روايات جديدة
by
MUSTAFA ALGUNAID
فبراير 11, 2020
رواية سودانية بالعامية مقتل امنية بقلم / الاء صديق الناير
موقع روايات سودانية يقدم لكم
رواية مقتل امنية
الاء الصديق الناير
عدد الاجزاء 6
يمكنك تحميل الرواية PDF ب ضغط
الجزء الاول
مقتل امنيه
بقلم الاء صديق الناير
تلقت شرطة ولايه ام درمان محليه كرري اتصالا هاتفيا من احد الجيران في العماره وذلك بانه سمع صوت صراخ من الشقه الاعلي وعندما وصل الشقه لقي بت مقتوله ولم يجد معها احد وفورا وصلت الشرطه الي مقر الجريمه وعندها وصل زوج المجني عليها وعندما سالهو الضابط اين كان عند حدوث الجريمه رد بتتمت وقال : ذهبت الي المسجد لكي اصلي الصبح وعند عودتي الي البيت وجدت م حصل وبقي يبكي وصوته بانت عليه الخنقه وقال الضابط لاحد العساكر ان ياخذهو يرتاح قليلا . وقام الضابط باستجواب كل من في العماره احمد واحد من سكان العماره قال: لقد سمعت الصراخ و لكن عندما توقف ظللت انهما زوجان يتشاجران ولم ابالي للامر . وتم استجواب محمد احد السكان ايضا وقال: اننا انا وزجتي قد سمعنا الصراخ عند الساعه ٤:٣٠ صباحا ولكن فجاه الصراخ وقف وعندها انا كنت ذاهب الي المسجد ورايت زوج المجني عليها طالع من شقته وعيناهو تغمرهما الدموع الضابط : بتين كان الكلام دا تقريبا الساعه ٥:٣٠ كده وعندها وجدت عمر وهو جارنا طالع الي الشقه وقد سالني عن الصراخ . اما عمر فهو من اتصل الي الشرطه وقال: لقد سمعت الصراخ وانا كنت في السلم طالع الي شقتي كنت انجز بعض الاعمال في الشغل ولذلك رجعت متاخر فبينما انا طالع سمعت الصوت وقلت من اين ياتي هذا الصوت وظللت اتبع مصدر الصوت حتي وصلت من قرب شقه المجني عليها وعندما وصلت وجد راجل في السلم نازل بسرعه ويبدو علي وجهه القلق ولم اكن اعرفه لاني قليل التواصل مع الجيران وعندها قلت لماذا هذا الرجل خايف ولماذا الصراخ فجاه توقف وقلت انا لازم اعرف الحاصل شنو وعند وصولي الي باب الشقه وجدت محمد ايضا عند باب الشقه وقلت له من اين ياتي هذا الصراخ وقال لي انه من هذه الشقه وهل تعرف من يسكن هنا لا انا لم اعرفهم جيدا فانهم زوجان وانتقلا جديدا الي الشقه ولم نتعرف عليهم بعد وقال لي تعال نشوف الحاصل اطرقنا الباب ولكن قد وجدنا الباب مفتوحا وعندما دخلنا قد وجدنا الشقه غرقه بالماء والحمام كان مفتوحا ويبدو ان الماسوره كانت مفتوحه وقلت محمد انا سوف اذهب الحمام واغلق الماسوره اذهب انت وتفقد اذا كان يوجد احدا ما في الشقه وذهبت الي الحمام ووجدت المجني عليها غارقه في حوض الاستحمام وناديت محمد واتصلنا اليكم . لم يستطيع الضابط ان يتعرف الي المجني عليها وزوجها كان في حاله صامته ولم ينطق باي تفاصيل بعد الي الشرطه وقد تم تفتيش الشقه وتعرف الي المجني عليها اسمها امنيه عبدالله محمد الطيب وذالك عندما وجدو قسيمه الزوج في احد الشنط والتي مكتوب بها انهم زوجان لم يبلغ زواجهما ٤٨ ساعه و الامر لا يزال مبهما لدي الشرطه لانهم لم يتعرفو بعد علي اهل امنيه وزوجها لم يرد علي اسالتهم وتم نقله الي السجن لانهو المتهم الوحيد لديهم وقد اجري الضابط تحرياته وتمكن من الوصول الي اهل المجني عليها وتم الاتصال الي اخوها الاكبر عمار وقد كان يعمل ضابطا في الشرطه وعندما سمع بخبر وفتاة اخته الوحيده والعزيره علي قلبه لم يستطيع ان يصدق ولم يخبر احدا وذهب الي المستشفي وتعرف الي اخته وظل ساكنا بلا حراك انها امنيه اختي الصغيره وصرخ باعلي صوته لمااااااذا ياربي لماااااذا اخترت امنيه وقد حاول الضابط تهديتو قليلا وقال له ان زوجها هو من قتلها واننا نحقق في الامر منو لا لا مستحيل محمد الشيخ بحب امنيه وتزوجها عن حب ليه يقتلها اذا كان هو القتلها والله اقتلو وقد اتصل الي امها وابوها اللذان صابتهما الصدمه وامها دخلت في غيبوبه وقال الضابط الي عمار اننا لازم نشرح الجثه لكي نعرف اسباب الوفاة وقد وافقو اهل المجني عليها بتشريح الجثه وعندما طلعت نتائج التشريح انها قد خنقت حتي ماتت وقال الضابط انت لازم تحكي لينا هم اتزوجو كيف وانت ضابط وعارف الحاصل انحنا لازم نعرف السبب الخلي زوح يقتل زوجته في ايام شهر العسل عمار: لا هو قتلها وانا لازم اقتلو الضابط : حق اختك حيجيك بس انت اتعاون معانا طيب سوف احكي لكم.....بتبع.......
الجزء الثاني
مقتل امنيه
بقلم الاء صديق الناير
لقد كانت امنيه تدرس في المدرسه في الصف الثامن وهي بطبيعتها انسانه حبابه ولطيفه واي زول بحبها وقد سمتها امي باسم امنيه لانها كانت امنيتها في الدنيا ان تجيها بت خاصه اننا كنا خمس اولاد وكنا نحبها جدا وندلعها ولم نرفض لها طلبا ودايما بنوافق علي اي حاجه عايزاها وكنا بنتمني نشوفها دكتوره ونفرح بيها بس فجاة ادمرت احلامنا جميعا عندما تعرفت امنيه الي استاذها في المدرسه واحبته وقد اصرت علي ان تتزوج به ولم يوافق احدا علي هذا الزواج حتي اطرينا اننا نضربها ونحرمها من المدرسه عشان تشيل فكره الزواج وتواصل دراستها ولكنها نقطه ضعفنا جميعا لقد ظلت ثلاث ليالي من غير اكل واغلقت علي نفسها الغرفه حتي ان حالتها اثرتنا جميعا اذ ان صحتها نزلت ومرضت كثيرا وذهبنا بها الي المستشفي ولكن كأن حبنا لها لم يؤثر بها مطلقا فالبرغم من اننا كنا جميعا حولها ولكن فمها لاينطق الا باسم محمد الشيخ ومن حبنا لها وخوفنا عليها اتصلت علي محمد وجاء الي المستشفي وكأن امنيه قد رات حب حياتها وسعادتها قدام عيننا عندما نظرت اليه قد قامت من السرير وكأن لم يصبها مكروه وامسكت بيده وقالت له امامنا محمد م تتركني خليك معاي انا حكون معاك طول عمري بس انتي قومي لي بالسلامه حبيبتي وعندما راينا كيف انهما سعيدان مع بعض قد اقتنعنا اننا مهما عملنا لم نفصلهما عن بعض واخذت محمد جانبا وتكلمت معه انا حوافق علي زواجكم انت وامنيه بس اوعدني انك حتحبها وحتخلي بالك عليها وقد نظر الي امنيه وقال امنيه دي امنيه حياتي وانا حكون سعيد معاها وعمري م حزعلها مني واوعدك كمان بشجعها علي القرايا بس انتو وافقو علي زواجنا اطمن اختك حتكون في يد امينه انا بالجد بحب اختك وحاختها في عيوني الجوز .وبكلامو دا خلاني اثق فيهو وقررنا نزوجها لهو ولكن لم يحضر العرس معازيم كتار لان اغلب اهلنا كانو رافضين خاصه خالي اخو امي هو عقيد في الشرطه هو بحب امنيه دي اكتر من بناتهو وكان دايره لي ولدو .الضابط : طيب واهل محمد بتعرفهم انت .محمد قال لينا امو وابوهو متوفين وانو عايش بس مع اخوهو وجاب اخوهو بس حتي انو الغريب في الامر ما جو ناس من اهلهم ابدا وانت بتعرف اخوهو دا ساكن وين وعندك ليهو رقم اي بعرفو وعندي رقمو ادينا رقمو وشكرا ليك عمار وبوعودك حق اختك حنجيبو ليك واذا احتجنا منك اي معلومه حنتصل ليك وخليك متابع معانا. الضابط اتصل علي اخو محمد الشيخ : الو انت اخو محمد الشيخ اي معاي منو معاك الشرطه اخوك محمد قتل زوجتو واسي انحنا ساجننو وبنحقق معاهو بس هو خاشي في صدمه وم بجاوب علينا ممكن تجينا في مركز الشرطه . محمد اخوي : لاحول ولا قوة الا بالله انا حزرتو م يتزوج . ....يتبع
الجزء الثالث
مقتل امنيه
بقلم الاء صديق الناير
ازهري اخو محمد جاء الي مركز الشرطه وعندما وصل تلقي بالضابط المحقق في القضيه وقال له اين محمد اخوي .
الضابط : انه في السجن.
ازهري: اريد ان احكي معه .
الضابط: لا لن نسمح لك انت تحكي معه الا ان نحقق معك اولا.
ازهري: تفضل حضرة الضابط .
الضابط: اخوك محمد كان ساكن معاك في المنزل صح. ازهري: نعم انه كان معي في المنزل ولكن ي حضرة الضابط محمد كان استاذ ومحترم وبدرس في مدارس معروفه بس فجاه دخل في حاله نفسيه استمرت معاهو اكتر من سنه كان بعاني من مرض نفسي وكنا متابعين معاهو عند شيخ معروف وحتي دخلناهو الي مستشفي المجانين لعدة شهور وعندما لم ينفع الامر قد جلبنا له شيخ لكي يعالجه في المنزل وكان يقرا له الرقيه الشرعيه طول اليوم وقال لنا ان محمد ساكنه جن سوف يذهب منه خلال شهور وذالك اذا استمر في قراءة القران لهو وبعد سنه تقريبا محمد حالتو اتحسنت والشيخ قال لنا ان هذا الجن سوف ياتي اليه ثانية اذا حاول ان يتزوج لانه لا يسمح له بالزواج ابدا وعندما سالتو عن السبب لم يجب وذهب الي حيث البلد التي اتي منها فجاة ولم يخبرني باي حاجه مطلقا . وعندها عاد محمد الي التدريس مجددا و لم اخبره وقتها بما قاله الشيخ لاني لم اكن مقتنع بكلامه وتعرف محمد علي امنيه وقررت الزواج منها ولكن منذ ان قرر ان يتزوج بها قد عادت الي محمد الكوابيس المرعبه من جديد وكل يوم والتاني يتخيل انه بقتل في امنيه وعندما اخبرته بما قاله الشيخ .
قال لي: بكل سخافه انت مصدق كلام الشيوخ ديل خليك زول راقي و واقعي شويه .
ازهري: محمد انت حالتك كانت صعبه ولو لا هذا الشيخ م كنت لتعود الي حالتك هذه بعدما فقدت الامل وظننت انك جننت وسوف تقضي حياتك في مستشفي المجانين لماذا لم اصدق كلام الشيخ .
محمد : خلاص يخ انا م بقدر اصدق كلام فارغ ذي دا .وحاولت افهمو كتير لكن م سمع لي وحالتو كانت بتسوء يوم بعد يوم .
الضابط : طيب ليه م كلمت اهل امنيه بالحاصل وانو اخوك م نصيح .
ازهري : انا كل همي كان اشوف اخوي سعيد وانا برضو حاولت اقتنع بكلامو وانو الشيخ دا بتكلم ساي بس عمري م افتكرت ان كلامو حيكون بالجد .وان محمد ممكن يقتل زوجتو محمد قلبو طيب وبحب امنيه كتير دا الجن العمل كده صدقني حضره الضابط.
الضابط : جن شنو استغفر الله ي زول اخوك متهم بقتل زوجتهو داير تقول لينا جن لي انا حاسي انك بتالف في القصه دي كلها وانو اخوك دا نصيح وم عندو حاجه وعايز تدافع عنو وتطلعو باي طريقه .
ازهزي : والله لو م الاوراق بتاعت المستشفي كلها اتحرقت فجاة بعد محمد اتزوج كان جبتها معاي .
الضابط : اهاا الاوراق حرقت الشيخ وين?? .
ازهري : والله الشيخ كمان اتوفي الاسبوع الفات يعني اسي ماف اي دليل يثبت كلامي دا لكن بالجد محمد عندو نفسيات وم نصيح طيب ممكن تخليني اشوف محمد اخوي حضرة الضابط وانا بوعدك حثبت براءة اخوي باي طريقه وحجيب ليك الدليل .
الضابط : طيب تمام وينادي للعسكري يجي يودي ازهري عشان يشوف اخوهو محمد.
.محمد كان م بتكلم نهائي حتي لمن كانو بسالوهو كان داخل في حاله صدمة ولكن عندما رائ اخوهو صرخ باعلي صوتو وقال ازهري اخوووووي انا م قتلت امنيه حبيبتي والله م قتلتها. امنيه ماتت انا م عايز اعيش ازهري اقتلني وخلصني من نفسي بسرعه. ازهري :خلاص اخوي اهدي شويه وبقي يضرب نفسو بالحديد ياداب وعي لمن شاف اخوهو ... يتبع.....
الجزء الرابع
مقتل امنيه
بقلم الاء صديق الناير
الضابط: ازهري خلاص وقتك خلص اخرج.
وظل يستجوب محمد الشيخ عن كيفيه حدوث الجريمه.
الضابط : انت قتلت زوجتك ي محمد الشيخ.
محمد : يصرخ انا م قتلتها والله العظيم م قتلتها انا بحب امنيه كتير كيف انت ممكن تصدق ي سيدي اني ممكت اقتل البراءه دي والله امنيه دي ربنا اداني ليها وانا م صدقت اصلا اني عرستها.
الضابط: م تحاول تنكر لانو كل الادله ضدك وحتي بصماتك وجدناها في موقع الجريمه م تعترف بجريمتك وتخلصنا .
محمد: يصرخ والله العظيم م قتلتها .....................
الضابط: طيب خلاص انا حاعتبر كلامك دا صحيح لكن اين كنت عندما زوجتك توفت اليس انك كنت في الشقه وقتها احكي لي ماذا حدث منذ دخولكما الي الشقه اني اسمعك??
محمد: انا وامنيه دخلنا وفجاة وانحنا نايمين سمعت صوت بنادي علي وحسيت. وقتها كأن في زول بمسك يدي بيد امنيه وبجر فيها وتاني م حسيت بحاجه الا لمن شوفت امنيه ميته لكن صدقني انا م قتلتها.
الضابط : احتمال كلام اخوهو صح وانو فعلا مجنون انحنا لازم نتاكد ونوديهو المستشفي نعمل فحوصات. عسكري تعال سوق المسجون دا وجيبو العربيه بره
وفعلا فاتو المستشفي لكن الغريبه انو كل الفحوصات طلعت نظيفه وعقلو طلع م فيهو حاجه.
هذه القضيه حيرت الشرطة لمده طويله حتي تدخل خال امنيه العقيد واصر علي اعدام القاتل فورا لان كل الادله قد وجدت ضده ويجب ان لا يتاخر النطق بالحكم اكثر ولكن القاتل لايزال ينكر وازهري اخوهو نزل له محامي للدافع عنه وقد عرض علي اهل المجني عليها ديه ولكنهم رفضو واصرو علي اعدام القاتل.
ازهري يجي يزور محمد في السجن.
محمد: اخوي انت مصدقني صح
ازهري: اي مصدقك ومتاكد انو الكلام دا كلو من الجن الفي راسك وهو اخفي كل الادله كمان
محمد : جن شنو ي ازهري ماف حاجه من الكلام دا
تتذكر كان قبل م اخش في الحاله البتجيني انا كنت وين.
ازهري: اي انت كنت في البلد في شنو انا م بعرفو ي محمد احكي لي
محمد: انا اتعرفت علي واحده هناك اسمها نجوي.
ازهري: نجوي منو كمان دي
محمد: انت م بتعرفها لكن انا بحكي ليك قصتها
بس اوعدني انك تساعدني ......يتبع.....
الجزء الخامس
مقتل امنيه
بقلم الاء صديق الناير
ازهري: م تجنني معاك احكي وخلصني
محمد: البت دي بتعمل سحر وانا مشيت ليها مع واحد صحبي وقالت انها اعجبت بي وعايزه تتزوجني لكن انا رفضتها وبعد كم يوم سمعنا انها انتحرت وم عارفين السبب شنو.
ازهري : اهاا وتاني.
محمد: يلا انا جاتني صورتها بالليل لمن كنت مع امنيه في الشقه وم عارف انا شفتها عديل ولا دا حلم.
ازهري : يعني افهم من كلامك دا شنو اسي وعلاقتو شنو بالقضيه اصلا وبعدين الغريبه الشيخ الكان بعالجك اتوفي وانحنا حصل حريق في بيتنا فجاه وحرق كل حاجه بتخصك وحتي الشرطة لمن عملو ليك فحوصات طلعت سليمه الحاصل شنو ي محمد انت اذيت البت دي لو في حاجه تاني م عارفه وريني ليها.
محمد يرتبك قليلا ويصمت ثم يقول : م عملت ليها حاجه هي انتحرت لكن انت عارف انا حاسي انو البت دي تكون عملت لي سحر قبل م تتوفي لانها كانت شاطرة شديد في عمل السحر.
ازهري: كلامك دا كلو خيال ساي انحنا عايزين دليل ملموس عشان نقدر نطلعك من هنا
محمد : انت بس اعمل البقولو ليك وحتجد الدليل.
محمد رسل اخوهو البلد الي حيث المكان الذي وجد فيه نجوي .
وظل يسال عن نجوي حتي وجد مكانها.
محمد لقي واحد عجوز سالو : بتعرف واحده اسمها نجوي
العجوز: عيونو حمرت وقال ليهو امش اخر الشارع بتجد منزلها علي اليمين.
فات اخر الشارع وجد منزل نجوي كان عباره عن بيت من طين ولكن مخيف جدا حيث ابوابه مفتحه ويوجد في كل ركن من اركان المنزل عظام وانه منزل مظلم جدا قد يهاب دخوله اي انسان.
ازهري اتردد كتير بين انو يواصل عشان اخوهو ولا يرجع وقال: انا حواصل وم بهمني شنو الحيحصل لي انا لازم اساعد اخوي واحل ليهو القضيه دي
وعندما اقترب سمع صوت ينادي عليهو ازهري ......ازهري .....ازهري. ....
وبان علي وجه الخوف والعرق وبقي م قادر يواصل
وفجاة الصوت تاني يرددد ازهري .....ازهري....ازهري...
لا تخاف ادخل.
وعندما دخل المنزل قد وجد امراة جالسه في منتصف الغرفه وكان يبدو عليها الجنون حيث شعرها المنكوش يدل علي جنونها ومحمد برهبه وخوف من انتي ??
و اختنق وم قدر ينطق يواصل الدخول الي المنزل اكثر وفجاه نجوي تلتفت الي ازهري.
انت جاي عشان اخوك محمد الشيخ موش بصوت حاد ومرعب
ازهري : يتمتم اااااااااااااي ببببببس انتي منو
نجوي : نجوي ... نجوي... انا نجوي وتضحك انا عايشه اخوك مفتكرني اتوفيت صح امش قول لي اخوك نجوي عايشه وانتقمت منك بسحرها وانها حاولت تجننك لكن الشيخ الجابو انتصر علي والاسي انا قتلتو وم خليت ليهو اسر لانو كان شيخ شاطر وحاول يكشف سري وانا بسحري خليت محمد يقتل زوجتو.
ازهري: بس انتي بتعملي كده لشنو محمد اخوي عمل ليك شنو اتكلمي
نجوي : تضحك. ههههههههه محمد لمن انا اخترتو رفضني وانا ماف زول بقدر يرفضني .
ولمن هددتو اني حنتقم منو اتفق مع صحبو وجوني بالليل حاولو يتخلصو مني عشان عارفين اني بسحري ممكن ادمرهم ولكن عندما سمعو بصوت زول هربو وتاني يوم اختفيت وختيت جثه محروقه بالنار وانتشر خبر اني انتحرت.
لكن تاني جيت واسي انتقمت من صحبو وفاضل لي محمد ولو بتفتشو علي دليل م تتعبو م حتلقو اي دليل ضدي انا بشتغل بالسحر وبخفي اي حاجه.
وارجع قول الكلام دا لي محمد انو خلاص وقتو جاء عشان يموت......يتبع......
الجزء السادس والاخير
مقتل امنيه
بقلم الاء صديق الناير
وعند اخر يوم في الجلسة
وكانت الاخيرة للنطق بالحكم
قد حاول محامي محمد ان يستانف فترة النطق بالحكم الي جلسه اخري ولكن القاضي. قد اصر علي ان يتم النطق بالحكم في هذه الجلسه لان كل الادله قد وجدت ضده والمحكمه اعطيت لهم مده مناسبه ولم يجدو دليل يثبت براءته. وقد استجوب محامي المجني عليها محمد الشيخ امام الحضور
المحامي: اليست انت من كنت في الشقه اثناء حدوث الجريمه
محمد: نعم ولكني لم اقتل امنيه
المحامي: ولكن كل الادله ضدك وكل الشهود ضدك فاذا كنت برئ اين دليل براءتك اذا انت جاني وانت قتلت زوجتك.
الضابط : الدليل معاي سيدي القاضي.
ويدخل الضابط وازهري ومعهم نجوي
لقد كانت في حالتها المجنونه واحضرت مقيده بالسلاسل والقيود وذالك بعد ان اتصل ازهري بالضابط المحقق في القضيه واخبره عن نجوي توجهت قوات الشرطه الي المنطقه وتم القبض علي نجوي واعترفت بما فعلتوهو امام القاضي
وتم تطبيق القانون الجنائي علي نجوي بمارسة السحر والشعوذة
واعلن القاضي بان محمد متهم بقتل زوجته القتل غير العمد واحكم عليهو بالسجن مدي الحياة
ولكن اهل امنيه اصرو علي ان يتم اعدامه
وبواسطه نفوز خالها قد اعدم محمد الشيخ.
وقت عاشت عائله امنيه كثير من الحزن
وفقدهم لابنتهم العزيزه امنيه.
.
.
.
.
.
.
.
القصه واقعيه ولكن في اضافات من عندي طبعا
لكن الهدف من القصه
انو الحب احيانا بكون اعمي يلا ملاحظين انو حب اهل امنيه لابتهم عماهم من ان يسالو عن محمد الشيخ او ان يعرفو اي تفاصيل في حياتو وافقو يسلمو بنتهم بسهوله يلا شنو انحنا لمن نختار لينا زول عشان يكون شريك حياتنا لازم نعرف ذي م بيقولو كل حاجه صغيره وكبيره عنو عشان بعدين م نتدهش بحاجات ذي دي بالجد بتحصل وم نستسلم للعواطف في اختيارتنا
إرسال تعليق
0 تعليقات