رواية لانني مطلقه بقلمي Dalia Ibrahim 

تحميل الرواية PDF

#لانني_مطلقه_1

بقلمي Dalia Ibrahim 

(انا قويه) 

خالد تهون عليك عشرة السنين دي كلها وتطلقني،، عشان شنو!! عشان كلام امك.. 

امك دي بالنسبه لي زي امي،، ومستحيل افكر في يوم اغلط في حقها،، وزي م انا م برضى في امي زول يقول ليها كلام كعب او يغلط في حقها انا م بغلط في حق ام زول ... 

انا عايشه معاها سته سنين،،،، عمري م قلته ليها كلمة زعلته،  وكنت شايلاها فوق راسي ..

اسي تقول علي انا نبزتها،،،، قدام الجيران كلهم وحاولته ارفع يدي عليها كمان...

 حسبي الله ونعم الوكيل.. 

مع قفلة خشمي جاني كف من خالد رماني في السرير،،

انتي واحده قليلة ادب وكيف تتجرائي تكذبي كلام امي،، انتي قايلاني م عارف البتعملي ولا عشان صابر عليك قايلاني م عارف حركاتك البتعمليها،، ولا م عارف علاقاتك المع سيد الدكان ولا عشان سكته خليتك ..

انتي طالق ي داليا طالق . واسي ولا دقيقه م عايز اشوفك في بيتي تلملمي حجاتك وتمشي وم تخلي لي ولا ولد وم معروف زاتو ديل صح اولادي ولا جايباهم من علاقاتك الكتيره دي وطلع ...

 الكلام وقع علي زي الصاعقه معقوله داا خالد راجلي،، خالد العشته معاهو سته سنين،، لالا م اظن داا م خالد وبقيت ابكي ..

جاني صوت من بعيد.. ااصلا داا الح يحصل مع ااي واحده تحاول تشيل ولدي مني،،، انتي قايلاني م ملاحظه ليك خليتي ولدي يجافيني وم يسمع كلامي وااي حاجه تقوليها انتي بعمله ليك بدون م يفكر،،، اهاا الليله انا قدرته اقلع ولدي وارجعو لي زي م كان وانتي لمي باق كرورك داا واطلعي من بيت ولدي لو سمحتي ...

ي امي بس داليا م كدا وانتي عارفاها وعمرها م قصرت معاكي في حاجه وخادماك ال24ساعه دي نهاية خدمته ليك داا جزاء المعروف القدمتو ليك؟!... 

ي بت هااا ارح بلا معروف بلا كلام فارغ مرت اخوك دي من جابوها م قدمت لي معروف وانا حالفه الا اخرب ليها بيتها زي م خربت علاقتي مع ولدي... 

#كسره

انا داليا الرشيد احمد من امدرمان اتزوجته خالد عن حب دام لي سنتين انا كنت في اوله ثانوي وهو كان خريج ادارة اعمال جامعة السودان 

اتلاقينا وحبينا بعض واتزوجنا قبل م امتحن الشهاده السودانيه ويمكن داا اكبر غلط لي اني فضلته الزواج ع قرايتي ،،

امي اسمها زينب ابوي الرشيد اخوي واحد اصغر مني اسمو شهاب- اولادي ايه واسمر تؤام عمرهم 4سنين.اسرتنا ع قدر حاله والحمدلله 

خالد امه اسمها مكه ابو متوفي عندو اختين واحده متزوجه مقيمه في السعوديه اسمها رندا والتانيه اصغر واحده اسمها رميساء ودي كانت طيبه معاي شديد وعمرها م حسستني اني مرة اخواها معاملتي معاها معامله اخوات...

 بعد ما خالد طلع بديت الملم في ملابسنا نزلته الشنطه الكبيره من فوق الدولاب ،،وستفت الملابس ،ودموعي عشره عشره م مصدقه الحصل يعني خلاص انا زواجي انتهى انا اطلقته... 

ايه واسمر كانو قاعدين في سرير واحد وخايفين من الجوطه الحصلت دي،،، قلته ليهم يلا ي ايه يلا ي اسمر قومو غيرو عشان نحن ح نمشي... اسمر قال لي ماما ح نمشي وين؟!

قلته ليهو ح نمشي ناس جدو الرشيد نسلم عليهم... 

طلعنا ودي كانت اول مره اطلع من بيتي وانا زعلانه،،ومكسوره ،،وسايقه معاي طفلين 

م عارفه حيكون ردة فعل اهلي شنو بعد م يعرفو اني اطلقته ،،،

اجرتا بتاع ركشه عشان يوصلنا ناس امي لانو بيتي م بعيد منهم 

اثناء م نحن في الركشه بفكر ح اعمل شنو وحياتي حتكون كيف،، ونظرة المجتمع لي حتكون كيف ،،المجتمع مح يرحمني 

خصوصا اذا عرفو اني بقيت مطلقه ،،في مجتمعنا اذا المرا اطلقت اللوم والغلط كلو  بقع عليها ... 

والراجل بطلع منها زي الشعره من العجين وغالبا م تلقى الناس غلطة الراجل ... 

ولدي اسمر قال لي ي ماما صحي بابا طلقك ؟!

بتاع الركشه عاين لي بالمرايه نظرة استغراب وعقد حواجبو،، كانو انصدم من كلمة طلقك دي ،،قلته ليهو لالا بابا م طلقني ي اسمر الكلام داا غلط وتاني م تقوله.. 

قال لي طيب ي ماما ابوي ليه قبيل قال ليك انتي طالق ؟!

ههه كان بهظر ي اسمر وضميتو علي ،في اللحظه ديك من غير م احس دمعتي جات نازله والعبره وقفت لي في حلقي 

انا يومي ح اتسآل بالطريقه دي ح اتسآل اساله مح اقدر اجاوب عليها 

عيالي ح يسالوني يومي من ابوهم اقول ليهم شنو انا اشرح ليهم كيف انو زواجي من ابوهم انتهى ،،،،

يالله تصبرني يالله تربط ع قلبي واقدر اصبر ...

وصلنا البيت ونزلنا من الركشه جريت السلك ودخلنا ناس امي .في مجتمعنا الناس بتشوف الطلاق عيب وبتنظر للمراه المطلقه نظره قاسيه جدا كآنها هي المسئوله عن الطلاق وبخلوها تعيش داخل سجن ابدي بي صفة انها مطلقه  💔 

يتبع....

↚

#لانني_مطلقه_2

(انا قوية) 

اول م دخلنا البيت لقيت امي في المصلايه ،،،قعدته ايه واسمر ،،،وبقيت انادي في ابوي 

ابوي،ابوي،

ابوي جاا طالع،،داليا؟!بسم الله جيتو متين ي بتي ان شاء الله عافيه ؟!،،

ابدا م عافيه ي ابوي خالد طلقني ي ابوي ،،شنو؟!خالد طلقك كيف ،،ي بتي اذا اتناقشتو نقاش عادي وزعل منك دا م يبقى طلاق بين ااي مره وراجل بتحصل المشاكل دي ،،

كدي استهدي بالله واحكي لي الحصل ،،،

مسكته ابوي وحضنتو قوي،، قلته ليهو والله ي ابوي خالد طلقني  ي طلقني. 

ابوي بقى يتحسبن ،،حسبي الله ونعم الوكيل ،،دي قسمتك ي بتي انتهت ،،وقعادك مع خالد انتهى ،،ارضي بالقسمو ليك ربنا واصبري ،،عيالك وين اسي ؟!

جبتهم معااي ي ابوي قاعدين في العريشه هناك ،،

امي جاات جاريه داا شنو البتقولي فيهو ي داليا ،،ي بتي خالد طلقك متين؟!وليه؟!

مش الجمعه الفاتت جيتونا مبسوطين الحصل شنو تاني ي بتي ؟!

وانا ببكي قلته لي امي،،ي امي خالتو مكة قالت انا نبزتها قدام الجيران،،ورفعته يدي عليها ،،،وانا يشهد الله م عملته حاجه زي دي ،،،وسعت قلته لخالد انا م نبزته امك،،م رضى وقال لي انتي كذابه انتي بتكذبي فكلام امي،،وطلقني ي يمه طلقني ،،

امي قالت لي داا كلو ي بتي طلع من خالد خالد البنعتبرو زي ولدنا وعمرو م غلط علينا ،،اسي يجدع لينا بتنا بالطريقه دي ويخون الامانه الاديناها ليهو ،،،

الله يسامحو ي بتي م تبكي كلو لخير ،،،عايني لعيالك اسي لو شافوك كدا ح يزعلو ويبكو هم برضو ،،،ديل في النهايه شفع وبتحسسو،،

يلا ارح ي بتي ارتاحو عشان اجهز ليكم الغداء وتتغدو وواوعك تشيلي هم الله في... 

قلته لي امي ،،يمه انا م عايزه اكل نفسي مسدوده والله ،،،امي قالت لي ي بتي اكلي عشان عيالك ديل شفع وبشيلو في قلوبهم واذا ابيتي الاكل هم زاتهم مح ياكلو وتشيلي ذنبهم ،،،

قلت لي امي طيب انا ح اتوضى،، واصلي لحدي م تجهزي الغداء. 

امي ساقت ايه واسمر غيرت ليهم ملابسهم وبقت تجهز في الغداء

طبعا م حكيت لناس بيتنا اتهامت خالد،، وشكه فيني والكلام الجارح القالو فيني ،،لانو اذا حكيت لاهلي ح يزعلو واخوي شهاب ممكن ينفعل ويمشي عشان يشاكل خالد ويضربو... 

اتوضيت صليت العصر،، وقعدته في المصلايه ورفعته يدي لي ربنا دعيت ربنا يجبر بخاطري،،وياخد لي حقي من الظلموني وخربو لي بيتي ،،ويقدرني على تربية عيالي ،،

وانا بدعي يقيت ابكي بكيت بكل حرقه،،فضيت الجوااي كلو قدام ربنا ،،،

وانا ببكي حسيت بإيد صغيره هبشتني في ضهري ،،اتلفته لقيتو داا اسمر 

مسح دموعي بايدو ،،وقال لي ي ماما م تبكي انتي زعلانه مني معليش ي ماما م تبكي مش قلتي الببكي عوير ،،وما شاطر ،،انا امي شاطره م بتبكي ،،

ابتسمته ليهو وبوسته في راسو قلت ليهو ماما م زعلانه منك ي اسمر وماما شطوره تاني مح تبكي،، انا بدعي ربنا يخليكم لي انت وايه،،وتطلعو لي اولاد فالحين ،،

اسمر قال لي ي ماما انا ح اطلع دكتور كبير واعالج كل الناس مجاان. 

ههه ان شاء الله ي اسمر ان شاء الله ،،،

اسمر بالرغم من صغر سنه بس واعي شديد ومن صغير فاهم هو الوحيد المونسني الوحيد القلبو ع امه وم برضى فيني،، عكس ايه،،ايه،، بتي مسكينه ونادر م تتكلم... 

امي جهزت لينا الاكل ونادتني داليا،،داليا،،

ايواا ي امي جاايه مسكته اسمر من يدو وطلعنا برا الحوش 

قعدنا في صينة الاكل،،وانا م عندي نفس اكل،،بس اعمل شنو ،،مجبوره 

ونحن بناكل اسمر قال لي ي ماما بابا لي م اتصل يسلم على ناس جدوو؟!

قلته ليهو بابا ي اسمر مشغول بتصل بعدين،،،

سكته واتزكرته كل شريط حياتي مع خالد في اللحظه ديك ،،امي عاينت لي كانها بتقول لي كلو بهون ي داليا بس انتي اصبري م تشيلي هم .

__________

في بيت ناس خالد ام خالد كانت بتتكلم بالتلفون 

الو ي رندا ازيك 

عيالك كيف وراجلك كيف ،،

كويسين الحمدلله انتو كيف ورميساء كلكم كويسين وخالد اخوي وعيالو ،،ومرتو الكريهه دي للان قاعده ،،،

ي بتي مرتو انا طفشتها الليله دي وتاني بيتي داا اكان بقى قبله م بتقبل عليهو واخووك طلقه  ،،،وريحتنا من وشها الكريه ام وشين 

ايويوي ي امي تستاهل والله ،،لكن طفشتيها كيف م فهمته ؟!

ي بتي هرشته عليها خالد وقلته ليهو نبزتني وقلته ليهو مرتك كعبه وكم مره بلقاها واقفه بتتضاحك مع سيد الدكان،،

خالد جن ومشى عليها شاكله وطلقه،،، 

هههههههههه ي امي قادره لكن الحمدلله هم وانزح ،،،

مكه:خالد ولدي بكره بعرس ليهو ستها البتسمع كلامي وبتمشي على كيفي وم بتقدر ترفع عينها تتكلم معاي 

يتبع....

↚

 #لانني_مطلقة_3

(انا قويه) 

بعد ما اكلنا وغسلتا لي ايه واسمر ايديهم،،، امي عملت لينا شاي المغرب.

قلته ليها يمه م تتعبي نفسك ،،،م ضروري تعملي لينا الشاي،،،

قالت لي لالا نحن اتعودنا اصلا ع شاي المغرب ي بتي وكدا كدا ح اعملو لي ابوك. 

أثناء م نحن قاعدين شهاب اخوي جا داخل،،، ايه واسمر من شافو جرو عليهو خالو،خالو ،ومسكو شهاب ،،،

معودهم لمن يجي داخل يرفعهم فوق الركشة ويدخل بيهم البيت ،،،

(شهاب اخوي سواق ركشه ابوي اشترى ليهو الركشة عشان يقدر يشتغل بيها ويقدر يصرف على نفسه المصاريف البحتاجه للجامعه شهاب بقرا صيدله في جامعة الزعيم الازهري) 

بعد ما شهاب دخل الركشه ودخل،،،

_السلام عليكم 

_ردينا 

_وعليكم السلام 

_كيفكم يا يمه قيلتو كيف 

كويسين الحمدلله ي ولدي م علينا العوجه 

_داليا كيفك ؟!

تمام الحمد لله ي شهاب انت كيف والجامعه كيف؟!

الحمدلله ياهو بنحاول نوفق بينا وبين الشغل 

_ربنا يسهل 

_اميين 

شهاب قاعد مستغرب من جيتي البيت فجاءة ،،،لانو لمن اكون عايزه اجي كل مره بتصل ليهو بوري اني جايه البيت ،،،

شهاب قعد اتغداء وشرب الشاي ،،،عايز يسالني بس متردد يفتح معاي الموضوع كيف 

_داليا؟!

_ايوا ي شهاب 

_الليله مقيلين عندنا كنتو ؟!

_لالا ي شهاب نحن جايين نقعد تاني معاكم ع طول 

_كيف م فهمتك ؟!

_انا اطلقته 

_شو شو شنو انتي بتقولي في شنو ي داليا امي صحي كلامه صح ؟!

امي ردت ليهو ،،،

ايوا ي شهاب اختك طلقوها والليله جاتنا معاها عياله. 

والسبب شنو ي يمه؟!

والله ي ولدي سوء فهم بسيط ،،لكن تقول شنو قسمة وانتهت صح الطلاق ابغض الحلال ،،لكن ربنا اراد كدا 

_خالد يعمل كدا معقول؟!

___________

شهاب جا قعد جنبي قال لي اوعى تشيلي هم ي اختي ولا تشيلي هم الناس وكلامهم انتي م اول واحده اطلقت ،،ولا اخر واحده ح تتطلق 

_لخير وانا قاعد اذا احتجتي ااي شي انا جنبك،، ومدام اخوك حي في الدنيا دي م تشيلي هم. 

(شهاب عمرو 19سنه )

قلته ليهو والعبره واقفه في حلقي ي اخوي انا م عايزه اشيلك مسئولتي انا واطفالي ولا عايزه اشيل ابوي مسئوليه ،،،كفايه انكم فتحتو لي بيتكم انا وعيالي. 

من بكره عايزه افتش شغل،،،عشان اوفر لي عيالي مستلازمتهم والسنه الجديده بدت عايزه ادخلهم الروضه. 

_ابوي قال لي ي بتي انا ربيتك من انتي صغيره لحدي م كبرتي وعرستي ،،اسي ح يغلبني اشيلك انتي وعيالك ابوك ي بتي لسه حي م مات 

_قلته ليهو ربنا يطول في عمرك ي يابى ،،بس انا عايزه اشتغل عشان الشغل هو الوحيدالح يخليني اقدر انسى واتجاوز 

_طيب ي بتي مدام مصره ربنا يسهل 

____________

مره اسبوع مما اطلقته وخالد ولا كلف نفسه يسال من عياله ،،،ولا اشتغل بينا الشغله. 

_كل يوم انا بفتش شغل م بلقى كل يوم قلبي كان بوجعني وبقول ياريت لو كملته تعليم كان اسي م اتمرمطه ،،،

صحباتي كلهم اسي بشهادتهم بس انا عملته شنو باريت قلبي ،،واخترت اعرس وهدا اطلقته. 

قاعده تلفوني ضرب عاينته للشاشه لقيته دي رميساء 

_الو داليا كيفك 

_اهلين رميساء ازيك 

_كويسه الحمدلله سمور كيف ايوته 

_كويسين والله الجامعه معاك كيف 

_الحمدلله انتي عارفه اول سنه بكون في حماس 

_ههههه ااي والله 

سكتت مسافه وقالت لي داليا انا م عايزاك تزعلي من امي وخالد ،،خالد بحبك والله وانتي عارفه كدا كويس بس مستحيل يقدر يكذب كلام امي ،،وانتي عارفه عشان امي ممكن يتخلى عن ااي زول ،،،وانتي عارفاني بعتبرك زي اختي وعمري م اعتبرتك مرة اخو وانا م عايزه الحصل ياثر في علاقتي معاك ،،ويخليك تكرهيني. 

قلته ليها داا كلام شنو ي رميساء!! 

مستحيل ازعل منك انتي بالذات عارفه انو قلبك ذي اللبن وبتريديني ،،بس الشيطان كان اقوى مننا وخرب البيني وبين اخوك الله يسامح الكان السبب اتونسته مع واديته اسمر وايه سلمت عليهم وقفلته 

_____

من دخلته بيت ناس خالد رميساء عمرها م غلطة علي ولا حتى خلتني ازعل منها هي معاي زي العسسسل عكس رندا الكل يوم وتاني كانت عامله مشاكل لحدي م عرست وسافرت 

#كسره

رميساء بتقرا في نفس جامعة شهاب بس تخصص تاني وشهاب كان فايته بسنتين هي ياداب اول سنه ليها 

يتبع.....

↚

 #لانني_مطلقه_4

(انا قويه) 

انا مطلقة بس قادره اربى عيالي احسن تربيه من غير ابوهم 

انا قادره اوجه المجتمع وكلام الناس ،من دون م تتهزه شعره في راسي انا ح امشي بكل ثقة في الشارع وقدام كل المجتمع ،،،الطلاق حق بنات الرجال  💛

___

الليله طلاقي مره عليهو اسبوعين بالضبط ،،،،بس كانه حصل امبارح،،كل شي حصل،،وكل كلمه قاله لي خالد كانت بتتردد في اضاني وبسمعه،،

كل يوم اسمر وايه بسالوني ،من ابوهم يومي ماما بابا وين ؟!

ماما بابا ليه م اتصل ؟!

ماما بابا حيجينا متين؟!

كل مره بضطر اكذب عليهم بابا مشغول ،،بابا اتصل وانتو نايمين وقال اسلم عليكم ،،بابا جااي بكره 

كل يوم نفس الاسىئله ونفس الاجوبه يومي ،،كل يوم نف الدراما 

_______

ابوي وامي وشهاب بحاولو بقدر الامكان م يخلوني اتحسس او اتاثر بالطلاق بعملو كل جهدهم ،،،عشان م يشوفوني مكسورهه،،

وامي نهايه م خلتني براي كانت شايله همي اكتر مني 

بالجد م ليك سند غير اهلك ،،،ومهما تضيق بيك الدنيا مح تلقى غير اهلك واقفين معاك 

____يوم انا راقده في عريشتنا وقدامي ايه واسمر بلعبو ،،،امي جاتني قالت لي قومي ي داليا جهزي 

قلته ليها اجهز شنو ي امي؟!

قالت لي الليله ناس امنه جارتنا ومعاها نسوان الحله قالو جاييني يشربو الجبنه 

قلته لي امي اسي ديل الجايبهم شنو ااااوف يااا،،اكيد عرفو اني اطلقته وجايين يشمتو 

امي قالت لي ح يعرفو من وين ،،،حتى لو عرفو مالو الطلاق م عيب وي بتي اذا م عايزه القعده معاهم ادخلي ارقدي جوا،،، وانا بقول ليهم تعبانه.

لالا ي امي ح اقعد معاهم ،،،مش نسوان حلتنا ديل بقدر عليهم 

_مشيت المطبخ وجهزته مع امي بعد الضهر بشويه باب بيتنا دقه ،،،امي فاتت فتحت الباب 

_مرحب مرحب اتفضلو نورتو والله 

_واحده فيهم ردت البيت منور باسيده .

دخلو العريشه سلمو علي وقعدو قمته اجيب ليهم مويه سمعتهم بتكلمو... 

انا م قلته ليكم بت زينب دي طلقوها وانتن ابيتن تصدقن ياها قاعده في البيت 

_ااي والله كلامك صح ي امنه شوفي كراعه فاضيه ولا حنه م فيها اظنها مطلقة طولت. 

_انتن ي نسوان اسي يمكن البت حامل وبتتوحم جات تقعد عند اهله 

_انتي شن عرفك انا يوم داك سمعته من جارتنا سميه قريبة نسابته انو طلقوها. 

_يحليلى مسكينه عاد اسي رجالنا كان سمعو الكلام دا البمسكهم من البيت داا شنو البت ماشاء الله زي القمره وصغيره 

_اتكلمي عن راجلك يختي انا راجلي م بعاين ليها وضحكو 

ابتسمته ومشيت المطبخ ،،والله ي امي عندك جارات ظريفات خلاص 

_امي قالت لي مالن قالن ليك شنو 

_ابدا ي امي كانو بتونسو عادي

_طلعنا ليهم وختينا الجبنه وبقو يتونسو ،،فلانه قالت وفلانه سوت ،،وعلانه راجله دقاها ،ودي راجله بخونه  ودييك راجله طالقه هامله ساي. 

ههههه غايتو جنس محن 

واحده فيهم قالت م سمعتن قالو ايلاف بت ساره طلقوها 

واحده ردت عاد دي م يطلقوها كيف وهي اليوم والتاني عامله مشاكل مع راجله وجايه بيت امها اسي خليها التقعد عند امها مره واحده 

امي عاينت لي وابتسمت نظام م تشتغلي بيهم 

_عارفه انو كلامهم داا كلو عايزين يصلو لحاجه معينه عايزين يتاكدو من خبر طلاقي 

خالتي امنه قالت اليومين ديل الطلاق منتشر مش ي زينب 

امي قالت ليها ااي والله ربنا يصلح الحال 

_____________

بعد م شربو الجبنه قامو ماشين امي قدمتهم للباب ورجعت. 

بعد ما طلعو:

عاد لكن زينب وبتها طلعن غتيات م رضن يكلمونا بطلاق داليا.. 

هههه شكلهن خجلانين المهم نحن اسي اتاكدنا وقطعنا الشك باليقين .

ههههه ااي والله 

________الناس مستعده تخلي القدامه والوراها عشان تباري الفارغه والقلنا والقالو والسواطات الكتيره دي 

في حين انو الموضوع عادي جدا وم عيب 

م انا م بي يدي انا ذنبي شنو اذا اطلقته ذنبي شنو اذا ربنا كاتب لي اطلق ،،،هل انا اخترته كدا ؟!اخترته اخرب بيتي؟!اخترته اكون مطلقه؟!

يتبع....

↚

#لانني_مطلقه_5

(انا قوية) بقلمي Dalia Ibrahim 

في يوم صحيت من النوم صليت الصبح و امي عملت لينا شاي الصباح ،،،ي سلام على شاي امي حاجه كدا زي الطبطبه،،،

قاعدين انا وابوي ،،وشهاب كان شايل ايه بلعب فيها. 

لاحظته لي اسمر ولدي م عل طبيعته وراقد م اتحرك ،،،من بعيد سالته 

ماما الليله مالك هادي كدا خير ؟!

سكت ساي م ردا لي 

_غريبه مالو 

امي قالت لي خليهو ي داليا يمكن لسه نعسان عودتي ولدك ع السهر بتخلي يساهر كتير .

شهاب مشى عليهو هبشو من جبينه لقاهو مسخن ،،قال لي قومي ي داليا شوفي ولدك دا  مالو مسخن. 

قومته بخلعه وبعلي مالو اسمر اسمر مالو ،،هبشتو  لقيتو مسخن ،،،بقيت اقول بخوف 

اسمر اسمر مالك حبيبي عيان سمور مالك؟!

امي قالت لي سوي ليهو مكمدات لحدي بعدين لو م بقى كويس نودي المستشفى. 

قمته وجسمي برجف بليت لي قطعه بمويه بارده ختيته ليهو في جبينه ،،

بعد ساعه بقى يهلوس ويقول (بابا بابا تعال نعلب بابا عاين ايه بتبكي بابا اشتقت ليك بابا انا زعلان منك بتكلم ودموعه نازله) 

انا انهرته ومسكته اسمر ضميتو علي وبقيت ابكي بكى هستيري كانه مات لي زول ،،انا م اتحملته حالة ولدي ،،حسيت انو انا الغلطانه انا السبب في مرضه دا 

معقوله للدرجة دي مشتاق لي ابوهو وم قادر يعبر لحدي م وصل للمرحله دي.

بس اسمر طفل معقوله كان حابس كل الوجع داا في قلبه. "حسبي الله ونعم الوكيل عليك ي خالتو مكه "

امي قالت لي ي داليا ي بتي اسمر م بحصل ليهو شي م تبكي وتقطعي قلوبنا ،،امشي ي شهاب دور الركشه خلي نودي المستشفى وان شاء الله ببقى عافيه. 

لبسته اسمر وشهاب دور الركشه ،،وايه كانت بتلعب وخليناها مع ابوي لانو لو سوقناها مح تسكت لي. 

ي اللة من حالك ي اسمر ي ولدي ابوك م جايب ليك خبر ولا سال عنك الليله شهر مما انفصلنا م كلف نفسه يسال منكم. 

___________

في جانب بيت ناس خالد :

ي امي عرس شنو عليك الله انا تاني م داير اعرس لحدي م اموت اعرس ليه وعشان شنو انا خلاص غلطه مره ومح اعيد الغلطه تاني. 

_

مكه:ي ولدي م تحكم على نفسك من تجربه فاشله انا ح اعرس ليك واحده بت رجال من اختياري الح تحترمني وتحترمك م زي داليا "ولولوت خشمه "

_ي امي انتي عارفه وانا عارف انو داليا كانت محترماك ومقدراك وم قصرت معاك معاك ولا حتى عاملتك شين ،،،

انا م داير اكذب كلامك واصدق كلام داليا واخلف ليك كلام وربنا يحاسبني ،،بس ي امي انا متاكد انو داليا مظلومه وانا طلقته عشانك عشان انتي العايزه كدا ومن يوم عرسته داليا م حصل اتعاملتي معاها كويس وبتحاولي بكل الطرق تخليها تغلط عشان انا اتجنن فيها  عشان عارفه انا م برضى فيك وهدا طلقته ان شاء الله تكوني مبسوطه .

 _

انا اسي لي شهر م قادر اتصل واطمن ع عيالي لاني خجلان منها ،،واساله بياتو عين وانا يوم داك نكرتهم وقلت ديل م عيالي ،،ي يمه انا خسرته عيالي ومرتي بسببك واسي جاايه تعرسي لي ،،انا مسافر والطياره بعد ساعه ،،وجيت عشان اشيل رضاك ،،وجات دمعه من عينه نازله. 

"ي الله وجع الرجال"

مكة:ي ولدي داا كلام شنو ومسافر ماشي وين تخلينا برانا انا واختك. 

ي امي انتي الاخترتي كدا وربنا يسامحنا كلنا. 

وطلع 

ام خالد بقت تبكي بكى التماسيح ي خالد ارجع ي ولدي تعال م تحرق قلبي عليك م تسافر. 

ولا اشتغل بيها ولا بدموعه وفات خلاها 

ربنا يوجع قلبك اكتر واكتر ي مكة. 

اول م وصلنا المستشفى بتاعت ليبيا التخصصي دخلنا استلمو اسمر والدكتور قال لينا م تخافو هو كويس ،،بس فاقد سوائل الولد داا م بياكل ولا شنو؟!

_

قلته ليهو والله ي دكتور م برضى الاكل نهائي وقدر م حاولته ابى .

قال لي ابوهو وين ؟!

داا السوال الكنت خايفه منو 

امي وشهاب بقو يعاينو لي ،،شهاب قال ليهو ابوهو بعيد اذا في اي شي بتكفل بالموضوع انا 

_قال ليهو لالا ي شاب سالته من باب المعرفه بس بعتزر. 

دخلو اسمر فحصو ليهو وركبو ليهو درب وحالتو بقت مستقره بس لسه كان بهضرب بابوه. 

امي قالت لي داليا اضربي لخالد وري انو ولدو عيان. 

_اوري شنو ي امي نسيتي انو نكرو وقال م ولدو 

_ي بتي اكيد دا كان في لحظة زعل وهو م قاصد كدا كدي اضربي وري اسي.

_سمح ي امي وشلته التلفون عشان اضرب لخالد بس م راضيه ولو علي تاني م اتكلم معاهو ابدا  بس عشان خاطر سمور ولدي 

يتبع....

↚

 #لانني_مطلقة_6

(لانني قويه) بقلمي Dalia Ibrahim  🌻

اتصلته لي خالد زي ما امي قالت لي اول م اتصلته لقيت تلفون خالد مقفول ،،،

اها ي امي شفتي تلفونه قافلو. 

ي بتي حاولي اذا م رده دقي لي رميساء. 

دقيت لي رميساء ،،

_الو رميساء

_اهلين داليا كيفك 

_بخير الحمدلله انتي كيف 

_كويسه بس فاقداكم 

_م تفقدي عزيز يارب 

_امين ،،انتو كيف ايوته وسمور كيفهم 

_كويسين بس سمور تعبان شويه وجبنا الدكتور 

_مالو سمور حبيبي سلامته 

_الله يسلمك ،،لالا كويس اسي طالعين البيت راجعين 

_الحمدلله 

_رمو عايزه اسالك من خالد مالو قافل تلفونه 

_والله ي داليا خالد دا قبل شويه سافر وطيارته قامت على دبي 

ورقمه الهنا مقفول تاني الا بعد يصل حتى يدينا رقمو الجديد 

،،،،،

انا هنا العبره خنقتني م حبيت اظهر ليها اني زعلته واختصرته عشان م اضعف وابكي. 

اممم خير ي رمو تسلمي 

_الله يسلمك بكره بعد الجامعه ح اجي اسلم ع سمور واكفر ليهو 

تسلمي والله ي رمو م بتقصري ابدا 

ولو داا ود اخوي من لحمي ودمي معقوله 

،،،،،،،،،،،،

قفلته من رميساء وانا عيوني مليانه دموع ،،،خالد سافر برا البلد من غير م يوريني ويودع عياله 

_امي قالت لي اها قالت شنو .

قلته ليها وانا دموعي جاريه خالد سافر برا البلد ي يمه 

_امي قعدت جنبي قالت لي م تزعلي ي داليا انتي عملتي العليكي ،،وربنا يخلي ليك عيالك ديل الح يشيلوك بعدين 

شهاب كان قاعد سامع قال لي 

_انا م دايرك تزعلي ي داليا ومن الليله انا ح ابقى لي اسمر وايه اب وح اشيلهم في راسي م تبكي انتي دموعك غاليه ومستحيل اخلي اختي تبكي في يوم واسمر ح يبقى كويس باذن الله. 

___________من جانب خالد :

خالد كان قاعد في الطياره وفاتح صوره فيها هو وداليا وايه وسمور ،،،

قال اكيد ح تكرهوني لاني اتخليت عنكم وجدعته امكم وم سالته عنكم بس والله م بيدي ابوكم بحبكم وبحبكم اكتر من نفسه. 

عاين لي داليا وقال :

ي القمره البشوشه الوقفت معاي في الحلو والمر واستحملتني وم شكت مني يوم سامحيني ي السمحه غلطه في حقك سامحيني لاني ظلمتك بس امي ي غاليه امي م بقدر ازعله وانا عارف امي مستحيل تخليك في حالك ،،،سامحيني ي دلالي  ❤

وباس الصوره وغمض عيونه وجات دمعه نازله منو 

،،،،،

النسيبه م عارفه بس صعب التعامل معاها مهما احسنتي ليها وبقيتي كويسه معاها بس اذا هي م دايراك مستحيل تخليك تعيشي بسلام ودايما ح تحاول تخرب بيتك.. 

________العصر كدا طلعنا من المستشفى وادونا علاجات عشان نصرفه لي اسمر شهاب شال الروشيته صرف ليهو الادويه كلها. 

وركبنا الركشه مشينا على البيت... 

بالليل وانا راقده في السرير اتزكرته يوم سمور برضو تعب وودينا الدكتور انا وخالد  وسعت سمور اتضايق وانهرته خالد الكان مصبرني ،،،، 

وكان بقول لي اسمر ولدنا مح يحصل ليهو شي ي دلو م تبكي حبيبتي دموعك غاليه ،،وان شاء الله مح يتعب تاني. 

اسمر الليله تعب ي خالد اسمر تعب عشان فاقدك م لاقيك ،،،وانا راقدهه لقيت نفسي ببكي من غير م احس م اسمر براهو ال اشتاق لخالد حتى انا اشتقت ليهو ،،

قلته الحمدلله ع كل حال ونمته ،،،لازم انوم بدري عشان بكره ح اودي سمور وايه الروضه وافتش شغل لقروش التسجيل ،،،

يتبع....

↚

 #لانني_مطلقه_7

(انا قويه) 

الصباح بدري وانا نايمه سمعته فوق راسي ،،،ماما ثباح الحيل(بلغة الاطفال،،اسمر) ماميشو ثباحو قومي حبوبه عملت الشاي وقالت الليله ح نمشي الروضه ،،،،(ايه) 

قمته طيب طيب قايمه ،،قمته صليت الصبح وشربنا الشاي مع ناس امي ،،وشهاب طلع فات الجامعه. 

امي قالت لي ي داليا ح توديهم ياتو روضه قلته ليها ح اوديهم روضه قريبه من البيت عشان لو طلعوهم يجو بدري  ،،، ولو حصل ااي شي تقدري تمشي ليهم. 

_سمح ي بتي الله يقويك 

طلعنا انا واسمر وايه مشينا الروضه القريبه مننا مسافة شارعين بس من بيتنا ،،اول م دخلنا لقينا الاستاذه سلمته عليها وقلته ليها مكتب المديره وين .

قالت دااك ياهو الجنب فصل اوله ،،،

وصلته المكتب 

_السلام عليكم 

_ردت بنبرة خلعه كداا وعليكم السلام وااي داليا اصلو م بصدق الليله اتزكرتيني من وين 

_سماهر ؟!اهلييين ي بت انتي الكنتي وين 

_قاعده ي زوله كيفك ازيكم ي عسل ،،،سلمته عليها وقعدنا (سماهر كانت دفعتي في الثانوي هي كملت دراسته بس انا فارقته زمن عرسته) 

_كيفك عليك الله ي داليا ،،،ماشاء الله متين عرستي 

_ههههههه من زمان ي بت ولمن جبته الحلوين ديل 

_ربنا يحفظهم ليك ويخليهم عسل ماشاء الله تعالو بوسو خالتو،، سلمت ع اسمر وايه وقعدتهم جنبها. 

_اميين سمو جيت عايزه اسجلهم معاك اذا ممكن 

_لو م ممكن نسجلهم عيالك في راسي بتهظري انتي ي بت 

_سالت اسمر الجميل اسمو منو قال ليها اسمر خالد ،،،ههههه عسل ،،،والحلوهه اسمها منو ؟!ايه خالد  ،،،وحلاتي وحلاتي ربنا يحفظكم 

قلته ليها التسجيل بكم واللبس بكم ؟

قالت لي اصلو م مشكله م بنختلف معقوله ي دلو 

قلته ليها طيب ح اجيب ليك القروش بداية الاسبوع الجاي 

_قالت لي م مشكله ح اديك اللبس وخلي لي سمور وايه عندي الليله 

وبكره خليهم يجو بالزي الرسمي 

قلته ليها كويس ان شاء الله م قصرتي ودعته ايه واسمر وخليتهم في الروضه ورجعته البيت 

__________

الصحبه بالجد الصحاب نعمه  ❤هم وانزاح واخيرا سجلته ايه وسمور الروضه ولي الاسبوع الجاي ح اوفر قروش التسجيل. وانا في الشارع راجعه ،،لقيت راجلين قاعدين في مصطبه وكانو بقولو ،،

_مش دي داليا بت احمد الرشيد ؟!

_ااي ياها زاته 

_سمعته مرتي قالت طلقوها 

_ي زووول متين

_والله م عارف ااسي دي مره يطلقوها خلقه واخلاق وماشاءالله عليها 

_راجله داا شكلو عميان البودي يطلق مره زيها شنو 

_ااسي لو بترضى انا بعرسه والله واعيشه ملكه 

_ي زول هاا والله مرتكك الا تقتلكم الاتنيت خلي بت الناس في حاله 

_ربنا يحفظه غايتو وراجله داا لو م لحقه بكره تعرس سيدو ويعضي اصابعو ندم

_وقامو ضحكو انا م اشتغلته بيهم ااصلا متوقعه كلام زي داا وكويس انهم م طلعو فيني كلام كعب زي نسوانهم. 

مشيت البيت امي قالت لي اها وديتيهم ؟!

ااي وديتهم ي امي،،،،هههههه الليله خلو لينا البيت خلا 

هههه ااي والله ي امي .

قاعده وانا بفكر ابداء افتش شغل من وين ،،،سمعته الباب بدق 

فتحته ،،،لبنا ؟!واااي مبالغه 

_دلدول ازيكك ي الغلاء 

_بخير ي لبنا اتفضلي كيفك ي بت 

_الحمدلله خالتو زينب وين ؟!

_امي جواا اتفضلي (لبنا بت اهلي وصحبتي من نحن صغار) 

دخلنا جوا فضلتها عملته ليها العصير شربت وقعدنا نتونس. 

امورك شنو ي لبنا ؟!

والله عال العال 

سمور وايه وين م شايفاهم؟!

_وديتهم الروضه 

_بعدين حيجبهم منو وانتي هنا 

_لالا بقرو قريب من ناس امي هنا 

_اجي ي داليا مش كان اقرب ليك جنب بيتك 

_هههه بيت شنو ي لبنا انا م عندي بيت

_كيف ؟!

_انا وخالد انفصلنا 

_معقوله انتي وخالد الحب البينكم ينتهي بالطريقه دي 

_تقولي شنو شيطان ودخل 

_ربنا يصبرك ي داليا م تشيلي هم ولا تزعلي. 

قعدنا اتونسنا ولبنا كانت ماشه بس حلفته ليها الا تقعد تفطر فطرنا وايه واسمر امي مشت جابتهم من الروضه ولبنا شافتهم وسلمت عليهم حكيت ليها بالحصل لي وانو خالتو مكه سبب طلاقي وانو انا حاليا بفتش في شغل. 

قالت لي داليا انتي مش بتعرفي ترسمي ؟!

ااي مالو ؟!

قالت لي ي غبيه انا عندي كوفير ومحتاجه لي لبنات معاي وانتي ايديك ماشاء الله تتلف بحرير في الرسم والمكياج ومح القى احسن منك. 

وااي ي لبنا فرحتيني والله م قادره اعبر ليك كمية فرحي كربه وحلتيها لي ربنا يسعدك يااخ 

_ولو انا عندي كم بت خاله ،

لبنا استئاذنت مني وطلعت ،،،احي الحمدلله فرحتني يااخ وح اقدر ادفع للتسجيل الحمدلله يارب الحمدلله.                               م عشان انا مطلقه مح اقدر اعيش حياتي تاني وابدا من جديد لالا العكس انا ح اقوم من تاني بكل قوة واكافح عشان اقدر اصل للنجاح وابقى احسن واحسن  ❤          نتلاقى ي حلوين......

↚

 #لانني_مطلقه_8

(انا قويه) 

بعد لقيت الشغل ونزلته ايه واسمر الروضه انا ارتحته راحه كدا عجيبة كانو انجزته ،،،

________جانب شهاب في الجامعه 

_كشفو كشفو ي شباب للمزه الجايه ديكك 

_وينه وينه ي مان دي مزه قاطعه يااخ 

_المزه دي يومي شايفه بتتقاطع بجاي 

_شكلها دي اول سنه ليها 

_ااي برلومه لكن نجاااضه 

_شهاب: بتتكلمو عن منو ي شبا ب؟!

_كشف للبت ديك يااخ 

_شنو ي فرد داا كلام شنو البت دي ما قريبتي 

_قوول والله المزه دي قريبتك 

_ااي دي حماة اختي 

_ لكن مزهه يااخ 

_كدي دقيقه ي شباب 

_سلم لينا عليها ي مان ،حنك لينا الرقم ي اصلي ،كب الحنك ي فرده 

،،،،،،،،دي رميساء هي وشهاب بقرو في نفس الجامعه شهاب قامت فات عليها ‘‘‘

رميساء رميساء 

اتلفت عليهو بي بسمه 

_اهليييين شهاب 

_كيفك ي رميساء 

_بخير الحمدلله وانت كيف 

_كويس الحمدلله 

_شنو ياا م بتقولي لينا بتقري معانا في نفس الجامعه 

_هههه والله ي شهاب م اتلاقينا عشان كدا م لقيت فرصه اوريك 

_ي زوله م حنك خير،،، خلاص طالعه البيت؟!

لالا الليله عايزه امشي بيتكم اطمن ع ناس سمور وارجع لاني طولته منهم وانت عارف الظروف وكدا 

_طيب انا زاتي خلصته رايك شنو نمشي سواا 

_امممم طيب ارح 

_دقيقه اجيب حاجه من صحبي واجيك 

_اوكي 

شهاب فات ع اصحابو وبدو ليهو التشغيلات ،،،شغال لكن ي مان ،،حناك ي اصلي. 

هههه انتو عواليق يااخ المهم لي بكره ي شباب ،

شهاب استاذن من اصحابه وطلعو هو رميساء من الجامعه وجواا البيت. 

قعدت اتونست معانا وسلمت ع سمور وايه وشربنا القهوة معانا امي وابوي وشهاب ،،يااخ انا من م انفصلته من خالد م ضحكته زي ما ضحكته معاهم ،،رميساء كانت ظريفه شديد كانها واحده مننا واصلا من انا متزوجه خالد اهلي متكيفين منها لانها طيوبه وبالذات شهاب  ،،،هههههه شهاب م اظن متكيف وبس عندو راي تاني ،،،،

ختينا الغداء اتغدت معانا وقالت ماشه شهاب قال ليها ح اوصلك بالركشه 

قالت ليهو لالا م اتعبك ،،،قال ليها معقوله تعبكك راحة  💛

___________

مرت الايام ونزلته الشغل وبقى ماشي معاي كويس ودفعته رسوم التسجيل بتاعت الروضه،، اسمر وايه بقو يجو يومي يحكو لي ي ماما الليله قرونا كدا،،ي ماما الليله فطرونا بكدا ،،،،ههههه غايتو غلبه شديده وبقو م بسآلو من ابوهم طوالي مره مره. 

بعد م شغلي بقى ماشي كويس فكرته ليه م انزل اقرا تاني السنه لسه في بدايته وم عندي اي برنامج تاني ،،،

مره قاعدين انا وامي وابوي وشهاب ،،قلته ليهم 

انا عايزه انزل قرايه تاني ابوي قال لي والله ي بتي داا الكلام الصاح ابدي مما وقفتي مدام ربنا قسم ليك كدا،،،،امي قالت لي قرايه شنو ي داليا انتي مدام م كملتي من الاول تاني جايه تقري اسي ،،بكره بجيك ود حلال تاني يعرسك ،،،

_صراحه زعلته من كلام امي  

قلته ليها عايني  ي امي انا عرس تاني م بعرس كفايه عرسته وانا صغيره من غير م اكمل تعليمي وهدا اتجدعته زي الكلبه ،،اسي ع الاقل لو كان عندي شهاده كان كان لقيت وظيفه زي الناس انا م ح اعرس ح اربي عيالي ديل احسن تربيه ،،اعرس لي راجل تاني يهين ويزل عيالي وتاني يطلقني انا ح اعوض كل شي ضاع مني زمان ح اقرا وابني مستقبل كويس لي ولعيالي. 

شهاب قال ليها ،،صح كلامه ي يمه القرايه دي زيها مااف وانا معاها لازم تكمل قرايته ،،،

ابوي قال ليها اايواا كلامهم صح ي زينب عرس شنو البت لسه صغيره خلي التقرى ،،،،

امي قالت لينا ،،،مدام شايفين كدا احسن ربنا ينصرك ي بتي  ❤

___________سجلته في مدرسه ثانويه جنبنا ونزلته فيها وادوني الكتب وبمشي الكوفير بعد اجي من المدرسه ومرات م بمشي المدرسه ،،بقعد اقرا في البيت ،،والمده دي كلها م كنت عارفه عن خالد شي ولا اتصل لينا اايه وسمور اتعودو ع الروضه وبقو يحبوها شديد ،،،،

وشهاب م مقصر كل م يجي بسوقهم بالركشه يفسحهم ويطلعهم ياكلو اسكريم ،،،ومرات بتجينا رميساء تسلم علينا صح الشغل مع القرايه والتربيه صعب بس انا كنت مصره ومستحيل اخلي الفرصه دي تضيع مني لازم اجتهد واقرا كفايه السنين الضاعت 

يتبع......

↚

 #لانني_مطلقة_9

(انا قويه )

القرايه بقت كل اهتمامي تقريبا بقيت م بفكر في شي غيره ولا حتى كان في شي شاغل بالي غير القرايه ،،،

مع كترة القراية اضطريت اخفف من المشي للكوفير واعتزرته لي لبنا ،،وهي راعت لظروفي وقالت لي م مشكله ممكن تجيني كل خميس اذا بتقدري لانو الناس حبوكك وبطلبوك اكتر،،

اسمر وايه امي كانت مهتميه بيهم لبسهم اكلهم حمامهم ااي شي بحتاجو كانت بتقوم بيهو امي ،،،وم مقصره 

مره قاعده بقرا وزهجانه من القرايه ،،تلفوني رنه عاينته لقيتو رقمه دولي ،،،م استغربته ولا حاجه اتوقعته يكون خالد لانو كان مفتاح دبي ،،،قلته هوي ي داليا تردي ليهو لي بعد المده دي كلها واصلي قرايتك طفيت التلفون وبقيت اقرا بس م كنت مركزه ،،ضرب مره واتنين وتلاته في المره التالته قلته احسن ارد ،،

رديت بس م اتكلمته ،،جاني صوت خالد 

_الو الو الو 

_م رديت 

_الو داليا 

_اخدته نفس قلته ليهو ي مرحب 

_قال لي واخيرا 

_قلته ليهو عايز شنو ي خالد اختصر انا م فاضيه 

_قال لي غريبه اتوقعته تقولي م عرفتيني 

_خالد اختصر انا م فاضيه 

_كيفك ي داليا والعيال كيف

_عيال هههههههه عيال منو ؟!

_عيالي ي داليا 

_بالله هما عيالك ؟!منو الاقنعك قال ليك ديل عيالك ولا عملته فحص DNAعشان تتاكد انهم عيالك 

_داليا انا عارف انو جرحتك بالكلام وديك كانت لحظه وسوسه والله م قصدي اجرحك اعفي لي 

_اعفي ليك ؟!اعفي ليك لانك اتهتمني باطل ؟ولا اعفي ليك لانك رميتني في الشارع انا وعيالي وم سالته منهم وسافرته برا البلد حتى من غير م تخليهم يشوفوك ؟ولا اعفي ليك ع الكف الضربتني ليهو اعفي ليك ع شنو بالضبط ي خالد ؟!

_خالد قال انا عارف والله انك زعلانه مني شديد بس والله اسف م قصدي وانا مشتاق للعيال شديد عليك الله ي داليا م تحرميني منهم ،

_انا مح ابقى زيك في النهايه ديل عيالك وانا عارفه بكدا كويس وح ابقى احسن منك واخليك تتكلم معاهم ومح اقول ليهم انو ابوهم ضعيف شخصيه ولا ح اخليهم يكرهوك بالعكس انا ح احسن صورتك قدامهم واوريهم انو انت احسن اب ومح اديهم فرصه يكرهوك او ينسوك في يوم ،،

_خالد سكت واستغرب من داليا هي كيف تكون بالطيبه دي بعد العملو فيها هي لسه بتعاملو كويس ،،قال ليها انا مهما اعتزر ليك ي داليا مح اقدر اكفيك حقك ،،،

_ناديت اسمر وايه ،،سمور  ايه تعالو 

جوني جارين ،،،نعم ماما ،،قلته ليهم تعالو بابا عايز يسلم عليكم ،،اسمر قال بفرح بابا ي ماما انا عايز اتكلم اول انا انا ،،،ايه قالت لالا انا الاول ،،،ضحكته قلته ليهم عيب ي اولاد بابا في الخط كدا ح يزعل منكم كلكم ح تتكلمو بس بالدور ،،،

_خالد كان سامع كلام اولاده وداليا وقلبه واجعه ولو بيدو يرجع اسي ويلم مرتو واولاده ويعيشو سوا. 

اديت اسمر اول يتكلم ‘‘‘‘

_الو بابا 

_سمور حبيبي ازيكك 

_كويس انا بس زعلان منك

_ليه حبيبي سمور زعلان من بابا 

_انت  انت ي بابا م بتسال مننا ليه 

_بابا كان مشغول ي اسمر 

_كويس ،،بابا ماما سجلتنا الروضه انا وايه 

_ماشاء الله عيالي في الروضه عيالي الشطار ربنا يحفظكم ،،

اسمر بدى يحكي لي خالد عن البقروهم ليهم في الروضه واصحابهم الهناك وشغبهم وبحكي ليهو عن شهاب والفسح البفسحهم ليها بالركشه وخالد مبسوط وبقول ليهو اها وتاني عملتو شنو ،،،

حسيت بي ايه ح تبكي قلته لي اسمر سمور حبيبي خلاص ادي التلفون لي ايه قال لي سمح ي ماما واديت ايه التلفون قلته ليها هااك م تنفجري لينا هنا اايه زعله شين ولمن تزعل بتصر وشها بطريقه حلوهه وم بترضى الا يعملو ليها العايزاهو هههههه ،

شالت التلفون ،،

_الو بابا 

_ايو حبيبة بابا المزعله منو 

_داا اسمر ي بابا 

_م تزعلي من سمور اخوك هو بحبك 

_كويس ي بابا م بزعل 

ايه م اتكلمت كتير مع خالد زي اسمر لانو ايه بطبعه م بتتكلم كتير بعد انتهت ادتني التلفون قلته ليهم يلا امشو لي حبوبه تشربكم اللبن عشان تنومو بكره الروضه ،،،

لقيت الخط لسه فاتح خالد م قفلو ،،

قلته ليهو خلصته قال لي لالا ،،قلته في شنو تاني ،،قال لي داليا عايز اعرف مصاريف الروضه والعيال كم عشان عايزك تفتحي حساب ،،واقدر ارسل ليكم مصاريف عن طريقه. 

ضحكته قلت ليهو كتر خيرك ونحن م محتاجين ليك ،،ابوي م مقصر معانا ومصاريف الروضه مح تغلبني شكرا ليك م عايزه قروشك ادفعه صدقه بتنفعك ،،خالد سكت م رد لي وقفل المكالمه .

بعد م خالد قفل الخط م زعلته ولا ركزته شديد بس فتحته كتابي بقيت اقرا امي جاتني قالت لي صحي خالد اتصل ليك ي داليا ؟!قلته ليها ااي سلم ع عيالو ،،،قالت لي عايني ي داليا اسمر وايه ديل عيالو وليهو حق عليهم وانا م عايزاك تبقي كعبه زي امه وتحرمي الاب من عياله متى م يتصل ادي العيال يسلم عليهم ،،وهو غلط وماف زول معصوم من الغلط ،،قلته ليها سمح ي يمه مح احرمو منهم. 

________________في بيت ناس خالد ،،،

رميساء ي بتي اتصلي لي اخوك داا شوفي مالو انقطع مننا 

_سمح ي امي دقيقه انزل الرصيد داا ،،

رميساء اتصلت لي خالد وسلمت عليهو وقالت ليهو هاك امي عايزاك وادت مكه التلفون،،،

_الو ي ولدي كيفك مالك ي ولدي انقطعته مننا م بتتصل تشوف امك واختك كيف 

_اهلين ي امي والله ي امي مشغول شديد ومضغوط ضغط عجيب انتو كيفكم ان شاء الله م محتاجين لي شي 

_ربنا يسهل ي ولدي ابدا م محتاجين لي حاجه بس بدور اتكلم معاك في موضوع 

_اتفضلي ي امي 

_والله ي خالد ي ولدي انا خطبته ليك رفيف بت خالتك نوال الكانو ساكنين جيرانه ،،والله بت طيبه وخدومه وقاريه فاهمة وقلته اكلمك. 

_خالد اتصدم من كلام امه وزعل لمن عروق جبينه ظهرو قال ليها كيف ي امي  تخطبي لي وشاورتيني متين وباي حق انتي تخطبي لي انا مش قلت ليك م عايز اعرس وقفلنا الموضوع داا خاطبه لي ليه ،اسي تضربي ليهم وتقولي ليهم انا خالد داا م موافق ،،

امه قالت لكن ي ولدي انت داير تعيش براك انت لسه صغير عايزاك تعرس وتجيب لي احفاد 

_خالد ضحك قال ليها ،،احفاد؟!عشان تاني تحرميني منهم زي م حرمتيني من عيالي وخليتيني اغترب ،،امي بطلي البتعملي فيهو داا عليك الله ولو جد بتحبي ولدك موضوع العرس داا طلعي من راسك والا تاني مح تشوفيني. 

مكه قالت ليهو لالا ي ولدي خلاص خلاص تاني م بجيب ليك سيرة عرس كلو ولا زعلك. 

وانتهت المكالمه ع كدا 

رميساء قالت ليها  يمه انتي ليه بتعملي في خالد داا كدا حرمتي من داليا وعيالو واسي جايه تعرسي ليهو انتي ليه مصره تفتحي جروحه وتكبي عليها ملح عايزه تقتلي انتي عايزه تقتلي خالد م ولدك ي امي انتي ليه بتكرهي مرتو بالطريقه دي ربنا ح يحاسبك ع ظلمك لي داليا وح يوريك ليهو فينا نحن عيالك الله يسامحك ي امي ،،

مكه قالت ليها ي بت ي قليلة الادب تتكلمي مع امك داا العلموك ليهو امشي طيري غرفتك. 

رميساء جرت وهي بتبكي وزعلانه ع حال اخوها ع اوضته وقفلت الباب ،،،،

_______

خالد بعد م اتكلم مع امه زعل شديد من تصرفه وقضى الليل كلو مساهر يعاين في صور عياله وداليا ودموعه جايه نازله. 

يتبع......

↚

#لانني_مطلقه_10

(انا قويه)

الايام مرت بالحلو فيها والمر ،،،والفترة دي تعبته وانضغطته شديد كنت بمشي المدرسه وبجي العصر بمشي الكوفير وبجي من الكوفير بقرا وبساهر كتير. 

في الفترة دي قفلته تلفوني عشان م يشغلني وكدا والتواصل بيني وبين خالد انقطع...وعيالي م بتكلمو مع ابوهم الا اذا رميساء جاتنا بتتصل ليهو يطمن عليهم... وقلته لي رميساء م توري خالد انو انا نزلته قرايه وكدا. 

لانو م عايزه يعرف عني ااي شي... 

يوم الجمعه المساء قاعدين مع ناس امي.. امي قالت لي داليا بكره نازلين امتحانات صح ؟!قلته ليها ااي والله ي امي ادعي ،،قالت لي ربنا يوفقك ي بتي وتنجحي 

_امين ي امي امين 

 ابوي قال لي ي بتي انا مبسوط منك ومفتخر بيك لانك قدرتي تتجاوزي وقمتي قويه بعد م وقعتي وربنا يوفقكك 

قلته لي ابوي والله داا كلو بفضلكم لو م انتو وقفتو معاي م كنت عارفه ح اعمل شنو. 

شهاب قال لي عيب عيب ي اختي نحن في النهايه اهلك وانا بحمد ربي لانك اختي ،،،

ايه واسمر كانو نايمين عاينته ليهم وهم نايمين بطريقه حلوه ووشهم الملائكي وطريقه نومهم وهم راقدين ع نفس الجنبه  ❤ ،،،بستهم وضحكتها ،،

امي قالت لي والله ي داليا عيالك ديل ماشاء الله ربنا يحفظهم ليك هادين وم بتاعين غلبه.. 

شهاب قال لي انتي عارفه ي داليا انو انا بحب عيالك اكتر منك 

_هههههه عارفه ي شهاب عارفه عيالي محظوظين لانك خالهم. 

ابوي قال لي انتي عارفه جبيل رسلته اسمر وايه الدكان عشان يجيبو لنفسهم حلاوه ايه رمت قروشه ،،جوني راجعين قلت ليهم وين الحلاوه الجبتوها ،،اسمر قال لي ايه وقعت قروشه وانا م بشتري حاجه واخلي اختي. 

في الساعه ديك انبسطه منو شديد وعرفته انك ي داليا ربيتي صاح ،،،بقينا نتزكر درامات اسمر وايه ونضحك لحدي نص الليل قلته ليهم بعد داا ح امشي عشان اراجع وانوم واصحى بدري للامتحان ،،،

____________

في جانب تاني اها ي  زينب م سالتي لي داليا من رايه لانو محمد داا قال عايز يعرف رايه هي كان عايزه عشان يعقد عليها قبل م يسافر وبعد يجي من السفر يرحله بيته ،،،

_والله ي عزه م عارفه اقول ليكي شنو محمد ولد اختك كويس عارفاهو بس بتي داليا الايامات دي شغاله امتحانات وم اظن ترضى تعرس اسي خصوصا انو عياله لسع صغار وهي ناويه تكمل تعليمه ،،،وم مفكرة في العرس اسي ،،،

_نان ننتظره لي متين بتك دي تتعزز فينا التقول ماف نسوان غيرها ،،انا اكان م محمد حلفني الا اجي واشوف رايكم ااصلي م كان جيتك ،،م بعرف بتك شايفه نفسه ع شنو يختي ،،،

هي ي عزه بتي م بتقال فيها كلام كعب وبتي ستك وست النسوان كلهم واوعه تاني تقولي في بتي كلام شين ،،،ومحمد ود اختك داا م دايرنو عرسو ليهو واحده غير بتي ،،،

عزه بعد ما فاتت من امي ضربت لي محمد ود اخته وقالت ليهو البت قالت م عايزاك بس ح اخطب ليك واحده تانيه ،،،

(عزه  ساكنه في حلتنا ومعروفه انها شمشاره وبتاعت قوالات ،،ومحمد ود اخته مغترب عندو قروش مرتو متوفيه وعزه قايمه وقاعد بيهو ويومي تخطب ليهو في واحده وماف بت بترضى بيهو عشان م طايقين عزه)

________

في جانب بيت ناس خالد....

_ي امي انا خلاص م قادره استحمل ووصلته الحد تاني انا ح احجز اقرب طياره واجي السودان واخلي ليهو عيالو ،،،

_ي رندا ي بتي اصبري انتي دايره الناس يقولو علينا شنو يقولو بت مكه اختلفت مع راجله ونزله السودان ،،

_ي امي خلي الناس تقول العايزه تقولو انا م عندي شغله بيهم ،،انتي م حاسه بالوجع  الحاسه بيهو يومي مراد زالني وم مريحني ،،وبقول لي انتي زي امكك لخباطه وبتاعت فتن وعايزه تخربي علاقتي باهلي ،،

_اجييي داا كلو عشان قلتي ليهو م يقري اخته بقروشه ،،عاد شوف الراجل العواليق ،،اصبري ليهو ي رندا اقعدي في بيتك ،،اصلك م تخلي نسيبتك تتهنى بقروش ولده. 

_سمح ي امي ح اصبر. 

_____________

الحمدلله مرت الايام وخلصته امتحانات وارتحته ونزلته الشغل مع لبنا عشان قصرته معاها كتير وم رضت تجيب زول غيري يشتغل عندها ،،فقلته لازم ااعوضه لحدي م النتيجه تظهر واشوف تاني ح اعمل شنو والكاتبو ربنا ح يبقى 

_________جانب خالد ........قاعد وبفكر معقوله داليا تفكر تعرس ،،،بس رميساء قالت لي انو هي قاعده وم شغاله ااي شي معقوله ترضى تعرس وتخلي العيال عند ناس امه ،،،لالا داليا واعيه م اظن تفكر تعمل كدا ومستحيل تقدم مصلحة على مصلحة عياله.. بس في النهايه ح تفكر تعرس مهما طال الزمن في الحاله دي انا ح اعمل شنو...  خالد قعد وعقله بدا يودي ويجيب بعد ساعه من التفكير استسلم للنوم وغفى.                          يتبع.....

↚

 #لانني_مطلقه_11

(انا قويه) 

الليله كانت النتيجة بتاعتي ،،،وكنت متوتره شديد وشغاله لي شهاب ،،،لسه ويقول لي لسه ي داليا اصبري ،،قلته ليهو انا القعاد غالبني كدي امشي اودي اسمر وايه الروضه واجي،،،امي قالت لي سمح م تتاخري ولو لقيتي نسوان الحله في الشارع م تقيفي معاهم ،،قلته ليها كويس. 

مشيت وديت اسمر وايه الروضه وجيت راجعه البيت قلته لي شهاب لسه قال لي اصبري المؤتمر شغال بعد يخلص ،،،،قاعدين وشغاله لي ابوي انا ح انجح ،،وابوي يقول ان شاء الله بتنجحي ي بتي ،،

الموتمر خلص  وشهاب قال لي امشي جيبي رقم الجلوس بتاعك مشيت جريت جبتو واديتو ليهو ،،اول م دخل الرقم ظهرت النتيجه وبقى يعاين لينا ويهز في راسو ،،بمعنى لالا قلته ليهو اها اها سقطه مش م جبته صااح ،،،

شهاب انفقع بالضحك قال لي اديني البشاره عملتي 89,3 من الفرحه بقيت اكورك وازغرت انا م مصدقه نجحته ومن اول سنه وبالنسبه دي وبقيت ازغرت في نص الحووش وابوي قال لي انا م قلته ليك ح تنجحي ،،،انا م مصدقه ح ارجع اقرا تاني ح اقرا الجامعه وابقى زوله ناجحه زي صحباتي ،،شهاب قال لي بالمناسبه دي بعدين انا عازمكم اسكريم في دريم ،،قلته ليهو م بتقصر ي اخوي كدي نضرب لي رميساء نوريها عشان م تزعل تقول نسيته ،،شهاب من قلته رميساء عيونه اتقلبو قلوب وبقى يتبسم  ❤قلته ليهو شهاب عليك الله اتصل لي لرميساء دي انا تلفوني مطفي،الساعه الجرا وجاب تلفونه من جوا كانه قلته ليهو امشي في قروش جواا جيبه. 

المساء جاا رميساء جاتنا البيت سلمت علينا وباركت لي وركبنا مع شهاب في الركشه وساقنا دريم الفي شارع العرضه. 

قاعدين بنتونس رميساء قالت لي داليا ح تقري شنو 

قلته ليها والله ي رميساء مفكره اقرا طب 

شهاب قلع عيونه بخلعه قال لي انتي جاده انتي عارفه يعني شنو تقرري تقري طب ،الطب داا م ساهل ي داليا خصوصا انتي م فاضيه يعني ح تقري متين وتفضي زاتو للمجال داا متين. 

قلته ليهو لالا ي شهاب ح افضى ان شاء الله وح اجتهد الطب داا رغبتي من انا صغيره وم صدقته جاتني الفرصه ،

رميساء قالت ليهو هي مدام عندها العزيمه والرغبه اكيد ح تنجح واهم شي تقرا الحاجه البتحبها ،،

شهاب قال انا م عندي مشكله وانا معاها في ااي قرار تاخده مستحيل اعترض ليها ح تلقاني دايما واقف وسانده ،،،

________

شهاااب ي جماعه    ❤ مرات بحس انو م انا الكبيره شهاب هو الاكبر مني بتصرفاته وكلامه وحتى طريقه احساسه بالمسئوليه بحسسني انو عمرو 25سنه م 19

______________

مره قاعدين انا وامي وشهاب وابوي الباب دقه ،،،شهاب مشى فتح الباب 

_مرحب مرحب ي عمي نورته والله 

_اهلين ي ولدي كيفك ان شاء عافيه 

_عافيه والله ي عمي اتفضل اتفضل 

"دااا عمي محمد جاا من البلد م بجينا طوالي ولا نحن بنمشي ليهم بتزكر اخر مره سافرنا كان زمان كنا صغار ابوي بسافر بس الا لي مناسبات او بكى وكدا"

عمي دخل سلم علينا وضيفنا وبقى يونس في ابوي عن البلد وكدا وابوي مبسوط ،،،

_والله ي محمد اشتقنا للبلد يااخ 

_البلد بقت سمحه ي اخوي ي احمد والزراعه بقت تمام 

_فعلا سمحه ولمة الاهل هناك والونسه م زي الخرطوم هنا ااي زول في حالو وماف زول شغال بالتاني 

_والله ي اخوي ي احمد م بعرفك بتدور الخرطوم دي ليه.. 

_تقول شنو شغلنا ومستقبل عيالنا كلو بقى هنا م بتتخلى الخرطوم تاني 

،،،،،،،،،

 شهاب مشى جاب ايه واسمر من الروضه ،،من جوو داخلين جرو على ابوي جدو جدو ابوي رفعهم فوق قال ليهم سلمو ع جدو محمد ،،،سلمو عليهو وشالهم ،،قال لي ابوي ديل عيال ولدك ابوي قال ليهو لالا ديل عيال داليا ،،عمي قال لي شهاب نان انت منتظر شنو الاولاد القدرك في البلد بي وليداتهم ،،،شهاب ضحك قال ليهو لالا ي عمي انا لسه بدري علي ،،،

عمي سكت مسافه قال اها انتي راجلك وين ابوي عاين لي نظام اسكتي برد ليهو انا ،،،،

ابوي قال ليهو والله ي محمد ي اخوي داليا اختلفت مع راجله طولت ،،

عمي قال ليهو كيف الكلام دا وليه م بتورينا ي احمد ،،اصلا من زمان سعت قلته داير تعرس ليها انا مش قلته ليك اخير ليها ولدي الخير من اولاد الخرطوم ديل ،،انت م سمعت كلامي وعرسته ليها ،،

ابوي قال ليهو ي محمد  الخير م قسمته وقسمته تعرس خالد داا ،،واسي داليا رجعت بتقرا ،،

عمي قال قراية شنو ي احمد ي اخوي كيفن ولية طلقوها تقعد تدخل وتمرق تقول عايزه تقرا نحن م عندنا كلام زي داا مره طلقوها نلقى ليها اقرب عريس يستره ،،ماف كلام زي داا اسي ولدي الخير عنده مره واحده خلي النعقد ليهو عليها .....وترجع العيال ديل لي اهلهم ونرحله البلد ،،،ابوي قال ليهو والله ي احمد م عارف اقول ليك شنو كلامك ع راسي ،

انا قاعده ومصدومه من كلام عمي وابوي يعقدو لي كيف يعني على الخير ويسفروني البلد عشان اقعد اخدم واحد يزلني ويعرس فيني تاني ،،وعيالي عيالي يفصلوهم مني ويمكن تاني م اشوفهم. 

قمته فوق قلته لي ابوي يعني شنو ي ابوي الكلام السمعتو داا من متين كمان كلام اخوانك ديل بمشي عليك ،،م المفروض تكون معاي مش انت متعلم وفاهم  كيف يعني اخلي القرايه واخلي عيالي ،،عارف يعني شنو اخلي عيالي  ي ابوي ،انا مدام بقيت تقيله عليكم وروني والله اطلع انا وعيالي وبمشي بفتش ااي مكان اقعد فيهو... وانا الافتكرتك م زي اخوانك وحتى تفكيرك م رجعي زيهم الاتغير شنو ي ابوي اسي وبقيت ابكي ،،،،

شهاب قال لي ابوي شووف ي ابوي من نحن صغار علمتنا نعتمد على نفسنا وم نشتغل بكلام زول ونعمل الشايفنو صاح ،،اسي تجي تقول داليا تخلي عياله بتفكرو كيف انت وعمي؟! ،،

امي طبعا م اتكلمت لانو قدام عمي م بتقدر تتكلم وترفع صوته بعتبرو عدم احترام ليهم خصوصا عمي اكبر البيت.. 

عمي قال لي ابوي ي خساره ي احمد دي تربيتك ،،يااها تربية الخرطوم بتك ترفع صوته قدامي وترفض كلامي يخساره والله يخساره ،،،،

ابوي قال ليهو شوف ي محمد ي اخوي عيالي وانا عارف ربيتهم كيف ،،والزمن اسي م زي زمنه زمان اسي الدنيا اتغيرت والناس اتطورت والطلاق م عيب زي م اهلنا شايفنو ،،وم عدم تقدير ليك ي اخوي لكن بتي م بعرسه لي ولدك بتي كفايه الشافتو م برضى ليها البهدله تاني ،،،

عمي قال ليهو اعمل البريحك انا زاتي تاني بتك م بتلزمني مدام م احترمتني مح تحترم ولدي انا جيت ازوركم واسلم عليكم ومسافر بعد بكره باذن الله

______________

قاعده في الاوضه ببكي ابوي جااني ،،وقعد جنبي قال لي داليا ي بتي انا عارفك زعلانه من كلام عمك ،،بس انتي عارفه اعمامك تفكيرهم كيف وعندهم المره مكانه بيت راجله بس ،،،وسكت مسافه ،،

قال لي بس ابوك ي داليا م زيهم ومستحيل اعمل لي بتي حاجه م عايزاها او م راضيه بيها ،،مستحيل اعرس ليك واخليك بعيده عن عيالك ،،انا برضو ابو وم بستحمل عيالي يكونو بعاد مني ،،تفتكري ح اسمح يبعدو عيالك منك ،،امسحي دموعك ي بتي ابوك معاك ومح يقيف في طريق نجاحك او يرفض ليك قرار ،،،ومدام انا حي مستحيل اعمل حاجه من غير رضاك ،،مسحته دموعي وقلته ليهو يعني مح تعرس لي ولد اخوك  ابوي ضحك هههههه لالا مح اعرس ليك ،،وح اقريك الحاجه العايزاها لحدي م اشوفك في العالي فوق وافتخر بيك في النهايه انا م عندي غيركم وسعادتكم فوق كل شي ،، ❤يلا قومي سوي لينا قهوة عمك داا قال مصدع ،،،

______________

عمي قعد معانا اسبوع اتونس مع ابوي وحتى اعتزرته منو ع الكلام القلتو ليهو ،،،واتفهم الموضوع ،،وبعديها سافر. 

مرت الايام والتقديم بداء قلته لي شهاب يمشي معاي عشان نقدم انا م بفهم كتير في الحاجات دي لاني جديده ،،،

بعد 15يوم نتيجة التقديم طلعت وشالوني طب في جامعه خاصه.... واخيرا اخيرا انا خطيت اول خطوه في طريق النجاح واخيرا ح احقق حلمي. 

__________

جانب خالد قاعد مع صحبو في الغربه 

_خالد انت متزوج ؟!

ااي كنت متزوج وعندي ملاكين تؤام 

_ماشاء الله ربنا يخليهم ليك 

_امين يارب 

_بس انت قلته كنت متزوج يعني انفصلته من مرتك ؟!

خالد اخد نفس قال ليهو ااي انفصلنا بس غصب عني 

_ي لطيف م حاولته ترجعه تاني ؟!

_ماف طريقه والله ي عصام ماف 

_خالد انت لسه بتحبها صاح؟!

خالد غمض عيونه وقال اكتر من نفسي كما ن

يتبع.....

↚

 #لانني_مطلقه_12

(انا قويه)

احساس انك تنجح في حياتك وتكون زول ناجح وتنجح في زمن انت م كنت متوقع انك ح تقدر تبدع او حتى تعيش حياتك زي باقي الناس ،،،الاحساس داا احساس جميل جميل جدا  ❤

وانو تحارب عشان تقدر تثبت نفسك في المجتمع ويكون ليك هيبة واسم وتعيش الحياة بالحلو فيها والمر وتكون ثابت م يهزك شي ولا حتى كلام الناس داا انجاز عظيم جدا ،،

الليله انا اول يوم لي في الجامعه صحيت بدري وصليت الصبح ،،،وسرحته ايه ولبستهم لبس الروضه عشان يلحقو يمشو الروضه م يتاخرو ،،،بعد م خلصته لبس وتجهيز قعدنا مع ناس امي بنشرب في الشاي ،،

اسمر قال ماما الليله ماشه وين ؟!ابوي رده ليه قال ليهو امك الليله نازله الجامعه ،،،اسمر عاين لي قال ماما يعني شنو جامعه ،،،،ضحته قلت ليهو يعني مكان للقرايه زي الروضه بس دااك للناس الكبار وبعد انت تكبر برضو ح تمشي ان شاء الله ،،ابوي قال لي اسمر امك ح تبقى دكتوره ،،اسمر قال وانا وانا ي ماما عايز ابقى دكتور ،،،قلته ليهو اكيد ولدي ح يبقى احسن دكتور ،،،

شهاب كان شايل ايه قال ليها اها وانتي عايزه تبقي شنو ي اميره ،،،قالت ليهو عايزه ابقى زي زي حبوبه ،،، امي ضحكت قالت ليها عااد ي بتي حبوبه م قرت ،،اريتني لو جيت في زمنكم داا كان اسي بقيت حاجه تانيه ،،،ابوي قال ليها كفايه انك ربيتي وانتي احسن مربية وكفايه انك معانا ،،،

__________

بعد م شربنا الشاي طلعنا انا وشهاب ودينا ناس سمور الروضه وطلعنا ع الظلط ،،،كنا مستنين رميساء عشان تجي لانها كانت حابه تمشي معاي الجامعه اول يوم وشهاب برضو عشان م اتبرلم او احس بخوف ،،،

،،،،،،،

اول سنه جامعه لي،، كانت اخر سنه روضه لي اسمر وايه ،،،كنت حاسه باحساس كدا ملخبط م بين فرح وخوف وترددد ،، 

فرحانه لاني قدرته اتجاوز الحصل لي بكل قوه وم ضعفته ولا حتى اتراجعته واجهته المجتمع بكل صلابه وم خفته من كلام زول ،،،،كنت خايفه قرايه الطب تخليني اقصر في تربية عيالي او اهملهم وم اقدر اكون حنينه معاهم وابعد عنهم .

بس احساسي كان غلط القرايه نهايه م شغلتني عنهم بالعكس قربتني منهم ،،،

في البدايه قراية الطب كانت صعبه شويه بس كنت بحاول بكل الطرق اضغط نفسي وم اشيل ملاحق عشان م توسخ لي نتيجتي ،،،لمن حاجه تغلبني كنت بمشي لي شهاب هو الكان براجعه لي ،،،وم مقصر معااي ،،،،

________

الليله عيالي تمو سته سنين وكان عيد ميلادهم ،،م حبيت اعمل احتفال وكدا لاني م بحب الحاجات دي بس شهاب اصره انو نحتفل نحن ناس البيت بس ،،قلته ليهو طيب ع راحتك اعمل العايزو وانا معاك ،،قال لي داليا وريتي رميساء الليله عيد ميلاد ناس سمور ؟ضحكته قلت ليهو ههههههه رميساء عارفه وكل سنه بتعمل نفس الانت بتعاملو داا وبتحتفل بعيد ميلادهم ،،وم اظن السنه دي تنسى اسي ح تجي،،،قاعدين بنتكلم كدا الباب دقه قلت ليهو امشي اكيد دي رموو ،،

شهاب فات فتح الباب 

_سلام عليكم شهاب 

_وعليكم السلام رميساء نورتي بيتنا 

_هههه تسلم 

_سمور وايه صاحين صاح 

_ايواا صاحيين اتفضلي 

_رميساء دخلت وشهاب وراها وشغال يردد في قلبه "يارب لو كان الاحساس الانا حاسيهو داا صح يارب تجعل لي فيهو خير يارب يارب تحنن قلبها علي وتكون حاسه بنفس الاحساس تجاهي "

هههههه شكلو شهاب اخوي وقع ،،بس والله عرف يختار  💛

_اول م رميساء دخلت لقت سمور وايه واقفين اول م شافوها جوو جارين عمتو عمتو الصغيره ،،،مسكتهم حضنتهم عليها قالت ليهم حبايب عمتو وقلبه ،،كل سنه وانتو طيبين كل سنه وانتو احلى تؤام كل سنه وانتو مبسوطين وربنا يخليكم لينا وباستهم ،،قالت ليهم انتو عارفين جبت ليكم شنو ؟!اسمر قال ليها شنو شنو ي عمتو ،،

طلعت عربيه قالت ليهو مش انا قلته ليك لو بقيت فالح وشطور ح اجيب ليك عربيه عشان تسوقنا بيها ،،يلا هدي العربيه جبتها ليك...  سمور قال ليها بس دي صغير م بتشيلنا ،،قالت ليهو ههههه م مشكله تركب فيها براك ،،،

عاينت لي ايه وقالت ،،،اايه حبيبة عمتو وصحبة عمتو الوحيده والبتشبه عمته انا جبته ليك اميره حلو زيك ي اميره ،،وطلعت باربي ادته ليها قالت ليها كدا بقى عندك اميره ،،

شهاب كان مركز مع رميساء وبعاين لي كل حركاته وكيف بتضحك بطريقه بريئه وكيف بتحب عيال اخوها بالطريقه دي ،،،وبتحب داليا بالرغم من انها انفصلت من اخوها وماف ااي حاجه تجمعهم تاني ،،بس رميساء بتتعامل كانها اخت داليا م اخت راجله بالجد حلوه شديد حلوه شديد  .❤

اتلفته ع شهاب قلته الباشا سرحان وين؟! قال لي في الملاك دي ؟!قلته ليهو شنو شنو،،، ،قال لي ههههههه ولا حاجه انسي. 

#كسرة

ي جماعه رميساء بتقرا علم نفس ،،شفتو كيف الناس ديل حلوين وقلبهم صافي ،،م عشان انا بقرا علم نفس بس والله مجالنا داا ظابط  😂💔

،،،،،،،،،

م علينا نواصل 

العرفتو انو شهاب بدا يحب رميساء من تصرفاته وطريقة نظراتو ليها ،،وفرحتو لمن نجيب سيرته واهتمامه الشديد بيها ،،،

رميساء دخلت معاي المطبخ جهزنا كيك وبسبوسه وشاي بلبن وقهوة وشويه مكسرات  وفواكهه ،،وشهاب فات حلويات شركيلا جاب لينا تورته صغيره مكتوب فيها اسم ايه وسمور ،،

اثناء م قاعدين نتونس تلفوني رميساء ضرب مكالمة ايمو ،،،

كان داا خالد ،،،

_رميساء فتحت الكاميرا واتكلمت معاهو ،،

قال ليها اها ي رمو وصلته ،،،قالت ليهو اااايك من زمان ،،قال ليها انا مش قلت ليك اول م تصلي تتصلي لي  ،،،قالت ليهو نسيتك ي اخوي يااخ ،،،قال ليهاا اها داليا قاعده قالت ليهو ااي دقيقه اودي التلفون عليهم ،،،قال ليها سريع م عايز اشوف وشك الشين داا... 

رميساء جات جابت التلفون علي اول م شوفتو داا خالد كنت عايزه اقوم بس امي عاينت لي واشرت لي بي يدها نظام اقعدي ،،،،

قعدته اول كلمه قاله داليا كيفك  

من ما انفصلنا ،،اول مره اشوف خالد صوره كان بتصل لينا بس مكالمة صوتيه عاديه ،،م بتصل فديو ،،،خالد ملامحه اتغيرت شديد وزنه نقص وبقى باهت شديد م زي خالد الزمان كانه عمرو 40سنه.

قلته ليهو اهلين بخير الحمدلله وانت؟!

_اهو عايش الحمدلله 

_الحمدلله 

_داليا الليله عيالنا قفلو 6سنه عيالنا كبرو وح يدخلو المدرسه انا مبسوط جدا. ومن امس كنت منتظر اليوم داا يوم ميلادهم عشان اشوف عيالي بقو قدر شنو 

_ههههه ياااا يعني م نسيت عيد ميلادهم 

_انتي بتهظري ي داليا في زول بنسى قطعه من قلبه 

ونحن بنتكلم سمو ر وايه جووو ،،،،اول م شافو عرفو طوالي ،،بابا بابا ،،،وبقو يهبشو في التلفون ،،قلته ليهم بتكسرو التلفون دقيقه دقيقه ،،سمور قال ليهو بابا مشتاقين 

_سمور حبيبي كبرته وبقيت راجل ماشاء الله 

_بابا الليله عيد ميلادي عاين عاين جابو لي هدايه _

_تتهنى بيهم ي سمور ي حبيبي 

ايه جااات بابا بابا ،،،خالد قال ليها  ايه بتي الرايقه بقيتي عروس ماشاء الله كيفك 

قالت ليهو تمام انا ي بابا شووف فستاني ماما جابتو لي ،،قال ليها ماما زوقه حلو وورتو الباربي الجابته ليها رميساء ،،،قال ليها انتي احلى اميره ي حبيبتي ،،،

بعد م خلص كلام مع عيالو ،،،قال لي داليا انتي لسه مصره ،،وم عايزاني اصرف عليكم ؟!

قلته ليهو لسه مصره ي خالد 

قال لي بس ي داليا انا قاعد كيف تصرفي عليهم انتي ،،

قلته ليهو خالد م تضغط علي انا م عايزه منك شي 

قال لي طيب طيب ع راحتك 

قبل م يقفل كان بتكلم مع ناس ايه وسمور وبعاين لي قال ليهم بابا بحبكم بحبكم جدا وانتو يومي في بالو م نساكم ولا لحظه وح يفضل يحبكم طول عمرو ونظراتو كلها موجه لي ،،،وقال ابقو عافيه انا ببقى بيكم  ❤                  يتبع...

↚

 #لانني_مطلقه_13

(انا قويه) 

خلصته اول سنه جامعه بدون م اواجه ااي متاعب ااو صعوبه في القرايه الحمدلله... 

دخلته ع السنه التانيه ..وانا مبسوطه من نفسي وبنجاحي ،،وكانت اول سنه لي حبايبي في المدرسه ،،

قاعده مع امي قلته ليها انا عايزه اسجل اسمر وايه في مدرسه مختلطه عشان م يفصولوهم من بعض ،، امي قالت لي ااي شوفي مدرسه قريبه وتكون عندها ترحيل عشان العيال ديل صغار م بعرفو الشوارع ،،،قلته ليها سمح ي يمه ،

شهاب جاا لقانا بنتكلم في الموضوع ،، قال لينا  ي ترا امي واختي بتكلمو في شنو ،،امي قالت ليهو داليا قالت عايزه تسجل عياله المدرسه وانا قلته ليها تشوف مدرسه قريبه ،،، شهاب قال ليها ااي والله كلامك صح ي امي ،،في مدارس كتيره هنا وكويسه شديد ممكن تشوفيها ،،،وانا بهتم ليك بموضوع مراجعتهم  عارفاني اتخرجته ومعندي ااي موضوع ولسه بدري ع الخدمه ،،بدل اقعد ساي احسن ابقى استاذ لعيالك ههههه،،،

امي قالت ليهو عقبال تعرس انت كمان ونشوف عيالك ،،،قال ليها يمه عرس شنو لسه بدري اول كدي تجي العروس ،،،

قلته ليهو يعني ي شهاب ماف واحده شاغله بالك اسي ،،،قال لي ممكن تقولي في بس الموضوع لسه ،،،امي قالت ليهو منو سعيدة الحظ الدخلت قلب ولدي وح تعرس سيد الرجال ،،،قلته ليها  هههههه ي امي انا شاكه اننا بنعرفه بس  نخلي الموضوع للايام ،،هي الح تورينا ،،،

امي قالت ربنا يسهل ليك ي ولدي وتعرس ست البنات البتستاهلك وتخليك مبسوط..  💛

_________________

جانب تاني :

كيف يعني ي مراد عرسته عرسته متين فوقي وجبته لي ضره من متين انت عرسته انت خاين 

_انا م خنتك ي رندا انا قدمته ليك كل سبل الراحة وخليتك ع كيفك وكنت بعمل كل الانتي عايزاهو حتى سعت قلتي مح تقعدي مع امي  في بيت واحد مع انو امي مره كبيره ومسكينه ،،جبتك استقريتي معاي هنا في السعوديه ،،،

وسعت قلته اقري اختي اعترضتي قلتي م اقري اختي بقروشي وانو انا مدلع اختي اكتر من اللازم واخليها م اصرف عليها ،،،

انتي م محترماني وم محترمه اهلي وم عايزاهم انا اعمل بيك شنو ،،واسي انا اتزوجته بت ناس الح تشيلني انا وامي وراضيه تسكن مع امي في السودان ،،والما بتحب القروش ولا بتقول لي م تصرف على اهلك ،،

_كدا ي مراد يعني انت شايفني م محترماك ولا اهلك ،،،

_اااي  ي رندا م محترماني اكضب عليك يعني 

_خلاص ي مراد طلقني انا مح اقعد هنا ولا ثانيه معاك ومح اسوق معاي ولا طفل ح اخليهم تربيهم ليك مرتك 

_انتي عايزه الطلاق يعني ي رندا ،،خليك متزكره انو انتي الاخترتي كدا وعيالي ح اربيهم ،،احسن من تربيهم انتي ومش عايزه الطلاق انتي طالق ي رندا طالق بالتلاته وبكره ح اجيب ليك قسيمتك ومعاها تزكره عشان تنزلي السودان ومح تسوقي ولا طفل معاك ،،،

رندا كانت مفتكره انو مراد مح يطلقه وح يراضيها زي كل مره ويسمع كلامه... بس المره دي مراد م سمع ليها وطلقه وحرم منها عياله... 

م هي الدنيا دي كدا كما تدين تدان  وربنا بمهل م بهمل  ❤

___بعد رندا اتطلقت عرفت غلطه وعرفت انو هي ظلمة داليا سعت هرشت امها عليها وخلته تخرب ليها بيته ،،،وبهدلته ،،

كانت قاعده متحسره ع نفسها وندمانه ،،وعرفت انو ربنا اخد لي داليا حقها واكتر ،،مراد عرس فيها وطلقه واخد منها عياله وهما صغار ونزله السودان ،،

_اول م رندا دخلت البت ،،امه جات عليها ،،رندا ي بتي ومسكته وبقت تبكي  دي شنو المفاجأة دي  ي رندا م بتوريني انكم نازلين السودان وين عيالك ووين مراد ،،رندا سكتت م ردت ،،مكه استغربت رندا ملامحه حزينه كدا ماله ،،قالت ليها مالك ي رندا ي بتي عيالك وين ،

رندا انفقعت بالبكاء ،،قالت ليها انا بيتي انخرب ي امي مراد عرس فيني وطلقني وشال العيال انا انتهيت ي امي ،،،اريتني م سمعته كلامك اريتني م قلته ليهو سفرني معاك  ،،اريتني م قلته ليهو انا م بسكن مع امك ،،كل منك ي امي هرشتيني ع ام مراد وقلتي لي م اتعامل معاها كويس ،،وم احترمه وم اخلي مراد يصرف عليهم ،،وانا سمعته كلامك وانا مغمضه وهدا مراد طلقني ،،انتي خربتي بيتي ،،وربنا عاقبنا ع العملنا في داليا واخوي خالد ،،انتي مستحيل تكوني ام مستحيل ام تعمل في عياله كدا وتخرب ليهم بيوتهم ،،انتي بتستفيدي شنو ي امي بتستفيدي شنو ،،

مكه بقت تبكي وتقول انا بس كنت عايزه مصلحتك ي بتي والله م كان قصدي اخرب بيتك والله  ي رندا ي بتي  ،،سامحيني ي بتي سامحيني كل الكنت دايراهو تعيشي مبسوطه مع راجلك ،،رندا قالت ليها خلاص ي امي زواجي وانتهى والله يسامحنا كلنا. 

رميساء جات مسكت اخته ،،قالت ليها م تزعلي ي رندا وانا يامه قلت ليك م تمشي ع كلام امي وانو ممكن تخربي بيتك بس انتي م كنت بتسمعيني ،،اسي م تزعلي ربنا كتب ليك كدا وكل العملتو في داليا ربنا رجعو ليكم اضعاف ،،اسكتي ادعي ربنا يلين قلب خالد ويجيب ليك عيالك ،،،وتاني م تسمعي كلام امي البتقولو ليك  ،،وارجعي لي ربنا ،،وربنا يهدينا كلنا ،،رندا مسكت رميساء وبقت تبكي رميساء ساقته دخلته جوا عشان ترقد ترتاح ،،

،،،،،،،

رميساء بعد م اتاكدت انو رندا نامت طلعت برا اتصلت لي خالد 

_الو 

_اهلين رمو كيفك 

_بخير الحمدلله وانت كيف ي خالد 

_كويس م فيني عوجه ،،خير م من عوايدك تتصلي لي بالليل كدا ان شاء الله كويسين انتو 

_والله ي خالد م كويسين رندا اختك الليله نزلت السودان مراد عرس وطلقه 

_لا حولا مراد زول كويس وبحب رندا اكتر من عيونه معقوله يعمل كدا 

_انت عارف اختك رندا ي خالد بتسمع كلام امي ،،وم بتحترم اهل مراد 

_خير ي زوله المهم اسي رندا كيف 

_كويسه اسي نامت 

_طيب بعدين بتصل ليها ،،،،رمو انا م عايزك تخلي رندا براها دي اكتر فتره محتاجه ليك فيها اقيفي معاها لحدي م تتجاوز الفتره دي وانا ان شاء الله ح اكون متواصل معاكم ،

كتر خيرك والله ي اخوي طول عمرك شايل همنا 

_معقوله ي رمو انا م عندي اغلى منكم ،،

_خالد؟!

ايواا ي رمو 

_داليا م عايزاني اوريك بس انا شايفه انو لازم اوريك حاجه عنها وتنبسط ليها 

_طوالي قولي  ❤

_اممم داليا بعد ما انفصلتو فكرت ترجع تقرا تاني ،،وامتحنت نجحت من اول سنه واسي داليا بتقرا طب 

_بتهظري ي رمووو دا دا دا داليا بتقرا طب احلى خبر يااخ اسمعه انا كنت متاكد انو داليا قويه ومح تنكسر وح  تتجاوز كل شي ،،،داليا قويه ولمن تخت حاجه في راسه الا تتاكد تماما انها نجحت فيها ،،،انا مبسوط واخيرا احساس الذنب تجاه داليا الليله ح يروح  يااخ ربنا يوفقه واشوفه دايما ناجحه انا متاكد من مرتي ،،،

بعد الكلمه دي خالد سكت،،،

رميساء قالت ليهو ،،،خالد انت لسه بتحب داليا صح ومعتبره مرتك 

رده ليها ،،،انتي اكتر واحده ي رموو عارفه قدر شنو انا بحب داليا ،،وانو مستحيل حبي ليها في يوم ينقص مهما حصل بينا وانا ح افضل احبه طول عمري حتى لو بقينا منفصلين عن بعض داليا ادتني احلى هديه في حياتي اللي هي اسمر وايه ،،،انا كنت واثق انو داليا ح تنجح وتكون قويه ومح تحوج عيالي حاجه وظني بيها م خااب  💛

رميساء قالت ليهو ربنا يجبر بخاطرك ي اخوي ويلعن لحظة وسوسة الشيطان الفرقتكم من بعض..... 

قفلت من خالد التلفون ومشت ع اوضته ،،،،

خالد قفل التلفون ورقد نام وهو مبسوط من داليا والعملتو  والوصلت ليهو ،،،،

يتبع.....

↚

 #لانني_مطلقه_14

(انا قويه) 

بقلمي :Dalia Ibrahim 

انا مهما اشكر اهلي مح يكفي،، مهما ااقول كلام عنهم ح يكون قليل في حقهم ،،،م كنت عارفه لو م اهلي وقفو معاي وسندوني كان الح يحصل لي شنو انا الليله ناجحه بسببهم ،،وسبب وقفتهم معاي ،،وتشجيعي في كل خطوه في حياتي. 

💛

الليله مرت ست سنه من حياتي سته سنه مرت كانها سته يوم من غير حتى م نشعر بيها ،،،في السته سنه دي انا اتعلمته كتير ،،ووقعته كتير بس كل مره بقع بقوم بكل قوه  ❤

الليله انا بقيت دكتوره شاطره ومتفوقه جدا ويشار اليها بالبنان ،،،مما كانت الناس بتقول داليا بت احمد المطلقه بقو يقولو دكتوره داليا  💛وعيالي الكانو بقولو ليهم عيال المطلقه بقو يقولو ليهم عيال الدكتوره. 

انا مح انسى كل كلمة اتقالت لي زمن جيت بيت اهلي وانا مكسوره وضعيفه ،،مح انسى الوقفو جنبي وقدمو لي يد المساعده ،،،وبرضو مح انسى الطلعو فيني كلام ،،وكانو بضحكو فيني لاني مطلقه. 

،،،،،،،،،،،،،،

طبعا شهاب اخوي بقى صيدلاني كبير والركشه الاشتراها ليهو ابوي اتصدق بيها لواحد عشان ابوي يكسب الاجر،،،واشترا بدلها عربيه ،،،

وكان واعد نفسو انو اول مرتب سنه ليهو ح يودي ابوي وامي بيهم الحج ويزورهم الكعبه ،،، بعد صرف مرتب السنه فات هو وامي وابوي وزارو بيت الله  ❤

رميساء بقت اخصائيه نفسيه وشغاله في تجاني الماحي ،،،اما رندا مراد ابى يرجع ليها العيال حتى بعد رفعت عليهو قضيه م رجعوهم ليها لانها خلتهم بإرادته والعيال م رضو يمشو معاها ،،،،

وخالد طول الفتره دي م جاا السودان ،،بس كان متواصل مع عيالو بالتلفون ومستحيل يمر يوم من غير م يتصل يطمن عليهم ،،، 

وكل يوم كانو بحبو ابوهم اكتر واكتر ،،،،،

.__________

مره بعد م خلصته دوام وانا جاايه من المستشفى لقيت نسوان الحله ملمومات ،،،اول م شافوني بقو يقولو ،،

_انتي ي امنه صحي داليا بت زينب بقت دكتوره ؟!

_اججي عاد منو الما عارف في الحله دي انو داليا بقت دكتوره ودكتوره شاطره كمان 

_عااد ماشاء الله البشوفه ااسي م بقول دي يااها الطلقوها زمان وراجله خلا ليها طفلين 

_ي مره هي البت ماشاء الله قوويه وم بهزه الريح شوفتيها قرت وكافحت واسي بقت دكتوره عااد 

جيت ماره بي جنبهم قلت ليهم السلام عليكم .

كلهم ردو وعليكم السلام ي دكتوره ،،ازيك ي دكتوره ،،،كيف حالك ي دكتوره ،،

سلمته عليهم ومشيت بعد م مشيت بقو يقولو

_اريتو حال عيالنا ي يمه حال السرور ي بخت زينب بعيالها كلهم بقو ماشاء الله ،،

هههههه نفس الناس الضحكو فيني وحاولو يشمتو ويحطموني ،،،الليله هما نفس الناس البشكروني ،،وبحترموني ،،،

صحي والله الدنيا دواره عشان كدا الزول يبقى واثق من نفسه وم يخلي كلام الناس يزعزع ثقته بنفسه ،،لانو نفس الناس الح ينتقدوك وانت في بدايه نجاحك هما نفس الناس الح يجو يمدحوك بعد تنجح ،،الموضوع كلو مسالة وقت ،،💛

__________

قربته ع باب البيت  لقيت عربية شهاب برا قلته الليله شهاب الجابو بدري شنو م من عوايدو ،،،

دخلته لقيت امي وابوي قاعدين سلمته عليهم سالتهم من ايه واسمر قالو لي قاعدين جواا بزاكرو ،،،

غيرته واستحميت بعدها اتوضيت صليت ،،،وبرضو م شفته شهاب براا ،،،

مشيت عليهو في اوضته لقيتو راقد قلته ليهو شهاب مالك الليله ي اخوي الحاصل عليك شنو 

قام قعد قال لي ماف شي بس مصدع شويه ،،

قلته ليهو الكلام داا م علي ي شهاب انا عارفاك كويس وبفهمك وبعرف اذا رقدتك دي رقدة صداع ولا غيرو عشان كدا احكي ،،،،

قال لي داليا الموضوع هو رميساء 

_ضحكته قلت ليهو م وريتك انت م مصدع ...

_قال لي انا ي داليا بحب رميساء وقدر م حاولته اجهل الاحساس داا بس كل يوم بكبر وبحبها اكتر واكتر ،،،وانتي عارفه يعني مستحيل الموضوع داا يظبط ،،خصوصا انو انتي كنتي متزوجه من اخوها وانفصلتو ،،فما عارف انا الموضوع داا موترني شديد ،،وبرضو انا حبيت رميساء وممكن تقولي هي اول حب بالنسبه لي وانا عمري كلو م حبيت غيرها وكنت متمني هي تكون ام لعيالي في المستقبل ،،،

مشيت قعدته جنب شهاب قلته ليهو شوف ي اخوي ،،انا م عايزاك تربط سعادتك بي ،،،وم عايزاك تخلي رميساء عشان انا كنت في يوم مرة اخوها وانفصلته منو ،،انت بتحبها والقلب م بعرف الكلام داا ،،الحب م بي يدنا م نحن البنقرر نحب فلان او نكرهو القلب هو المتكفل بالحاجه دي ،،وانا وخالد انفصلنا بس للان بينا الاحترام صح خالد طلقني بس م بنكر انو حباني حب مستحيل راجل يحبني بالطريقه دي في الدنيا ،،وانت مدام عايز رميساء ابشر تب ي اخوي وفعلا عرفته تختار بت الاصول وانا متاكده انو ابوي وامي مح يرفضو وان شاء الله ح نمشي نطلبه ليك ،،،شهاب قام فوق قال لي انتي جاده ي داليا ،،قلته ليهو جاده انا عندي كم اخو ،،اخوي واحد وانا ح اعمل ااي شي عشان يكون مبسوط ،،وانا ااصلا بحب رموو جدا ولو انت م قلته عايزه كنت ح اخطبه ليك انا غصب عنك ،،،

شهاب ضحك وقال رمويتي  💛

___________

وريت امي وابوي بموضوع شهاب ورمو وقالو اذا ام رميساء وافقت هما م عندهم مشكله واهم شي عندهم سعادة شهاب ❤

_______

مره جيت من الشغل تعبانه راقده ،،،تلفوني اتصل كانت رميساء رديت جاني صوته بتبكي 

_الحقيني ي داليا 

_مالك ي رمو خلعتيني 

قالت لي وهي بتبكي امي ي داليا امي تعبانه شديد واسي نحن موديناها المستشفى م عارفه اعمل شنو امي ح تروح مني ي داليا وبتبكي 

_قلته ليها داا كلام شنو ي رمووو لا حولا اسي انتو ماشين ياتو مستشفى قالت لي ماشين مستشفى احمد قاسم (بحري) 

قلته ليها طيب بتحرك عليكم وبجيكم اسي بس انتي م تبكي خالتو مكه م بحصل ليها شي ،،،

من دون م اشعر قمته جريت لقيت شهاب قاعد قلته ليهو سرعه ي شهاب ارح المستشفى ،،،قال لي مالك في شنو ،،قلته ليهو رموو اتصلت لي وقالت خالتو مكه تعبانه ،،،امي قالت ي ساتر ،،خلاص انا بجي معاكم ،،قلته ليها لالا خليك مع ناس اسمر لانو الليل قرب بنمشي انا وشهاب ،،،امي قالت سمح ي بتي م تنسو اتصلو لي طمنوني ،،قلته ليها سمح ي يمه ادعي ليها ،،،

شهاب دور العربيه وركبنا مشينا ع المستشفى ،،،

يتبع........

↚

 #لانني_مطلقه_15

(انا قويه) 

بعد م وصلنا المستشفى ودخلنا اول م شافتني رميساء جاات جاريه علي بتبكي ،،وبتقول امي امي  ي داليا امي ح تموت، ،،،قلته ليها خالتو مكه م بجيها شي اهدي ي رموو انا اسي ح امشي اشوف ماله ،،،

وقلته لي شهاب خليك معاها عشان تهديها ،، ومشيت ...

شهاب قعد رميساء وجاب ليها مويه عشان تغسل وشها وتشرب ،،،

................

انا جريت ع الغرفه الفيها خالتو مكه اول م دخلته لقيت معاها رندا ،،عيونه من البكى لمن وارمات من شافتني قامت ع حيله وقالت داليا؟! باستغراب ،،،قلته ليها خالتو مكه كيف ،،،قالت لي م بعرف والله اسي الدكتور طلع وم قال لينا ااي شي قلته ليها طيب ،،،امشي نادي ي الدكتور المسئول من حالته ،،،جرت نادتو ،، اول م جاا قلته ليهو االمريضه ماله ،،قال لي والله عندها صمام في القلب ،،وم اتعالج في مراحله الاوله ،،واسي وصل لمرحلة متاخر ومحتاجه عمليه ،،، قلته ليهو انا اخصائية امراض القلب وممكن اعمل ليها العمليه انا ،الدكتور قال لي انتي متاكده ،،العمليه دي م بتتحمل ااي غلط ومحتاجه لي اخصائي كفاءه ،،قلته ليهو متاكده ،،واسي ح نبدا اجراءت العمليه ،، 

قال لي خير اسي حالته شبه مسقره بس محتاجه تقعد في المستشفى لحدي موعد العمليه ،،،

بعد م اتكلمته مع لدكتور واتفقنا ،،قلته امشي عشان اطمن رميساء مشيت الغرفه اللي فيها خالتو مكه لقيته صحصحت ،،بس كانت تعبانه ،،اول م شافتني حاولت تقوم م قدرت،،وقالت باندهاش داليا ؟!

ايواا داليا ي خالتو مكة داليا الكانت مرت ولدك متزكراني؟! ،،داليا الخربتي ليها بيته وجدعتيها،،داليا الحرمتي عياله من ابوهم واتهمتيها وقلتي ديل م عيال ولدك ،،داليا الكنتي فاكره انها ح تقع ومح تقدر تقوم تاني ااي ياها داليا ،،،

قلته ليها حمد الله ع السلامه ي خالتو مكه ،،خوفتينا عليك ،، ربنا يشفيك ويعافيك،،،،

 ومن الليله انا بقيت المسئوله عن حالتك وابتسمته ليها ،،

م قدرت تتكلم نسبه لي حالته بس كانت بتعاين لي بنظرات اسى وحيره ،،

طلعته برا لقيت رميساء ورندا ،،رميساء جاات قالت لي اها امي الحصل عليها شنو ،،قلته ليهم والله ي رمو خالتو مكه محتاجه عمليه لانو الصمام بقى في مرحله متاخره ،،وانا المتكفله بالعمليه دي ح اعمله انا وبديت الاجرات وبدايه الاسبوع الجااي ح تتعمل ،،

رميساء بقت تبكي ،،ورندا قالت لي امي بعد العمليه ح تقوم مش،، قلته ليها ان شاء الله ادعو ليها بس ،،،

عدا اليوم في المستشفى ورميساء ورندا سقتهم معاي البيت بعد تحانيس وخلينا شهاب مع خالتو مكه ،،عشان لو حصل ااي شي يتصرف،، ونحن نمشي البيت ونرتاح ورميساء ورندا ياكلو ليهم حاجه عشان م اكلو. 

........

بعد م ارتحنا وطمنا ناس امي ع خالتو مكه،،، رندا قالت لي رميساء وريتي خالد ؟!،،رميساء قالت ليها لالا م عايزه اخوفه ساي ااسي ،،رندا قالت ليها اتصلي ليهو ي رموو خالد اذا عرف ح يزعل وامي ح يتعمل ليها عمليه وعمليه م سهله ،، 

قلته لي رميساء كلامه صاح في النهايه كدا كدا ح يعرف اتصلي ووري اسي ،،قالت لي سمح وشالت موبايله واتصلت ،،

____

الو خالد 

_اهلين رميساء كيفك 

_انا كويسه الحمدلله وانت 

_بخير الحمدلله 

_عافيه ؟!

_والله ي خالد امي دي تعبانه الليله تعبت وديناها المستشفى وقررو ليها عملية قلب ،،،

خالد من سمع كلام رميساء اتخلع وقلع عيونه وبقى يتمتم امي كيف ي رميساء اسي هي كيف ،،،امي كويسه مش ي رميساء م تكضبي علي كويسه مش 

_ رميساء قالت ليهو كويسه 

،قال ليها،انا بكره بحجز وبجي نازل السودان ،،،

رميساء قالت ليهو امي بقت كويسه ي خالد وحالته مستقره الحمدلله م تخاف العمليه الاسبوع الجاي تعال ع محلك ،،،

خالد بعد م قفل من رميساء غمض عيونه وقلبه كان واجعه شديد ع امه ،،قام اتوضى وصلى ركعتين ودعى ربنا يشفي امه ويعافيها ،،واتصل وحجز تزكره للسودان ،،،

_____________

تاني يوم الصباح لبسنا مشينا المستشفى وامي كانت معانا ،،، وشهاب رجع البيت عشان يرتاح من السهر ،،

وصلنا المستشفى لقينا خالتو مكه بقت احسن من امس ،،مشيت للدكتور عشان استفسر منو عن حالة خالتو مكه ،،قال لي لازم تاني اقعد في المستشفى لانو انا الح اكون متابعه  حالته وم لازم اغيب لحدي م تتعمل العمليه ،،،

تاني يوم خالد وصل السودان ومن المطار للمستشفى طوالي ،،بعد م وصفو ليهو غرفه خالتو مكه مشى عليها ،،اول م دخل جرى ع خالتو مكه ،،،وحضنه،، خالتو مكه من شافت خالد بقت تبكي وتقول خالد ،،خالد ولدي وتبكي ،،

جيت ماره بغرفه خالتو مكه سمعته صوت راجل قلته يمكن دا شهاب بس شهاب طلع من ساعه ،،

الصوت داا م غريب علي ،،دااا خالد ايواا خالد وقلبي بقى يدق بسرعه ،،،بعد المده دي كلها ح اشوف خالد معقول ،،مشيت قعدته وبقيت اتنفس بسرعه ،،جات واحده من السسترات قالت لي انتي كويسه ،،قلته ليها عايزه مويه ،،جابت لي مويه شربتها وقمته مشيت ع خالتو مكه ،،وانا لسه قلبي بدق بسرعه ،،،

فتحته الباب اول م دخلته عيني جات في عيون خالد ،ياااااا زمن ،،من شافني قام ع حيلو وبقى يعاين لي ،،كآنو م مصدق ولا م عرفني ،،

مشيت مديت ليهو يدي قلت ليهو حمدلله ع سلامة خالتو مكه 

_وهو بعاين قال لي الله يسلمك 💛

قلته ليهو الاسبوع الجااي العمليه بتاعته وان شاء الله ح تقوم بالسلامه وطلعته ،،،

خالد جاا وراي ناداني داليا داليا 

اتلفته عليهو ،،قلته ليهو مرحب اتفضل 

قال لي 

_كيفك 

_تمام الحمدلله وانت

 _كويس في احسن حال 

قال لي داليا انا مبسوط لاني شوفتك في المكانه دي ومبسوط كمان لانك م خليتي رميساء وكنتي واقفه معاها وبقيتي ليها اخت ،،ومبسوط لانك مسئولة من حالة امي ،،وح تعملي ليها العمليه انتي وانا متاكد انك ح تنجحي وانا واثق فيكك 

_قلته ليهو ولو ،،م عملته الا واجبي ،،وبعيد عن المشاكل الشخصيه البيني وبين امك ،،داا واجبي كدكتوره وعمرها المشاكل مح تخليني اقصر تجاه واجبي ،،

قال لي عارف والله ،،عارف انو انتي قلبك ابيض وم بتشيلي حاجه في قلبك  ❤ قال لي 

اسمر وايه لو عرفو اني نزلته السودان ح يفرحو 

قلته ليهو ههههه اصلهم منتظرنك بفارق الصبر ،،بس مح اقول ليهم انك جيت لحدي م خالتو مكه تبقى كويسه عشان لو عرفو مح يخلوك ح يقولو الا يقعدو معاك ،،،

خالد ضحك وقال لي اشتقت ليهم يااخ وعايز اشوفهم بقو قدر كيف ،،

قلته ليهو سمور قرب يحصلك طالع طويل ع خالو ،،

وضحكنا  استأذنته من خالد ومشيت ،،،

الايام بقت تمشي سريع وعمليه خالتو مكه فضل ليها يوم ،،،خلال الايامات الفاتت اسمر وايه كانو عندهم امتحانات وحتى م كان بتكلمو مع خالد عشان كداا م عرفو بجيتو السودان ،،،

وشهاب كان بجي المستشفى  يومي بقعد مع خالد ورميساء ورندا برجعو البيت والصباح برجعو ،،،

يتبع......

↚

 #لانني مطلقه_16

(انا قويه) 

انتي اقوى من انو يكسرك راجل ،،او راجل يحطم طموحك ،،انتي قويه بطريقه م بتتصوريها ،،،م تسمحي للعالم يدفن الروح الجميله الفيك او تسمحي لحاجه تقيف قدام نجاحك عافري بكل م فيك من قوة عشان تبقي التوب في المجتمع نجاحك ،، ❤ انتي وانا اقوياء والمراة م ضعيفه م بتنكسر 

____نواصل 

يوم العمليه صحيت الصبح مع الاذان وصليت عشان ربنا يوفقني واقدر انجح في العمليه صح دي م اول عمليه ادخله ،،،بس دي اول عمليه اعمله برااي ،،كنت حاسه باحساس كدا م كان خوف ،،بس احساس كدا م قادره افهمه ،،بس لعنة الشيطان ،،وقمته عشان اجهز نفسي للعمليه لانها الساعه 8صباحا.

الساعه 6رندا ورميساء وامي وابوي جابهم شهاب بالعربيه.. وخالد لسه م جاا ،،، قبل العمليه بعشره دقايق ،،جيتهم لقيتهم قاعدين كلهم ف الانتظار قلت ليهم ادعو لي ي جماعه ،،، 

خالد قال لي انا واثق فيك.. 

رميساء قالت لي املي فيك ي داليا ،،

امي وابوي دعو لي وقالو لي كلام جميل جدا جدا  اداني طاقه ايجابيه ،،💛

دخلته العمليه وانا بقرا قران  في سري لقيت غرفة العمليات جاهزه وحتى خالتو مكه مساعدني جهزوها لي وم باقي الا نبدا... 

بعد ساعتين بالضبط خلصته العمليه ،،وقدرته انجح ،،ودخلنا خالتو مكه العنايه لحدي م تستعيد وعيها ،،،

طلعته لقيتهم كلهم برا ،،اول م شافوني كلهم بقو يعاينو لي بنظرات استفاهم ؟!

خالد قال لي اها كيف ي داليا ،،من غير م احس دموعي جاات نازله وجريت ع امي ومسكته بقيت ابكي ،،كلهم خافو طبعا افتكرو خالتو مكه حصل ليها شي ،،ورميساء ،،بقت تبكي وتقول ،،امي حصل ليها شنو ي داليا م تبكي وريني الحصل لي امي شنو... 

امي قالت لي ي داليا ي بتي م تبكي فهمينا الحاصل ،،وخالد خلاص انهار والكلام غلبه ،،،

واخيرا اتكلمته ،،قلته لي امي العمليه نجحت ي امي ،،امي خالتو مكه عملية نجحت ،،انا نجحته نجحته ،،،

ابوي بقى يقول الحمدلله الحمدلله يارب ،،رميساء جات قالت لي امي وين عايزه اشوف امي ،،

قلته ليها ااسي هي في العنايه ،،ح تقعد لحدي م تصحى بعديها ننقله لغرفه عاديه ،،،

بس ممكن اسي تمشو تشوفوها من براا ،،رندا ورميساء جرو وخالد مشى وراهم لي خالتو مكه ،،

شهاب بقى يعاين لي ويتبسم ،،، جاا علي قال لي انتي عارفه ي داليا ي اختي ،،انا م حصل لاقتني مره بالقوه والاصرار بتاعك داا ،،،انتي مثال للمره القويه وانا فخور بيك جدا  ❤ابوي قال ليهو انا الفخور  بيكم والله لانكم عيالي  ❤

بعد ساعتين زمن ،،خالد جااني قال لي ارح ي داليا اوصلك البيت عشان ترتاحي ،،قلته ليهو لالا انا م تعبانه بمشي بعدين مع ناس امي ،،امي قالت لي امشي ي بتي ارتاحي ونحن بعدين شهاب ح يوصلنا ،،،

خالد قال لي ارح لاني عايز اشوف اسمر وايه واسلم عليهم لازم يعرفو اني جيت ،،،قلته ليهو طيب ارح ومرقنا ركبنا العربيه .......

ونحن في العربيه كان في صمت عجيب بينا مااف زول اتكلم مع التاني خالد كان سايق براحه ،،،كانو م راكبين عربيه ،،،

خالد كسر حاجز الصمت البينا وقال لي داليا ؟!

قلته ليهو نعم 

قال لي شكرا على كل شي ،،،شكرا لانك م شيلتي في قلبك ع امي ،،شكرا لانك شيلتي عيالي وربيتهم احسن تربيه ،،،شكرا لانك م خربتي صورتي قدام عيالي ،،،وم خليتهم يكرهوني بالعكس ،،خليتي عيالي يحبوني ويتمسكو بي ،،، شكرا لانك محترمه امي وبعد العملتو ليك انتي انقذتي حياتها ،،، شكرا ي داليا شكرا ع كل شي وبكرر اعفي لي ي غاليه ،،م دايرك تسامحيني لاني م بستاهل بس م عايزك تشيلي في قلبك علي وبتمنى ليك السعاده في حياتك  💛💛💛💛

قلته ليهو خالد الحصل في الماضي داا بقى صفحة وطويته ،،ولولا الحصل انا م كان وصلته للوصلته ليهو ااسي وانا م شايله في قلبي وخالتو مكه بعتبره زي امي وح تفضل مكانته زي امي عمرها مح تتبدل ،،وانا عافيه ليك في النهايه بينا عيال وانا م عايزاه حاجه تاثر ع نفسيتهم لقدام ،،

قال لي طيب  ❤

وشغل اغنية حوته  ❤

فاض بي لهيب الشوق  💛💛💛💛💛

وصلنا البيت نزلته من العربيه دخلنا جوااا لقيت ملابس اسمر وايه بتاعت المدرسه مجدعات والشنط مجدعه ،،،قلته لي خالد غايتو العيال ديل م عندهم نظام ابدا من يجو من المدرسه بجدعو حاجتهم ،،،

خالد ضحك وقال لي طالعين ع ابوهم نسيتي اني م منظم برضو؟! ،،ضحكته قلت ليهو صح نسيت ،،،

قال لي بلقاهم وين عايز افاجئهم ،،قلته ليهو قاعدين في غرفتهم ،،امشي عليهم لحدي م اخد حمام واجيكم 

___________________

خالد دخل اول م دخل لقى ايه واسمر بلعبو بلستيشن وبتشاكلو ،،،ايه تقول ليهو جيب لي لعبة قوقو واسمر يقول ليها ح نلعب ود النجا عا جبك العبي م عاجبك ،،قومي اقري ،،،

خالد قال ليهم ي اولاد ،،كلهم قبلو بخلعه ،،،اول م شافو عرفو اايه صرخت لدرجة انا في الحمام سمعته ،،قالت ليهو باااااااااابا وجرت عليهو ،،،اسمر وقف مكانو م مصدق ،،،بقى يقول بابا بابا انت هنا ،،،

مما انفصلنا اول مره يشوفو في الواقع ،،،❤

خالد قال ليهو اايواا بابا هنا ي عيون بابا ،،،اسمر جرى عليهو ومسكو اتشعبطو فيهو وبقو يقولو ليهو مشتاقين ي بااباا ،،ايه بقت تقول انا م مصدقه ابوي جااا ،،ااسمر قال ليهو نحن زعلانين منك ي ابوي ،

خالد قال ليهو ليه 

قال ليهو طول المده دي م جيت تشوفنا ليه نحن م عيالك ،،،

خالد قال ليهو ،،اسف والله ي ولدي اااسف حقكم علي  💔

ايه قالت لي اسمر عيب ي اسمر ليه تخلي بابا يعتزر مننا  م مشكله المهم بابا اسي جااا  ،،خالد قال لي اايه ماشاء الله بتي بقت عروس ،،ايه خجلت وبقت تضحك ،،اسمر قال ليها هههههه بتخجلي كمان ،،،

خالد عاين لي اسمر وقال ليهو ماشاء الله ي ولدي بقيت راجل وضربه في كتفه وبقو يتونسو ،،

______

جيت داخله عليهم قلت ليهم اها عجبتكم المفاجأة  ،،،

اسمر قال لي احلى مفاجأة ي ماما انا مبسوط ييااخ ،قلته ليهو دائماً ي حبيبي ،، 

ايه قالت لي خالد والله جيت في وقتك يا بابا،،بكره في اجتماع اباء في المدرسه تمشي معانا ،،وعشان اوري صحباتي ابوي،،،

اسمر اتغاظ منها وحاكاها ،،وقال ليها البت الشفقانه دي  ،،،ايه قالت لي خالد شفته ي ابوي محاقرني كيف ،،،خالد قال لي اسمر عيب ي ولد دي اختك ،،ونصك التاني انت نسيت انكم تؤام ،،م تزعله ،،اختك دي اميره والاميرات م بزعلوهم ،،،ايه ضحكت وقالت لي اسمر شفته تاني بابا ح يحامي لي ويقلع لي حقي منك ،،، 

اسمر قال ليها وانا ماما حبيبتي قاعده. 

___خالد قال انا ح ارجع المستشفى بعد داا ،،،اسمر قال ليهو لي في شنو في المستشفى ،،قال ليهو حبوبتك عيانه ،،،اسمر قال حبوبه زينب ماله ،،،

قلته ليهو لا م حبوبه زينب ،،،دي حبوبه ام بابا ،،ايه قالت ،،بس ي ماما نحن ليه م بنعرفه ،،خالد عاين لي وعاينته ليهو ،،قلت لي اايه لانها م كانت مستقره هنا في السودان  ،،،ايه قالت لي ايوااا ربنا يكتب ليها العافيه ..

خالد استئذان وقال لي اسمر وايه بكره ح أجي امشي معاكم المدرسه واسوقكم المستشفى تشوفو حبوبه وطلع مننا 

يتبع......

↚

 #لانني_مطلقه_17

(انا قويه) 

الصباح يوم جديد يوم مختلف صحيت كالعاده صليت وقريت حبة قران ،،لانو بعد م اقرا بحس براحة ويومي كلو بكون حلو ،،💛

،،،،،،،،،،،،،،،

مشيت ع اوضة سمور وايه لقيتهم نايمين ،،قلته ليهم يلا ي ماما اصحو عشان المدرسه ،، سمور قال لي ماما خلينا ننوم حبه ،،قلته ليهم ابدا م بتنومو ،،انا حزرتكم من السهر بس انتو م بتسمعو الكلام يلا قومو ،،،سكتو م ردو ولا حتى قامو من سرايرهم ،،،

قلته ليهم طيب خليكم نايمين وانا بضرب لي بابا وبقول ليهو م تجي تسوقهم المدرسه ،،،

ايه قامت ،،قالت لالا ي ماما خلاص خلاص هدا قمنا والله،،، ارح ي اسمر نجهز  ،،

هههههه م بتجو الا بالعين الحمراء..

 قاعدين بنشرب في الشاي كلنا مع ناس امي ،،وامي كانت بتسال شهاب ح يمشي المستشفى متين لخالتو مكه عشان يسوقنا معاهو،،سمعنا باب البيت دقه ،شهاب مشى فتحو لقا داا خالد ،،،،

اوو خالد كيفك صباح الخير 

_اهلين شهاب صباح النور اخباركم ،،

_تمام والله اتفضل اتفضل ،،،

خالد دخل سلم ع امي وابوي وامي كبت ليهو شاي ،،،قال ليها يااا ي خالتو زينب زمن من الشاي بتاعك الحلو داا والله فقدتو ،،

امي قالت ليهو م تفقد عزيز ي ولدي ،،،ونحن بنتونس ايه واسمر جووو ،،،بابا بابا نحن جاهزين ارح ،،،خالد قال لينا يلا ي جماعه انا ح استئذان لانو ح اودي الامامير ديل الليله المدرسه ،،،

امي قالت ليهم الليله بعتو خالكم ،،،عشان شوفتو ابوكم جااا ،،،ايه قالت ليهو معليش ي خالو ،،بس نحن مشتاقين لبابا ،،،

شهاب قال ليها ،،،ااصلا تاني مح اوديكم انتو بياعين ،،وضحك ،،،

خالد قال ليهو معقول ي شهاب ،،يبيعوك بالسهوله دي ،،انت الكنت معاهم من صغار م اظن يبيعوك مش يا اولاد ،،سمور قال ليهو اايواا نحن خالنا احسن خال وم بنبيعو❤ ،،،شهاب ضحك قال ليهم خلاص خلاص م زعلان ،،،،

وطلعو مشو ،، 

كنت بعاين لي عيالي وهم ماشين المدرسه مع ابوهم ومبسوطين كيف ،،،امي جاات قالت لي نجهز ي داليا عشان نمشي قلته ليها ااي ارح ارح ،،،

__________

بعد وصلنا المستشفي ،،لقينا رندا ورميساء سلمنا عليهم  ،،وقلته لي رميساء الدكتور القلته ليهو يتابع حالة خالتو مكه ،،،جااا؟! قالت لي ااي جاا ،،قلته ليها كويس،،،

دخلنا ع خالتو مكه لقيناها راقده قلته ليها حمدلله ع السلامه ،،،قالت لي الله يسلمك ي بتي ،،،امي برضو حمدلت ليها السلامه وقعدت ،،وابوي وشهاب سلمو عليها وقعدو برا ،،

قلته لي خالتو مكه اها بقيتي احسن ؟!،،قالت لي احسن ي بتي بفضلك ،،،

رندا قالت لينا شربتو الشاي ،،امي قالت ليها ااي الحمدلله ي بتي ،،م تعبي نفسك ،،رندا قالت ليها معقوله ي خالتو تعب شنو ،،،

رندا تعامله اتغير معنا 180درجه م زي رندا الزمان الكانت مفتريه وشايفه نفسه ،،،م رندا البتكرهني،،

رميساء قالت لينا عن ازنكم ي جماعه طالعه وبجي ،،قلنا ليها اتفضلي ،،،،،

_رميساء اول م طلعت لقت شهاب برا قاعد وشايل تلفونه م انتبه ليها ،،،قالت ليهو معقوله للدرجه دي تلفونك شاغلك وم منتبه لي ،،،قال ليها معقوله ياااخ انا اخلي العالم كلو واركز معاك ،،،ضحكت قالت عليهو علي انا ،،قال ليها لالا بالجد  💙💙💙

قالت ليهو عمو الرشيد وين ؟!قال ليها لقى واحد صحبو شغال هنا ومشى يتونس معاهو تعالي اقعدي ،،،

رميساء قعدت ،،، 

وبقو يتونسو 

_مالك ي رمو ساكته 

_ماف شي ي شهاب بس شاغلاني حالة امي 

_م تشيلي هم ي رمو خالتو بقت كويسه وح تبقى احسن،، 

_ان شاء الله ي شهاب 

وسكتو تاني شهاب كان عايز يتكلم مع رميساء بس متردد 

قال ليها رمو،،،قالت ليهو نعم ي شهاب 

قال ليها عارف انو داا م زمنه بس ي رموو انا م عاايز اتاخر لي اسي ،،رميساء قالت ليهو اها ،، قال ليها ،،،

رميساء انا والله معجب بيك ودايرك ،،ومن زمان لا من الليله لا امس ،،،من زمن اختي كانت معاكم ،،بس م كنت عايز افتح معاك الموضوع في الزمن دااك  لاني م كنت جاهز وم عايز اعمل حاجه م رسميه كنت منتظر اليوم الاتخرج ،،عشان اكون مناسب ليك ،،بس الحصل بين خالد وداليا خلاني اتراجع ،،بس برضو م منعته نفسي اني احبك ،،وسعت فاتحته داليا في الموضوع داا ،،وقالت لي انو هي م عندها مانع وطلاقه من خالد مح ياثر وانو هي ااصلا عايزاك لي من زمان ،،وورت امي وابوي وبرضو وافقو ،، وانا كنت منتظر خالد اخوك عشان اطلبك منو ع سنة الله ورسوله والناس كلها تكون عارفه ،،لاني م عايز اعمل حاجه بالدس ،،وم عايز ،،اخليك ترتبطي بي من غير م اهلك يعرفو ،،وربنا يعاقبنا ،،،انا دسيت مشاعري الفتره دي كلها ،،عشان ربنا م يحرمني منك ويدسك لي من الناس ويحفظك . وانا ي ستي عايزك وشاريك وعايزك حلالي وام لعيالي اها قلتي شنو ،،

رميساء كانت بتبكي ،،شهاب قال ليها مالك كلامي زعلك انا اسف اذا كلامي زعلك او حسيتي انو داا م وقته وم المفروض اقول كدا هنا بس انا م قادر ادس اكتر من كدا ،،،

رميساء قالت ليهو لالا انا م زعلانه  ي شهاب ،،بس كلامك هو اللي بكاني ،،وانا موافقه ،،وم اظن القى راجل احسن منك في الدنيا دي ،،راجل بخاف علي وحباني المده دي كلها ،،وحافظ علي في قلبو ،،انا مستحيل ارفضك ي شهاب ،،،وانا من زمان كنت بدعي في صلاتي وبقول ،،اللهم حلالا يشبه امانينا ،،،كنت عارفه انو ربنا ح يكتب لي النصيب الحلو ،،وانا زي ما حفظته قلبي للبستاهلو والح يخاف علي ويحبني ويخاف الله فيني كنت متاكده ح يرسل لي واحد يحبني  💛،،انا موافقه ي شهاب موافقه عليك.... 💛💛💛💛💛💛💛💛💛💛💛💛💛"اللهم حلالا يشبه امانينا"

_____________

بعد الضهر خالد جاا ومعاهو اسمر وايه ،،،من جووو المستشفى جاطت ،،،خالد قال ليهم ،،براحه ي عيال براحه داا مكان ناس عيانين ادخلو وانتو ساكتين ،،دخلو ،،امي قالت لي خالتو مكه ،،احفادك الشواطين جووو ي مكه ،،مكه ابتسمت ،،اول م جوو ،،ايه جات جاريه علي ماما مشتاقين ،، قلت ليها وانا اكتر ي قلبي اها الليله المدرسه كيف ،،،قالت ليها تمام ،،احلى يوم ،،مشيت وريت ابوي لي صحباتي كلهم ،،وقلت ليهم ،،بابا جااا من دبي وجاب لينا حاجات حلوه وغظتهم زي م بغيظوني زمان ،،،ضحكته قلت ليها يلا سلمو ع حبوبة ام بابا ،،اسمر وايه جروو سلمو عليها وقالو ليها سلامتك ي حبوبه ،،مكه قالت ليهم الله يسلمكم حبايبي ربنا يحفظكم ،،، خالد قال ليهم سلمو ع عمتكم رندا ،،ايه قالت بابا دي برضو عمتو ،،قال ليها ااي  دي الاكبر من رموو ،،قالت ليهو حلووه شديد ي بابا ،،رندا قالت ليها لكن بت اخوي احلى ،،رميساء قالت ليهم يعني انا م حلوه قصدكم ،،اسمر قال ليها انتي ماف احلى منك في الدنيا ي عمتو ،،شهاب قال ليهو كلامك صاح ي سمور وغمز لي رموو ،،،،❤

_________

قاعدين كلنا مع خالتو مكه بنتونس،،، خالتو مكه قعدت في نص السرير ،،،وقالت مدام كلكم قاعدين انا عايزه اقول حاجه ،،،خالد قال ليها اتفضلي يمه ،،،عاينت لي وقالت ،،،،

انا دايره اعتزر منك ي داليا ي بتي ،،قدام كل اهلك انا عارفه انو العملتو م بنغفر ،،بس عايزاك تسامحيني ي داليا  ،،انا خربته ليك بيتك ،،وفرقتك من راجلك ،، وخليت الناس يتكلمو فيك سامحيني ي بتي ،،، وعاينت لي خالد وقالت انا عايزاك تسامحني ي خالد ،،لاني كنت انانيه ،،،وحبي للتملك عماني وخلاني اخرب بيت عيالي سامحني ي ولدي ،،ربنا اخد لي داليا حقها ،،وزي م شايف اسي انا هدي عيانه عاجزه ،،داليا بتي سامحيني ،،

وعاينت لي اسمر وايه ،،وقالت ليهم سامحوني ي احفادي ،،انا كنت السبب في انو ابوكم يخليكم ويغترب سامحوني لانو حبوبتكم كعبه ،،انا عرفته غلطي وعايزاكم تسامحوني ي عيالي ،،،

قلته ليها م بينا ي خالتو مكه ،،داا حبك لي ولدك خلاك تعملي كدا وانا والله م شايله في قلبي عليك ولا زعلانه منك وتاني م عايزاك تفتحي الموضوع داا ربنا بس يقومك بالسلامه وتبقي عافيه ،،،

خالد قال ليها الله يسامحنا كلنا ي امي  💔امي قالت داا شنو داا م تقعدو تنكتو في القديم ي مكه خلاص الفات مات ونبدا صفحه جديده 

يتبع....               

    😹😹😹💔شفتو خالتو مكه م قلته ليكم الدنيا دواره

↚

 #لانني_مطلقه_18

(انا قويه) بقلمي Dalia Ibrahim 

 بفضل الله و الحمدلله خالتو مكه خرجناها بعد اسبوع من المستشفى ،،، وبقت كويسه الحمدلله ،،،واسمر وايه واخيرا خلصو امتحانات وارتحنا من الجوطه الكتيره ومعاناة المزاكره هههههه،،،،

_________

في يوم جمعه المغرب ،،قاعدين بنشرب في شاي المغرب ،،الباب دقه شهاب فات فتح ،،،،طلعو ديل ناس خالد وخالتو مكه ورندا ورميساء ،،،شهاب فضلهم دخلو جوا ،،سلمو 

_سلام عليكم ي اهل الدار 

_ابوي:وعليكم السلام ي مراحب اتفضلو اتفضلو 

_خالد:كيفك ي عمي 

_والله بخير الحمدلله 

قعدو جبته ليهم مويه وضيفتهم ،،،

خالتو مكه قالت معليش ي جماعه جيناكم من غير اذن بس حبينا نفاجئكم ،،،،امي قالت ليها ،،،حبابكم والله تشرفونا في ااي لحظه انتو م ضيوف ،،،رميساء جات قعدت جنبي قلته ليها مرت اخوي السمحه ،،،،ضحكت قالت لي خلاص ح تسمعي الناس ،،قلت ليها خلي اليسمعو م كضبته ،،،

كبينا ليهم شاي ومعاهو كيك ،،،وقعدنا بقينا نتونس ،،مكه قالت وين اسمر وايه م شايفاهم ،،قلته ليها اكيد جواا بلعبو ،،رميساء قالت ماشى اناديهم ،،،وشهاب برضو قال ماشي اناديهم في نفس اللحظه ،،،توارد خواطر 💙💙 ،،،امي ضحكت قالت ليهم طيب امشو نادوهم سوا .

رميساء وشهاب ماشين ع غرفة ايه وسمور شهاب قال ليها مرتي السمحه ،،رميساء خجلت وقالت ،،اول كدي ابقى مرتك ،،قال ليها لالا ان شاء الله ح تبقي وعقبال ،،نكون ماشين ننادي عيالنا ،،،💛

اسمر وايه جووو لقو حبوبتهم جرو سلمو عليها ،،ايه جرت سلمت ع رندا قالت ليها عمتو السمحه ،،،ايه شكلها حبت رندا شديد  ،،،قالت ليها اهلين عيون عمتو كيف الاميره حقتنا ،،ايه قالت ليها كويسه بعد م شوفتك ي عمتو ،،رندا قالت ليها تسلمي لي انتي ي عسل ،،،،

____________________

قاعدين بنتونس خالتو مكه قالت ،،، والله انا  جيت عشان موضوع عايزه اتكلم فيهو ،،،،

امي قالت ليها موضوع شنو خير ي مكه ،،

قالت ليها لالا خير. 

خالتو مكة قالت لي ،،داليا انا عايزاك انتي وخالد ترجعو لي بعض وتتلمو انتو وعيالكم في بيت واحد ،،وانا عارفه خالد ولدي لسه بحبك وعمرو م نساك ،،،والدليل انو حاولته كم مره اعرس ليهو بس هو كان برفض،،، وانا غلطه عايزه اصلح غلطتي ،،والدنيا م معروفه في حياة وفي موت ومدام للزمن داا م عرستي ،،احسن ترجعي لي راجلك وعيالك وتربوهم سواا ،،،وخالد زاتو م عارف انا طلبته منه يجيبنا هنا ليه ،،وخالد ولدي 💕 سيد الرجال وم فيهو عيب والله ،،وكل شي عملو كان بي سببي استغليت حتت انو خالد بسمع كلامي وم برفض لي كلام وخليتو يطلقك بس اسي ندمانه ع العملتو في ولدي اعفي لي ي داليا،،ولو صح بتعبريني زي امك اقبلي طلبي داا. 

م قدرته اتكلم بس عاينته لي امي ،،،امي قالت لي انا معاها ي داليا ،،،خالتك مكه جات واعتزرت منك ،،وخالد ولدنت م شفنا منه عيب والله ومحترمنا ومقدرنا وبعتبرنا زي اهله ،،،واحسن ليك ي بتي عيالك يتربو قدام ابوهم وامهم ،،،

ابوي قال لي داليا ي بتي ،،من صغيره انا م قاعد ارفض ليك طلب وبعمل ليك كل العايزاهو ،،وانا متاكد انو ربيتك احسن تربيه ،،وانو انتي م خيبتي ظني ،،،واسي انتي بقيتي مره ناجحه وليها مكان في المجتمع ،،،وكل الناس بتحترمه ،،تاني عايزه اكتر من كدا شنو ،،،

شهاب قال لي داليا يااخ نحن عايزين ننجز ونعرس وانا لو م عرستي تاني م ح اعرس ،،،،

،،،،،،،،،،،،،،،

قلت ليهم والله ي جماعه الموضوع م ساهل ،،،وعايز  تفكير وانا وخالد انفصلنا من سنين ،،،فما عارفه هل انا لسه عايزاهو ولا لا لسه عايزه افكر وسيبوني براحتي م كسر لي كلامكم انتو كلامكم ع عيني وراسي وعارفه انكم عايزين مصلحتي بس انا عايزه وقت اقدر استوعب فيهو ،،،

خالد عاين لي وقال :

بس انا لسه بحبك ي داليا وباقي عليك ولسه بعتبرك مرتي وام عيالي ،،،وانا مره غيرك م عايز ،،لانو مستحيل ،،القى احسن منك في الدنيا دي  ❤❤❤❤❤❤❤❤

سمور قال لي ماما وافقي يااخ عشانا ،،،نحن عايزنكم انتي وبابا تكونو سواا ،،،،

ايه قالت لي ماما كفايه اننا كنا بعاد الفتره دي كلها من ابونا م تحرمينا منه تاني ،،عليك الله ي ماما وافقي اسي وفكري بعدين ،،،،

ايه بقت تبكي وتقول ،،ماما انا م صدقته شوفته ابوي ،،وقعد معانا ،،وح نكون سوا ماما وافقي عشانا ،،،

اسمر قال لي ماما لو بتحبينا وافقي ،،،،

صراحه بعد كلام عيالي داا اتراجعته في النهايه انا م عايزه غير سعادة عيالي ،،ومدام عيالي سعادتهم مرتبطه بوجود ابوهم في حياتي انا مح احرمهم ،،

ويمكن سعادتي برضو مرتبطه بخالد ،،لانو للان انا حاسه بمشاعر تجاه خالد ،،،لسه انا بحبو زي اول ،،طيب الح يمنع اوافق شنو ،،،💛💛💛💛💛

بعد تفكير دام خمسه دقايق ،،ابوي قال لي اها نقول مبروك ،،،عاينته ليهو وعاينته لخالد ،،وهو متلهف كانه بقول لي قولي اااي ي داليا قولي ااي ،،،ونظارتو كلها كانت رجاء ،،،،

سكته لحظه وقلته لي ابوي ،،،ايوااا مبروك ،،،ياخ سمور وايه من الفرحه نطو فيني نطه وبقو يكوركو ،،،امي وخالتو مكه بقو يزغرتو ،،،،وابوي شغال مبروك ي عيال مبرووك ،،،الفرحه الشفتها في عيون اهلي كفيلةة بانو تخليني اوافف ع خالد مية مره ،،،

شهاب قال بالمناسبه دي ي خالد انا حابي اطلب ايد الاميره رميساء ع سنة الله ورسوله ،،،،،

خالد قال ليهو  انا ح القى احسن منك وين ،،،ي شهاااب ،،،انا مستحيل القى راجل احسن منك لي اختي ااابشر تب  💙💙💙💙

خالد قال لي رموو اها مبسوطه ي عروس ،،رميساء خجلت ،،،،قلته ليهو داا سوال اكيد موافقه مش ي رموو ،،،رمو ضحكت وقالت اااي  💛

ابوي جااا وقال والله فرحتوني ي عيال والف مبروك ليكم ،،،،،،وربنا يتم ع خير ،،،

شهاب قال اها نحدد موعد العرس ،،،امي قالت ليهو نان عاين الشفقان لاحق شنو ،،،

شهاب قال ليها يمه انتظرته كتير انا ياااخ ،،،

خالد قال طيب العرس ح يكون بعد شهر من اسي ،،،وربنا يتم لينا ع خير ،،،

قلته ليهو ح نجهز متين نحن م جاهزين ،،،رميساء قالت داا شنو انا م جاهزه لكن ،،،،،،،،

شهاب قال ليها انتو م محتاجين من الله سمحين ،،،،💙💙💙💙💙

________________

العرس قرب وكنا ملخومين مع التجهيزات بتاعت العرس وم فضل شي للعرس ،،،،،

يوم العرس  ،،،رميساء طلعت زي الاميره ماشاء الله كانت جميله جدا لدرجه الناس اندهشو من جماله ،،،وشهاب اخوي مبسوط لدرجه م قفل خشمه من شدة الضحك ،،،،

العرسان دخلو باغنية ،،،يمة الليله يوم فرحي ي يمه يمه الليله يوم فرحي  ❤❤❤❤❤❤

وكانت احلى زفه 

انا كنت في االكوفير وخالد واسمر وايه كانو معاي منتظرني برااا ،،،اول م طلعته لقيتهم برااا ،،،اية قالت واو دي ماما ،،،واسمر بقى مطير عيونه قال ماما دي انتي ،،،خالد طبعا كان مصدوم وفاتح خشمه كان ماخد وضع الصدمه ،،،ياخ جهجهتم كيف😹💔 ،،، كنت لا بسه توب حرير اسود ومطقمه بي كبدي وكنت فاكه شعري ونازل لحدي ضهري،،،  💛💛💛💛

خالد بقى يقول ماشاء الله ماشاء الله ،،،بسحروك لي يااخ تعالي نحصنك ،،،،،، بعد م اتحصنته ركبنا العربيه عشان نلحق العرس لانو اتاخرنا ،،،،

اول م وصلنا الصاله ع المدخل بتاع الصاله ،،خالد قال لينا ،،حقو نلغي موضوع العرس داا ونهرب ولا قلتو ،،،شنو  قلته ليهو ههههههه في الاحلام وبقينا نضحك كلنا ،،،،

اتاري المصور صورنا وثبتنا في الشاشه الناس بعد م شافتنا كلهم اتلفتو علينا وبقو يعاينو ،،،قلته لي خالد اها كدا عاجبك قال لي احلى شي يااخ.... 

،،،،،،،،

دخلنا باركنا للعرسان ،،واثناء م العرسان برقصو اسلو ،،خالد قال لي ارح نرقص معاهم قلته ليهو لالا عيب ،،،قال لي هو شنو العيب مش مرتي ارح  💙💙💙💙💙💙💙

رقصنا ع اغنية اليسا  💛

مكتوبه ليك اني انا اللي تعيش لها... مكتوبه ع اسمك حياتي كلها... اول م قلت بحب كانت لي انا.... مين تستاهلها غيري او تتقال لها ،، مكتوبه ليك وهي كل حاجه في وقتها تكمل حياتك بيا لما دخلتها ،،وقت ما شافك البي شافت عيني فيك صورة حبيبي اللي فخيالي رسمتها... قول بقى ي حبيبي حبيبي لمين انا لو مش ليك قول بقى ي حبيبي حبيبي ح احب فمين غير فيك  طب دا انا ايامي احلامي وحياتي واقفه عليك  ❤❤❤❤❤❤❤❤❤❤❤❤❤❤❤❤❤❤❤حب كبير لفنانتي المفضله اليسا  ❤

______________

الحفله كملت ع خير والعرسان سافرو شهر العسل ونحن خالد اصره نرحل معاهو البيت ،،،بس انا قلته ليهو يدينا فرصه لحدي م نجهز ونلم حاجاتنا ،،،،،،،،،

_____________

بعد تلاته سنين انا  بقيت اشهر دكتوره متخصصه في جراحة القلب وبقيت اعمل عمليات برااي ،،،،ودكتورة ناجحه جدا  💙💙💙💙💙💙

رندا خالد رجع ليها العياال... ورجعه هي زاته عشان العيال م يكونو بعاد منه وم يكرهو بس بشرط تقعد في السودان  وهي وافقت ...... 

شهاب ورميساء جابو احلى بنوته وسموها داليا ،،،،،،

انا وخالد استقرينا في دبي بس بنجي كل سنه السودان ،،،،،،،

اسرنا بقت اسره واحده كلها حب  موده وكلها فرح  💛💛💛💛💛💛💛

بعد سنين ،،،انا بقيت حامل واخيرا ح اجيب لي عيالي اخت او اخو م معروف وخالد كان مبسوط جدا لانو ح يجيهو مولود جديد واسمر وايه برضو مبسوطين مع انهم كبرو بس لسه م خلو مشاكلهم ،،بس بعد داا كلو بحبو بعض جدا  💙💙

وانا وخالد كل يوم بنحب بعض اكتر واكتر  ❤❤❤❤❤❤❤❤❤❤❤❤❤❤❤❤❤❤❤❤❤❤

_____________

م عشان انا مطلقه ح احبس نفسي داخل سجن مؤبد واقول انا مطلقه والمجتمع مح يتقبلني ،،،،،💛

م عشان انا مطلقه ح امنع نفسي من انو اكون ناجحه وزوله ليها راي وهيبه 💛

م عشان انا مطلقه ح اسمع كلام الناس واسمح ليهم يحطموني  💛

م عشان انا مطلقه مح اقدر اربي عيالي لا بالعكس ح اقيف في وش المجتمع واقول انا قادره  💛

انا قويه  بمساندة اهلي لي وحبهم لي  💙

انا قويه لاني بثق في نفسي جدا جدا  💙

انا قويه عشان ح احارب المجتمع واثبت نفسي ليهو  💙

انا قويه بطموحي واهدافي 💙

انا قوية لاني مرة والمرة م بتنكسر ،،انا م نص المجتمع لا انا كل المجتمع  💙💙💙💙💙💙💙💙

واخيرا وليس اخرا بتمنى الروايه دي تكون عجبتكم وحبيتوها ،،لاني كتبتها من الكنت شايفه في الواقع. 

الروايه دي بحبها جدا جدا وم كنت بمل من كتابته لاني كنت عايزه اوصل معلومه عن طريقه وعايزه اغير نظرة الناس للمرة المطلقه ،،،وانو ااي مطلقه ممكن تثبت نفسها اذا م خافت وم اشتغلت بكلام زول  💛والطلاق لبنات الرجال  ❤❤❤❤❤❤❤

نتلاقى في روايه تانيه ابقو عافيه وشكرا لمتابعتكم وعايزه رايكم في الروايه