قصة قصيرة احلام مبعثرة بقلم الاء صديق الناير-موقع روايات سودانية

موقع روايات سودانية يقدم 
قصة قصيرة
 احلام مبعثرة بقلم الاء صديق الناير

الجزء الاول:-

عاشت حياتها وهي تحلم بذالك الفتي, وظلت تحلم به الا ان صار حلمها واقع,

 انها بطلة قصتنا روان,

صحت من نومها الجميل التي كانت به غارقه في احلامها مع مجتبي ابن عمها, انها كعادتها تصحي علي صوت صريخ ولدتها, يابت قومي تضحكي ذي التقول بحكو ليك نكته في نومك قومي فوق تقوم قيامتك, اهاا اقعدي احلمي لي بالعرس دا كده, يوم نلقاكي حرقتي اخواتك ديل وتقولي قاعده ....,  قومي الليله نسيتي اول يوم ليك في الجامعه,  وتفتح عينها الجامعه, نسيت ياامي يلا يلا انا قايمه,  وتقوم تلبس احلي لبسه عندها وتمش الجامعه,

وتصل باب الجامعه وتقيف وتبتسم, انها الجامعه التي ظللت احلم بها طول حياتي, لقد اقف امام بابها الان, ياريد لو يتحقق حلمي ومجتبي كمان يبقي زوجي,

وتدخل الجامعه وتسال عن قاعة.... ويبرلموها يصفو ليها ...وتقعد تبكي وتقرر م تسال زول تاني , وتفتش بنفسها عن القاعه,  وتلقي القاعه وتدق باب القاعه,  والطلاب يضحكو ,تقول: ممكن ادخل ياستاذ والطلاب يضحكو,  الدكتور: ينظر الي الساعه ويلقاها جايه متاخره بي نصف ساعه, ويقول: م ممكن تدخلي لانك اتاخرتي عن المحاضره,  وتطلع تتم باقي بكائها خارج القاعه, ولكن هناك ولد لم يكن يضحك مع الطلاب, حكايتو شنو,  نجي نشوفه,  الطلاب يخلصو المحاضره ويطلعو, روان تكون قاعده خارج القاعه وتبكي, وكل الطلاب يجو يعاينو ليها ويضحكو ويمشو, الا واحد كان م بضحك وجا قعد جنبها ,م تشتغلي بيهم ديل م عندهم موضوع, مالك انتي اتاخرتي,  وتحكي الحاصل عليها, اصلا الجامعه كده شويه وتتأقلمي معاها, علي فكره انا حسام, وانا روان, صداقه سعيده بينا ي روان, تسلم, فطرتي ,لسه م فطرت....يتبع....

الجزء التاني:-

احلام مبعثره

بقلم الاء صديق الناير

ويمشو يفطرو سوا,  وران بت جميله شديد,  وكل الاولاد في الجامعه اعجبو بيها, وحسام كمان ولد جذاب وراقي وانيق, واليوم كلو قضوهو مع بعض, ورجعت البيت تلقي امها مستنيها عشان تحكي ليها اول يوم في الجامعه, وهي طبعا من البنات الصريحات مع اماهتهم, وتحكي لي امها الحاصل كلو حتي قصه حسام,  وتقول: ي بتي خلي بالك من نفسك وم ترتبطي ليك بولد في الجامعه , اكيد يامي انا تربيتك ياحبيبه,  وتاني يوم في الجامعه تلقي حسام منتظرها في باب الجامعه,  وتدخل معاهو سوا, وهو كان محترمه شديد ومعتبره ذي اختو,  وهي اعتبرته ذي اخوها, وم صاحبت اي زول في الجامعه غيرو,  الاولاد والبنات بقو يتغاظو منهم شديد, خاصه انهم عاملين فيها م فاضين لي زول في الجامعه ونفسهم عجباهم, وظلو علي هذا الحال لعدة ايام,  روان اتعرفت علي بنات, وحسام كمان اتعرف علي شباب,  وكونو مع بعض شلة اولاد وبنات,هم حسام وروان وعمر وعمار وهنا وروعه, وكانو عايشين احلي اياهم بطلعو طوالي مع بعضهم .  ومع مرور الايام في الجامعه وطلوع الشلة مع بعض,  روان نست حلمها ,وبقت طول الوقت تفكر في اصحابه,  وبتين تطلع معاهم وتلبس شنو وهي طالعه, ودايما بتهتم بنفسه شديد,  يوم قالو ليها الا تمشي معاانا عاملين رحله, وطبعا قالت :لو كلمت امي مستحيل تخليني امش, احسن حاجه اني امش وم اكلمها, حسام ساله انتي كلمتي اهلك قالت:اي كلمتهم وم عندهم مانع اني امش الرحله, وهو كان خايف عليها شديد, وذهبو الرحله, وكانت ممتعه شديد, قضوها لعب ومسابقات واغاني, هنا: روان صوتك حلو انتي غني لينا, وتغني ليهم وكل الاولاد اعجبو بصوتها, يلا يلا ارح زمن المسابقه حسام:مسابقه شنو ياااخ خلينا نسمع للمطربه دي, عمار بطل هظار كتير ويلا قومي...يتبع...

الجزء الثالث:-

 احلام مبعثره

بقلم الاء صديق الناير

ياااخ هظار انت بس لو جيت قعدت وسمعت الصوت دا م تقوم نهائي, عمر انت برضو كمان, بطلو كلام فارغ والا والله نرجع اسي انا وروان, الا روان م برضي فيها, خلاص خلاص علي شنو يلا خلينا نتسابق.

ويمشو يبدو السباق, روان وحسام, عمر وهنا,  عمار وروعه, والسباق ينتهي بفوز روان وحسام, انحنا ربحنا وتجري وحسام يكون وراها ويغيظو في الباقين, وطبعا عمر وعمار واتغاظو من حسام شديد, وكذالك هنا وروعه اتغاظو من روان, صحبة الجامعه هي دايما بتكون حلوه شديد,   وممكن الانسان يكون علاقات كتيره في الجامعه, بس ابدا اصحاب الجامعه م بكونو وفيين ذي اصحابك ديلك الزمان , واقل حاجه انت بتعمله بيحاولو يقلدوك فيها, يعني لازم يقارنو نفسهم مع بعض, طبعا دا م عند كل الناس, تعالو نشوف عمر وعمار حيعملو شنو, خاصه انهم الاتنين صارو معحبين بي روان, وروان م شايفه قدامه غير حسام, لانو دايما بتلقاهو جنبها وبدافع عنها, ياتري حسام بدا يحب روان ولا الحكايه شنو...,الرحله خلصت كان يوم جميل قضيناهو مع بعض ي احلي اصحاب ,وتودع اصحابها وتقول لحسام يوصله البيت, اختنا نست انو امها م كلمتها, ي تري امها حتقول ليها شنو ....يتبع....

الجزء الرابع:-

 احلام مبعثره

بقلم الاء صديق الناير

روان ترجع البيت متاخره وتضرب الباب وهي مبسوطه, وفجاه الباب يفتح,  وتلقي زول يجرها من شعرها, وهي مغمضه عيونه تقول بسم الله دا منو اكيد انا بحلم, وفجاه تحس بالسوط رط رط رط في الارض, لالا دا اكيد كابوس, وتاني تسمع صوت قوي يصرخ في وجهها , كنتي وين يابت... اتاخرتي كده مالك, وم قلتي لي ماشه وين اتكلمي, بصوت قوي ومخيف,  وتفتح عيونها وتصرخ دا م حلم دي امي انا نسيت اكلمه لمن مشيت الرحله اليوم وتجري,   رحله كمان بقيتي تمشي رحل تعالي هنا ,ابوك خالكي لي اقول ليه شنو اسي بتك بقت م بتسمع كلامي,  وهي بنهره امي خلاص كرهتينا الطلوع زاتو كل يوم نفس الاسطوانه, الا نطلع ونخلي ليك البيت دا زاتو عشان ترتاحي مننا.

وتدخل غرفه وتفكر في اليوم القضتو مع اصحابها, وتنوم والليل كل تتقلب حسام انت بطل, وتاني تتقلب حسام ي رائع انت,  وتحس بحاجه بارده دخلت اضانها , وتصحي تصرخ امي اسي في داعي للموايه البارده دي من الصباح, يبردك ان شاء الله في.....قومي خلي هلوستك دي الحتضيعك من الدنيا دي, خلاص خليتي لي مجتبي وبقيتي في حسام , امشي جامعتك يلا ارتاح من هلوستك, وتقوم وتنفخ في وش امها وتمشي الجامعه, انت عارفه انا امبارح م نمت والليل كلو بفكر فيك, وانا كمان ي حسام م عارفه الحاصل علي شنو, بكون حبينا بعض ي روان, حب شنو ياولد انحنا اخوان بس م اكتر من كده وبعدين انت عارف حكايتي مع مجتبي, يالله تاني مجتبي!, م قلنا خلاص نسيناهو, لا لا الا مجتبي دا عمري وحلم حياتي م حنسي, روان تعالي دايراك في موضوع, خير ي هنويه عايزه شنو, انتي عارفه الليله قالو عاملين كتمه هنا في الجامعه لازم نحضرا, اي اي لازم ي بت دا كلامك, حسام: البت دي كانت بتقول ليك شنو,  قالت في حفله حتحضرا معانا .يتبع.

الجزء الخامس:-

 احلام مبعثرة

بقلم الاء صديق الناير

ي بت حفله شنو انتي لازم ترجعي البيت بدري, وبعدين البنات ديل اهلهم م بسالوهم, وانتي الا توري اهلك وامك مستحيل توافق انك تحضري حفله بالليل, اوووف انا منك كلامك بقي زي كلام امي, خلاص لو م عايز تحضر انت براحتك انا بحضرا وبرجع البيت علي راحتي, حسام يزعل ويمش منها, وهي تمش لي هنا وروعه اهاا حتعملن شنو الليله في الحفله, ي بت اسكتي ساي انت موش معانا, اي اكيد طبعا, وحسام يقرر يبعد عنها ويخليها تتحمل المسؤليه, ويرجع البيت, روان تسال عنو يقولو ليها رجع البيت, اول مره يعمله دا عمله كيف خلاني وفات انا حازعل منو وتاني م حتكلم معاهو, وتحضر الحفله واول ..., وبعد الحفله انا حيوديني منو البيت ي خساره م عارفه اعمل شنو, عمر ليه ياااخ معقوله, يعني انتي صحبك حسام بس, انحنا م اصحابك, انا بوصلك ,لا بس عشان م متعوده امش براي الا مع حسام, خلاص م مشكله وصلني ياعمر, يعمل يوصل روان وينظر ليها طول الطريق,دا مالو كمان بحمر لي كده خير ان شاء الله, ويصلو البيت وبقي يوصي فيها, خلي بالك من نفسك وبكره لمن تجي الجامعه, اتصلي علي, بخلعه, اتصل عليك, اي يعني لو م عندك مانع, خلاص بتصل عليك.

تدخل البيت تلقي امها ويعيدو اسطوانه كل يوم, وهي طبعا ولا تشتغل بيها وتدخل تنوم, وتقعد مع نفسها وتقول شكلو عمر دا مكسر فيني, انا لازم اغيظ بيهو حسام عشان تاني م يفتري علي, وبعد شويه الباب يضرب تمش تفتح الباب تلقاهو مجتبي ود عمها, مجبتي انت جيتنا اليوم , دي انتي روان م شاء الله بقيتي حلوه شديد, وطبعا ليهم سنين م اتقابلو, مجتبي كان خارج البلد, مجتبي انت لازم تكون معاي لاني مستحيل اقدر اعيش من دونك, مجتبي , وامها تجي تقيف في راسه البيت دي والله الا اشوف ليها شيخ يقرا ليها ..يتبع....

الجزء السادس :-

 احلام مبعثره

بقلم الاء صديق الناير

وانا كل يوم بصحيها كده بذيد ليها شواطينها الفي راسه ديل, كدي الليله اصحيها براحه, وتجي تمسك راسه براحه, حبيبتي قومي يلا الجامعه ي بتي,  وتقوم وتحضن امها ياسلام حبيبتي, انت مجبتي حلمي اتحقق, وتصرخ انت مجبتي, وفجاه رط رط في وشها, فوقي يابت اصلا انت الحنيه م بتنفع معاكي قومي امشي جامعتك, امي اوووف, وتقوم وتتذكر الحصل معاها امبارح وتقرر تتصل لي عمر, وهو يكون قاعد مع حسام, اهاا جايا بتين بجي اسي ,خلاص انا مستنيك, ويقفل الخط دي منو البتتكلم معاها من الصباح دي وجاياك وين ,دي روان روح قلبك, عمر م تهظر معاي انا اصلا قافله معاي من امبارح,انا جادي والله امبارح وصلتها وقالت لي ,بتصل عليك الصباح , يضحك ويقول ليهو شكله باعتك, وحسام يزعل ويقرر م يتكلم معاها تاني,  وتجي تقعد مع عمر وتتونس معاهو ,وتجي واحده من صحباتها ,روان تعالي عايزاك ضروري, وتمش معاها وتحكي ليها,امبارح سمعت عمر وعمار وهنا وروعه قالو, لازم يخلوكم انتي وحسام تبعدو عن بعض باي طريقه ,وعملو ليكم خطه عشان تفرقكم عن بعض, وتمش تحكي الحاصل لحسام, حسام يقول ليها انحنا اصحاب وحنفضل اصحاب, وماف زول بقدر يفرقنا عن بعض, ورجعو اصحاب ذي الاول واحسن كمان,  وقال ليها عشان اثبت ليك كلامي دا, انا حاساعدك تحققي حلمك, كيف يعني حتساعدني, انت موش قلتي مجتبي ود عمك دا ما في السودان, اي, طيب وانتي م بتتواصلي معاهو, ماطوالي بتواصل معاهو من فترة لفترة وبالفيس بس, طيب م حاولتي تطلبي منو رقمو, وتتواصلي معاهو اكتر,لا ماحاولت, خلاص انتي اطلبي رقمو وانا حوريك تعملي شنو, ولله شكلك حتوديني الخور, يابت اسمعي كلامي وحلمك حيتحقق , طيب وتدخل الفيس وتطلب الرقم, ويرسل الرقم...يتبع.....

ﻟﺠﺰﺀ ﺍﻟﺴﺎﺑﻊ ﻭﺍﻻﺧﻴﺮ -:

 ﺍﺣﻼﻡ ﻣﺒﻌﺜﺮﺓ

ﺑﻘﻠﻢ ﺍﻻﺀ ﺻﺪﻳﻖ ﺍﻟﻨﺎﻳﺮ

ﺍ

ﻭﺣﺴﺎﻡ ﻳﻮﺭﻳﻬﺎ ﺣﻨﻚ ﻇﺮﻳﻒ ﺗﺪﺧﻞ ﺑﻴﻬﻮ , ﻭﻫﻲ ﺗﺒﺪﺍ , ﻃﺒﻌﺎ ﺍﻧﺤﻨﺎ ﻛﺒﺮﻧﺎ ﻭﻃﻮﻟﻨﺎ ﻡ ﺷﻔﻨﺎ ﺑﻌﺾ , ﻣﻤﻜﻦ ﺗﺮﺳﻞ ﻟﻲ ﺻﻮﺭﺗﻚ , ﻃﻴﺐ ﺑﺮﺳﻠﻪ ﻟﻴﻚ ﺑﺲ ﺍﻧﺘﻲ ﺑﺮﺿﻮ ﺗﺮﺳﻠﻲ ﻟﻲ ﺻﻮﺭﻛﻢ ﻛﻠﻜﻢ , ﻭﺗﺮﺳﻞ ﻟﻴﻬﻮ ﺍﻟﺼﻮﺭﻩ ﻭﺗﻌﺠﺒﻮ ﺷﺪﻳـﺪ , ﻭﻳﻘﺮﺭ ﺍﻧﻮ ﻳﺮﺳﻞ ﻟﻴﻬﺎ ﻛﺘﻴﺮ , ﻭﻳﺘﻮﺍﺻﻞ ﻣﻌﺎﺍﻫﺎ ﺍﻛﺘﺮ , ﻭﺑﻌﺪ ﻓﺘﺮﺓ ﻃﻠﺒﺔ ﻟﻠﺰﻭﺍﺝ ﻣﻦ ﺍﺑﻮﻫﺎ ﻭﻫﻮ ﻭﺍﻓﻖ , ﻭﻧﺰﻝ ﺍﻟﺴﻮﺩﺍﻥ ﻋﻤﻠﻮ ﺍﻟﺰﻭﺍﺝ , ﻭﺍﺻﻠﺖ ﺩﺭﺍﺳﺘﻪ ﻋﺎﺩﻱ , ﻭﺣﺴﺎﻡ ﺍﺗﺒﺴﻄﺖ ﺷﺪﻳﺪ , ﻻﻧﻮ ﺳﺎﻋﺪ ﺻﺤﺒﺘﻮ ﺍﻧﻮ ﺗﺤﻘﻖ ﺍﺣﻼﻣﻬﺎ .

ﻛﺴﺮﻩ ,

ﻳﻼ ﺷﻨﻮ ﺍﻟﻨﺎﺱ ﻻﺯﻡ ﺗﺘﻤﺴﻚ ﺑﻲ ﺍﺣﻼﻣﻬﺎ , ﻭﺍﻱ ﺍﻧﺴﺎﻥ ﺍﺫﺍ ﺗﻤﺴﻚ ﺑﺤﻠﻤﻮ ﺑﺎﺫﻥ الله سيتحقق, مها حصل