس وهددتو انو لو ماسابها حاتقتلو وحاتاخد الولد الولدتو وتسيب البيت وتاني عمرو محايشوف ولدو ... وهو كان بحب ولدو شديد ودي نقطه ضعفو .. اضطر جا قال ل هالة انو محايقدر يتزوجها وانها لاذم تجهض البيبي عشان مايتولد من غير اب ،،😔😔 المدام قاسيه شديد عزبت هالة و ضربتها وطردتها واخر حاجة عملتها رسلت ليها نسوان يخلوها تجهض غصبا عنها الا انا كان عندي باقي دهب امي بعتو كلو واديناهو للنسوان عشان نرشيهم ويرجعو للمدام ويقولو ليها انو هم اجهضو لهاله مشو وقالو ليها كده واقتنعت خلاص انو هاله طلعت من حياتها ومن حياة قاسم للابد  ،، هالة الوقت داك  كانت حامل ب 5شهور اخدناها انا و السواق احمد الكان شغال سواق للمدام لانو كان عارف قصتها ،، انا واحمد السواق كنا بنحب بعض وكنا كمان شوية حانتزوج بس المدام ضغطت علي احمد انو يتزوج هاله عشان تضمن عدم رجوعها لقاسم تاني ،، وفعلا احمد اتزوج هاله بعد شهر هالة ولدت بنت 😔😔 بنت جميله جدا بتشبهها شديد شايلة نفس عيونها ولون شعرها ،، لما ولدت ماكان في زول عارف غيري وغير احمد  السواق  قالت لي بنتي امانه في رقبتك انا محاعيش ليها كتير خلي بالك منها وخديها ربيها معاكي ،، في نفس اليوم بالمساء 😔😔حصل شئ ماكنا متوقعنو هالة انتحرت 🖐🏽😓😓 انتحرت لانو كانت منهارة وحاسه بخذلان كبير من قاسم ومن معامله المدام ليها القاسيه ..اليوم داك انا بكيت شديد وقررت امشي للمدام واقوليها انو هاله انتحر

ت بسببها وفعلا طلعت احمد كان ماسكني ورافض يخليني امشي قال لي المدام دي مجرمة ممكن تعمل فيك حاجة وبرضو رفضت ومشيت للبيت سالت من المدام قالو في غرفة المكتب وصلت وكانت المدام معاها وحده صحبتها  وكانو ماسكين البيبي بتاع المدام سمعتهم  وكان الحوار بينهم كالاتي ::_ 

 المدام بتقول لصحبتها قاسم لو عرف الولد ده ماولدو ماتتخيلي حايعمل فيني شنو ،، ممكن يطلقني ويرميني انا وهو وحانتحرم من اي شئ وحافقدو وانتي عارفة انا بحبه شديد 

 بس في اليوم اللي جا فيهو البيبي ده انا وقاسم كنا مختلفين  وطلع  وسابني وانا كنت زهجانه وطلعت لاقيت واحد كنت بعرفو زمان وبسببو جا البيبي ده بس والله انا ماقصدت اخونو بس انا ماكنت في وعيي وزاتو ماعارفة الحصل ده حصل كيف 😔 ،،، )))  ده الحوار الكان داير بين المدام وصحبتها 👆👆👆 

بعد م انا سمعتا الكلام ده 😡😡😡😡 دخلت عليها وقولت لي طيب ماانتي كمان هاندا بتخوني قاسم والولد ده ماولدو طيب زعلتي لية لما قاسم خانك وخليتي هالة تتخلي عن ولدها 😡😡😡 هالة انتحرت  بسببك يامدام هالة ماتت بسبب انانيتك ومادام اصلا ماعندي حاجة اخسرها انا حامشي واكلم قاسم بااي شئ وحاخليهو يعرف خيانتك ليهو ،، بس المدام انهارت   ووقعت تحت في رجولي وبقت منهاره وبتبكي واترجتني كتير اني م اتكلم ومااحكي لقاسم ب انو الولد ده ماولدو بس انا رديت عليها انو انا محاكلمو هسي بس حايجي اليوم واكلمو عشان انتقم منك اخليك تعيشي كده في رعب وتتخيلي كل لحظه انو قاسم عرف ده عقابك الوحيد وتاكدي مهما الزمن طال ولاقصر  حاحكي ليهو ..... طلعت من بيت المدام ومشنا اخدنا البنت (البيبي بتاع هاله )  انا واحمد اتزوجنا بعد يوم بعقد بس عشان نقدر نسجلك باسمي انا واحمد 

  😓😓😓 جينا البلد هنا كان عمرك يومين  الوقت ده احمد سجلك بااسمو في شهادة الميلاد ومن الوقت داك للان ماطلعنا من البلد الوحيد العارف القصة دي سعاد ابوكي  احمد رباكي احسن تربيه علمك وقبل مايموت وصاني عليك وقال لي انو انتي مهما حصل مفروض ماتعرفي الحاصل ده عشان مايأثر عليك ... فهمتي عشان كده لما اشرف جا وسمعت الاسم اتزكت اسم قاسم لانو مانسايهو بس ماكنت عارفة ده ياتو ولد لقاسم 😓😓 يمكن يكون الاول الكبير وفي الحاله دي مابكون اخوكي لانو ولد المدام الاول ماولد قاسم  .. او لو كان واحد تاني من اولادها  يبقي اخوكي 😭😭 ف عشان كده الامور جاطت ... 

#يتبع

-11-

 اديب محمد😎

#احبتني_لقيطه

  في كل المشاكل دي ي امل كان واقف معانا زول واحد بس تخيلي منو??! صاحب قاسم شديد كان عارف بعلاقه هاله وقاسم وكان بحترم هالة شديد وبقول دايما  هاله مظلومه عشان قاسم ظلمها وضيع شبابها  وبعد حصل الحصل وامك انتحرت جا وادانا مبلغ من القروش لانو كان عارف حالتنا مابتسمح لينا نعيش ونربي طفلة في البيت خصوصا بعد المدام طردتنا من الشغل  ،، وكان بتطمن علينا السنوات الاولي بس فجأه انقطع مننا   وعزرناهو يمكن يكون عندو عزر او حصلت ليهو حاجه   ،، ده كل الحصل يابتي وبعد ده لو عندك اي سؤال اسألي 😓😓😓 

(كل الكلام ده حصل وامل كانت قاعده قصاد امها في السرير وماكان طالع منها صوت بس دموع بتنذل من عيونها وهي متفاجئة بكلام وحاجات عمرها ماكانت تتخيل انو ممكن تحصل ليها ،، ردت عليها ،، يعني انتي ماامي?? 😭😭😭.. لاانا امك الحبتك وربتك ومارضت فيكي اي شئ .. قامت امل وجرت حضنت امها شديد وبقت تبكي وتقول ،، لاانا مامصدقة يعني انا حاسه كأني بحلم ولاحاجه 😭ليه بحصل معاي كده ياامي  وحضنتها وبكت كلو اختبار من رب العالمين وانا عارفه انك حاتتقدري تتغلبي علي كل مشاكلك ،، قامت امل وقشت دموعها ووقفت جنب الشباك و قالت ليها ، بس ياامي انا محاكون زي  هاله وابقي ضعيفه واهرب يمكن هالة ماقدرت تاخد حقها بس انا من الليله بقي ماعندي هدف تاني غير اخد حق امي وانتقم من المدام ومن قاسم لانهم حرموني من امي حرموني م

ن اني اعيش في حنان الام واتربي في ظلها 😠 من الليله امل الضعيفه حاتنتهي وحاتبقي في امل جديده ياامي مستحيل اخلي حقي حاندمهم علي كل لحظه الم عاشته هالة 😓🖐🏽 ... بس ي امل انا ماعايزاك تضيعي مستقبلك ورا قصة انتهت واتقفلت ... لاا ياامي القصه كده ياداب اتفتحت من جديد ... طيب واشرف  ده يطلع منو ولد المدام الكبير ولاواحد من اخوانك ??! لااياامي اشرف  ولد المدام الكببر 😢 ،، بس اشرف ماعندو زنب في انتقامك وهو زاتو ضحيه زيك ... ياامي انتقامي ماعندو علاقة بااشرف انا حاطلع اشرف من الموضوع كلو ،، وهنا موبايل امل رنا 📞📞📞📞 المتصل اشرف ..... .. محاتردي ي امل ?!! لا محارد ياامي . وقعدت امل في البلد اسبوعين كاملات من غير ترد علي مكالمات اشرف كل الشاغل بالها كان كيف تلقي طريقة تنتقم بيها من قاسم والمدام .. وبس فجأه الباب يخبط وام امل ماكانت في البيت ،، مش امل وفتحت الباب ...  لقتو اشرف 😳 .. امل انتي لية بتعملي كده لية مابتردي علي عارفة اني اسبوعين كاملات مانمتا ،، اشرف انا عارفة بس بالجد ماعندي كلام اقولو ليك غير الكلام القالتو ليك امي انا حاجة امي ماعايزاها مابقدر  اعملا انساني ي اشرف وامشي عيش حياتك وارجع لتاليا ، تاليا بتحبك ماتخسرها واوعدني تاني م اشوفك 🖐🏽😔 ، يعني انتي عايزه كدو ي امل 😰  ايوه ي اشرف عايزه كده وهسي اتفضل اطلع قبل امي تجي وتلقاك هنا وتحصل مشكله طلع اشرف وقال لاامل عمري محانساكي ،، وحانتظر في يوم تجي وتغيري رايك ،،،، طلع اشرف وبدت امل تفكر عشان تكسب معركه بينك وبين عدوك لاذم علي الاقل تكون قدرو و م اقل منو ،، وعشان امل تقدر تنتقم لاذم تبقي زيهم ومافي حد يساعدها غير صاحب قاسم القالتو امها الساعد هالة قبل  20سنه وقامت جهزت شنطتها و امها جات لقتها بتجهز في الشنط    

امل انتي ماشة وين وبتجهزي ف شنطك ،، امي انا لاذم اسافر عايزاكي تكتبي لي اسم الراجل الساعدكم وسفركم وجابكم هنا اسمو وعنوانو انشاءالله تكوني متزكرة   .. والله يابتي انا متزكرة اسمو بس عنوانو مامتزكره لكن عندي ليهو صوره هنا بتجمعهم هو وهاله وقاسم صوره قديمة ،، اديني ليها الصورة ياامي 😥😢 عايزه اشوف هالة ،، دخلت ام امل وطلعت الصوره القديمه وبقت امل تبكي 😭 دي امي بتشبهني شديد ياامي يعني لو كانت عايشه لهسي كان حايحصل شنو  

اخدت الصوره وسافرت (الحاصل مع اشرف) بعد رجع البيت حكي لااخوهو احمد ب علاقتو ب امل وحكي لاامو انو كان عايزه وهي رفضت  .. ماصدقت طبعا المدام وفرحت واتصلت علي تاليا وحكت لبها كل شئ وقالت لبها ده وقتك قربي من اشرف تاني عشان هو ضعيف هسي ومهزوم ويرجع ليكي .. جات تاليا لبيت المدام لبست احلي ماعندها طبعا عشان تحاول تغريهو ... ودخلت لعندو ع الغرفه ...

واااااو اشرف رجل المال و الاعمال  الكبير عايز يتزوج الخدامه .. لا وكمان الخدامه رفضتو .... برافووووو مهزلت بروحك باامتياز 😊😊 . قام فوق وكان زهجان ضرب يدو في الحيطه الكانت تاليا واقفه جنبها تاليه 😡😡😡الذمي حدودك وماتتخطيها فهمتي ... لا مافهمت 😊 اضربني احسن ي اشرف الواضح انو التعامل مع السوقية دي خلاك تنسي كيف تتعامل مع البنات بس انا بحبك وحاغفر ليك قامت حطت ايدها علي خدو لااشرف مش كده ي بيبي انت بتحبني صح وديك كانت نزوه في حياتك انا البشبهك ماهي وانا البحبك وقامت حضنتو ،،، فكاها من حضنو ومسكها من يدها وطلعها بره غرفتو وقال ليها خلي عندك كرامه والمره الجاية ماتجيني لانو ماعارف ح اعمل فيك شنو 😡😡😡😡

#يتبع.

↚

-12-

 اديب محمد

#احبتني_لقيطه

بعد ماوصلت امل من السفر اخدت تاكسي وطوالي مشت للشركه بتاعت ناس قاسم  من غير ماقاسن يعرف ومشت للسكرتيرة   وسالتها من الشخصية الفي الصوره دي  وحكت ليها انو ه كان صديق استاذ قاسم من زمان وكان شريكو .. بس السكرتيرة قالت ليها انا قالت ليها الكلام ده طول شديد شكلو وانا جديده هنا ياداب اشتغلت لي سنتين بس ممكن اوصف ليكي حد يفيدك اخدي الصورة دي وامشي فوق تاني مكتب غلي يدك الشمال ده الارشيف بتاع الشركه وده تقرييا فيو كل العقودات والاوراق الكانت بتخص الشركه زمان وفيهو راجل عجوز ده شغال هنا ليهو 20سنه ممكن يفيدك .. وفعلا مشت امل لمكتب الارشيف ولقت الراجل وقعدت اتكلمت معاهو في البداية ماكان عايز يقوليها شئ بس بعد اصرار منها حتي وافق واداها عنوانو وبعد ماشاف الصوره قال ليها جبتي الصورة دي من وين قالت ليهو ي عم الموضوع طويل ومابتحكي بس كل البقدر اقولو ليك انو انا محتاجه للزول ده شديد اخدت امل العنوان ومشت بسرعه واول ماوصلت قدام العنوان بيت كبير مابيقل عن بيت ناس اشرف ضربت الجرس  جا البواب وفتح ليها طلبت انو تشوف الراجل الكان ساعد امها امنه زمان .. وفعلا دخلت الراجل شكلو طيب مع انو امل جاية من غير مواعيد ولاحتي هو بعرفها للان نذل وسلم عليها واستقبلا كويس .. قال ليها ماعرفتك .

_ حاتعرفني بعد تشوف الصوره دي (ومدت ليهو الصورة )

_ الراجل اول ماشاف الصورة اتخلع 😰😰 جبتيها من وين وبتعرفي منو من الناس الفي الصورة دي 

_ ردت عليهو انا بنت الفي الصورة انا بنت هالة انا الضحية الضحي بيها قاسم في سبيل سعاده اولادو وزوجتو ، انا الاتحرمت من امي حتي قبل اشوفها 😭🖐🏽 وانهارت امل وبقت تبكي وتبكي .. حاول الراجل يهديها وطلب منها تروق وقال ليها انا ح احكي ليك عن كل شئ 

_ انا كل شئ عارفاهو كل شئ 😭

_ لا ماكل شئ الشئ الماعارفاهو اني كنت واقف في صف هالة لانو بالجد كانت بنت طيبه وكويسه وياما اتكلمت مع قاسم انو مايتخلي عنها ولاعن بنتو بس ماكان بسمع كلامي وبعد ماهالة انتحرت انا بقيت اكره قاسم شديد وفضيت الشراكة البينا وسبتا الشغل معاهو ومن الوقت داك من كنا اعز اصدقاء هسي بقينا الد اعداء 😠كرهتو وكرهة انانيتو وحبو لنفسو زنبها شنو البنت المسكينه دي انو ضيع ليها مستقبلا ... ماعلينا يابتي انتي هسي جيتي بيتك انا كنت واقف مع اهلك  بس جاتني فتره   مرضت شديد وسافرت واتقطعت والكان ماسك الشغل هنا ولدي وانا جيت هسي ماكملتا سنه من الخارج ، لكن انا قدامك في اي حاجه بس وريني عايزه شنو ?? 

_ عايزه حاجة وحده انا عابزه انتقم من قاسم ومن المدام وانا جيت هنا وعارفة ماف غيرك حايساعدني انا سبتا كل شئ وراي عشان انتقم سبتا امي ااربتني واهلي و حتتي وبيتنا ،، انا في عروقي بقت تجري نار بدل الدم 😡😡😡😡..

_ حاساعدك واقيف معاك ي امل وربنا يقدرك وتاخدي حق امك بيدك .. 

(الراجل خلي امل معاهو قريب شهرين ف البيت وسط اهلو وعرف مرتو بيها لانو مرتو كانت عايشه المشاكل دي من زمان وحكي لولدو باامل وبالحصل ليها وكانت اولي خطوات امل انها تشتغل وفي الشركة بتاعت نفس الراجل ،، شغلها معاهو وعلمها كل شئ وفي اقل من 4شهور امل بقت تعرف الشغل ونزلت الشركه واول صفقة ليها مسكتها ضد شركة ناس قاسم وكانت دي ضربة البداية 👍🏼) 

قاسم واشرف وبقية الموظفين قاعدين في الشركه منتظرين الاجتماع مع الشركه التانية ف نفس المجال وكانت المفاجئة لما جات داخلة امل وشايلة في يدها شنطه الشغل كانت جميلة شديد بعد ماغيرت كل شئ فيها لون شعرها لبسها طريقة كلامها اسلوبها مشيتها وبقت تشبة المجتمع الراقي العايش فيهو اشرف ،، اول مادخلت اشرف وقاسم قامو فوق وبقي شكلهم كده 😨😨😨😨😨 قالت ليهم اتفضلو وقبل مانبدا احب اعرفكم انا امل احم عثمان 😊 وانا مديرة المشروع الشركتكم وقعتو مع شركتنا 

_ رد عليها قاسم شنوووو???!!!! انتي اكيد بتهزري شغل شنو معاك انتي نحن ماتفقنا علي كده يااستاذ .. ووجهة الكلام ل اسعد ولد الراجل صاحب الشركه الساعد امل ..

_ اسعد رد عليهو اتفقنا غلي شنو حضرتك ،، المدير بتاع المشروع منو ده كان الجزو البخصنا ،،، انتو الجزو البخصكم التنفيذ وبس .. 

_ رد عليهو قاسم مستحيل اضيع قروشي مع وحده لامنها من الشارع ونصفتوها وقعدتوها في مكتب تمسك شغلي كلووو انتو اكيد مجانين 

_ رديت عليهو امل ... والله انتو اصلا وقعتو العقد بتاع المشروع ولو عايز تنسحب انا ماعندي مشكلة اتفضل واقرا الشرط الجزائي في العقد البقول انو في حالة انسحاب ااطرف الاول من المشروع يستحوذ الطرف التاني علي نسبة 70% من اسهم شركة سيادتك 😊😊🖐🏽 عموما اخد وقتك وفكر وارجع لينا بتلفون يابتقول انك موافق او بتجهز ورق التناذل عن ال 70%  يلا ي اسعد نمشي  ... الكلام ده طبعا كلو حصل واشرف كان مخلوع 😳😳😳 معقولة دي امل ماكان هاميهو الشغل او الشركه كل الكان بفكر فيهو هي الغيرها كده شنو وكيف في اقل من 7شهور بقت ماسكه مشروع في اكبر الشركات في البلد بعد طلعت

جا جاري وراها ومسكها من ايدها وجراها _ تعالي معاي ي امل هسي دي 

_ فكني وسيبني بااي حق انت بتلمسني كده نحن البينا انتهي ي اشرف سيب يدي 

_ جراها ودخلو مكتبو وقال ليها ممكن تفهميني الحاصل هنا شنو ده شنو العاملاه ف نفسك ده مغيرة لون شعرك ولبسك ده شنو اللبس الضيق اللابسه ده وميكب غريب بقيتي مزريه وين امل الانا بحبها الحصل عليكي شنو خلاكي تتغيري كدو 😨😨😨 

_ اول شئ فكني من يدي وتاني ايام تعمل الحركه دي طيب وتاني حاجة انا م امل الزمان امل الزمان ماتت انا وحده جديده واحسن تبعد من امل الجديده لانو مابقدر اضمن ليك دي ممكن تعمل شنو ??! 

_   بلاااي يعني بقت كده ،، يعني انتي عمرك ماحبيتني ،، كلام امي عليك طلع صاح كنتي جارية ورا القروش واول ماعرفتي انو احنا الو اتزوجنا حايسحبو مني كل شئ ويخلوني من غير ولاجنيه طوالي رفضتي وقلتي تشوفي مفتاج خذنه جديد ومفتاح الخذنه الجديد طلع اسعد 😅😅😅ياخ برافو عليك احييييك !! 

_ امل عاينت ليهو وماردت عليهو وطلعت وهي في الاصانصير ماقدرت تحبس دموعها وبكت لانو هي جد بتحب اشرف وهي مازي ماهو فكر لكن هي ماعندها طريفه نحكي ليهو الا في الوقت المناسب ... نزلت وكان اسعد منتظرها بالعربية تحت شافها بتبكي قال ليها ... انا كنت عارف انه حايبكيكي ويقول كلام يجرحك بس اعزريهو انتي سبتيهو فجأه وهو ماقدر الصدمه دي وفجأة تاني تظهري قدامو بشكل غريب ومع واحد هو عارف انو مابيقربك صعبه دي فكري فيها ...و اسعد انا الكلام ده كلو مابهمني البهمني اخد بتاري منهم وبتار امي ده كل شئ انا عايزاهو هسي .. 

الفتره دي اشرف تعب فيها نفسيا وقرر انو يرجع لتاليا عشان بس يغيظها ل امل وفي اول عشااء عمل بين شركة ناس اشرف وشركة ناس اسعد تاليا واشرف كانو اول الموجودين وطبعا تاليه كالعاده متألقة وماشايفه حد يشبهها ولافي جمالها ،،، بس اول مادخلت امل خطفت كل الانظار ليها بجمالها ورقتها وأثناء ماهم واقفين جات تاليه عشان تتمسخر وتستفز امل وقالت ليها .... ماشاءالله شايفه الخدامه نضفت وبقت تلبس زينا 😅😅ياتري عملتي شنو اتفيرتي كده وخليتي اشرف يكرهك 😅 علي فكرة انا واشرف رجعنا لبعض وبقت توري فيها الدبله الفي يدها 

ردت عليها امل .،،،،،، بضحكه هههههههه مبروك عليكي اشرف ياماما بس علي فكره الخدامه دي مشت بعيد ووصلتك وانتي لسة واقفه في مكانك 😌 واشرف انا الخليتو يرجع ليكي عشان انا عايزه كده بس علي فكرة حاولي افرحي وعيشي حياتك كويس شديد معاهو لانو حايرجع لي 😉 ... 

ردت عليها تالية بغضب 😡😡انتي وحده غبية لو متخيلة اشرف حايرجع ليكي ،، ماتفتكري الالوان الضارباها دي حاتغطي حقيقتك ،،، مصيرك ترجعي زي ماكنتي ، حقيرة ... 

ردت عليها ههههههه طب اعصابك ي تالية رووقي واهدي 😉انا مازيك لانو ماتعودت اكون ضعيفه و يحركوني الناس علي راحتهم يودودني ويجيبوني ،، انا بس البحرك الناس وبقول مين يمشي ومين يرجع تاني 😉... اه قبل ماامشي الجزمه بتاعتك حلوه بس شفتها في التخفيضات الاسبوع الفات 😉 يعني اولد فاشون زي م انتو بتقولو 😂😂🙂

#يتبع...

-13-

 اديب محمد😎

#احبتني_لقيطه

اثناء ماالكل كان في الحفلة اشرف كان بفتش علي امل لحدي لقاها .... غريبة ي امل انا محتار فيكي متزكرة لما كنتي بتقولي مابتلبسي اليونفورم بتاع الشغل في البيت لانو ضيق .. هسي شايفك بقيتي تلبسي عادي ...  لاني كلمتك قولت ليك انا م امل الزمان  قالت ليهو كده و مشت خلتو جاي جاري وراها ومسك يدها وقال ليها (  طيب بس انا عايزه اعرف انتي ليه عملتي معاي كده ?? ماف شئ ي اشرف وارجوك سيبني ،،، محاسيبك لحدي ماتحكي لي كل شئ ... في اللحظه دي اسعد كان واقف مع زميل ليهو واول ماشاف اشرف ماسك  يد امل  جا بسرعة وقال لي اشرف ،،، مش قالت ليك سيب يدها انت مابتفهم ?!! ،،، اشرف هاج شديد وقال لي اسعد وانت مالك دي ماحاجه بتخصك 😡😡😡 ... لا بتخصني امل جات معاي ومن واجبي احميها وقام اسعد مسك ايد اشرف وفكاها من يد امل في اللحظه دي اشرف اتجنن  من حركة اسعد وحساها مستفذه وقام اشرف ضرب اسعد بنيه 👊🏿  في خشمو لحدي مانذف دم واسعد كمان اتهور ورجع البنية لااشرف 👊🏿  والناس اتلمت  وبدو يفضو الاشتباك بين اشرف واسعد و امل واقفة بينهم عشان توقفهم وتاليا جات من هناك جرت اشرف واخدتو وامل  اخدت اسعد وطلعو من الحفله وكانت بتقوليهو ماتسألو ي اسعد كلمتك قولت ليك اشرف طبعو كده مامتعود حاجه  تسيبو فجأه كده وبعدين نحن حاليا بننتقم ي اسعد فالاذم مانتهور ... بس انتي مش شوفتيهو كان ماسكك وماعايز يسيبك كنت عايزاني اشوفك كده واسكت ... يااا اسعد اشرف خليهو لي انا بعرف اهديهو كيف بس خلينا نركز علي هدفنا طيب ،،،، حاضر ي امل  حاضر ،،، 

الحاجة الاكتشفتها امل  بعدين انو قاسم عامل علاقة مع واحدة شغالة في مطعم وطبعا دي فرصتها انو تنتقم من قاسم ،،، رسلت اتنين يراقبو قاسم لحدي ماقدرت تجيب العنوان البتلاقو فيهو وصورت قاسم مع البنت اكتر من صورة مع البنت ف الشارع في البيت في العربيه في اي مكان وجابو ليها الصور في المكتب ،،، قالت لااسعد يلا شوف قاسم بيلعب علي ضحيه جديده 😢بس انا دي اول خطوه ح اعملها ح اخلي اولادو و المدام يكرهو شديد وزي مااولادو بعتبرو المثل الاعلي حاخلي ينذل من نظرهم ،،، اخدت الصور وعملت منها 3نسخ ورسلت لااشرف ولا احمد وللمدام ...اشرف جات داخل عليهو  السكرتيرة وقالت ليهو في واحد مرا علي وساب الظرف ده وقال اديك ليهو ،،، طيب سيبيوو وامشي   اشرف لما فتح الظرف وشاف صور ابوهو وفيها صور مالائقة استفرب واندهش شديد ، بهناك المدام اول ماشافت الصور زعلت وغضبت شديد واتصلت بقاسم وقالت ليهو تعال لي فورا ،،، لما وصل البيت طلع ليها الغرفة 

انت قذاراتك دي عمرك محاتسيبها بتعرف وحده في عمر احمد ولدك ?? ياخ انت حاتنضف متين ?? بس نفسي اعرف  .... خيانه تاني ي قاسم ياخ انا بقيت اقرف منك 😫😫 .... انتي  جبتي الصور دي من وين مافي حاجة بالشكل ده الصور دي مفبركه ... انت عارف انو الصور دي مامفبركه وعارف انو انا بقدر اجيب البنت دي واخليها تعترف ،،، انا ماعايزه اقعد معاك في غرفة وحده شيل كل ملابسك واطلع من الغرفة دي وحاتقد براك لحدي ماتبطل قزاراتك ي وانا لو ماعشان شكلي قدام المجتمع كنت انفصلت عنك ... اصلا انتي ده كل البهمك المجتمع والناس وصحباتك ولاحتي بهمك تعرفي انا لية عملت كده ،،، طلع قاسم من الغرفه وفي طريقو عشان ينام في غرفه تانيه لاقاهو اشرف ...  قال ليهو  ي ابوي بس عايز منك شرح للفي الصور ده 😠 حرام عليك البتعملو ده راعي

لشعورنا انت كبرت في السن ولسه زي ماانت  لعب وعلاقات عابره مقرفه انا بالجد بخجل من كونو انت ابوي ،،، قاسم طبعا ماقدر يرد علي اشرف ،،، اشرف قال ليهو طبعا ماعندك كلام تقولو بس اقوليك حاجه انا طالع من البيت ده ولو اتلاقينا حانتلاقي في المكتب بس ومشي اشرف ولما ملابسو كلها ،، جات المدام وقالت ليهو مستحيل تمشي وتسيبني ي اشرف انا من غيرك مابقدر اعيش ف البيت ده ،،،، لا انا حامشي ي امي لما ابوي يبطل البعمل فيهو ده حارجع ،، مع السلامه ..... الوضع في بيت ناس اشرف بقي مزري جدا اشرف ساب البيت احمد بقي يتجنبب الكلام مع قاسم .. والمدام وقاسم  انفصلو في البيت بقو مابتلاقو  الا في الصفره وحتي في الاكل مابتكلمو مع بعض ،،، ،،،، الاوضاع في الشركة كل ماليها ماشه تذداد سؤ وامل كل ماليها بتتحكم في مشاريع شركه ناس اشرف بثغرات قانونيه بتاخدها في مصلحتها 

بعد م انتهت امل من قاسم جا دور المدام بقت تتصل عليها من ارقام غريبة ... 

الوووو ... مرحب منو معاي .... معاك ماضيكي البلاحقك انا الحاكشف سرك ،،، المدام ارتعبت شديد وقغلت الخط ،،، وبقت مابتنوم وحبست حالها ف البيت وكل ماقاسم يدخل بقي يتهيأ ليها انو عرف الحقيقه بقت من البيت مابتطلع وعلي طول عيانه 

الشركه بتاعت قاسم افلست وقاسم طلب اجتماع سريع مع امل ويوم الاجتماع كان في اسعد وقاسم واشرف وامل وقاسم بقي يتكلم مع امل .... ي امل نحن حاننسحب من المشروع لانو زي م انتي شايفة الشركه افلست ونحن ماعندنا ميذانية نكمل المشروع 🖐🏽😔... ا

نا ماعندي مشكله شوفو العقد بقول شنو 😌 جبتو معاكم ورق التناذل عن نسبة 75% من الشركه بتاعتكم لصالح شركتنا ،،،، ياامل انا جاي اطلب منك تناذلي عن الشروط الفي العقد ماهو ماممكن الشركه تفلس وكمان اتناذل عن 75 % يعني بكده حاتكوني مستولية غلي الشركه وحاتبقي الشريك الاكبر وصاحب القرار الاول ارجوووكي اتناذلي ... شوف ي قاسم انا محاتناذل يااما تدفع الشرط الجزائي يااما بالمديونيه الطالباها منك تدخل السجن انت وابنك اشرف وبرضو ال 75% خاتبقي من نصيبي فاانا شايفه تختار خسارة وحدة بدل ماتخسر خسارتين القرار في ايدك ... 😊😊🖐🏽 

اشرف قال لاامل محانتناذل عن حقوقنا في الشركة وانا مستعد ادخل السجن بدل ابوي وبعد ده انشاللة تكوني مرتاحه 😠🖐🏽... والله دي حاجه مابحددها انا ولا بحددها  العقد البينا والتوقيع الموجود اللي هو توقيعك انت وابوك 😊

#يتبع...

↚

-14-

 اديب محمد😎

#احبتني_لقيطه

قاسم عرف انو ده الحل الوحيد انو يكتب 75% من اسهم الشركه ل امل لانو مابقدر يضحي بااسمو وسمعتو وكفايه عليهو انو الشركة اعلنت افلاسها وده في حد زاتو ممكن يضعف اسمو في السوق اخد الورقة بتاعت التناذل  ووقع عليها .... في اللحظه دي الفرحه في وش امل كانت مرسومه  انو قدرت ترجع حقها بيدها بس الكان ظاهر علي وش اشرف غير كده كانت عيونو مليانه استياء وحقد حتي انو ماقدر يتكلم مع امل وطلع من المكتب بس كانت عيونو بتقول كلام كتير ،،، بعد طلع اسعد اتكلم مع امل .. امل احنا ماشين كويس جدا بكده انتي بقيتي الشريك الاكبر في شركات قاسم يعني ليكي القرار الاول تقدري تعملي اي شئ بس انا خايف علي اشرف الظاهر عليكي انو بحبك بس مصدوم فيكي لانو مافاهم شئ انا من رايي تحكي ليهو عشان ع الاقل يلقي تبرير ورد علي التساؤلات الفي راسو اشرف ماعندو زنب ي امل ... قاطعته ولاانا امي كان زنب ي اسعد لما فقدت حياتها بسبب انانية الراجل الاسمو قاسم ده 😠ماكان عندها زنب ،، اما اشرف ف مصيرو يعرف وانا ناوية احكي ليهو عن كل حاجة  بس بعدين هسي باقي اخر شئ قاسم لاذم يعرف انو اشرف ماولدو 🖐🏽😠 وحايعرف خيانة المدام وساعتها بس حايحس بعم الخذلان لما  زول  بتحبو شديد يخون ثقتك 😓😓..  

امل استلمت الشركه خلاص وبقت الآمر الناهي فيها بقت تدي قرارات وقاسم واشرف مضطرين يسكتو عليها وفي يوم وهي قاعده ف المكتب جات داخلة عليها تاليه وعيونها كلها حقد ،،، 👏🏻👏🏻👏🏻برافوووو ي امل طلعتي ماهينه  وانا كنت فاكراك قرويه غبية قالت كده وقعدت ف الكرسي الجنب المكتب ،،، امل قامت من كرسيها وجات وقفت في راس تاليه ونذلت ليها وبقت تتكلم معاها وش لوش قصادها تماما ،، انتي لسه ماشفتي شئ ياتالية منو كان يصدق انا اقيف قدامك كده واتكلم معاك 😌😌بس الظروف بتتغير ومافي شئ بفضل ع حالو وانا اتغيرت وحاجة كمان اتفضلي  اطلعي من مكتبي قبل ماانده للامن يرموكي برة 😌اها قلتي شنو تطلعي بالذوق ولاتحبي تتهاني .،،، والله وعملتيها ي امل ههههههه بتطردنيني من شركة خطيبي ،،،، كانت ياروحي كانت بتاعت خطيبك انتي ماعارفة اخر الاخبار ولاشنو 😏،،، طلعت تاليه ومشت لااشرف في مكتبو دخلت وهي مبتسمه قفلت الباب وراها وبقت تتكلم مع اشرف  حبيبي صباح الخير انا كنت ماره ع مركز التجميل القريب من الشركه وفكرت اجي واسلم عليك 😌😌... تاليه الجابك هنا شنو انا شغال وكلمتك الف مرة ماتجيني ف الشغل قام من كرسيهو وفتح ليها الباب وقال ليها  اطلعي جات وقفت قدامو انت يااشرف لية بت

تعامل معاي كده لسه زعلان عشان الحقيرة دي مش كفاية سابتك واخدت منك الشركه وعاملة علاقة مع غيرك وانت لسة بتحبها 😳  انا متفاجئة فيك ماعندك كرامه يعني ،،، اشرف هاج شديد واتضايق لانو اصلا كان زهجان 

ضرب تالية كف 👋🏼👋🏼طراااااخ ،،، تاليه اتخلعت في رد فعلو وقالت ليهو طول عمرك ضعيف بتضربني عشان متضايق منها هي طب ع الاقل ابقي راجل واضربها هي ،،، طلعت خلتو اشرف اتضايق شديد وبقي يخبط في الحاجات ويكشح ف الحاجات من المكتب اخد اقرب ورقة لقاها وقدم استقالتو ومشي ع مكتب امل ورماها ليها ف المكتب ..... ده شنو ي اشرف ??! دي استقالتي 🖐🏽 انا سايب ليكي كل شئ    . استقالة بس انا ماموافقه . بس ماعلي كيفك وماتنسي اني شريك معاكي حتي لو بنسبه قليلة وده بيدني الحق انو استقيل متي ماانا عايز مع السلامه 😡😡... طلع اشرف وقفل الباب واول مره بعد فراق امل واشرف امل تبكي بكت بحرقة انها ماقادره توقفو 😭 ولاحتي قادرة تحكي ليهو .. 

مرت الايام  واشرف عمل شغل براهو وشغلو كل ماليهو ماشي احسن وخلاص قررت امل تخلي قاسم يعرف الحقيقة اتصلت غلي قاسم من رقم غريب وقالت ليهو ،، اشرف ماولدك اشرف ولد غير شرعي لو مامصدقني خدو ع اقرب مستشفي واعمل فحص DNA وحاتلقي كلامي صح ) قاسم بعد المكالمة بقي مزهول 😨😨😨😨 اكيد الكلام ده غلط مستحيل يكون صح واضطر يعمل نفسو عيان عشان يجيب اشرف المستشفى وفعلا يوم اتصل علي اشرف وقال ليهو ،،، انا عارف انك زعلان مني بالموضوع الزمان وعارف انك سبتا البيت عشانو وعارف انك مجروح من امل بس ماعندي زول غيرك اكلمو 😢🖐🏽 ... في شنو ي ابوي انت كويس ... لا انا ماكويس انا ف المستشفى وتعبان شديد ومحتاج ليك .... شنو مستشفي طيب انا جاي عليك 😰مالك بس فيك شنو ي ابوي .... انت تعال بس وحاتعرف .. وفعلا  ركب اشرف عربيتو بسرعه ووصل لعند ابوهو في المستشفى والدكتور غشان صاحب قاسم كان متفق مع قاسم انو يخدعو اشرف بااي طريقة عشان ياخدو منو عينه الفحص  قال لي اشرف ابوك محتاج دم وانت فصيلتك زيو عشان كده حاناخد منك دم بس لاذم نعمل فحوصات اول انو دمك نضيف  ..... اشرف اتخلع شديد وقال للدكتور خليني اشوفو طيب ارجوك يادكتور 😔😔 ... حاتشوفو اي بعد الفحوصات بس ،، اشرف طول عمرو طيب وبيحب ابوهو شديد وكان مستعد يعمل اي شئ عشانو وفعلا دخل وعمل الفحوصات والدكتور اخد عينه منو ومن قاسم عشان يعمل فحص DNA

وجا لقي ابوهو راقد ف الغرفة وكان عايز يدخل بس الدكتور منعو وقال ليهو اصلا هو حايطلع بكره تقدر تجي تاخدو بكره معام البيت اشرف فضل راقد ف المستشفى الليا كلو ... وقاسم الليل كلو يدعي انو انشاءالله مايطلع الكلام السمعو صحيح 😰😰😰 وامل بعلاقاتها قدرت تصل للدكتور عشان تاخد نسخه من النتيجه  وعدي اليوم وجا الصباح اشرف لاقي ابوهو وسلم عليهو وكان حاياخدو قاسم طلب من اشرف يجيب ليهو علاجات من الصيدلية الجنب المستشفى بره في اللحظه دي الدكتولا وصل ومعاهو النتيجه !!

#يتبع...

 -15-

 اديب محمد😎

#احبتني_لقيطه 

اثناء ما اشرف في الصيديليه بجيب في العلاجات الطلبها منو ابوهو اتصلت عليهو امل وبقت تتكلم معاهو ،، اشرف انا عايزه الاقيك هسي واتكلم معاك ممكن ??! امل 😠عايزه مني شنو تاني انا سبتا ليكي كل شئ تاني عايزه مني شنو انا مع ابوي في المستشفى 🖐🏽 ولو سمحتي ده ماوقت عشان اجادلك فيهو ،، وقفل الخط .. رجعت واتصلت عليهو تاني 📞📞 رد عليها ،، انتي مابتحسي انا قلت ليكي،،، قاطعته امل ،، وبصوت عالي وكانت معصبة  جدا 😡😡 اسمعني ي اشرف  الكلام الحاقولو ليك حايغير حياتك كلها وحايديك مبرر لتصرفاتي معاك و لية اتغيرت معاك كده انا جنب المستشفي بره اطلع سريع صدقني الموضوع مابحمل تأخير ارجوك 🖐🏽.. اشرف وصل الادوية وحطاها عند الاستقبال وقال لبها حارجع ليك ،، طلع اشرف بره ولقي امل سايقة عربيتها ومنتظره برة ،، اشرت ليهو يجي يركب بسرعه ،، ركب جنبها و طبعا الاستفزاز بدا 😅😅 غريبه الليله جاية براكي وين حبيب القلب ،، امل عاينت ليوو وساقت العربيه بسرعة وماوقفت الا في شقة ونذلت وساقت اشرف من يدو وطلعت بيهو ،، اشرف طبعا محتار شديد   من تصرفات امل واول ماوصلو فوق اشرف زحا ايدو من امل وقال ليها انتي قصتك شنو مافاهم منك شئ تصرفاتك كلها غريبة،،، لو صبرتا شويه حافهمك انت بس رووق  ،، ارووق ?!!! 😅🖐🏽 كده دقيقة اروق كيف يعني انتي عارفه انتي عملتي فيني شنو انتي خليتني اكرهه حتي نفسي   كرهتيني حياتي سبتا كل شئ عشانك كنت مستعد اسيب البيت واسيب تاليه واسيب كل الدنيا عشانك كنت بحبك ومتفقين نتزوج وانتي في اخر لحظه تغيري رايك وتتخلي عني ،، وعايزاني ارووق ?? وهنا اشرف بقي يصرخ باالم لدرجه انو دموعو نذلت 😠😢😓   لا وكمان بترجعي تاني بشكل جديد وعاملة نيولوك غريب مغيرة شكلك وحياتك وطريقة تعاملك معاي ومرتبطه مع واحد من اغني رجال الاعمال 😅 وبتقولي ارووووق ،، واشرف بقي يصرخ في وش امل اكتر وامل كانت كل ماتسمع كلمه منو ترجف وتحط يدها علي اضانها وتبكي ??😔،، رد اشرف وهسي جيتيني في المستشفي الانا ماعارف كيف وصلتي ليها وواخداني وجايباني شقه وقافله الباب وبتقولي بكل بساطه روووق 😡😡😡مجنونه انتي اروق كيف انا لو اي حد مكاني كان انتحر ماهو ماممكن تكوني بارده كده  ...  قامت امل وجرت علي اشرف 

وحضنتو شديد وبقت تبكي وتبكي شديد  😭😭 كانت اكتر حاجه محتاجه ليها في الوقت ده حضنو ،،، استغرب اشرف من ردة فعل امل ،،، امل بقت تتكلم معاهو انت ماعارف حاجه ي اشرف ماعارف اي شئ انا اتغيرت بسبب اهلك بسبب امك وابوك ،، انت بتقول تنتحر طب انا اغلي حد عندي انتحر قبل كده بسبب امك وابوك 😓😓 ،،، انتي بتقولي في شنو ي امل ده مين الانتحر بسبب امي وابوي ،،، عايز تعرف طيب حاوريك وطلعت امل الصوره الفيها هالة وقاسم وصاحب قاسم ابو اسعد ،، قالت ليهو دي هي ،، دي الانتحرت !😭،،، اشرف استغرب 😳😳 ودي منو ي امل وده مش ابوي وابوي علاقتو شنو بالزولة دي انا اول مره اشوفها وانتي علاقتك بيها شنو ،، قعدت امل في الكرسي واشرف قعد في الارض قدامها وبقي يقول ليها ارجوكي احكي لي انا مافاهم شئ 😳😳... حاضر حاحكي ليك الفي الصوره دي امي يااشرف امي اسمها هاله امي كانت ضحية قاسم والمدام وبدت تحكي ليهو القصه كلها  من يوم ماهي جات اشتغلت عندهم لحدي مااشرف كان عايز يزوجها ورحعت البلد ولحدي ماامها رفضتو وبعد داك بدت قصه كشف الحقيقه ،، اشرف كان بسمتع لكل الحصل وهو مندهش علي قرفان من ابوهو علي مستاء و مشمئز من امو انها عملت كده في وحده بريئه ماعندها زنب غير انها حبت قاسم ،، 

و فجأه اشرف بقي يبكي ويقول لاامل ماقادر اصدق كل ده يحصل من امي وابوي 😭😭😭😭 ،،،،، لاصدق ي اشرف صدق امو امك عزبت امي لحدي ماوصلتها مرحلة الانتحار صدق انو  قاسم خذل هالة وسابها في اكتر وقت محتاجه ليهو فيهو ،، صدق اني #لقيطه  واني اتربيت  مع ام واب ماحقيقين ،، صدق اني بسبب قاسم ابوك بقيت بنت غير شرعيه (لقيطه ) فقدت امها حتي قبل ماتشوفها ،، نذلت امل من ع الكرسي وقعدت ف الارض قصاد اشرف و حطت يدها علي وشو وكانت منهزمه و تايهة تماما  ،، صدق انو هالة  اتحرمت من احساس ام فرحانة ببنتها لانو مالحقت تشوفها او جتي تسمع كلمه ماما منها ،،، صدق اني ماعشت طفولتي زي اي طفل مع امو وابوهز الحقيقين لانو ابوي نكرني وماعايزني وامل انتحرت ،،، انا ح اتجنن ياامل كيف يعني قاسم ابوكي 😓🖐🏽😭😭 طب يعني احنا اخوان طيب وحبي ليكي يعني مستحيل ربنا يكون بعاقبني كده 😭😭،،،، لا ي اشرف احنا مااخوان 😓 ،،، نعم مااخوان انتي مش بتقولي قاسم ابوكي ،،، ايوه قاسم ابوي ي اشرف بس بس بس 😢 ،،، بس شنو ي امل اتكلمي ومسكها من اكتافها وبقي يهز فيها ،،، ي اشرف قاسم م ابوك 😢😓😔 🖐🏽 انا اسفة بس انت ماولدو لقاسم  ،،، شنووووو ?? ايوه ي اشرف انت ولد المدام بس ماولد قاسم وبدت حكت ليهو عن قصتو ،، اشرف هاج وقام فوق وبقي زي الدخلتو صدمه  وطلعت امل فحص DNA من شنطتها وادتو لااشرف ،، ده ش

نو ي امل مفاجئة جديده لا ده فحص ال DNA الاتعمل ليك امس ،، ابوك كان عايز يتاكد بعد مانا اتصلت عليهو من رقم غريب ووريتو انك ماولدو ،، اخد اشرف النتيجه وقراها 😓😓وهنا كانت الصدمه اشرف فعلا ماولد قاسم شرف بقي يبكي شديد ويضرب في الحيطه اخدتو امل وحضنتو شديد وقالت ليهو ،،، انا اسفة والله العظيم بي انا كان لاذم اعمل كده عشان اكمل انتقامي من قاسم ومن امك اقسم بالله انا بحبك ي اشرف وعمري ماحبيت غيرك واسعد ماعندي معاهو اي شئ 😭😭😭بس هو الشخص الساعدني انا عارفه اني عزبت عيلتك بي غصبا عني ،،، اشرف فكاها من حضنو وقام فوق قاليها يعني انا #ابن حرام 😢 انا كمان  ابن غير شرعي بس الفرق انك عارفة ابوكي منو ،، بس انا ماعارف ، قال الكلام ده وطلع من الشقه وامل كانت قاعده ف الارض وبتبكيي وهو كمان كان ببكي

#يتبع

↚

-16-

 اديب محمد😎

#احبتني_لقيطه

 

اشرف طلع وخلي امل في نفس الوضع ،،،،،، هناك في المستشفي دخل الدكتور علي قاسم وكان شايل النتيجه في يدو ومنذل راسو تحت 😔😔😔...  قاسم عاين ليهو وعيونو كلها تساؤلات اشر عليهو الدكتور انو (لا) 😔 ،، قاسم ف اللحظه دي مسك قلبو ووقعد ف الكرسي ونذلت منو دمعه والدكتور صحبو جا مسكو ورفعو ع السرير ،، قاسم بقي ماقادر يتنفس الدكتور رقدو وطلب الممرضين ادوهو حقنه 💉 .. ووصلو ليهو الاجهزة وبسعفو فيهو بعد فترة حالتو اتحسنت وبقي راقد بس ومغمض عيونو ادوهو حقنة منوم عشان يروق ،،،

)الحاصل) مع امل بعد اشرف طلع منها قامت قشت دموعها وركبت عربيتها وماوقغت الا في بيت ناس اشرف ،،، نذلت من العربيه ومشت لقت المدام قاعده ف السرير ورافعه  رجولها في السرير 😐 لانو في الفتره الاخيره بقت ماكويسه وحالتها النفسيه اضطربت ،،، دخلت امل عليها وعيونها مليانه حقد فيها وشماته قعدت جنبها في السرير وعاينت ليها جوه عيونها ورسمت ع وشها الابتسامه ديك بتاعت الشماته ،، وبقت تتكلم معاها ،،، اووووو المدام بحالها  قاعده وحيده وشكلو ماف حد معاها ،، جربي احساس الوحده حلو صح 😊طب جربتي احساس زول يخون ثقتك زي م قاسم خانك وخذلك 😊😊 الخذلان حار شديد مش كده ،،، طب انا حاديكي الكبيرة جربي احساس انو حقيقتك تتكشف ،،،،، حقيقتي انتي بتتكلمي عن شنو وانتي منو قومي اطلعي من غرفتي الدخلك هنا شنو وقامت المدام وجرت علي اخر الغرفة وقعدت ورا الكرسي وكانت خايفه ومستخبيه ،،جات امل وقعدت في الارض قصادها وقالت ليها ،، حقيقة انو اشرف ماولد قاسم ،،، قاسم عرف كل شئ ي مدام 😊😊 انتي انتهيتي ،، اشرف كمان عرف انو قاسم ماابوهو ،،، يلا جربي احساس الوجع 😓😓😓 افقدي اعز اتنين عندك وجربي احساس الفقد ،،،،، عرف قاسم عرف والمدام بقت ترجف شديد وتبكي وخالتها بقت مذرية انتي منو ?? ولية بتعملي كده ...

انا منو??? 😓😓😓 انا ماضيكي الاسود وحاضرك المظلم انا الخاتعيشك في جحيم باقي حياتك انا الدمرت بيتك وحياتك زي مادمرتي بيتي وحياتي ،،،، انا بنت هالة ،، بتعرفيها هالة الزمان عزبتيها هاله الرسلتي ليها نسوان يخلوها تجهضني غصبا عنها ،،، هاله الانتحرت بسببك انتي وراجلك ،،، عرفتي انا منو انا الانتقمت منكم واخد حق هالة الصاع صاعين ،، كان نفسي ادمرك اكتر بس صديقيني لو شفتي منظرك هسي يحنن 😊😊 عيشي باقي حياتك عزاب كده وانا بكده اكون كملت انتقامي منك خسرتي كل\ شئ ولدك وزوجك وبيتك وثروتك ،،، انا كده بس حاكون قاعده اشوفك وانتي بتدمري 

😊😊😊المدام بقت تبكي وتبكي بانهيار شديد اثناء ماهي ناذلة من فوق غرفة المدام لقت  رقية وليلي زمايلا القبيل ومسكوهاا وحضنوها شديد وبكو معاها  😭😭😭😭 امل نحن قلبنا معاكي والله وطول الفترة دي كنا بندعي ليكي انو ربنا ياخد ليكي حقك ،، شكرتهم امل  وطلعت بصمت ركبت عربيتها تاني ومشت المره دي للمستشفى ،، ولاقت قاسم دخلت غرفة العنايه وقاسم يادوبك فتح عيونو وكان بتنفس دخلت غليهو امل واول ماشافتو عيونها اتملت دموع ،،، قالت ليهو ،،بابا 😓 ،،، طلع الاوكسجين منو وقال لبها بابا ?? قالت ليهو دي الكلمه الكان نفسي اقولها ليك من يوم ماتولدت بس انت خرمتني منها 😭حرمتني اقولها زي اي طفلة فرحانه باابوها ،،، قال ليةا انتي منو ??! ،، انا بنت هالة ي قاسم متزكر هالة 😔😓🖐🏽 هاله السابت الدنيا كلها عشانك وانت سبتها وخذلتها ،، بس شفتا ربنا ده مابنسي الناس خالص هاندا رجعها ليك في ولدك اشرف ماولدك كده حس بالم الخيانه  والخذلان من زوجتك زي ماهاله حست بيهو معاك ،،😭،،،، يعني انتي عملتي كل ده عشان تنتقمي 😭😭😭😭 ،، ايوه عملت كل شئ عشان انتقم وهسي انتقمت ،،، حرام عليك ليه حرمتني منك ،، ليه سبتا الشيطانه دي تتحكم فيك 😓😓😓،،، مسكها من يدها وقال ليها سامحيني ،،،، اسامحك ?!!!😅 ،،، ادعي لربنا انو هاله الانتحرت بسببك تكون مسامحاك ساعتها ممكن انا اسامحك ،، وفجأة نزلت دموع من عيون قاسم وتعب في التنفس تاني امل شالت الاوكسجين ركبتو ليهو وقالت ربنا بس حايسامحك انما انا عمري محاسامحك ..

طلعت امل وبس كانت بتبكي ودموعها جارية من غير صوت 

.

#يتبع 

-17-
#الاخيرة ..

 اديب محمد😎

#احبتني_لقيطه

طلعت امل من المستشفي وركبت العربيه  وقعدت تبكي وتبكي حست انو حمل تقيل نزل من علي كتفها 😭😭 انصلت علي اسعد وقالت ليهو ماقادره اسوق تعال رجعني البيت وفعلا اسعد في ظرف نص ساعه وصلها قال ليها انذلي انا حاسوق ،،طول الطريق وهي ماحكت شئ بس دموعها جاريه اسعد ماحاول يضغط عليها بالحكي وسابها ،،،، وصلت البيت دخلت استحمت وغيرت ولبست العبايه الجات بيها من سنه الي كانت محتفظه بيها من يون ماجات عشان تنتقم لمت شعرها كلو وطلعت الكعب العالي لبسا جزمتها الاشترتها ليها امها من البلد  طلعت بره لقت اسعد وابوهو قاعدين ،،، اسعد بقي يتكلم معاها ،،،

امل ماشه وين ولية لابسة كده 😳😳??! ،،، راجعه اهلي ي اسعد راجعه لاامي الربتني وتعبت فيني دي ماحياتي ولابقدر اعيشها كده ،، بس تمشي كيف وانتي الشغل كلو في ايدك انتي ،، حتي شركة ابوكي بقي عندك فيها نسبة 75% كيف حاتسيبي كل ده وتمشي كل ده ،،، ابوي ي اسعد (وابتسمت ابتسامه حزينه😔) انا ابوي مات زمان والشركه بتاعتكم انت ماشالله عليك تقدر تديرها  اما بالنسبة ل 

 نسبتي في شركة قاسم فاانا كتبت تناذل لااشرف عن كل شئ   هو ادري بمصلخة الشركة اكتر مني 

اصلا انا مابتهمني القروش ،،،،، قام ابو اسعد من كرسيهو وسلم علي امل في يدها وقال ليها مبروك قدرتي تعملي اللي انا ماقدرت اعملوو اهنيكي ،، ودعتهم امل وادت اسعد مفتاح العربيه  وشالت شنطتها اسعد طلب منها يوصلها للموقف رفضت ،، اخدت تاكسي ورجعت لاامها واول ماوصلت لاامها جرت ووقعت في حضنها وقعدت تبكي 😭😭😭😭😭 وتبكي شديد امها قالت ليها ابكي لانو البكا بيريحك ،، عدت الايام ومرو شهرين امل اشتغلت فيهم مع امها في التطريز وفي مكنه الملابس ومرة تمشي السوق تشتغل هناك وبس فجأه الباب يخبط ويطلع اشرف واسعد بره امل اتخلعت اشرف 😳😳😳😳 انت جابك شنو ،، اسعد 😳??!!! 

اسعد رد ليها اشرف جاي عشانك عشان هو بحبك جا عشان ماعندو

غيرك في الدنيا ،، بس ي اشرف انا الكنت السبب في دمار عيلتك ،، بس ي امل عيلتي كانت تستاهل ،،، امل انا بحبك ومستحيل اقدر اكمل حياتي من غيرك انا عايزك انتي وبس ،،، هنا ام امل جات من بره واتكلمت مع اشرف واسعد وبعد كلام كتييير امل وافقت 😍😍😍 انها تتزوج اشرف اتزوجو واتنقلو وعاشو في المدينه هي وامها وعادل اخوها ،،، 

قاسم بعد الحواث دي كلها المرت بيهو طلق المدام ،،، وكتب ال 25% الباقية لاامل وقال هو واثق انو امل حاتحافظ علي الشركه ليها ولي اخواتها ،، اشرف رفض ياخد نسبه من الشركة ورجع وزع الاسهم في الشركة بالتساوي مع امل قاسم  واحمد قاسم  واخت احمد البتقري برة وقال لقاسم انا بديت شغلي في شركتي براي وحمدلله ربنا وفقني وشركتي ماشه تكبر خليني كده حاكون مرتاح 😊 .. احمد اخو اشرف حكي لااختو بكل الحاصل واختو قررت تجي تحضر زواج قاسم واشرف ،،،  واتزوجو امل  واشرف بس قاسم جا وحضر من بعيد وكان ببكي طلع قاسم وهاجر للخارج الي الابد بعد مااطمن انو الورثه اتوزعت ع اولادو بالتساوي ،،،، اسعد شاف اخت اشرف في حفلة العرس وحباها اتعرف عليها وخطبها من اشرف😍😍  ،،، المدام حالتها النفسيه اتدهورت شديد واضطر اشرف يوديهت مستشفي تأهيل نفسي (مهما كان دي امو ) وهسي بتتعالج هناك وحالتها زي ماهي .... امل حملت وولدت بنت سمتها هالة 😍،،، اشرف وامل عاشو حياة حلوه شديد بس دائما كل مايتزكرو الحاصل معاهم بحزنو وببكو من غير مايشعرو ، بس عرفو انو دي سنة الحياه ،، اشرف كل ماينوم بقول لي امل تفتكري حايجي يوم واعرف انا ابوي منو 🖐🏽😓 

#النهاية