رواية سودانية احتلال بقلم الاء صديق

موقع روايات سودانية يقدم لكم 

رواية احتلال 

بقلم الاء صديق 

يمكنك تحميل الرواية PDF ب ضغط 

>>هنا<<

 احتلال

الجزء الاول

بقلم الاء صديق

عفراء : ماما شوفتي الحصل لي صفية مٌرت جيرانا

عديله : ماله صفيه ي بت?

عفراء: والله قالو راجلها عرس فيها وعرس ليهو بت صغيرونه وحلوه.

عديله : يابت دا كلام شنو دا صفيه دي زوله راقيه ونضيفه غايتو الرجال ديل اعوذ بالله منهم م بملئ عينهم الا التراب... عديله بقت مسهيه وبتفكر :ياربي معتز ممكن يعملها بعد العمر دا كلو لالا م بعملها يخ معتز بحبني شديد ...اثناء م عديله سرحانه في التفكير يجي محمد ولدها ويخلعها ,

محمد : ماما وين الجلابيه بتاعتي انا ماشي الصلاة والبت الشغاله دي م قلت ليها تختها لي من بدري, محمد خلعتني ياولد جلابيه شنو البتسالني منها امش شوف البت وين واسالها.

محمد : صحي ياماما م سمعتي الحصل?

عديله : الحصل شنو ي محمد اها خير احكي

محمد : تتذكري احمد صاحب ابوي الكان معاهو في السعوديه داكِ .

عديله : اي مالو مات 😳

محمد : لا ياخ مات شنو 😂😂

رجع السودان وعرس ليهو بت صغيرة كان متواصل معاها بالفيس امبارح عمر ولدو يحكي لي وقلبو متقطع علي امو

عديله : تنطط عيونها 🙄وتمش من محمد وعلي التلفون طوالي.

عديله : الو معتز كيفك واخبارك?

معتز : الحمدلله كويس

عديله : اها راجع بتين الاولاد اشتاقو ليك

معتز : الاولاد برضو 😉 في شنو الليله مالك قالبه علي سمعتي ليك شنو

عديله : لا والله ماف حاجة بس حبيت اطمن عليك

معتز : انا كويس اطمني اها تاني في حاجة?

عديله : لا ماف مع السلامة ...تقفل الخط والشيطان يلعب ليها بعقلها وتفكر ..ليه اختصرني كده زمان كان بتمني اتكلم معاهو بالساعات الله يستر غايتو م يعملها ...لا لا ي عديله معتز زول محترم وم بتاع لف ودوران طلعي الافكار السيئه دي من راسك.

التلفون يضرب عديله ترفع الخط

عديله : الوو

هبه : يا مرة وين مختفيه كده لي زمن منك

عديله : والله ي هبة اختي بس مع البيت والعيال

هبة : انتي اخبار صحبتك شنو وعملت شنو تاني حيي مسكينه قطعت قلبي والله

عديله : صحبتي منو انا البيت والعيال م بخلوني اسال من اي زول

هبة : معقولة م عارفه ... صحبت عبير قالت لقت راجها خانها مع وحده في بيتها وطلبت الطلاق وم عارفه الحصل معاها تاني شنو

عديلة : لاحوله ربنا يقويها

هبة : خلاص يا اختي يلا مع السلامه وابقي اسالي من الناس وتقفل الخط.

في اليوم داك عديله النوم طار ليها من عيونها وطول الليل تفكر لمن لقت الحل البخليها تجيب راجلها جنبها وم يسافر تاني ....يتبع

 احتلال

الجزء الثاني

بقلم : الاء صديق

عفراء ومحمد اتفقو مع هبة خالتهم عشان يخلو امهم تطلب من ابوهم يرجع من الغربة, لانها استغلت غربتة وعايشه في العز حتي انها لم تطلب منو ان يعود الي البلد من اجل زيارة ابنائه الذي تركهم ما يقارب العشر سنين , لقد اشتاقو حقا الي والدهم ولكن عندما يطلبو منو القدوم يتعزر بشغله وعدم اعطائه اجازة للنزول الي البلاد,  وقد اتفقو انهم يكذبو علي والدتهم بهذه الطرق ليكي يتحرك قلبها تجاه زوجها وتطلب منه القدوم ولكن هل يستجيب الزوج لمناداة زوجته ويعود الي البلاد نتابع القصه.

عديله : الو معتز اخبارك والله ي معتز خلاص كفايه غربه عليك الله بعد دا انزل لينا اشتقنا ليك العملتو لينا كتير وبعيشنا العمر كلو بس انت تعال.

معتز : اول مره تطلبي مني كده م دايما عايزة دهب وقروش وعربات اول مره تقولي عايزاني اجي , صراحه انا عانل عقد مع ناس الشغل وم بقدر انزل السودان نهائي العقد لمده 20 سنة عشان كده استحملو م فاضل كتير برجع ليكم ان شاء الله.

عديله : بخلعه كم😳😱 لا كتيرة والله اعمل اي حاجة وانزل م بنقدر نستحمل السنين دي كلها كفايه الاستحملناهو.

معتز : بعتزر والله م بقدر دا التزام.

عديله : التزام شنو ي معتز الببعدك عن عيالك السنين دي كلها لا م تكون اتزوجت هنا بس.

معتز :😂😂😂😂 زواج شنو ي وليه انتي بتخلي زول يعرس بطلباتك الكتيرة دي.

عديله : خلاص اثبت لي انك م اتزوجت وارجع سريع انا كده متاكدة انك اتزوجت.

معتز : لاحوله ولاقوه الا بالله جنيتي عديل انتي والله ويضحك ويقفل الخط بحجة انو مشغول.

معتز : مع محمد في الواتساب ... والله ي ولدي عايز اعترف ليك بحاجة  انا نفسي ارجع ليكم بس الحقيقه اني كاتب عقد لمدة20 سنة ولو اخلفت بالعقد دا حيدخلوني السجن لاني ماضي شيكات كتيرة علي نفسي واصلاا استلمت قروش ال20 سنة دي كلها وقاعد اصرفكم منها عشان كده ياريت تقعد مع امك براحه وتفهمها الكلام دا عشان تاني م تنق لي في راسي .

محمد : ليه عملت كده بابا انحنا عايزنك انت م عايزين قروش ولا عربات ولاحاجة بس عايزنك انحنا اشتقنا ليك عايزين نشوف وتقعد معانا وتاكل معانا وتتونس اشتقنا لي لمتنا الزمان , نسينا شكلك والله القروش م اي حاجة كان تستشيرنا علي الاقل قبل العقد دا .

معتز : والله م كان عندي خيار تاني دا الحل الوحيد عشان البي طلبات امك كانت طلباتها كتيرة فكرت اني لو عملت كده حاسعدها واسعدكم.يتبع

 احتلال3

بقلم : الاء صديق

محمد : حاضر بابا..ويقفل الخط .

محمد خوفا علي مشاعر امو واختو خبئ عليهم قصة ابوهم عشان م يجيهم انيهار وامو فكرت انو معتز بتعزر عشان متزوج وغلطة محمد انو م كلمها وكانت النتيجة مصدمة .

عديله : السلام وعليكم

بتاع الصيدلية : اتفضلي اي خدمه

عديله : عايزة ادويه للسكري والضغط والغضروف

بتاع الصيدليه : الروشتة لو سمحتي

عديله : راحت مني ي ولدي بس انت اديني الادويه دي لاني تعبانه شديد.

بتاع الصيدليه :ي حجة والله م ينفع نصرف ليك الادويه دي الا بي روشتة لانو في نسب معينة بكتبها ليك الدكتور.

عديله : تعمل فيها تعبانة وم قادرة تتحررك بتاع الصيدليه يكتب ليها مجموعه من الادوية علي حسب طلبها .

عفراء : ماما. كنتي وين ولي م خليتي عمو السواق يوديكي ودا شنو الكيس الشايله في يدك دا.

عديله : دي حاجات. مشيت جبتها من محل قريب لينا وتدخل الاوضه.... تفتح الادوية والحبوب وتبلع من كل نوع حبه وتشرب الادوية .. تعاين لكيس الادوية وتقول: انت م عايز تجي ي معتز صح انا حخليك تجي والبت المعرسه هناك دي تموت بس م عندي ليها حاجة.

عديلة فكرت اذا بلعت الحبوب دي وتعبت معتز حيجها راجع من الغربة.

اليوم الاول عدي وم حصلت ليها اي حاجة

في اليوم التاني بقت تحس بالدوران وتقع فجاة

اولادها قلقو عليها قالو يودوها الدكتور حلفت كان تمش معاهم, قالت ليهم : دا ارهاق بس وحكون كويسه.

عفراء : ماما انتي م بتشغلي حاجة الارهاق دا بجيك من وين دا اكيد مرض لازم تقابلي اخصائي.

محمد : يلا البسي ماما حشغل العربيه واجيك.

عديله : بي نهره قلت ليكم م ماشه وانا كويسه م فيني حاجة تاني شنو خلاص اطلعو وخلوني براي.

عفراء ومحمد يطلعو ويخلوها بس ابدا م اقتنعو انها كويسه.

عفراء : محمد انا حاسه ماما دي مخبيه علينا حاجة

محمد : اي والله نفس احساسي

عفراء : رايك شنو نجيب خالتو هبة تقعد معانا يومين تلاته كده يمكن ماما تتحسن.

محمد : خلاص انا اسي حامش اجيبها واجي.

محمد وهبة يجو داخلين يلقو عفراء في الارض وبتبكي بي حرقه.

محمد : عفراء مالك الحاصل عليك شنو ...

عفراء من كترة البكاء م قدرت ترد عليهو بقت توصف ليها.

محمد تابع وصف عفراء يبدو انها بتوصف علي غرفه والدتها.

محمد يدخل الغرف يلقي والدتهم علي الارض ولونها شاحب واطرافها منتفخة.

من الصدمة محمد وقف مكانو وم قدر يتحرك.

 ....يتبع

ليصلكم الجزء الرابع علقو بتم وعملو اعجاب ومتابعه للصفحه

 احتلال4

بقلم : الاء صديق

هبة جات داخله وبقت تكورك لمن شاهدت منظر اختها بهذا الشكل.

ولكن اتشجعت وذهبت اليها ولمستها وجدت نبضها شغال.

اتصلت علي الاسعاف نقلوها  المستشفي.

عديله خشت في صدمة قلبية لانها تناولت كمية كبيرة من الادويه في يوم واحد علي حسب كلام الطبيب قال: في احتمال كبير انها تدخل في غيبوبة لمدة طويلة لانو صعب جدا تفوق بسرعه نسبة الحبوب والادوية الاخدتهم عاليه جدا وعملت ليها تسمم حاد.

عفراء بقت في حالة هستيرية تتكلم ساي وم عارفة بتقول في شنو بعد م سمعت كلام الدكتور ,اما محمد بقي ساكت وكاتم في قلبو ,هبة بتبكي بس علي وضع اختها.

في الجانب الاخر معتز بيحاول يتواصل معاهم وم قادر تلفوناتهم كلها مقفولة بقي قلقان عليهم شديد ,اتصل علي واحد من معارفو يصل ليهم ويطمنو عليهم , ولكن ذهب الي البيت ولم يجد احدا حتي الخدم ادوهم اجازة وبقو قاعدين مع امهم في المستشفي.

هبة : محمد ولدي الحاصل شنو وليه امك عملت في نفسها كده?

محمد : يهز براسه ولم يتكلم مع هبة.

هبة : عفراء طيب ردي لي انتي امك ماله?

عفراء: تظل تتكلم كلام م مفهوم اصلا ...ماما كويسه ,ماما قالت هي م ماشه الدكتور, ماما م فيها حاجة,  وتمش علي امها وتحاول تصحيها ,الممرضين مٌسكوها ادِوهو حقنه مهدئه.

محمد : بتكلم في سرو,  انحنا الوصلنا ماما للدرجة دي م كان لازم نشككها في بابا, وانا اكبر مذنب لاني م فهمتها الحاصل عليهو , انا لازم اصلح غلطتي دي بي اي طريقه حتي لو اطريت اني اكون محل بابا وهو يرجع السودان, لازم اتصرف... نادي خالتو قال ليها طالع مشوار قريب وجاي.

هبة : محمد انتو حتجننوني مشوار شنو في الوقت دا وانا بسال فيكم ماف زول برد علي عقلي ْعايز يطير والله.

محمد: معليش خالتو استحملينا شوية م حاتاخر عليكم راجع...ويطلع يمش.

محمد مشي لي صحبو عمر وحكي ليهو الحصل وانو لازم يسافر لي ابوهو يحل ليهو مشكلتو عشان امو تتحسن.

عمر اتفهم الوضع وقال ليهو م تخاف انا حمش ليهم المستشفي وحكون معاهم لمن ترجع.

محمد : خلي بالك من عفراء ولو سالوك عني قول جاي م تحكي ليهم لمن ارجع وانا بكون متواصل معاك بالتلفون.

عمر: امش انت بالسلامة وم تخاف عليهم.

محمد : بالنسبة لي خالتو هبة كلامها كتير وحتحاول تسالك عني بي كل الطرق م تديها فرصه تعرف انا وين.

عمر : ي زول اطمن وربنا يسهل عليك وتقدر تجيب ابوك معاك...يتبع

 احتلال5

بقلم :الاء صديق

محمد يتصل علي معتز وتلفونو مقفول, احتار يعمل شنو ولا يمش وين مع العلم انو م بعرف ولا زول هناك,  نزل في فندق وقعد فيهو قرابة شهر وهو يحاول يتصل علي والده والرقم لم يدخل معه, لقد احتار ماذا يفعل فقرر ان يرجع الي السودان وبمجرد وصوله حاول ان يتصل عليهو وعندما اتصل دخل جرس معه...

محمد : بابا ???كيف الكلام دا?? انا كنت في ال....وحاولت اتصل عليك كل يوم وقعدت هناك قرابة شهر وتلفونك م دخل معاي اسي بس لمن وصلت ُهنَا واتصلت عليك دخل معاي الحاصل شنو فهمني? ?

معتز : بقي مخلوع وم عارف يرد يقول ليهو شنو بعد مسافه قال ليهو امك واختك كيف.

محمد : انت بتحاول تتهرب من السؤال صح?

انت موش في ال.... انا اسي في المطار وجايك هناك وبفهمك الحاصل كلو وصف لي مكانك.

معتز: يمثل فيها انو م سامع محمد ويقفل الخط.

محمد : بقي يفكر كتير في الحصل معه وحاول يتصل عليه تاني والرقم  م دخل .

في الجانب الاخر هبة وعفراء بيحاولو يضغطو علي عمر عشان يوريهم مكان محمد وولكن عمر صمت ولم يتكلم معهم مطلقا.

عفراء : طيب حاول ورينا بي اشارة وانحنا بنفهم ماما تعبانة ومحتاجة محمد جنبها انت لازم تتكلم وتورينا مكانو وين..

محمد يجي داخل المستشفي عمر يٲشر لي عفراء عليهو.

عفراء تجري لي محمد وتشاكلو ..

عفراء : انت مشيت وين وكيف تمش شهر كامل وم تسال عننا وتخلينا كده انا كنت في حاله م يعلم بيها الا ربنا الحمدلله ربنا شفاني بس زعلانه منك, وامي لسه وضعها م اتحسن اتكلم كنت وين محمد??

محمد : انا مشيت ال.... لي بابا ويحكي ليها الحصل معه كلو.

عفراء : الكلام دا معناه شنو? ?

عمر سمع كلامهم قال ليهم: معناه ابوكم قاعد هنا في السودان انا سمعت انو الزول لو عندو شريحة سعودية وفيها رصيد بتشتغل هنا عادي معناه في زول برسل ليهو رصيد وهو قاعد في البلد دي.

محمد غضب من كلامو ... كيف تقول كده عن ابوي وشاكلو وطردو من المستشفي.

عمر متفهم وضع صحبو عشان كده م زعل منو بس وعدو انو يحقق ليهو في موضوع ابوه .....يتبع

احتلال6

بقلم : الاء صديق

الغريبه انو هبه خالتهم لمن سمعت كده م اتكلمت نهائي, حتي استاذنت منهم وطلعت خلتهم في المستشفي  وتاني م جاتهم.

عفراء : محمد حاول اتصل تاني عليهو احتمال تلفونو يكون دخل ونعرف منو الحاصل .

محمد : انا والله بحاول اتصل في اليوم كم مره وم بدخل معاي.

عمر يتصل علي محمد عشان يرسل ليهو رقمك معتز .

عمر : الو كيفك وامك لسه?

محمد : لسه والله ...بس الحمدلله ..معليش علي الكلام السمعتك ليه المره الفاتت كنت غضبان .

عمر : ولا يهمك ي حبيبنا اصلا انا م زعلت منك عارف وضعك, اها ابوك م منو خبر تاني?

محمد : كل يوم بتصل عليه وم بخش معاي.

عمر: رسل لي الرقم.

محمد : عايز بيهو شنو م تكون عايز تحقق ذي م قلت.

عمر : انت رسلو وانا بشوف حا اوصل لي شنو وابلغك.

محمد : خير ي زول هي برضو مجرد محاوله م معروف يمكن تصل لي حاجة .

عمر : بقي يفتش عن الرقم في كل السجلات حتي عندو صحبو في السعودية اكد ليهو انو الرقم دا شغال بس في دولة تانيه.

رجع لي محمد وكلمو بي اي حاجة وصل ليها وقال ليه : ابوك دا في البلد دي.

محمد : طيب لو هنا مالو معانا وليه كل السنين دي م سال فينا ?وليه بمثل علينا كده انا لازم الاقي الاجوبة لكل اسالتي دي لو هو فعلا هنا لازم القاهو وانت حتساعدني ي عمر.

عمر : م عندك مشكلة ي زول وفي اثناء م هم بتكلم عمر سمع صوت عفراء بالتلفون.

عفراء : محمد خالتو هبة دي الحاصل عليها شنو بتكون زعلانه منك ...محمد يرد عليها انو بتكلم مع عمر.

عمر : خالتك مالها?

محمد : والله ي صحبي خالتي دي من جيت واتكلمت في موضوع ابوي دا اختفت عديل كده حتي م اتكلمت معانا في الموضوع دا م عارف ماله.

عمر: يفكر انو خالتو دي مربط الفرس .... ويواصل مع محمد...ي محمد انت فكرة انكم تخلو امكم تغير علي ابوكم كانت فكرة منو?

محمد : والله دي خالتو هبة قالت لينا لو عملنا كده احتمال ابوكم يرجع ليكم وانحنا مشينا علي كلامها.

عمر : ممكن تديني عنوان خالتك دي.

محمد : طيب اكتب عندك ...بس في حاجة

عمر : لا ماف حاجة عايز اتكلم معاها  .

محمد: اها تمام.

عمر يقفل الخط والتفكير والالغاز م فارقتو نهائي ...معقول خالتهم هبة دي تكون عارفه حاجة عن ابوهم انا لازم الاقيها ومن تعابير وشها حاعرف الاجابه ......يتبع

احتلال7

بقلم : الاء صديق

عمر يصل الي بيت هبة وعندما وصل لاحظ سيارة فخمة. ومظللة كانت واقفه جنب البيت حاول انو يشوف السواق او الزول المعاهو ولكن م شاف اي حاجة التظليل كان كتير شديد.

عمر : يضرب باب هبة ....

هبة : منو?

عمر : انا عمر صاحب محمد افتحي.

هبة : صوتها اتغير اتخلعت وبي رجفة وخوف.... عايز شنو ي عمر?

عمر : حنتكلم كدة طيب افتحي الباب.

هبة : تفتح الباب وتطلع بره.

عمر : م عايزة تضيفيني ولا شنو.

هبة : لا لا والله م كده بس كنت طالعه ومستعجلة شديد ماشة مشوار مهم.

عمر : طيب اوصلك?

هبة : لا لا بس انت امش ونتكلم في وقت تاني.

عمر : بصراحة الموضوع الجيتك فيهو مهم شديد م ينفع يتأجل عشان كده يا ندخل نتكلم جو او انتي اطلعي وانا بوصلك في طريقي ونتكلم.

هبة : خلاص انتظرني هنا راجعه ليك.

تدخل تجيب شنطها وتطلع مع عمر.

عمر: انتي بتعرفي شنو عن معتز راجل اختك?

هبة : نطط عيونها وارتبكت في الكلام ....معتز ممممالو?

عمر : لا بس حبيت اسالك لاني وعدت محمد اني اعرف مكانو.

هبة : لا لا اوعك اطلع من الموضوع دا

عمر : بي استغراب ..قلتي شنو?

هبة :قصدي دا موضوع عائلي خليهم يحلو بطريقتهم انت م تدخل فيه.

عمر: انت بتعرفي حاجة? بوعدك لو وريتيني الحقيقه م حاكلم زول ,محمد قال لي انك كنتي السبب عشان امو تخش في الحاله دي لانو فكرة الغيرة كانت فكرتك ...ليه عملتي كده, وغير كده لمن محمد جاب سيرة ابوهو في المستشفي اختفيتي منهم وتاني م مشيتي ليهم. انا كده متاكد ميه الميه انك عارفه حاجة حتتكلمي?? بوعدك والله العظيم م اقول لي زول.

هبة : انا حاحكي ليك ...

قبل سنة تقريبا كنت طالعه لقيت معتز عايز يركب في عربيه مظلله استغربت شديد ,لانو في السعودية, قمت م صدقت ضربت لي اختي سالتها, اكادت لي انو م جا السودان, قلت اذا كان م جا السودان يبقي دا منو, قمت ركبت لي تاكسي وتبعت العربيه, وقفت في فيلا كبيرة وبي حراسه مشددة نزلت وبقيت اعاين من بره, بس للاسف شافني واحد من الحرس, ودخلوني جوه لي معتز, من شافني عرفني طوالي, وامر الحراس يطلعو ويخلونا.

هبة : انت عايش هنا طيب ليه مفهم اختي انك مسافر وعيالك ليه بعدتهم عنك كل السنين دي ?.

معتز: بنصحك انك تطلعي من هنا فورا وامسحي من ذاكرتك انك شوفتيني والا م حيحصل ليك طيب لا انتي لا زوجك ولا عيالك فاهمة الكلام دا, انا كان ممكن ادفنك حيه هنا بس نصحتك ياريت تمشي علي نصيحتي دي ...يتبع

 احتلال 8

بقلم : الاء صديق

هبة تواصل: وبعدها طلعت وتاني م ظهر لي ,يلا فكرت انو بحب مرتو شديد والا م كان خلاها علي ذمتو طول السنين دي, وقلت لازم اعمل خطة عشان يظهر لي اولادهو ويكتشفو حقيقتو, اولا بديت مع عفراء مليت ليها راسها حتي اقنعتها وتاني محمد, الحمدلله كلهم اقنعتهم حتي عديله ساعدوني اقنعها انو معتز لازم يرجع, بس للاسف م كنت متوقعه انو عديله تعمل كده في روحها.

عمر: معقولة دا كلو حاصل من معتز طيب تفتكري شغال شنو والسبب الخلاهو يبعد عن اولادهو شنو?

هبة : والله انا م عارفه بس عديله زولة كويسه شديد وطول عمرها م قصرت منه كازوجة....,.

عمر : بوعدك اني م اكلم زول ...بس انا قبيل شايف عربيه مظللة دا منو كان جنب بيتكم واقف وفجاة فات.

هبة: جاني واحد وهددني قال لي لو فتحتي خشمك حنقتلك عشان كده خفت وم خليتك تدخل البيت.

عمر: م حفظتي وش الزول دا?

هبة : لا والله م حفظتو ,وشو غريب شديد وكان لابس كاب في راسو حتي لمن بتكلم معاي بعاين تحت م وراني وشو نهائي.

عمر : طيب شكرا ليك.

عمر يوصل هبة ... وبعدها التفكير م راح من راسو ,وبقي يفكر انو يدور علي معتز في كل مكان ,هبة ادتو عنوان معتز بس لمن وصل البواب قال ليهو الفيلا فاضيه ليها سنة .

عمر: في سرو ... معتز فض الفيلا من سنة يعني من وقت عديله شافتو ..عمر لي البواب : بتعرف زول اسمو معتز كان ساكن هنا

البواب : لا والله انا جيت هنا من تلاته شهور ومن جيت حارس الفيلا بس وبشيل مرتبي والزول الجابني قال لي فاضيه ليها سنة وانا من جيت لا في زول دخل ولا زول مرق منها.

عمر : طيب تمام تشكر.

فجاة تلفون عمر يرن ...

عمر : الو

معتز : اهلا بصاحب ولدي المحقق كرومو

عمر: معتز?

معتز: اي ياهو زاتو..علي فكرة انت عندك زمن لسه ممكن تلحق هبة قبل م يقتلوها مع السلامة ..ويقفل الخط.

عمر : الووو.. الووو... الوو

عمر يدور عربيتو بسرعه ويمش بيت هبة لاقها قاعده وم عندها حاجة وكويسه.

عمر : انتي كويسه

هبة : كويسه ..بس معتز ضرب هددني وعرف اني وريتك الحقيقه.

عمر : م تخافي حرسل ليك حرس من القسم.

هبة : لا لا حرس شنو خليني كده م ناقصه كلام الناس وبعدين هو لو شافك عملت كده فعلا حيقتلني بس انت ابعد عني الايام دي شوية,ومعتز مستحيل يؤذيني لاني خالة اولادهو, بس انت اعمل حسابك منو.

عمر :  م تقلقي علي...وانتي لو حسيتي باي خطر اتصلي علي.

هبة : تمام....

  ...يتبع...

احتلال9

بقلم : الاء صديق

عمر كان طالع من بيت هبة بس في حاجة لفتت انتباهو خلتو يتخبئ تحت السلم.

هبة تلفونها يدق : الو معتز

معتز : اها فات

هبة اي طلع قبل شوية لكن خوفتو ليك خوف شديد.

معتز : تسلمي حبيبتي.

هبة فتحت السماعه الخارجية وبقت تتكلم.

معتز : عايز اشوفك المساء

هبة : حاضر حبيبي انا..وتقفل الخط

عمر بقي مصدوم وم قادر يتصرف هل يواجها ولا يستني لحدي المساء يراقبها ويعرف مكان معتز وبالمره يقبضها بالثابتة.

بقي واقف بعيد من البيت ويراقبها ..المساء جاء ..هبة طلعت وفي عربيه مظللة كانت منتظراها بره. ركبت فيها ,عمر بقي يراقب العربيه لحدي م وصلت الفيلا ...هي نفس الفيلا الوصفتها ليهو هبة.

عمر: هبة متزوجة طيب البخليها تخوف زوجها ومع راجل اختها شنو ...انا لازم القي لي طريقه ادخل ليهم جوا.

نط من السور ودخل ..بس طلب قوة من القسم عشان تدعمو وفعلا وصلت القوة.

عمر : ارفع يدك فوق معتز.

معتز : يكورك ياحرس ..ياحرس

عمر : م تتعب نفسك زمنهم كلهم متكتفين بره انا جيت ومعاي قوة.

معتز : كيف تتهجم علي كده.

عمر : خلاص ماف داعي للكذب وريني الحقيقه .... ويعاين لي هبة.. انتي  غبيه شديد تتذكري لمن جيت عندك البيت الصباح, كان في التربيزة صورة متذكراها,دي كانت صورة البواب القيتو هنا صح.

معتز :بغضب .. انتي فعلا غبيه انا عشرة سنين م اتكشفت ,غلطان اني وثقت فيك.

هبة : معتز والله العظيم كل الانا قلتو ليك حقيقه وهو الخلاني اقول ليك الحقيقه بس بعد م جيت قبل سنة قررت اني اكون معاهو وحبيتو شديد عشان كده انا قلت لي اختي انتي لو اذيتي نفسك زوجك حيرجع,  وخليتها مشت جابت الادويه انا كان قصدي بس يكون لي براي انا حبيتو شديد.

عمر: عايزة تقتلي اختك? عشان دا.

معتز : يعني انتي كمان السبب في انو عديله في المستشفي ويضربها كف ويطردها.

معتز: عمر ي ولدي, انا شغلي م بسمح لي يكون عندي اولاد ,ولا حتي زوجة ,وانت ضابط خايف اوريك طبيعة شغلو تقبض علي بس انا مجبور اكذب علي اولادي م عندي خيار تاني خايف عليهم الجماعه الانا بشتغل معاهم خطيرين شديد لو عرفوهم حيقتلوهم.

ارجوك انسي انك شفتني وم تجيب سيرة لي عيالي خليك معاهم واحميهم وانا حساندكم ان شاء الله...يتبع

 احتلال10 والاخيرة

بقلم : الاء صديق

عمر : للاسف انا وعدت صحبي اني اجيب ليهو ابوهو  ,وانت لازم تمش معاي.

معتز : يركع لي عمر في الارض ,والله عمري م اتزليت لي زول بس انا اسي بتزلي ليك ارجوك ,ارجوك م تكلم محمد خليهم كدا مرتاحين لو عرفو شغلي شنو حيكرهوني وانا عايزهم يحبوني, وفي نفس الوقت عايز احافظ علي حياتهم.

عمر : والبخليني شنو اصدق كلامك دا انت اولادك مكذب عليهم.

معتز : انت م مصدقني صح ..تعال اوريك

معتز دخل عمر غرفه كبيرة وفيها شاشه للعرض.

معتز : شغل الشاشه شايف ديل كلهم, وراهو صور ناس ميتين ديل ضحايا فيهم الزوجات وفيهم الاطفال.

ديل كلهم عيال ناس كانو شغالين معانا وفجاة العميل الكبير عرف انهم متزوجين وعندهم اطفال وقتل ليهم زوجاتهم واطفالهم ,الانا شغال معاهم ديل شبكة كبيرة, يكفي لحدي كده م عايز اوريك اكتر عنهم واورطك.

عمر: انت م عايز اولادك يعني? 

انت م عايز تشوف مرتك البتموت بسببك دي?

انت م عندك قلب?

لو كانو شنو داك بس اولادك اهم من اي حاجة في الدنيا دي.

انا حاخليك بس عايزك توعدني بي حاجة انت لازم تخلي الناس ديل وترجع لي اولادك....

والله اولادك محتاجين ليك شديد وبالاخص بنتك عفراء دي م وقفت بكاء عليك تقول انت البتموت م امها.

الناس ديل مهما كانت درجة خطورتهم اكيد في طريقه انك تطلع منهم صح.

معتز : في طريقة واحدة اني ارجع ليهم كل فلس صرفو علي من يوم م انضميت ليهم, وعشان اعمل كده انا لازم ابيع كل العربات والفيلات اي حاجة تخصني لازم ابيعها وارجع علي الحديدة, كده حخلوني.

عمر : بيعهم طيب.

معتز : انا عودت اولادي علي الغني كيف اخليهم فقراء بعد دا كلو.

عمر : حبهم هو الغني في الدنيا دي ,انت لازم ترجع ليهم انا حخليك مع ضميرك ..مع السلامه.

وفات المستشفي لي محمد.

محمد : عرفت حاجة.

عمر : لا بس احتمال ابوك يرجع قريب هو فعلا في السعودية. وفي اثناء م مهم قاعدين معتز جا داخل اولادهو م عرفو في البدايه, بس لمن عرفو جرو عليهو وحضنوهو. وفرحو شديد بي رجعتو

معتز باع كل املاكو ورجع لي اولادهو.

حكي ليهم جزء بسيط من حياتو الفاتت وهم صدقوهو وقال ليهم : السبب في انو يبيع املاكو انو القروش هي  البعدتهو عنهم ,عديله فاقت ولقد اولادها وزوجها حوليها.

الحياة كانت صعبه عليهم من غير قروش في الاول بس اتعودو عليها بعد فترة , لقو حب ابوهم الضاع منهم لمدة 10 سنين.