رواية عشقته وانا خدمته تاليف ميعاد عبيد -روايات سودانية

موقع رويات سودانية يقدم 

عشقته وانا خادمته💜 

من تاليف:- ميعاد عبيد

الحلقة 1

عشقته.وانا خادمته💜

من تاليف:- ميعاد عبيد

( سلااامات🌚 كيفكم لعلكم طيبين😍 جيتكم بروايه جديده و الليهي اسمها عشقته وانا خادمته بتمنى تعجبكم وفي كل بارت تدوني ارأكم 😍)

ريااااان.ياااا بت...اوووي يااا امي جايه دقايق قالت لي تعالي جيبي لي شنطتي دي النمشي السوق قلت ليها دقايق يا امي جايه قالت لي انتي بتعملي في شنو قلت ليها جاااايه قامت من محلها وجاتني لقتني منبطحه على بطني و مرفعه كرعي و بحضر لي في فيلم.و عايشه الدور و انا نسيتها خااالص😂 قلعت شحاطتها براحه.و يا ضهر بقيت دلووكه🐸 غايتو.كرهت ابو.الهنود زاته😂👊🏻 قالت لي انا بنادي فيك.لي ساعه.و انتي تحضري لي في الهنود قلت ليها يمه يمه والله نسيتك قالت لي مالك بتنسي عندك شفع و لا شايله ليك هم عمرك.يا داب 14 سنه انا في عمرك دا.ماسه البيت و كل الهم فوقي وانتي ولا هم.و لا غم غايتو لو عرسوك برجعوك لي بخبيزك  (طبعا حفظتها النغمه دي انا🌚 واكيد اي بت حافظاها😂) قلت ليها باكله و بجيك راجعه ما حصل شي🌚 ادتني طااااخ في ضهري لمن حسيت قلبي دا جاء في نخري😂 مشيت جبت ليها الشنطه قلت ليها يمه الليله الجمعه ماشه السوق لشنو.قالت لي قبل الصلاه بفتحوا امشي عشان ما اتاخر قلت ليها يمه خليني امشي انا قالت لي بنهره كده برررري انا ما عندي راس عشان ابوك يجي ينق لي فيه ولا بتحمل نقته قلت ليها خلاص خلاص ما تتاخري قالت لي يلا قلت ليها في امان لله و طلعت ( ابووووي طبعا بقول لي مااا عندي فتاه تتحاوم في السوق🐸) انا طبعا قعدت اتم الفيلم الفيلم لسلمان خان ما بخلي لو.عملوا لي السبعه.و زمتها🐸💜 المهم شي جفاف عاطفي و شي بكى لمن انتهى😂 قمت اجهز.الفطور طبعا.قراصه بويكه حمراء🌚(العشق كله ياااخ😍)المهم عوست الكسرة و ختيتها في الساخن بارد و لايقت الويكه و رجعت لتفزيوني لقيت فيلم لشاهد كابور الاسمه شاندر داك عاد تاني بزح منه🐸  اتلصق في السرير لمن امي جات قالت لي ابوك ما جاء قلت ليها لااالع ما جاء قالت لي خلاص قطعي الصلطه دي لمن يجي مشيت جبت القشاره و السكين و جيت اقطع لكن كلها اكلتها🐸امي جات لقتني باكل في العجورة قالت لي يازفت الطين انتي ما جبتها عشان تاكليها براك تاكلي السم الهاري قلت ليها خلاص سمح قطعتها و ختيتها بعد ربع ساعه كده ابوي جاء ختيت الفطور فطرنا ابوي استلم التلفزيون.جاب الحدث كره كبيييير ليهم🐸 مشيت غسلت العده.و جيت لقيته ناام جبت الفيلم و قعدت احضر امي نادتني مشيت ليها قالت لي هسي دا تمشي الدكان.جيبي لي رز و تعالي قلت ليها شنو.قالت لي عايزة اعمل محشي طوالي جري مشيت جبته.و جيت وامي خشت المطبخ طبعا واشري علي العمري كلهم.عندهم تلفونات و كده لكن عشان.وضعنا و كده ما فكرت اشيل تلفون و حياتي كلها كانت عباره عن المدرسه البيت البيت المدرسه برنامجي في البيت عادي بنضف و اقعد احضر التلفزيون.و قيرايتي زايد تفاهات الحب ما كان.ليها محل في قلبي ابدا🌚لانه عارفه نهايتها بكى و تخلف بس دي حياتي كده امي خشت المطبخ انا مشيت اصلي بعد صليت رقدت اخدت لي نوومه العصر صحتني امي لقيتها ختت الغداء اتغديت و صليت وقعدت اقرا قرريت كده لحدي الساعه 5 ونص كده جاتني صحبتي صافيه اسم على مسمى طبعا اقرب وحده لي من نحن في الروضه💜 اتونست معاي و قرينا سوا المهم.كده.ايامي و بمشي المدرسه و بجي في يوم وانا في المدرسه عندنا استاذ كده مززززه خلاص البنات جاريات وراهو طبعا تامن و.سابع و السادس الباقي الدقدق ما بعاين ليهم😂المهم هو زاته عينه.زايقه و.قليل ادب🐸و عنده.حصتين دبل ورا بعد في الاسبوع كله عندنا نحن بنات تامن بس المهم هو في الحصه بشرح و.يكتب في السبورة انا و صافيه قاعدين.نتراسل بالورقه لانها بعيده مني😂المهم.هي كان كتبت لي انه الاستاذ دا عاجبها و مكسرة فيه وكده قمت انا كتبت ليها يعجبك شنو واحد عينه زايقه و قليل ادب و جنه يعاين للبنات و لفيتها في حجرها و هو جاء ماشي بالمرر بين الكنب و انا ما شايفه و جدعت الورقه جاته في جلحاتو🐸 الساعه القال ليك اخخ انا قلت وااااي😨 رفع الورقه و قراها  عاين.لي قال لي ريان محمد وصافيه خالد اطلعو بررررا😡😡

طوالي طلعنا الخمسه فوق الاتنين😄 بعد الحصه انتهت جانا طالع و ساقنا المكتب. وقعد و نحن واقفين قدامه و بعاين ليها سااااي عاين لي صافيه قال ليها امشي انتي مسكتها من يدها قلت ليه ما بتمشي حمر لي قال ليها قلت ليك.امشي يا صافيه قلت ليه ما ح تمشي قلت ليك قال لي قله ادبك.وصلت هنا؟؟؟ قلت ليه.ما قلت ادب بس ما بقعد.معاك براي و في مكتب مقفل كمان انا ما قنعانه من روحي☺ قال لي اهاااا كويس بوريك ما قنعانه من.روحك.كيف .......

تاااابعوني ليصلكم.الجديد المستجد🌚🐸

الحلقة 2

 عشقته.وانا خادمته💜

من تاليف:-ميعاد عبيد

قال لي بوريك.قنعانه من روحك.كيف هسي كلامك.دا كلام بت محترمه و متربيه.قلت ليه انا قلت شنو.قال لي الكلام.القلتي في.حقي.دا قلت ليه وانا قلت حاجه غلط؟؟ وريني حرف واحد من القلته غلط؟؟ سكت و.بقى يعاين لي. مشي جاب صوط و جاء قال لي افتحي يدك. قلت ليه ما بفتحهم.قال لي تفتحيهم.ولا اخلي المدير يجيب ابوك.و.امك. سكت مساافه كده.و.فتحت ليه يدي دقاني دق ود.اللزينه.دا لمن يدي عمله نباق ادعي فيه الليل و النهار بعد.اتقديت و.طلعت منه صافيه قالت لي بطني طمت منه قلت ليها ههههه هسي ما كان مكسرك.قالت لي بري اب جلحات دا يعجبني شنو.رجعنا الفصل البنات.طبعا زي الضبان اتلمه.فيني و.شايفات.اني ماده يدي و اصابعي.منفخات زي السجق و يسالني عمل ليكي.شنو.قلت ليهم عزمني اسكريم🐸متخلفات خلاص بعد كده رجعنا البيت من دخلت سلمت على امي و.دخلت صليت و رقدت نوومت العصر صحيت صليت لقيتهم.اتغدوا دخلت المطبخ باقي المحشي سخنته.و اكلته وقعدت اقرا مرت الايام.و امتحنت و الحمد لله نجحت و جبت266 و ابوووي و امي الفرحه ما شايلاهم لكن فرحتنا ما تمت ابوي كان تاني يوم بعد النتيجه الفجر كده مشيت اصحيه عشان يمشي يصلي لكن ما بقوم لي صحيته و كوركت و هزيته و انا بهز.فيه وقع من السرير بس صرخت ابووووووووي امي جاتني جاريه و لقته واقعه في الارض و.انا.واقعه على كرعي و ببكي جاء.عمو.خالد ابو.صافيه ودينا المستشفى و.الدكتور.قال لينا جاته زبحه و الله استلم امانته و البركه فيكم انا و امي الاتنين وقعنا لمن صحينا الاتنين مركبين لينا درب.قلت ليها يمه ابوي وينه ابوي كويس مس.امي وينه يابه يمه وينه و انا ببكي بحرقه شويه كده وبقيت اصرخ جات وحده من الممرضات تطعني حقنا لزيتها و فكيت الدرب و مشيت لامي وهي في حاله صدمه كده قلت ليها يمه ابوي كويس تعالي خسي تلقي واقف برا و خايف برا و هي.حلفت كان ترد لي بس تعاين بالواطه في النهايه قالت ان العين لتدمع و القلب ليحزن و اننا لفراقك.يا محمد لمحزانون. استغفر الله العظيم.و اتوب اليه و انا صرخت لاااااااااااااااااا و طلعت خليتها لاقتني صافيه مسكتني حاولت اتفكى منها بس عمي خالد جاء و مسكني معاها و بقوا يصبروا فيني لحدي ما استوعبت انه ابوي مشى و خلانا برانا مرة اسبوع على وفاة الغالي💜 والناس في البيت.خفوا و.قلوا مرت الايام و.امي طلعت من الحد لكن حالتنا بقت صعبه فقدنا مصدر رزقنا و اعماي زي الكانه نحن ما بنقربهم بعد الاسبوع الاول بعد.وفاة الغالي.تاني ما شفناهم.واصلا ما فارقين معانا و امي اصلا وحيده امها و ابوها الاتوفوا.بعد.زواجها من ابوي بسنه كده يعني انا و امي بس و عمي خالد ما مقصر لكن متقيلن عليه و هو.دوب ولادوا المهم امي فتشت شغل و ما لقت و قررنا نسافر الخرطوم احتمال الله يفرجها علينا امي فكرت تتزوج.تاني لانه.بعد.وفاة ابوي اتقدموا ليها.2 و رفضتهم كانت خايفه من تعاملهم لي بعد العرس و بعد ما تدبس فيه و انا اصلا ما كنت ح اتعامل معاهم.كويس.فقررنا نسافر بكرة باذن.الله و كلمنا عمو.خالد و ودعناهم و صباح اليوم التاني الساعه 8 كنا في الباص ماشين على الخرطوم💜قعدت الباص.حااااارة والله.سوت لي وجع ضهر ياخ😂 في النهايه نمت لكن امي عينها ما غمضت بتفكر ايه الح يحصل لينا صحتني امي قالت لي قومي.وصلنا خلاص.نزلنا و امي كانت عارفه الخرطوم.كده لانها جات مع امها و ابوها الله يرحهم.كتييير المهم مشينا لوحده.صحبتها من زمان كده المرة ظررريفه ماشاء الله لكن راجلها حدث و لا حرج شغال زي كشافه المنارة يلا انا ما ركزت معاه كتير سلمت على صحبت امي اسمها تهاني و عملت رايحه من راجلها مع انه.قاعد على نار عشان.امد.ليه يدي🐸 المهم.ادتنا اكل و اكلنا و امي حكت ليها الحاصل كله وكده تهاني اتفهمت و الموقف لكن راجلها كان مبسوط و اظنكم.عرفته ليه لكن يحلم حلم🐸👊🏻 دخلتنا غرفه كده قالت لينا دي غرفه.بتي لكن هي مسافرة عند ناس خالتها في السعوديه وكده اقعدوا فيها دخلت انا استحميت و صليت و جات امي برضو. صلت و.رقدنا اخدنا ليناااا نومه لمن صحيت لقيت......

تاااابعوني و ارآكم لو.سمحتو🐸💜

الحلقة 3

 عشقته وانا خادمته💜

من تاليف:- ميعاد عبيد

لمن صحيت لقيت راجل تهاني في وشي قاعد جمب كرعي طوالي رفعت كراعي و اديته رفسه كده لمن ادردق في الواطه و قعت في نص السرير وبقيت اعاين ليه هو عاين لي و طلع كنت عايزة اصرخ لكن قلت اعمل مشاكل في البيت و انا يا داب اول يوم لي معاهم فقمت رفسته🐸 المهم نسيت الموضوع لفحت توبي و نزلت لقيتهم.بشربوا في شاي المغرب مشيت صليت وجيت قعدت و عبد العظيم دا نهاي عينه ما نزلنا مني والحمد لله ما انا براي الملاحظه الكلام دا بعد اخدنا ونستنا مشيت جمب التلفزيون حقهم امي جاتني قال لي اسمعي يا بت شفتي انتي تنزلي بس تصلي و تاكلي و تطلعي تقفلي باب الغرفه عليك فاهمه؟؟ قلت ليها سمح و فعلا انا تلاته يوم بالحاله دي و عبد االعظيم ما بشوفني الا ساعه الاكل بس اليوم الرابع امي جات مبسووطه من برا قالت لي لقطي الهديمات ديل انا لقيت شغل قلت ليها وين قعدت تحكي لي قالت لي انا كنت في الصيدليه دار اجيب لي بندول وسمعت مرة بتشكي من خدمه البيت و انه الخدامه اشتغلت معاها شهر و تاني ما جات و انا بعد سمعت الكلام دا سلمت عليهم و قلت ليها انا بشتغل معاك قالت لي انا شغلي ما هدوم بس تغسليهم انا عايزة وحده تستلم البيت كله من مسح لغسيل عدة و هدوم و تهتم بالزرع العندنا قلت ليها بشتغلوا قالت لي خلاص شهرك 2 مليون و شالت رقمي و قالت لي تجيني بكرة قلت ليها ااامي كيف يعني تشتغلي خدامه قالت لي يا بت هوي رزق حلال مالك تاني و بعدين المدارس فتحت. ولازم تبدي.....قبل تتم.كلامها قاطعتها قلت ليها عايني لي هنا يا يمه انا مدرسه هسي ما دايرة و لا تحاولي معاي لمن حالنا شويه تتيسر و.تتسهل بدرس و بعدين.انا ح اخدم.معاك.او.اقول ليك.انا الح اخدم.ما انتي. كلمتك من هسي قالت لي لكن.قلت ليها يمه ياخ عليك الله افهمييييني انا غير كده ما بقبل قالت لي خلاص.كدي لمي.الهدوم.ديل لانه.قالت لي تجي تقعدي في بيت ملاصقهم.و.هو.ملك.ليهم.و مافيه زول.قلت ليها سمح.و.فعلا لميت الهدوم و.صباح اليوم.التاني مشينا على العنوان.الادته امي.طبعا بيت من شده ما حلو.وخطير انا لمن.جاني.صداع بس كنت بشوف زي.ديل في التلفزيون و ما اتخيلت يوم.ح اقيف قدامه خلي.اجي.ادخله😂 فتحت باب السور جاتنا مرة كده.من.الدهب اللابسه لمن قالبها تمشي😂 جات سلمت علينا شكلها ظريفه بس متفشخرة كده المهم.ما ختيت بالي معاها جات شربتنا عصير و حومتنا في البيت كده لمن.دوخت والله😂 و تاني ودتنا البيت الصغنوني.لمن قالت صغنون.و.انا اتخيلتها اوضه ولت حاجه لقيته اكبر من.بيتنا انا قلت المرة دي مالها😕

خشينا البيت حلوووو بس مغبر داير نضافه قالت لينا الليله ح تقعدوا اجازه و باكر.تبدوا.شغل قلت ليها كويس ان شاء الله بعد طلعت انا طلعت لامي كرسي قلت ليها يمه الغبار ما بنفع معاك.يلا.قومي.اقعدي برا لمن.اخلص و فعلا قعدت برا انا طلعت عبايتي وربطه راسي بالطرحه نضفتها و.فرشته و مسحته.سيراميك.طبعا😂 خلصت طلعت فتشت لي فيحيمات قدر ما فتشت ما لقيت دخلت.لقيت المبخر بتاع الكهرباء دا ولعت لي بخور قلت لامي تعالي ارقدي يلا.جات خشت قالت لي بيت و لا كنا نحلم.بيه قلت ليها هههههه الحمد لله.يمه قالت لي ونعمه بالله جات رقدت.و طوالي نامت يا حليلها💜 جات ست البيت دقت الباب اسمها اسمهان هي فتحت ليها بقت تعاين.للبيت و.مخلوعه.قالت لي متين ماشاااااء الله😍 قلت.ليها ههههههه ما بندور نقعد.في الغبار قلت انضف اصلا ما فايتانا قالت لي فااهمه.يا بتي جيت. دار اقول ليكم تجوا تخشوا المطبخ عادي زي ناس البيت.و تاكلوا كويس؟؟ قالت ليها حاضر و مشكورين. قالت لي ولوووو 😍 و مشت انا فتحت.التلفزيون امي صحت قالت لي جوعت ياخ.قلت ليها اسمهان جات و قالت نخش المطبخ عادي وكده قالت لي جزاها الله خير انا لبست توبي و.طلعت دخلت المطبخ.فتحت التلاجه لقيت شي سجق.و شي.بيتزا قلت الشي دا لا بتاكلوا لي امي ولا حاجه فتحت الحوض.التحت لقيت لي اسود فتشت.الصلصه.و الدكوه.و.بعد.شويه لقطت الحاجات كلها و عملت لي صلطه كتييييرة.شلت في الصحن و.ختيت.الباقي هناك شلت العيش و مشيت ليها قالت لي هسي لو.خلونا نسوي اكلنا هنا مالو قلت ليها يمه.نحن.هسي ما تمينا 10 ساعات من جينا خلينا ناكل هسي لمن نظبط.امورنا....

بهناك.جاء داخل المطبخ و لقى الصلطه عمل ليه سندوتش.و مشى لامه قال ليها ما كنت عارفك طباخه كده قالت ليه في شنو.جاء اداها من السندوتش قالت ليه بري ما عملتها انا والله قال ليها منو يعني قالت ليه احتمال من الخدمتين الجداد ديل قال ليها امممم خير و طلع انا و امي اكلنا و امي رقدت و انا بقيت بحضر في التلفزيون و تمينا يومنا كده اليوم التاني صحيييييت بدري....

تاابعوني و اراكم 🌚💔

الحلقة 4

عشقته وانا خادمته💜

من تاليف:- ميعاد عبيد

صحيت بدري مع الصبح صحيت امي صلينا و بعد صلت قالت لي نعسانه بنوم شويه كده و نقوم نمشي نشوف شغلتنا في البيت القدر قصر الجمهوريه دا😂😂 قلت ليها طيب رقدت نامت و انا طلعت مشيت البيت الكبير خشيت المطبخ عملت الشاي و وختيته في السيرميس و قمت على النضافه و الشمس لسه ما طلعت ربطت الطرحه في راسي و بديت انضف و اغني(اهم شي الانطراب دا  😂😂) جات خالتو اسمهان صبحت علي قالت لي ماشاء الله والله نشيطه انتي قلت ليها تسلمي قالت لي وين الماما قلت ليها يمه خليتها نايمه قلت اجي انضف انا قالت لي اهاا كويس جات قعدت و بثت تتطبظ في تلفونها انا مشيت كبيت ليها الشاي و جبته ليها قالت لي يااا سلام تسلم يدك يا عسل قلت ليها الله يسلم و مشيت اتم باقي شغلتي انتهيت منها مشيت المطبخ امي جات قالت لي يا بت انتي هنا من متين قلت ليها يمه قربت انتهي من الشغل قالت لي طيب حان تصحيني قلت ليها ماف داعي اصحيك كبيت ليها كبايه الشاي و طلعت لخالتو اسمهان نادتني قالت لي ريو في هدووم كتيرة وسخانه و دا السبب الخلاني افتش لي خدامه عليك الله في الغرفه ديك في الغساله و في الهدوم الوسخانه انا لميتها و خليتها هناك غسليهن قالت ليها حاضر مشيت الغرفه و انا ما بعرف للغساله دي فقمت شلت الهدوم برا في حديقه بورا فيها سلك الغسيل جبت الطش و الصابون و طوالي قعدت في الارض وبقيت اغسل و داك الانطراب  😂😂جات خالتو اسمهان شافتني قالت لي دا شنو يا بت قلت ليها ما بعرف اغسل بالغساله وبعدين هي بدل تنضف توسخ زياده قعدت تضحك قالت لي البريحك يا بتي,(انا ما حسيت اني خدامه عندها مرة ظريفه شديد😍😍) ومشت جات امي قالت لي كفاك اديني اغسل ولا رديت عليها و بغني في غناي😂😂قعدت جمبي قالت لي انتي عايزة تمشي المدرسه متين برضو ابيت ارد ليها قالت لي يا زفت بتكلم معاك انا برضو ما رديت في النهايه ادتني طااااخ في ضهري لمن حوصت😂😂 قلت ليها امي انا وريتك قلت ليك راي في الموضوع دا و ما تفتحي معاي تاني سكت و ما ردت لي وقامت قالت لي ماشه اطبخ شايفاهم جابو ليهم خضار قلت ليها سمح ومست انا بغسل و بغني في غنيه مرام حبيبي تعال تعال نتلن ما دام الريد اختلط بالدم 😍😍💜.... في غرفته فوق صحى من النوم وجاء فتح الشباك و سمع صوت بت بتغني دنقر تحت و شافني🙊 و ما اشتغل بالموضوع كتير نزل لامي تحت صبح عليها و امه نادت امي عشان تجيب ليه الشاي وفعلا امي جابت ليه الشاي سلم على امي و هي مشت المطبخ و ريحه الطبيخ طالعه عاين لامه و قال ليها انتي جبتي كم خدامه قالت ليه واحده لكن التانيه ديك بتها قال ليها اهاااا ايووة كويس والله....

وانا بغسل و اصلا انا بتبلبل موش بتبلبل و بستحمى عديل😂😂 المهم انتهيت من الغسيل و عبايتي بتنقط عديل المهم شريت الهدوم و مشيت رجعت الطش و الصابون للغرفه و جيت بعد كده مشيت لامي في المطبخ و بتكلم و انا بحاول انشف عبايتي اللابساها قلت ليها يمه عايني اتبلبلت كيف قالت لي انا عارفه انك ح تتبلبلي عشان كده قلت ليك اديني اغسل انا قلت ليها يمه هدوم كتيرة قالت لي خلاص امشي غيريهم عشان ما تمرضي كمان قلت ليها سمح قالت لي ما تتاخري لانه اسمهان قالت نفطر معاهم قلت ليها طيب و مشيت البيت غيرت ملابسي و فتحت التلفزيون لقيت مسلسل ارجع لي قبلاتي شغال و قعدت حرسته🐸💔 عاااد انا بفوت ريتويك نوون😍😍 ونسيت امي و نسيت الفطور زاته لمن جاء الفاصل اتزكر  لفحت توبي و جريت لامي دخلت المطبخ طوالي قلت ليها يمه نسسسيتك نسسيتك والله لقيت رتويكي (مدلعها كمان😂😂) شغال قالت لي يتروك من اضنيك😑💜 تعالي قطعي الصلطه دي شلت الصلطه و طلعت لقيت خالتو اسمهان قاعده تحضر فيها قلت ليها متابعه؟؟ قالت لي ريتويك دا بتفوت؟؟(مخير الله😂) قلت ليها عسل انتي و قعت في الارض و بقطع في الصلطه و مرة مرة باكل منها 😂 جات امي و على العلي لقتني باكل في عجورة جاتني منها و ضربتني في راسي قالت لي انتي حركتك دي ما بتخليها انا قلت اخخخخ يا امي هسي عملت شنو قالت لي قلت ليك اقطعيها ما قلت ليك اقرضيها و شالتها مني مشت تقطعها خالتو اسمهان قالت لي انتي مغلباها غلبه شديده قلت ليها انا كده عاد اعمل شنو قعدت تضحك وقعدنا نحضر جاء فاصل كده في مقطع كارب كده انا زهجت زهج و صرخت يااااااا الله ع قولت يا الله دي جاء واحد وقف جمبي و قال يا امي انا لمن اتخلعت نطيت طلعت جمب خالتو اسمهان قعدت تضحك علي الولد زاته قلبه يكتم الضحكه قالت لي يا بت قولي بسم الله دا ولدي وائل قلت ليه اهلين و انا لسه ما مستوعبه قال لي اهلين فيك و بقى يتكلم مع امه قال ليها يمه انا طالع ما بتاخر قالت ليه الفطور طلع قال ليها بجي بفطر بعدين قالت ليه طيب في امان الله جاؤ حبه علي جبهتها و عاين لي قال لي معليش على الخلعه و بقى يضحك قلت ليه عادي 😺

تاابعووني ليصلكم الحديد.🌚💔

الحلقة 5

 عشقته وانا خادمته💜

من تاليف:- ميعاد عبيد

وائل طلع النوصفه ليكم (اخضضضضضضر خضره ناعمه جسمه شويه مليان بلبس نظارات حواجبه ديل يسون حقاتي اربعه مرات عيونه سوداء ملامحه عاديه بسيط كده😍) بعد طلع انا تميت المسلسله و الفطور طلع انا و خالتو اسمهان و امي بنفطر خالتو اسمهان قالت سبحان الله الله جمعني بيكم طيوبات الله يحفظكن امي قالت اميين جمعا ان شاء الله قالت لينا انا و وائل برانا يعني ما عندنا راجل و عندي ولد.ياهو سيد البيت الانتو قاعدين فيه دا بس هو برا حاليا كان متزوج و زوجته اتوفت تمت سنه و هو شغال برا حاليا و  ولدي وائل خريج و هسي شغال مهندس و الحمد لله وضعنا كويس زي ما شايفين ( في نفسي قلت كويس ساي دا كويس اوووڤر🐸💔الحمد لله طبعا انا ببلع ساي 😂💔جوعانه ياخ) امي قالت ليها الحمد لله و ماشاء الله يزيدك ( في نفسي قلت تاني الا يديها الجنه تاني🌚💔) المهم بعد حكت لينا عنهم قمت غسلت العده و ضايرت المطبخ و فترااانه ياخ طوالي رجعت بيتنا و نووووومت نومه لمن ريالتي سايله🌚💔 الا مع الضهر لقيت خاتين لينا كميه من الخضار و لحمه و شويه بهارات قمت صليت و جيت شغلت التلفزيون في اغاني اغاني باعلى صوت و بقيت ارتب المطبخ و بغني مع التلفزيون الساعه جات اغنيه حماقي بتاعت عندك استنى دقيقه انا استغلت دستور عديل😂💔بعد انتهيت قفلت التلفزيون و لفحت توبي و طلعت لناس خالتو اسمهان لقيت ليها اقالت صحيتي يا فله قلت ليها امممم لسه نايمه قالت بطلي قله ادب عشان ما افك ليك حنكك دا سكت ساااي😂💔 قالت لي طيري اكوي الهدوم ديلك لقطت كرعي و مشيت مصرانها شكله قايم عليها لة كترت معاها بتمروقني حنازة🐸 المهم مشيت لقطت الهيديمات و بقيت اكوي و اغني بغني في غنيه  يمه الزول انا براي بجيبه الزول انا💃💃  خالتو اسمهان قالت لي شايفك منطربه قلت ليها اهم شي😂 قعدت تضحك و تمشي و انا مستمرة حولت مشيت غنيه الليله ووووين انا بالعصر مرورو و تاني مشيت غايتو ما خليت غنيه  لوراء😂💔 بعد خلصت مكوه مشيت قلت المطبخ لقيت لي علبه نوتيلا فتحتها لقيتها ما مليانه كده لكن فيهاو قمت بيها اعمل شنو اول مره والله خليت العلبه زي المغسلنها😂💔 ورميتها في السله طلعت وانا بلحس اصابعي ما اكلتها بالملعقه طبعا انطقشت بوائل عاين لي قال لي دقيقه اكلتي النوتيلا حقتي😨💔 بقيت ارجف من طولي و غلبني اعاين ليه مشى فتح التلاجه و انا وقفت في باب المطبخ قال لي اكلتيها صح؟؟ قلت ليه انا..انا..انا.. اسفه و بقيت ابكي😭 قلت ليه خلاث برجعها ليك علبه كامله مع اني لقيتها نص قعد يضحك قال لي متخلفه دي بس كنت دار اشوف ردت فعلك و لقيتك خوافه و هبله عاينت ليه و اول مرة الاحظ ليه🙈 قلت ليه يعني ما زعلان؟؟ قال لي ابدا دا شي ما بزعل(والله دي كان انا كان عملت حرب عالميه تالته🌚💔) عاين لي و ابتسم و مشى🙈💔 انا تاني توبت لو دخلت لي شي في خشمي من هنا قربت تجيني جلطه😂...

مرت سنتين و نحن مع خالتو اسمهان و لدها و انا نزلت مدرسه و حاليا في تانيه ثانوي ت الحمد لله دايما متفوقه بمشي المدرسه و بعدها برجع و اساعد امي و امتحنت و لسنه تالت و الحمد لله ما قاده لي ماده في يوم كده عمو خالد اتصل لامي و قال ليها انه صافيه نجحت و قدمت لجامعه السودان و شالوها بالفرحه بقيت انطط 😍💔 وقال ليها انا ما كنت موافق لكن دي رغبتها و يا اختي عشان بخاف عليها من بنات الداخليه الكعبات و الصحبه الكعبه عايزها تقعد معاكم لو ما عندكم مانع و مصاريفها معاها يعني ما ح تتعبكم قالت ليه العفو يا اخ خالد بس البيت ما حقنا لازم نستاذن من سته و احدثك و بتك صافيه زي بتي و حبابها عشرة و نشيلها في عيونها والله بس لازم نطلب اذن ست البيت قال ليها تسلمي و في انتظارك و فعلا من محلها مشت لخالتو اسمهان و حدثتها و خالتو ابتسام وافقت😍😍 عسل المرة دي ياخ و امي كلمت عم خالد انا الفرحه ما سيعاني و اخييييرا ياخ صااافيه زاتها😍😍💃قالو لي ح تجي بعد اسبوع كده المهم الاسبوع عدا و انا بعد يووم يووم يوم جيتها مشينا جبناها من شوفتها نطيت في رقبتها لمن اتخنقت و لونها راح الا قرصتني في بطني حتن فكيتها😂💔 لمن وصلنا البيت بقت عامله  كده 😨 قالت لينا شكلكم كده  سرقته بنك قلت ليها ابردي يا هي دا نحن شغالين فيه تعالي نوريك بيتنا دخلنا قالت لينا مااشاء الله و سبحان مغير الاحواال مشيت جت ليها اكل وقامت صلت و جاات نااامت امي قالت لي انا امشي احضر الغداء و انتي خليك معاها قلت ليها سمح و مشت انا شغلت التلفزيون و جبت زي الوان لقيت مسلسل مكانك في القلب هو القلب كله المسلسل دا عبييييط و الاخرجه برضو عبيط غيرت القناة طوالي و مشيت ام بي سي بولويود فيلم تايغر شغال قعدت احضر فيه و نووومت صحيت مع المغرب كده لقيت فلانه ديك لسه نايمه انا قلت البي ما تبقى ماتت و وبقيت اهز فيها وانا عارفه نومها تقيل جريت جبت كوز مويه و جيت و شيوووو رشيتها😂 قااامت نطت في نص السرير و قالت لي الليله يا بت اللزينه ما اخليك اصبري لي بس و انا قمت جاري و هي بوراي مسكتني من شعري قالت لي تعالي هنا والله دخلتني الحمام و تحت الدش و انا حالتي بقت صصعبه😂 قلت ليها ما كده لكن قالت لي تاني ابقي مرة بت ابوك روشيني قلت ليها مرة و بت ابوي جريتها تحت الدش و يلا اتبلبت😂 خليتها هناك و طلعت غيرت ملابسي هي جات شال غيار و مشت استحمت تاني😂بعد طلعت لقتني لابسه توبي قالت لي على وين قلت ليها ماشه البيت التاني قالت لي عليك الله دقيقه بس امشي معاك اشوف القصر الجمهوري دا قلت ليها ارح وطلعنا طبعا هي عندها تلفون جاتها مكالمه قالت لي امشي وانا بلحقكك قلت ليها سمح و مشيت لامي قالت لي وينها صافيه قلت قالت بتجي وراي قالت لي طيب مشيت سلمت على خالتو اسمهان لقيت وائل قاعد جمب التلفزيون و بتكلم بالتلفون شكلها مكالمه شغل لانها كلها ملفات 😂 مالقيت خالتو اسمهان قاعده وائل قال لي امي دي الليله عيانه شويه جاتها نزله قلت ليه سلامتها قال لي الله يسلمك و مشيت لامي جوا قالت لي العدا دي حارساك بالمناسبه قلت ليها جايها ما تضيقي دار اشوف الشوم دي مشت وين مشيت لقيتها لسه بتتكلم بالتلفون و المحل ضلمه مشيت براحه براحه لقطت كريعاتي لمن وصلتها قلت ليها وووووويييخ بصووت عالي كده الساعه قالت وااااااااااي ورمت التلفون انا زاتي اتخلعت و قمت جاري😂💔 انطقشت بوائل وديك جات جاريه  شغاله والله ما اخليك و ماشافت وائل زاته لمن قبضتني لبعتني لبيع ياخ قلبي جاء في طرف لساني😂💔

تاابعوني🐸💔

الحلقة 6

 عشقته وانا خادمته💜

من تاليف:- ميعاد عبيد

صافيه عاملاني دلوكه و بتلبع فيني وانا بقيت اكورك اااامي اااامي امي حات طالعه قلت ليها الحقيني مسكت اي وحده من اضانها و قالت لينا ما عايزه اشوف خلقه وحده فيكن هنا طيرن امشن االبيت تاني اي وحده خشمها عندها و طلعنا نحن ساكتين ماشين على بيت طبزت صافيه في صحفتها الساعه القالت واااي ما تشوف الا التراب وراي جريت خليتها😂 مستحيل اخلي حقي دي خلت ضهري دلوكه انصاف مدني طبعا وائل شاف دا كله و ما خلا ليه ضحك لوراء😂 جات صافيه قالت لي يا بت هوي قلت ليها خير قالت لي انتي الولد المزة دا منو قلت ليها ياتو ولد قالت لي اخضراني كده قلت ليها اااا قصدك وائل؟؟ قالت احي منه و من اسمه🤤قلت ليها هوي ما تنبرشي لي هنا انا انبرشت اول مرة تاني بقى عادي و انتي برضو ببقى ليك عادي قالت لي ياخ الولد انضف من لساني دا🤤قلت ليها انتي فيك شي نضيف؟؟ قالت لي انا انضف من وشك دا🌚👊 قلت ليها امممم قالت لي ياخ جعانه قلت ليها تعالي ارح نمشي ناكل مع امي و اوريك خالتو اسمهان قالت دي ست البيت؟ قلت ليها اااي ارح تاني رجعنا لقينا وائل بتكلم بالتلفون اوختنا دي وقفت و لصقت في محلها شوف عيني ريالتها سالت😂😂 اديتها طااخ في ضهرها لمن وائل اتلفت علينا قالن لي انعل ابو شكلك ياخ مالك قلت ليها اح مش قلتي دايره تشوفي خالتي اسمهان قالت لي اي ارح و مشينا قلت ليها خوووتك تاني لو عاينتي ليه بفضحك طوالي قالت لي احشي قدومك دا😑👊 مشينا المطبخ على حظنا لقيت امي ماف طوالي صافيه فتحت التلاجه شافت علبه نوتيلا شالتها دار تفتحها لحقتها قلت ليها ههييي يا يمه ختي الشي محلها ما تجيبي لينا بلوة قالت لي كيف قلت ليها ختيها بس دي حقت وائل المرة دي بقتلني🥺 قالت لي بلا وائل بلا طياره معاك شلتها منها قلت ليها طياره توديك سقط لقط و ما يلقوكك قفلتها و ختيتها محلها قلت ليها في فول اديك🌚قالت لي احشي قدومك دا ياخ😭👊 قلت ليها ارح طيب لخالتو اسمهام نشوفها مشينا ليها لقيت امي معاها سلمنا عليها و اتعرفت علي صافيه اتونسنا معاها و بقت كويسه الحمد لله و طلعنا كلنا خليناها ترتاح قلت لي امي يمه انا جعانه قالت لي تعالي اكليني بالله🐸 (غايتو يا امي البسالك دا ما بستخير نهاي😂) قالت لي الاكل هناك امشوا اكله قلنا ليها طيب و طلعنا في غرفته فوق قاعد قدام اللابتوب و مره مره ياخد ليه سرحه و بتزكر لمن جاء سمعهم و هم في المطبخ و كانت بتشاكل في صحبتها عشان النوتيلا حقته و يتبسم و بتزكر في ملامح وشها البرررئ و عيونها البنيه و لون سمارها و صوتها و الليل كله بفكر فيها...

مرت الايام و انا نزلت المدرسه و صافيه نزلت الجامعه انا نزلت ادبي لانه مالي في الفيزياء و الكيمياء طوالي قااداهم🌚👊 والانجليزي دا كما صافيه ما كان عرفت التدعكني قضينا السنه و جات الامتحانات النهائيه بتزكر يوم امتحان الجغرافيا جاء صعب و من طلعت من الامتحان ببكي و قافله معاي جاء صعب شديد بكيت لي جنس بكاء لانه ماده كريه ياخ😑👊 و انا داخله على البيت سمعت وائل ناداني مسحت دموعي مشيت ليه قال لي مالك بتبكي قلت ليه مافي حاجه قال لي كيف ماف حاجه و انتي عيونك ورمانه من البكاء في شنو و انا تاااني انفقعت بالبكاء تاااني قال لي يا بت في شنو مالك قلت ليه الامتحان جاء صعب و انا ما اشتغلت حاجه فيه و اكيد ح اقده😭😭قال لي قولي بسم الله و صلي على النبي قلته ليه عليه الصلاه و السلام قال لي ما بترسبي انا متاكد قلت ليه انا ما شغاله فيه شي لكن قال لي خلاص يلا انتي دا ما تشتغلي بيه و انسيه و شوفي البعده و اقري كويس عشان تعوضي حق الجغرافيا الحقاره الخلت الوش الحلو دا يبكي وانا اها🙈🙈🙈 قلت ليه حاضر قال لي يلا امشي غسلي وشك و اقعدي اقري قلت ليه انت نادتني لشنو كان قال لي كنت دار اقول ليك امي قالت عايزاك تغسلي ليها كم توب كده لكن خلاص خليهم بجيب حبشيه تغسلهم قلت ليه لالا بغسلهم هي مقعدانا لشنو مش عشان نخدمها ؟؟ مشيت غيرت هدومي و لبست توب و طلعت ليها سلمت عليها قالت لي كيف الامتحان قلت ليها كعب ما سمح قالت لي عوضي في البعدو قلن ليها ان شاء الله قالت لي عندكم قاب و لا ما عندكم قلت ليها عندنا يوم بس قالت طيب بس في كم توب كده غسليهم لي قلت ليها حاضر ادتني التياب و مشيت قعدت اغسل فيهم امي جاتني ودا الخايفه منه قالت لي اها عوستي شنو قلت ليها كسرة قالت عارفاك انا بالك دا بتختي وين لمن تقري(كسره اشتغلت زي الزفت و القراصه اشتغلت سمح شديد و الفطير نص نص😂) قلت ليها يمه والله قريت لكن الامتحان جاء صعب قالت لي مالو؟؟ جابو حاجه من برا المقرر الصعب شنو انا سكت ساااي بعد انتهت من غنيتها دي الحفظتها بعد اي امتحان صعب مشت و خلتني انا تاني بقيت ابكي ياها العاده😂جاء وائل قال لي كلام امك دا اعتبريه مكالمه و رفضيتها و انسيه بس قلت ليه متعوده اصلا لكن كلامها صاح انا ما بقرا كويس قال لي اممم طيب هاكي دي و مده لي علبه نوتيلا قال لي الشوكلاته بتقوي الزاكره سكتها ساااي قال لي هاكي يا بت و مسك يدي و ختاها لي قلت ليه شكرا ما قصرت قال لي ماف شكر بينا و مشى انا البسمه للضرس😂فرحانه لكن ما عشان النوتيلا😂😂تميت غسيلي داك غنى و رقيص بعد خلصت ختيتها في التلاجه و مشيت بيتنا لقيت صافيه قاعده شكلها يا دابها جات طبعا متحممه انا كالعاده بالغسيل قالت لي شكلك كنتي بتغسلي قلت ليها اااي خشيت استحميت و رقدت نووومت صحيت مع المغرب صليت مالقيت زول مشيت هناك لقيت امي و صافيه قاعدين امي عملن الشاي قالت لي انا طالعه لاسمهان و انتن خليكن هنا قلنا ليها سمح بعد طلعت انا فتحت التلاجه شلت النوتيلا و اخوتنا ديك تعاين ساي و بقيت اكل قالت لي مش قلتي بتاعت وائل؟؟ قلت لي اااي لكن قال لي انتي تاكلي و ما تدي زول و مديت ليها لساني طبعا خشمي مجربن😂قالت لي جيبي الزفت دي بلا انتي بلا وائل معاك قلت ليها اختيني يا زوله جات دار تشيلها قمت جاريه😂و هي وراي شغاله لي لو ما اديتيني بجيك وجع بطن قلت ليها اليجيني مالو قالت لي اصبري يا معفنه يا رمه قلت ليها و برضو ما بديك انطقشت مع وائل و وقعت لقيت معاهو ولد كده لا يقل عنه سماحه😭👊 رفعني قال لي مالك جاريه كده بدون شعور قلت ليه صفو دار تشيل مني النوتيلا حقتي قال لي هههههه امشي جوا و اتفاهموا ما تجري كده تاني حسيت بنفسي و يا داب انتبهت للولد لقيته يعاين لي و يتبسم ساي قلت لوائل سمح و رجعت لقيتها واقفه و بتعاين ليهم ساي قلت ليها خلاص بس بديك ملعقه قالت لي ديل براهم نوتيلا ياخ اديتها طاااخ كده لمن صرخت و خليتها مشيت و جات وراي الولد مع وائل قال ليه العسل دي منو وائل قال ليه ما يخصك جينا لشغل تعال نخلصه و دخلوا و صافيه كملتها لي😭 المهم بعد دا صليت العشاء و طلعت اقرا برا جمب بابنا لانه جوا السجم دي مشغله التلفزيون و انا بقرا كده في واحد قال لي سلاام رفعت راسي عاينت ليه لقيته....

تابعوني و اراكم🌚💜

الحلقة 7

 عشقته وانا خادمته💜

من تاليف:- ميعاد عبيد

رفعت راسي لقيته دا صاحب وائل قلت ليه و عليكم السلام و تاني عاينت لكتابي و كنت بقرا في التفاضل و في مساله غلباني قدر ما قلبتها الناتج ما بجي صاح قال لي ممتحنه ولا شنو قلت ليه ااي قال لي المساله دي ساهله قلت ليه غلبتني والله ما عرفت ليها مع انه الاستاذ شرحها قال لي انا بشرحها ليك قلت ليه تسلم ما بتقصر جبت ليه الكرسي و كان دار يقعد الا وائل جاهو قال ليه يا عمر محمد ضرب لي و قال ليك تعال مستنيك في.......... قال ليه مالوا ما ضرب لي قال ليه قال تلفونك ما بخش معا قال ليه طيب عاين لي و قال لي معليش والله زي ما سمعتي قلت ليه لالا عادي ماف مشكله ولت يهمك قال لي يلا نتلاقى مرة تانيه و فرصه سعيده و عمل لي كده😉 و طلع عاينت لوائل قال لي كمان جايبه ليه كرسي عشان يقعد معاك؟؟ قلت ليه فيها شنو كان داير يشرح لي المساله قال لي عادي عندك اي ولد يقعد معاك؟؟ انا طوالي شلت كتابي قلت ليه لا ماعادي عن اذنك و دخلت جوا اتمليت منه مشيت لصافيه لقيت بتقرا عندها امتحانات برضو شرحت لي المساله و راجعت اتزكرت ملابس المدرسه وسخانه غسلتهم و رقدت نومت صحيت مع الاذان الاول صليت الرغبيه و صحيت صفو معاي و قعدنا نقرا لبعد الصلاه كده رقدنا نمنا ما صحينا الا الساعه ١٠😂 لقيت امي ماف سوت لينا الشاي شربنا و انا فتحت التلفزيون قعدت حضرت اسبيستون صافيه قالت لي ما بنضف براي قمت جبت مزيكا و رفعت الصوت و يلا بقينا ننضف و نغني جات غنيا لكرول سماحه سهااارنين ياخ دي اشتغلنا دستور فيها😂😂يعني حتى الايقاع ما بخلي شعرة ثابته في جسمك و نحن نغني تقريبا صوتنا طلع الشارع انا فاكه شعري و ولابسه لي بجامه و رابطه لي طرحه في نصي و صافيه بدل بجامه لابسه جلباب و رابطه طرحه هي تغسل في العده و انا بمسح😂😂 مرقت لي كترت وسخ كله اكياس بسكويت حق السجم يلا عندنا اكياس الوسخ السوداء دي اسبووع كامل حتن الكيس يتملي مشيت خاتينه جمب الباب برا المهم لميت وسخ الحيوانه دي و مشيت ارمي برا و ناسيه روحي كنت بغني و بتقدل فتحت الباب و ختيت الوسخ في الكيس رميت الوسخ اتزكرت نفسي مارقه كيف دخلت طوالي😂😂 انتهينا من النضافه صافيه قالت لي ارح بهناك عند امك قلت ليها ما ماشه عندي قرايه قالت لي مالك كنتي بتجري ليه زي العقرب طوالي مالك احكي لي قلت ليها ماف شي قالت.....

الحلقات قصيرة لانه دا فيس لايت

تابعووني☺💜

الحلقة 8

عشقته وانا خادمته💜

من تاليف:- ميعاد عبيد

 قلت ليها شاكلني بلا سبب قالت لي ما بكون بلا سبب حكيت ليها قالت لي اممم شكله بغار قلت ليها صفو احشي قدومك قالت لي ارح ياخ شيلي كتابك معاك انا زهجت قلت ليها سمح ومشيت معاها لقيت امي قالت لي الليله مالكن قلنا ليها ماف شي بس نومه و جرت😁 قالت لينا الفطوور قلت ليها انتو ما فطرتوا قالت لي اسمهان فطرتها و وائل طلع قبل شويه قال بفطر برا و انا استنيتكم بوستها في خدها قلت ليها تسلمي لي فطرنا و غسلت العده و قعدت اقرا و مرة اتونس غايتو قضيناها كده لحدي العصريه كده قلت لصفو ارح البيت قالت نمشي نعمل شنو قلت ليها انتي ما عندك جامعه بكرة؟؟ و عبايتك وسخانه قالت لي ما غسلتيها؟؟😨قلت ليها لع و اغسلها لشنو بتدفعي لي؟؟ قالت لي يا حيوانه انا ما قاعده اغسل ليك؟؟ قلت ليها بتشيلي مني حق الاندومي😑👊قالت لي يخسي عليك يا معفنه قلت ليها ارح ارح قالت لي ريوو قلت ليها خير قالت لي انتي ماشه عشان دي مواعيد رجوع وائل مش؟؟ قلت ليها لا قالت لي اللوايه خلي هبلك دا انتي زي المواعيد دي لو قالوت ليك امشي الحته الفلانيه و بنديك مليار ما بتمشي عشان عارفه ح يجي و يسلم و يطلع سكت سااااكت(المعفنه طلعت مرقبانيو كاتمه😂😂👊) قالت لي يا بت هسي كلامه القالوا ليك دا ما بزعل دا ناتج من غيرة بس قلت ليها صفو خليك واقعيه و ما تنسي اني بس خدامه خداااامه و هو البدفع لينا انا و امي فشنو حتى لو بحبه و بموت فيه ما ح يفرق شي فشنو اقفلي الموضوع لهنا قالت لي لو بتحبي؟؟ انتي حبيتي و خلاص وقعتي قلت ليها انعل شكلك ياخ و طلعت خليتها هناك و مشيت البيت و قعدت ادرس لحدي المغرب كده صليت و اخوتنا جات خاشه قالن لي ارح الشاي قلت ليها ما دايره اكلت هسي قالت لي طيب لمن تجوعي و جات تقرا قضيناها كده و ماف وحده مشت بهناك تاني اليوم التاني صحيت و استحميت و صليت ولبست و طلعت الشاي ما شربته المدرسه ما بعيده وصلت المدرسه دخلت لقيت مفضل زي نص ساعه كده للامتحان راجعت مع وحده اسمها نعمات كده معاي ظريفه كده و جنها ضحك المهم راجعنا و دخلنا الامتحان غايتو جنس محن😂بخور زي البخور بعد الامتحان طلعنا ولاد على بنات الكراريس و البخور كله شرطه الشارع الواطه ما بتشاف بالورق يلا جوز جوز🌚 الامتحان كان عسل و كلنا مبسوطين😍 وصلت البيت بس فتحت باب السور كده لاقاني وائل في وشي قال لي الامتحان كيف قلت ليه الحمد لله و مشيت ناداني وقفت جاني قال لي زعلانه قلت ليه من شنو قال لي عشان اول امس رفعت صوتي عليك و قلت كلام ما المفروض اقوله قلت ليه عادي و لا يهمك☺ قال لي ريو (شفته دلوكه انصاف مدني ديك بس دا قلبي اشتغل زيها😂😂) قلت ليه نعم قال لي انتي ما خدامه و اوعى تفكري بالطريقه دي تاني و انتي ت امك الله يعلم اغلى الناس على قلبي انا مدنقرة و ما رفعت راسي نهااي و قلبي دا حسيته سوا ليه جنحين و طاااااار🕊🕊قال لي و بعتزر تاني لانه قللت احترام معاك بس انتي بتفوري الدم قلت ليه وانا عملت شنو قال لي لسه ما عارفه قلت ليه لا والله قال لي كلام صفو صدقيه و مشى خلاني انا زاقفه في محلي قريب نص ساعه😂😂بستوعب في الموضوع مشيت لصفو لقيتها ما جات لسه و قعدت احرس و ارجاء فيها لمن زهجت مشيت لامي قعدت اتونس معاهت قالت لي امشيي  اسمهان و جيبي صينيه الفطور من قدامها قلت ليها كويس وطلعت وانا ماشه لاقتني بت كده تقول شارده من الجنه🤤عسسسسسل الشعر المفكوك و اللبنطلون الضيق سمحه لكن لبسها كعب😂 عاينت ليها و مشيت نادتني قالت لي انتي منو قلت ليها شغاله هنا جاء وائل قال لي دي هيفاء بت خالتي مديت ليها يدي سلمت علي بطرف اصابعها انا قلت دي مالها المخلوعه دي😂😂 عاينت لي من فوق لتحت و مشيت (حقي ما بخلس اصله😂😂) مشيت طلعت سلمت على خالتو اسمهان و اتونست معاها و جيت نازله امي قالت لي مشيتي البحر انتي؟؟ قلت ليها امممم قالت لي غسلي العده قلت ليها سمح و قعدت اغسل فيها بعد انتهيت زهجانه شغلت التلفزيون جبت اسبيستون لقيت دراغون بول شغاله قعدت احضر فيها جات هيفاء قالت لي هي انتي خدامه و لا ضيفه؟؟ عاينت ليها بطرف عيني و ما اشتغلت بيها قالت لي قومي برضو ما سالتها قالت لي انتي ما سامعه ؟؟؟ قلت ليها تسمعي الطرش ما قايمه مالك انتي بقت بتعاين لي كده😳😳 قالت لي خدامه و قليله ادب قلت ليها ما خدامه تحتك لمن اكون شغاله تحتك تعالي اتلاتحي معاي كده جات خالتو اسمهان نازله جات قعدت جمبي قالت لي ريووو عطشانه جيبي لي مويه قلت ليها من عيوني قالت لي تسلم عيونك هيفاء قالت لي وانت عايزة كبايه عصير عاينت ليها ليقيتها تتبسم ساي نظام فزت عليك و كده قلت ليها بوريك يا معفنه عملت العصير و جبت معاي المويه لخالتو اسمهان اديتها ليها و لمن جيت ادي هيفاء العصير كبيته فيها عينك عينك كده خالتو اسمهان بتعاين و ما منتبه لي ورميت الكبايه نظام ما قاصده اكوبه فيها الساعه هيفاء صرخت و قالت دا شنو دااا و قامت عايزة تديني كف...

تابعوني😉💜

الحلقة 9

عشقته و انا خادمته💜

من تاليف:- ميعاد عبيد

هيفاء صرخت و قالت دا شنو دااا و قامت عايزة تديني كف جاء وائل مسك يدها قال ليها اوعك تاني مرة تمدي يدك عليها و جدع يدها هنااك😂😂و انا واقفه مخلوعه انا كنت عايزة ارجعه ليها كفين بدل واحد بس عاارض ياخ😒👊 طبعا بتعاين مخلوعه و خالتو اسمهان حسستني زي الكانها بتحضر في فيلم اكشن 😂😂 هيفاء قالت ليه انا يا وائل تقول لي كده عشان وحده خدامه جايه من الشارع خالتو اسمهان قالت ليها هيفاء الزمي ادبك عليك دا ما اسلوب تتكلمي بيه قالت ليها يا خالتو ما شفتي هو عمل شنو قالت ليها شفته و انا كما هو عمل كده انا كنت ح اعمل كده قالت ليهم كويس غلطانه انا البجيكم شالت شنطتها و طلعت و انا من جوا خلوني بالنيه ما فضل لي الا نضم فيهم الاتنين و احضنم علي و الله بقيت انطط براي ط😂😂خالتو اسمهان قالت لي خليها ما تشتغلي بيها بت وحده عند امها و مدلعنها قلت ليها لالا عادي و انتو ما قصرتوا معاي مشكوورة و مشيت دخلت المطبخ لقيت امي قاعده جات جرتني من اضاني قالت لي يا هي نحن جينا هنا عشان نلقى لقمه عيشنا مش عشان نخرب بيوت ناس فاهمه؟؟انا شفت الدراما البرا دي كلها و اختصر اقولك بوشك و على البيت طوالي و ما اشوف خلقتك دي تاني هنا فاهمه و انا خلاص دموعي رقرقن😢😢قلت ليها يمه لكن..قالت لي بلا يمه بلغ زفت معاك يلا غوري من قدامي و طااخ ادتني بالفراكه في كرعي ساعه قلت اخخخخخخ جاء وائل خاشي و انا دموعي بقت محيطاات😭😭قلت ليها يمه والله ما قاصده اعمل كده لكن البت حقارة قالت لي حقارة و لا ما حقارة نحن ما عندنا شغله بيها انتي خدامه يا ريان خدامه هنا فشنو تمسكي ادبك عليك و البقولوا ليك تعمليه و خشمك ساكت فاهمه؟؟قلت ليها ف...وائل قال ليها يعني يا خالتو نحن ما معتبرنك خدامه و لا شغاله تحتنا و انا و الله و الله ما بفرقك من امي نهاي انتي و بتك غالين عندنا و الله و هسي ريو ما عملت حاجه غلط نهاي (انا عامله غلطات مش غلط😂😂) براها هيفاء مكبره الموضوع و تاني ما اسمعك قلت اني خدامه او شغاله عندنا قالت ليه يا ولدي كيفن يعني كده...قال ليها براك قلتيها يا ولدي و انا معتبر نفسي ولدك و ماف ولد امه شغاله خدامه تحته سكتت ساي و الدموع نزلن من عيونها قالت ليه الله يديك العافيه و يديك الفي مرادك مع مرادك دا بقى بعاين لي و انا لسه ببكي و قال اميين انا في نص الدموع ديك بقيت اتبسم(ااي عارفه خفيفه و لفيفه 🐸👊) و طلع خلانا هنا قلت لامي ماشه لصفو تكون جات قالت لي غوري😑(اخخخخخ منك انا يا يمه😂😂) مشيت فعلا لقيتها قاعده قالت لي كنتي وين انتي جيت حكيت ليها الفيلم كله لحدي ما جيتها هنا قالت لي اخخخخ لكن من وائل و سماحه و ائل و فهم وائل....لوووووت اديتها في ضهرها قالن لي اصبري يا بت الكلب الليله ما اخليك و في النهايه قبضتني و لطشتني😂😂 قضينا يومنا ع كده جات امي بليل كده كانت مصدعخ قلت اجيب ليها بندول من الصيدليه قريبه مننا علما انه دي اول مرة اطلع بليل من البيت يلا المهم و صافيه كانت بتقرا فقلت امشي اجيبه و اجي و فعلا طلعت في امانه الله اشترتيت البندول و انا جايه في الشارع سامعه لي لي زوت حاجه بوراي يلا ما اشتغلت بالموضوع يلا الصوت كله ما ليه يقرب اكتر قلت كدي النعرف دا شنو قبلت اشوف شنو لقيت لي كلب قدر الخروف و اللسان المطلعه دا انا ممكن عادي اتزحلق فيه😂 يلا اسود و كملت بعاي ههف نبح عاد تاني ما شاف الا تراب وراي و قام جاري وراي😂طبعا خليت باب السور فاتح ع اساس ما ح اتاخر و كده و انا الغبيانه بدل اخش جريت و خليت البيت وراي فتوا المهم بلفلف و جاري و الكلب حلف كان يقيف لفيت تاني جيت بيتنا دخلت جوا و الكلب خشا معاي انطقشت مع وائل وقعت قمت سريع سريع مسكت فيه وبس بقيت اشهق بالبكاء هو شاف الكلب جاي شال ليه عصايه و بقى يهاوش في الكلب لمن طلع وانا اصلا بركت في واطي دي و بقيت ابكي 😭😭 جاء قعد جمبي قال لي خلاص فات يا بت بطلي بكاء قلت ليه ا..انا..ك..كنت ماشه..ا...ا..اجيب بندول ليمه ع..ع..عشان مصدعه..قال لي هشششش خلاص كان تقولي لي انا قلت ليه ما قدرت اجيك و صفو بتقرا قلت امشي براي قال لي دي اخر مرة تطلعي برا كويس؟؟ هزيت ليه راسي بمعنى نعم قال لي فالحه انتي و مسح لي دموعي و قال لي يلا ع النوم (متخيلين المنظر معاي😂😭👊) وانا كرعي واجعاتني من الجري و يا الله يامين وصلت بيتنا اديت امي البندول و رقدت طوالي لكن قلبني انا انوووم كيف لكن🥺👊 (عياااان ما بنوم انا قلبي اشتغل بالهموم💃🏽💃🏽)نومت وحده على ما اعتقد صحيت تاني صليت الصبح ورقدت نومت تاني لمن صحيت لقيت صافيه طلعت و امي ماف لكن عامله لي الشاي شربته ووفتحت التلفزيون لكن كرعي اتعقلن عديل انا اخر مره جريت كده كان ابوي الله يرحمه زاكيني عشان كنت خنقت لي جداده 😂😂 بحضر نهاي ما مشيت بيغادي و صافيه جات قالت لي غريبه مالك بهنا طبعا حكيت ليها الحصل كله و بقت تويوي😂😂 قالت لي وائل دا حباك قلت ليها ما اظن يحب وحده زي كده شغاله عندهم قالت لي.....

المتابعه و صلاتي عليك يا حبيب الله😍💜

الحلقة 10

 عشقته وانا خادمته💜

من تاليف:- ميعاد عبيد

قلت ليها ما اظن يحب وحده زي كده شغاله عندهم قالت لي يعني شنو شغاله عندهم انتي محسساني انك رجل الي ما انسان كل مرة تقولي شغاله عندهم شغاله عندهم قلت ليها خلاص اقفلي الموضوع دا قالت لي نشوف اخرتك شنو اقعدي اعملي كده لمن تجي بت تخطفوا منك و اولهم انا😌قلت ليها بقتلك طوالي قالت لي شوفتي بتحببيييه قلت ليها افرضي بحبه قالت لي افرض؟؟😏قلت ليها خلاص بحبه اها لكن يعني ح يكون من طرف واحد الحب دا فشنو انسي و خليني انسى بس قالت لي انا حاسه نفسي بتكلم مع بهيمه ما زول ستينك ياخ قلت ليها جعانه اعملي لينا فطور قالت لي اتشطفي و ارجيني انا جايه فاااطرة قومي سوي فطورك براك قلت ليها حرام عليك انا كرعي واجعتني قالت لي و انا اعمل ليك ايه قلت ليها بت لزيينه الله لا جاب عقابك خليت الفطور ورقدت نووومت صحيت لقيت نفسي عرقانه و صيداني حمه لمن دمي بجوا يغلي و خشمي حاسه بيه ناشف حتى شفايفي ناشفات جات صفو قالت لي صحيتي؟؟ انا سويت ليك الفطور بدري و لقيتك نايمه قومي اكلي قلت ليها ما دايره عاينت لي قالت لي مالك عرقانه كده و المكيف شغال جات هبشت جبهتي لقتني مولعه نار بس عملت لي مكمدات و طلعت لامي امي جاات و جاء معاها وائل و الحمى لسه ما نزلت امي لبستني عبايه و جيت دار امشي غلبني اقيف امي و صفوا سندوني عليهم وائل مسكني منهم و سندني عليه وانا اقع و اقوم ساعه زهجته و ابيت امشي شالني🙈🙈 وركبنا العربيه و اقرب مستشفى فحصوا لي قالو ملاريا دار يدوني حقنه قلت لي الدار يطعني ولاا تفكر مجرد تفكير قعد يضحك ساااي المهم لمن جاء يطعني بقيت اصرخ مااا تقرب مني قلت ليها وااااااااي يمه الحقيني انا كويسه ما عيانه😭😭 امي طلعت عارفه الجرس حقتي دي😂😂 وائل واقف جمبي و كان لابس جلابيه بس مسكت فيه قلت ليه ما يطعني قول ليه ما يطعني قال لي ريوو كما انطعنتي ما بتبقي كويسه قلت ليه لع انا كويسه ما شايف يعني بس لع ما تطعنووني الراجل قال لي امسكها وانا قمت بس كرعي ما شالوني اترميت تاني في السرير قلت ليه وائل عليك الله ما تخليهم يطعنوني و بقيت ابكي ابكي شنو اجعر عديل😂😭😭 قال لي هي بارده ما تبقي جرسه كده المهم لمن جاء يكتفني كان شبه حاضني عليه و راجل مسك يدي و خته الحقنه و دخلها فيني و انا صرخت واااااااااااااي لمن امي جات خاشه😂😂 الراجل قال لي والله انتي الشفع اخير منك عاينت ليه كده😒😒😒و سكت ساااي امي جاتني قالت لي انتي كل ما تمرضي تسوي لينا فاضيح قلت ليها انا قلت ليك جيبوني المستشفى؟؟؟براكم جبتوني عاينت لي وائل لقيته بحك في اضانه قال لي ياخ انتي عندك حس قديتي لي طبله اضاني قلت ليه تستاهل قلت ليك ما تخليهم يطعنوني يلا صفو ما خلت ضحك لوراء قلت ليها بلاهن يا حيوانه👊وائل قال لي شوف عيني دي شفت لي شافع يضحك عليك قال لي امه عايني عايني قلت في نفسي واااي انا جرسه للدرجه دي😢😢💔 لمن بقوا يشغلوها لي بقيت ابكي قلت ليهم اسكتوا مني بس😭😭امي قالت لي خلاص اتحشي و طلعنا البيت لقيت خالتو اسمهان حارسانا في البيت قالت لينا قالوا ليك شنو وائل قال ليها  ملاريا و بقى يحكي ليها عن الدراما العملتها هناك قلت ليها يا خالتو ما تصدقي كذاب😢😢 قالت لي اي ما بصدقه انتي بتعملي كده وبقت تضحك و هو بضحك معاها بس خليتهم و مشيت جاء لاحقني قال لي ريووو و مدا لي كيس الادويه قلت ليه شكرا قال لي انتي اصلا كده قلت ليه كيف قال لي يعني من الحقن و.... قاطعته قلت ليه انا قاعده اخاف من الحقن لو لقتني واحده واقعه ساكت في الواطه ما برفعها قال لي امممم بالجد شافعه سكت ساااكت و دموعي نزلن(حاجه بايخه ياخ لمن تخاف من حاجه و يقولوا ليك شافع) قال لي هي هي هسي مالك بتبكي خليته و مشيت جاء لاحقني قال لي خلاص خلاص معليش انتي ما شافعه خلاص و مسح دموعي قال لي الزول ما يهظر معاك قلت ليه لع حاكاني و قال لع بقيت اضحك في نص دموعي قال لي ااي كده سكت ساااي قال لي شافعتي عسوله اصله عيني دي ما رفعتها اعاين ليه بس بقيت اتبسم سااي🙈🙈 قال لي يلا انا طالع قلت ليه وين قال لي عندي شله كده ماشي ليها قلت ليه اممم قال لي امشي ولا لع قلت ليه على كيفك قال لي لالا انا دار اسمع كلام شافعتي امشي ولا لع قلت ليه امشي قال لي اهااا يعني ما دايراني اقعد معاك و تتونسي عاينت ليه قلت لالا ماكده انت عايز تمشي وانا قلت ليك امشي قال لي هههه فاهمك انا يلا خلي بالك من نفسك و حبوبك في وقتها تبلعيها قلت ليه سمح قال لي سمحه انتي يا شافعتي و طلع🙈🙈جات صفو قالت لي يا شافعتي عاينت ليها كده😒 و سكت منها قالت لي قبيل منظركم حلو ياخ و هو حاضنك و الدكتور بطعن ليك في الحقنه قلت ليها هو دا دكتور بالله دا ممرض بس جات ورتني الفيديو المعفنه صورتنا فيديو يعني بالجد انا جرسه😂😂قلت ليها تمسحي هسي دا قالت لي ولا في احلامك يا معفنه و هاك الاكل دا اتسممي عشان تبلعي حبوبك قلت ليها ما عايزة بقت تكورك لامي قلت ليها خلاص خلاص باكل قالت لي ناس ما بتجي الا بالعين الحمرا😏 قلت ليها حيوانه قالت لي.....

تابعوني و الصلاه على الحبيب المصطفى😍💜

الحلقة 11

 عشقته و انا خادمته💜

من تاليف:- ميعاد عبيد

قلت ليها حيوانه قالت لي اقسم بالله اناديها قلت ليها خلاص قاعد اتسمم قالت لي سريع و ابلعي حبوبك دي اكلت و بلعت الحبه و رقدت نومت مرت الايام عااادي و بقيت كويسه الحمد لله في يوم انا داخله على بيت ناس وائل لاقاني واحد كده حلللللبي و الشعر دا سبيبه و جويل و عريض كده انا قلت دا ما سوداني ولا حاجه🤤👏🏻 غايتو فحصته زيين و دخلت المطبخ جات صفو مسكتني قالت لي شفتي شفتي ال.... قلت ليها شفته ااي قالت لي واااااااااي و تااااني وووواي من جواي و شغاله بايديها و كرعيها 😂 ما اشتغلت بيها مشيت الصاله لقيت امي بتضاير قلت ليها خليها انا بنضف قالت طيب انا ماشه اجهز الغداء قلت ليها خلي الفصيحه ديك تساعدك قالت لي دي جايه عشان تقرا و بس ما جايه شغاله هنا و مشت انا بقيت بضاير و بغني في غنيه احمد امين عادي بتحصل زولك يزهج و فجاة يسيبك و عادي بتحصل بين اعداءك تلقى حبيبك✨💜 خلصت حسيت نفسي زهجانه و قافله معاي ما عارفه من شنو قلت لامي ماشه الحديقه البوراء شلت تلفون صفو معاي مشيت قعدت في النجيله و شغلت سورة البقرة بصوت شيخ الزين✨💜(لمن تكوني زهجانه او زعلانه او حاصله ليك مشكله ما بنصحك تسمعي اغاني دي بتقلب عليك زياده لكن اسمعي قران دا بريحك نفسيا✨💜) بقيت بسمع فيه لمن لقيت نفسي نمت😴💜 جات صفو صحتني قالت لي قومي الغداؤ قلت ليها ما دايره نعسانه انا اديتها تلفونها و دخلت بيتنا تميت نوومتي صحيت مع العشاء كده مشيت استحميت و صليت و اكلت لقيتهم ماف شغلت التلفزيون و قعدت احضر بعد نص ساعه كده الباب دقه لفحت توب ومشيت فتحته لقيته وائل سلم علي كنت دار اقول ليه اتفضل تاني اتزكرت البيت فاضي قفلت الباب و طلعت معاه برا قال لي الليله وينك من الصباح قلت ليه قاعده قال لي ما شفتك قالت ليه امممم قال لي كيفك قلت ليه كويسه قال لي الحمد لله قلت ليه انت كيفك قال لي كويس بعد شوفتك سكت ساااي قال لي ريوو قلت ليه اي قال لي نتايئجكم متين قلت ليه الاسبوع الجاي قال لي لو نجحتي عندي ليك هديه قلت ليه لشنو مقلب نفسك و... قال لي لا غلبه و لا شي و بعدين الهديه دي بتفيدني انا قلت ليه كيف قال لي لمن يجي وقته و بقينا نتونس بعد شويه بطني تزغزغ😂💜 قال لي جعانه قلت ليه اي عشان ما اتغديت قال لي ليه قلت ليه ما كنت جعانه قال لي طيب  امشي اكلي قلت ليه طيب قال لي ريووو قلت لي اي سكت مسااافه قال لي خلاص خليتك ابتسم ليه و مشيت دخلت البيت و اكلت جات صفو قالت لي انتي صاحيه؟؟قلت ليها يا داب صحيت قالت لي تعالي نقعد برا في الجنينه قلت ليها ارح و طلعنا قعدنا نتونس قالت لي اتخيلي احمد الليله اتصل لي و قال لي انه دايرني اجيه في.... عاينت ليها كده😳😳 قلت ليها كيف يعني تمشي ليه هناك براكم؟؟ قالت لي قال لي كده و انا طوالي قفلت الخط و حظرته قلت ليها اخير ( دا حبيبها من يوم هجمتها داك و التلفون وقع منها هي كانت بتتكلم معاه كل يوم تجي تشكي منه وانا بقول ليها الولد دا فكيه صعلوق و قليل ادب و هي تقول ما بقدر بحبه لكن الليله قطعت الحبل😂👏🏻)قالت لي يومي بفوت ليه عمايله و مرات بشوفه بتونس مع البنات و برضو بفوته لكن المرة دي ايقنت انه واحد ما نافع قلت ليها انا من زمان بقول ليك خليه لكن كلام القصير ما بتسمع🌚👏🏻قالت لي خلاص ما تشغليها لي قلت ليها سمح و بقينا ماشين و ساكتين قالت لي انا نسيت تلفوني ختيته هناك قلت ليها طيب انا بستناك هنا ما تتاخري قالت لي كويس و مشت....

صافيه دخلت البيت شالت تلفونها ولقت التلفزيون شغال قفلته و دخلت المطبخ شكلها كانت جعانه😂 هو في الغرفه جوا سمع صوت كركبه و شكله قايله حرامي قام من السرير و طلع سمع الكركبه في المطبخ مشى اتلبت و براحه شال ليه سكين و قال ليه مكانك صافيه قالت وااااااااااااااي و رمت الاكل من يدها😂 عاينت ليه و هي قايله حرامي وبقت تكورك وااااااااااي حرااامي يا ريان الحقيني و بقت تبكي😭😭 بقى مخلوع في رقبته دي قال ليها انتي منو قالت ليه ما تقتلني وواي عليك الله ما تقتلني رمه سكينه قال ليها اها ما قاتلك انتي منو انا بهناك جيت وجااهزه بعصايتي بس نزلتزفي ضربي قلت ليه اطلع يا حرامي اطلع من هنا و صافيه جات شغاله بيدها ضرب😂👏🏻 جات امي و خالتو اسمهان قالن لينا في شنو قلت ليهم الحرامي الما بخجل دا خالتو اسمهان قالت لي كدي اصبري دا ما حرامي دا ولدي مهند انا و صافيه بصوت واحد ولدك😳 قال لينا اااي ولدها😠😠 وانتن منو امي جات و قفت جمبي قالت ليه معليش يا ولد دي بتي ريان ونحن شغالين هنا و دي بت عمها صافيه قاعده معانا بتقرا قال ليها اهلين يا خالتو لكن بناتك ديل اذني اذاء ياخ امي قالت ليه معليش يا ولدي امسحها لي في وشي وطاااخ ادتني في ضهري و قلت واااااي🤕 صافيه زحت بعيد عارفه الضربه جاياها قلت ليها صبرك علي بس اعتزرنا ليه قال ماف مشكله اسمهان تضحك ساي قالت لينا جنس درامات 😂 قالت ليه جيت بلا خبر مالك قال ليها كنت عايز اعملها مفاجاة قالت ليه تستاهل الحصل ليك دا عشان تاني تكلمنا قالت ليه تعال يلا نمشي البيت و طلعوا ما نمنا بهرج امي فينا الليل كله😂 بعد نامت صافيه قالت لي وانا اعرف انه سيد البيت من وين قالت لي انا زاتي اعرف من وين لكن دقينا دق السرور😂قالت لي اي والله اتكيفت من نفسي شديد😂لكن سفينا التراب بعد الدقه دي قلت ليها اي والله 😂😂 و نمنا على كده الصباح صحيت و صليت و طلعنا كلنا مشينا ننضف خالتو اسمهان قالت لي نضفي الغرفه بتاعت مهند لانه امس نام مع وائل لانها ما نضيفه قلت ليها حاضر طلعت و جيا مارة بغرفه وائل سامعه بتكلم بالتلفون في حاجه قالت ليه اتصنتي 😂😂وفعلا لصقت اضاني مع الباب و بقيت اسمع بقول ليها كيفك حبيبتي.... اشتقت ليك والله......خلاص الساعه ٦ بنتلاقى....... باي حبيبي يلا....

انا سمعت الكلام و طوالي دخلت غرفه مهند و بقيت افكر في السمعته و بالجد كيف كنت غبيه لمن حسيت انه بحبني و اصلا كيف افكر انه بحب وحده شغاله عنده جات صفو قالت لي قالوا لي انك هنا ما رديت عليها و سرحانه قالت لي ريوو مالك يا بت و بقيت ابكي قلت ليها قلت ليك يا صفو ما بحبني و لا ح يحبني😭😭...

متابعه🌚💜

الحلقة 12

 عشقته وانا خادمته💜

من تاليف:- ميعاد عبيد

قلت ليها قلت ليك يا صفو ما بحبني و لا ح يحبني😭😭قالت لي يا ربت مالك قولي بسم الله قلت ليها وائل بحب ليه وحده تانيه قالت لي عرفتي كيف حكيت ليها السمعته كله قال لي ريووو كله لخير و ما تشغلي بالك لو من نصيبك ما بمشي لغيرك يلا يلا نخلص نضافه الغرفه نضفناها و طلعنا ولعت لي بخور و قلت لي صفو تمشي تخته في الغرفه شالته و مشت و انا قعدت في المطبخ......

صفو مشت ختت البخور و هي جايه طالعه لاقاها مهند بس طوالي دنقرت و ما رفعت عينها قال ليها الهواله🌚قالت ليه منو الهواله قال ليها انتي قالت ليه يعني زول رافع عليك سكين و بهذ فيها انت ح ترقص ليه يعني😒 قعد يضحك قال ليها فصيحه كمان قالت ليه هيهيهي و عاينت ليه كده 😒 و مشت دخل الغرفه و شاف الترتيب و النضافه قال ماشاء الله فصيحه و بتعرف تنضف😕😕 ودخل استحمى....

انا في المطبخ جاء وائل خاشي قال لي كيفك قلت ليه الحمد لله وسكت قال لي وينها صافيه قلت ليه طلعت فوق (بتكلم و ما بعاين ليه) قال لي انتي كويسه قلت ليه الحمد لله امي جات داخله سلمت عليه و قالت لي قومي جيبي لي زبيب انتي و صافيه من السوق عايزين نعمل رز باللبن اسمهان قالت نفسها فيه قلت ليها سمح جات صافيه قالت سمعت زول بقول سووق🌚 قلت ليها ارح نجيب زبيب و نجي قالت لي ارح ومشينا بيتنا غيرنا عباياتنا و هي قعدت تتمكيج (دي فرصتها بعد جامعتها اجزت😂) قالت لي تعالي امكيجك قلت ليها ما عايزة كلها خمسه دقايق ونجي قالت لي ماف حاجه اسمها ما عايزة و قعدتني و بدت تمكيج😂الصراحه طلعت حلوة🙈🙈 قالت لي خلصنا يلا و طلعنا لقينا وائل في وشنا قال لي دا شنو العامله في وشك دا قلت ليه شايف شنو انت بقى بعاين لي كده😳 قال لي ريان؟؟ ما رديت عليه قال لي امشي غسلي وشك دا قلت ليه ما ليك دخل بي و اناحرة اعمل و لا ما اعمل و عن اذنك قال لي انا بوصلكم قلت ليه شكرا بنمشي برانا ما عمايا من المواصلات و مشينا صافيه قالت لي اححي خليته خشمه ملح ملح😂😂 قلت ليها حاسه نفسي كترت المحلبيه قالت لي بلا محلبيه بلا سورتيا معاك خلينا نمشي قلت ليها ارح و مشينا....

واقف و بفكر ياربي مالها زعلتها و لا سويت شنو معاها و بقى يتزكر و مالقى انه عمل حاجه غلط معاها قال في نفسه لمن تجي بفهم منها الحاصل و مشى على شغله....

نحن وصلنا السوق واشترينا الزبيب تعالوا شوفوا صافيه الواحده لو عندها زي صافيه دي نهاي ما يباريها في السوق ياخ ورمت لي كرعي بالحوامه😭😭👊 من محل لمحل و بعدا ما بعجبها شي و تمروق فاضيه قالت لي تعالي دا اخر محل نخشه و خشينا و برضو دقت الحنك مع بتاع المحل و طلعت ساي تاني قالت لي تعالي دا وقفت في نص الشارع و قلت ليها قسما عظما انا بعد دا بخنقكك😑😑قالت لي وربي دا اخر محل و خشينا المحل في مكياجات و كده قالت لي ح اشتري ليك مكياجات قلت ليها ما دايرة اي قصفات خارجينا بس الولد القاعد في المحل بقى يضحك قال لي مالك هايجه كده سكت سااااي استلمتوا صافيه دقت الحنك معاه و نقص لينا من سعر الحاجات😂😂طلعنا طبعا اتاخرنا شدييييد يعني للضهر كده حايمين وقفنا للمواصلات كلها مليانه غايتو الخرطوم دا فيه خلق☹☹👊 نحن واقفين كده اشوف ليك صاحب وائل (الكان عايز يشرح لي المساله داك🌚) وقف و سلم علينا وانا نسيته طبعا و بقول ياربي انا شايفه وين شكله دا نهاي ما غريب علي😂😂 بعد تعب اتزكرتوا قال لي اوصلكم ما ح تلقوا مواصلات قلت ليه لال.....صافيه قالت ليه تسلم ما قصرت و طوالي دخلت ركبت☹ قال لي يلا قلت ليه طيب و ركبت غايتو قرصت صافيه قريص😑 لمن وصلنا شكرناه قلنا ليه اتفضل قال لينا مستعجل و مشى داخلين كده شفت وائل واقف و بعاين لينا ما اشتغلت بيه و دخلنا ودينا الزبيب لامي قالت لينا ما كان تجوا بالله😒 سكت اصلا مافيني حيل للنقاش و طلعت لبيتنا امي قالت لي صافيه دي مالها قالت ليها منفسنه ساي دي البورة🌚امي بقت تضحك قالت ليها الله يهديكن و مشت تعمل الغداء.....

انا ماشه على البيت وائل وقف قدامي قال لي عايزك في موضوع قلت ليه انا تعبانه هسي قال لي لا ماف قلت ليه وائ.... جراني قبل اكمل كلامي قعدنا في الجنينه البوراء قال لي مالك انتي من الصباح معاي قلت ليه مالي في شنو قال لي تعاملك معاي متغير قلت ليه لازم تعاملي يكون كده في النهايه انا شغاله عندكم قال لي ريان حلفتك في شنو ما طبيعيه انتي انا دموعي طوالي جرن قلت ليه عن اذنك و قمت مسكني من يدي قال لي ريان مالك في شنو قلت ليه قلت ليك ماف حاجه قال لي كيف ماف حاجه و انتي بتبكي قلت ليه ما مهم قال لي ريان و قام و بقى واقف قدامي قال لي انا زعلتك في حاجه؟؟؟ غلطه معاك؟؟ قلت ليه لا انا الغلطانه و عملت اكبر غلط لمن انا..... قال لي لمن انتي شنو قلت ليه مافي شي و مشيت دخلت البيت استحميت و نومت صحيت مع العصر كده مشيت ليهم هناك لقيت امي رادمه لي عده الفطور غسلتها قالت لي ريان اكلتي قلت ليها ما عايزة قالت لي كيف انتي قاعده بلا فطور قلت ليها يمه لمن اجوع باكل ان شاء الله جات هبشت جبهتي تشوف عندي حمى و لا لا قالت لي طيب خاته ليك عصيده و ملاح الروب في التلاجه سخني و اكلي بوستها في خدها قلت ليها حاضر و مشت لخالتو اسمهان و انا قعدت في المطبخ جات صافيه قالت لي ياابت انتي وين قلت ليها قاعده قالت لي مالك انتي يا بت قلنا ليك انسي موضوع وائل دا قلنا ليك لو في نصيب الله بجيبوا ليك ما تخلي فهمك دا محدود كده ما اديتها اي استقبال لكلامها و ختيت راسي في الطربيزة و هي طلعت خلتني وانا حسيت نفسي نعسانه و نمت طوالي شويه كده حسيت بيد بتضرب في كتفي رفعت راسي لقيتها امي قالت لي ريو مالك يا بتي قلت ليها كويسه يا يمه ماف حاجه قالت لسه ما اكلتي؟؟ قلت ليها اي قالت لي الله يهديك يا بتي اكلي ليك لقمه قلت ليها ان شاء الله وطلعت من المطبخ و انا طالعه شفت وائل طالع و لابس و متشيك كده جاء قال لي مساء الخير وانا فترانه ما فيني حيل زاته اقيف قلت ليه بصوت تعبان كده مساء النور قال لي صوتك مالو كده قلت ليه ماف شي قال لي ريان حلفتك توريني مالك قلت ليه ماف شي امشي ما تتاخر عليها قال لي عرفتي كيف عندي موعد ما اشتغلت بيه و مشيت جاء لاحقني قال لي ريان بتكلم معاك انا قلت ليه وائل اختاني ياخ و دموعي نزلن قال لي ما بختاك و لا حاجه عايز اعرف مالك قلت ليه سمعتك بتتكلم مع حبيبتك بالتلفون و بس قال لي انتي فاهمه غلط قلت ليه ما بهمني تاني و زحيت يده مني و مشيت......

متابعه🌚💜👏🏻

الحلقة 13

 عشقته و انا خادمته💜

من تاليف:- ميعاد عبيد

وائل قال لي فاهمه غلط قلت ليه ما بهمني تاني وزحيت يدي منه و مشيت البيت المغرب اذن و صليت و قعدت احضر في التلفزيون......

وائل مشى موعده ولقاها منتظراه سلم و قعد قالت ليه كيفك قال ليها تمااام الحمد لله وانتي قالت ليه تمام قال ليها صفاء قالت ليه نعم قال ليها لهنا و كفى قالت ليه كيف يعني قال ليها ما بقدر اكمل معاك قالت ليه نعمم؟؟؟ قال ليها انتي قايلاني غبي و لا متخلف؟؟؟بتلعبي علي و على منذر(صااحبه داك🌚) قالت ليه انت بتتهمني من دون اي سبب و لا دليل قال ليها انا ما محتاج اي دليل عشان اثبت ليك و انتي وحده بتجري و راء القروش بس لا بتحبي و لا حاجه بتعلبي على ولاد ناس ساي قالت ليه وائل انت بتتهمني على ياتو اساس قام ضرب الطربيزه و قال ليها بنهرة كده انتي لسه مصرة على موقفك😡😡الفيك اتعرفت انتي و حاولتي تفرقي بيني وبين منذر كم مرة لكن ما نجحتي و احب اقول ليك يا ستي انا الزيك ديل بدوس عليهم بجزمتي ولا اقولك جزمتي زاتها خسارة في الزيك و خت ليها ربطه قروش و قال ليها دي شفقه مني عليك و وقف على حيله و قال ليها فرصه سعيده و طلع هي شالت القروش و عدتهم و دخلتهم في شنطتها و قالت في نفسها بوريك يا وائل انا بتقول لي ادوس عليك بجزمتي انا كما خليتك تلحس جزمتي ما يبقى اسمي صفاء و قامت مشت......

تعال افهمكم الحاصل ( صفاء دي اتعرف عليها وائل في محل الشغل و هي نوع البنات البحبن القروش لدرجه قف تامل بس بتجري وراء القروش اتعرفت على وائل و خلته يحبها و نفس الطريقه مع منذر مع انها كانت بتعرف انهم اصحاب و حاولت تفرق بيناتهم اكتر من مرة لكن ما قدرت و ماف واحد فيهم لكن منذر قبل تلاته ايام كده حكى لوائل عن حبيبته و كده و وراه بالتفصيل و قال ليه شغاله معاكم وائل انصدم من كلام وعرف نوعيه صفاء و ما كذب على منذر و حكى ليه برضو و وائل قال لمنذر موضوعها خلي علي و اتفق مع منذر انه يمشي يقابلها و يمسح بيها الارض زي ما عمل هسي😂)....

انا بحضر في فيلم كده في mbc 2 زهجت و طلعت مشيت لصفو هناك دخلت المطبخ لقيت مهند و صفو بتونسوا قلت في نفسي سجمنا😂😂 خليتهم يتونسوا طلعت لخالتو اسمهان و امي (امي و خالتو اسمهام لو قلت عليهم اخوات اكون قصرت و امي اتعصرت على خالتو اسمهان شديد و نفس الشي خالتو اسمهان مشيت لقيتهم بتونسوا مشيت قعدت في الارض و ختيت راسي في كرعين امي قلت ليها يمه انا زهجانه ياخ قالت لي مالك في شنو قلت ليها ما عارفه قالت لي اكلتي قلت ليها ما جوعت قالت لي امشي اكلي قلت ليها لمن اجوع قالت لي يابت مالك الليله خالتو اسمهان قالت لي تعالي مشيت قعدت جمبها قالت لي يكون زهجانه من قعدت البيت قلت ليها لالا الليله مشيت السوق و حمنا قالت لي رايكم شنو تطلعوا انتي و صافيه و مهند تشموا تاكلوا اسكريم جات صفوا قالت ليها جدا😍😍 قعدوا يضحكوا عليها خالتو اسمهان يلا امشوا لمهند و كلموهو عشان يجهز و انتو امشوا اجهزوا قلت ليها انتو ما بتمشوا معانا قالت لي غايتو انا فترانه و امي قالت لي انا برضو فترانه امشوا انتو قلت ليها طيب صافيه جري مشت لمهند تحت قالت لي قالوا ليك اجهز عشان مارقين قال ليها وين قالت ليه ناكل اسكريم قال لي طيب وائل جاء داخل قال ليهم سمعت اسكريم قال ليه طالعين اجهز ارح قال ليه جاهز انا قال ليه تمام قلت لي صافيه انا ما ماشه قالت لي ما على كيفك قالت لي غصبٱ عنك و غصبٱ عن حنانك تمشي يلا قدامي نلبس و كرتني مهند يعاين ليها ساي ويضحك😂😂 دخلنا البيت و بدينا نجهز كنت عايزة البس عبايه بس حامتني طلعت لي فستان اسوود ساااده كده ماسك من فوق و فاري من محل الخصر و اكمام طوال و جزمه لونها اسود واحمر و طرحه حمرا + انه انا حلبيه صافيه قالت لي كمان عايزة تلبسي عبايه خرااابك😤😤الجمال دا ظهري لينا مرة مرة قالت لي يلا تعالي امكيجك قلت ليها ما تقربي علي قالت لي ماااا على كيفك و قعدت مكيجتني و لفيت طرحتي صافيه لابسه فستان نفس الشكل لكن الالوان ما ياها وهي سمراء على كده طلعنا و مشينا ليهم هناك امي لمن شافتني قالت لصافيه انتي بتي وينها ما ماشه معاكم و لا شنو كلهم بقوا يضحكوا قلت ليها كده يا يمه خا عرفتيني قالت لي في ام ما بتعرف بتها كمان و جات حصنتني صافيه قالت ليها انا ممنوعه من الصرف؟؟؟ قالت ليه شيبه كده😂 وحصنتها و حصنت الولدين معانا و على كده طلعنا وركبنا الاربعه في عربيه واحده انا وصافيه وراء و ديلك قدام وصلنا محل كده رااااقي ما متزكرة اسمه😁😁المهم دخلنا و قعدنا وائل جاب لينا الاسكريم و قعدوا يتونسوا وانا خشمي ما فتحته وائل قال ليهم عن اذنكم عايز اسوق معاي ريان نتمشى و نجي قالوا ليه جدا و وقف على حيله و انا وراه و مشينا و ساااكتين قال لي ريان قلت ليه نعم قال لي ممكن تديني فرصه افهمك قلت ليه تفهمني شنو قال لي السمعتيه وانا بتكلم بالتلفون قلت ليه ما بهمني قال لي ما بهمك و ح احكي ليك و بدا يحكي و انا انصدمت طبعا😕😕 معقووله كده بعد خلص قال لي دي الحكايه كلها انا بقيت بتتبسم برراااي بتحت تحت😂😂 قال لي ما تسبقي الامور و تفهمي من خيالك تاني سكت ساااكت وماااشين مسك يدي عاينت ليه لقيته بعاين في الارض قال لي ريوو قلت ليه اي قال لي بتحبيني؟؟ وقفت و وقف معاي قال لي جاوبيني قلت ليه لا قال لي كذابه ما رديت عليه تاني قال لي كذابه لو ما بتحبيني ما كان الموضوع دا مزهجك و قافله  معاك كده و ساااكته و هو ماسك يدي قال لي يلا ما تقيفي و مشيت معاه قال لي يلا ما مشكله انا زاتي بحبك انا عيني بقت قدر الفنجان و سااااكته ساااي لكن قلبي شغال دلوكه بس💃🏽💃🏽💃🏽 بعد شويه وقف عاينت ليه لقيت بعاين لاتنين قاعدين ولد وبت قال لي شايفه البت ديك قلت ليه اي قال لي دي صفاء شايفه زي كانو ما ماثر معاها الموضوع قلت ليه انت فارق معاك قال لي ابدا و انا عنظي احسن منها بميه مرة قلت ليه يعني عندك بنات تاني قال لي معقوله بتفكري فيني في بالطريقه سكت منه قال لي عندي وحده و احسن وحده في البنات و حاليا ماسك يدها و ان شاء الله ما بفكها تاني وانا اها🙈🙈 قال لي ريووو قلت ليه ااي قال لي ما جاوبتيني قلت ليه على شنو قال لي على سوالي قلت ليه.....

متااابعه😍💜

الحلقة 14

 عشقته وانا خادمته💜

من تاليف:- ميعاد عبيد

وائل واقف قدامي و راجيني اجاوب عليه على سؤاله و انا خلاص الفيني كملت ما فضل لي الا ارفع فستاني و اجري من شده ما خجلت و بقيت قدر السمسمه😂😂 بعد شويه تلفونه رنه و الله حمدت ربي بصوت عالي قال لي ح تمشي مني وين يعني اصبري😂😂ورد على تلفونه و كان دا مهند و اظنه قال ليه تعال قال لي يلا نرجع مسك يدي و قال لي يلا قلت ليه فك يدي يا وائل قال لي ابيت و انا لو علي انط ليه في رقبته و ما افكه تاني😂😂 مشيت معاه و بقينا نتونس قال لي ما تقولي اني نسيت الجواب ما بخليك لو ما جاوبتي قلت ليه انا جاوبتك قلت ليك لا قال لي ما بصدقك قلت ليه خلقي عارف الجواب حارق رزك معاي كدي لشنو😑😑 قعد يضحك قال لي عسل انتي لكن انا عايز اسمعها منك قلت ليه مام ابيت قال لي ح تقوليها عاجلا ام اجلا و على كده قفلنا الموضوع و دخلنا المحل الفيه مهند و صفو لقيناهم اخر ونسه وائل قال لي شايف في اتنين تاني حابين بعض قلت ليه انا من ملاحظه ليهم من بدري لكن كاتمه في حناني😕😕 قعد يضحك قال لي عسل ياخ انتي وانا اها🙈🙈 حاوله افك يدي منه حلف يفكها و جاريني و ماشين عليهم قلت ليه فكني قال لي لع قرصت في يده لمن نطه😂😂 قلت ليه اسمع الكلام تاني قال لي حقارة ياخ و يحك في يده قلت ليه تستاهل😐👊 و مشينا قعدنا تاني جابوا لينا اسكريم المرة دي اكلت بمزاج😂😂 بعدها ركبنا و دونا السوق انا السوق دا كرهته ياااخ قالو نازلين قلت ليهم انا ما ماشه و كمان معانا صافيه توووووبه بري بري وائل قال خلاص انا و ريو و مهند و صافيه و مجي نتلما هنا على كده نزلت قلت لمهند الله معاك شديد😂😂 و مشينا وائل قال لي عايز اشتري لي لبسه تعالي اختاري لي و خشينا محل و اخترته لي كم بنطلون كده و هو اختار القمصان و انا كل مرة اعارضه في الالوان سيد المحل قال ليه مرتك دي زوقها ماشاء الله اختارت ارقى الهدوم عندنا طبعا بقيت عامله كده😳😳 قلت ليه لكن انا... قاطعني وائل قال ليه اااي عشان كده ما بمشي السوق الا و هي معاي (اجججججي الا وهي معاي😂😂) سكت سااااكت شيلنا الملابس و طلعنا قلت ليه متين انا مرتك قال لي قريبا (اجي يا القريب😂😂) سكت منه و بقينا لااافين زي نص ساعه كده قال لي نرجع بعد دا قلت ليه ارح طيب و وقفنا و اتصل على مهند ما رد عليه المهم بقينا واااقفين في كم ولد كده بجوا بجمبنا البغمز البرفع في حواجبه وائل قال اركبي في العربيه سكت و ركبت تاني قريب نص ساعه ناسنا ديل ما جوا عرفت انه صافيه ح تطلع زيت مهند.و فعلا جوا مهند يهرج فيها ساااي انتي البي يباريك في السوق ما نصيح و انا غايتو الضحك شرطني😂😂بس جات شايله ليها جزمه قال لي محوماني قريب ١٤ محل و طلعت بجزمه قالت ليه انا قلت ليك تعال معاي😒😒عامل لي فيها فنجري عشان الاولاد ما يشاغلوني و كده قال ليها غلطان انا يا رمه اركبي خلاص خلينا نمشي و انا الضحك دا لمن ازنقت😂😂 و الطريق كله صافيه و مهند متناقرين😂😂 وصلنا البيت لحدي ما دخلنا هم ما سكتوا امي قالت لي ديل مالن قلت ليها مهند حام مع صافيه في السوق قالت لي وواااشري عليه😂😂 اتونسنا معاهم حبه و رجعنا البيت تلاتنا صلينا و نومنا و بعد بكرة نتيجتي🌚💜 المهم اليوم تاني صحيت مع الصبح بدري صليت و ادعي و خايفه و مقلقه😂😂 و انا لمن اقلق اكلي بيزيد ايام النتيجه بتاعت تامن امي مطبله التلاجه و داسه المفتاح😂😂بس بشتري لي بسكويت و اقعد اقرش فيه زي الفار😂😂 اها اليوم داك بعد صليت رقدت و غلبني انوم قمت فتحت التلاجه اكلت لي جبنه و معاها زيتون😂😂زيتون حق صافيه طبعا ما ح تخليني الليله مشيت فتحت التلفزيون و قعدت معاي صندوق بسكويت امي صحت قالت لي خلاص موسم الجراد بدا😐 شالت ليها طبله و طبلت التلاجه قالت لي تسمني اكتر من كده ماف زول بعرسك قلت ليهت يمه ياخ ما تقفليها قالت لي احشي قدومك دا😒😒 و مشيت عملت الشاي و قالت لي تاني لحدي الفطور حتن تاكلي و مشت شربت الشاي مع تلاته عيشات😂😂وحات الله فايته اشبع زاته + انه امس ما اكلت كويس😂😂 صافيه جات قعدت جمبي و تشرب في الشاي و انا ساااكته ساااي ما جبت سيرة زيتونها داك😂😂قالت لي.....

متااابعه يا اخواااني🌚💜

الحلقة 15

 عشقته وانا خادمته💜

من تاليف:- ميعاد عبيد

انا و صفو قاعدين نشرب في الشاي و انا ساااكته ما جبت سيرة الزيتون قالت لي ريوو احكي لي امس لمن وائل ساقكك مننا مشيتو وين و حكيته شنو و انا قمت حكيت ليها و قعدت تويوي ساااي و تقول  لي الله انا لي الله قالت لي وااااي من جووواي لكن🌚💜قلت ليها اتحشي خلاص قالت لي عندي عصير ختاهو في التلاجه اوع تكوني شربتيه قلت ليها لالاا ما عارفاهو بس قالت لي ويييلك و سواد ليلك لو قربتي عليه👊👊 قلت ليها سمح ما ماشه ليه قالت لي ماشه استحمى و ماشه لصحبتي تمشي معاي؟؟ قلت ليها اجليها للعصر كده عشان الليله عندي غسيل وكده قالت لي تمام مشت استحمت و جات قعدنا نحضر فجاءة كده نطت و قالت لي باكر نتيجتك عاينت ليها كده😒😒 وقلت ليها اكتشفتي الذرة لكن😒👊قالت لي و انا اقول ريان من الصباح شغاله زي الارضه مالها طلعت دي النتيجه🌚👊 قلت ليها ارضه انا يا حيوانه؟؟؟ قالت لي ايون سكت منها و بقيت بحضر بعد شويه نطت تاني و قالت زيتووووووني اوع تكوني اكلتيه و جرت للتلاجه انا لفحت لي و انسحاب تكتيكي😂😂👊 و بقت تكورك وانا وصلت ودخلت لخالتو اسمهان😂😂 وقعدت معاها اتونست حبه كده و قمت على خدمتي مشيت المطبخ لقيت جزر شلت لي تلاته و مشيت اغسل بديت اغسل جاتني صفو قالت لي وديني ما اخليك العصر دا تشتري لي الزيتون الاكلتي لي يا تستفرغي هسي دا قلت ليها ما تمعطيني برجعه ليك قالت لي نشووف و مشت و انا مرة ادعك و مره اغسل غايتو الجزر انتهى قلت اوقف اكل ما ممكن كده ياخ😂😂تلت ساعه بالكتير جبت لي عجورة و جيت😂😂 و رجعت قلت تاني ما باكل الا انتهي من الغسيل دا و اصلا ما كان كتير خلصت منه زي ٩ ونص كده و مشيت لقيت امي طبلت التلاجه😭😭قلت ما مشكله بستنى الفطور بقيت ماشه و جايه في الصاله و اقلب في التلفزيون ساي جات صفو قالت لي دوختينا قلت ليهت ياخ زهجانه و اتخيلي امي طبلت التلاجه قعدت تضحك قالت لي الله يعينا الليله و مشت تطبز في التلفون امي نادتني قالت لي تعالي قطعي الصلطه دي ولا اقولك لالا عوسي القراصه 😂😂 قلت ليه دار اقطع الصلطه قالت لي بري عشان تنتهي منها عوسي القراصه احسن قلت ليها سمح عوست القراصه و هي قطعت الصلطه جاء وائل عايز يشرب عصير لقاها مطبله قال لامي مالكم الليله قالت ليه و الله الارضه شغاله شغل نضيف و بقت تعاين لي انا سكته ساااي ادته المفتاح قالت ليه طبلها معاك ويضحك ساااي شرب و طبلها و اداهت المفتاح جاء جمبي قال لي القراصه دي تخينها عاينت ليه كده😒خت لي جزرة في خشمي و غمز لي و طلع بقيت بقرش فيها و اتبسم سااااي😂😂 امي تعاين ساااي و ساكته ختينا ليهم الفطور و و انا و امي و صفو فطرنا برانا امي  بعد.كده غسلت العده جات و قيلنا انا و امي و صفو في الجنينه البرا و نتونس و ملاحظه لامي بتسرح مرة مرة و تاني تقعد تتونس معانا  بعد نتيجتي باسبوع صفو ح ترجع لاهلها امي قلت لامي نرجع مع صفو قالت لي و الح يقعد مع اسمهان منو؟؟ قلت ليها كلهن تلاته ايام ما بحصل شي قالت لي انا ما عندي طريقه امشي انتي و سلمي على ناس الحله و اهلك و تعالي قلت ليها خلاص ما ماشه قالت لي يت بت ما تكتري معاي قلت ليها ما ماشه انا صفو تعاين لينا ساي في الاخير وصلنا لانه لا انا لا امي ما ح نمشي بس صفو تمشي😂😂 على كده قفلنا على موضوعنا اذان الضهر اذن مشينا صلينا و اي واحد لزم سريره و نامم😴 و جات صحتني صفو قالت لي يلا عشان نمشي اتاخرنا ياخ قلت ليها مالك قالت لي يلا عشان نمشي لصحبتي قمت استحميت و صليت الصبح و لبسنا عبايات و كالعاده صافيه تتمكيج و مكيجتني معاها و و مكلمين امي مسبقن و طلعنا لاقانا مهند قال لينا ع وين صافيه قالت ليه طالعين لصحبتي قال ليهم ارح اوصلكم قالت ليه لالا بنركب مواصلات قال ليها ماف مواصلات هسي اركبي و ركبنا معاه وصلنا قال لينا لمن تطلعوا اتصلوا لي قلنا ليه سمح و مشى قلت لي صافيه رقمه ما شلناهو قعدت تضحك قالت لي عندي قلت ليها متييين؟؟ قالت امممممم خلينا ندخل و دخلنا بيتهم عادي سلمنا عليهم و قعدنا ناس طيبين و خاصه امها💜💜 قالو ليها والله مي دي طلعت لكن بتجي بعد شويه و قعدنا مستننها تجي بعد شويه جات بت خاشه شافت صافيه و جات تجري نطت في رقبتها و هي قصيرة طبعا و صافيه شويه طويله😂😂صافيه تقرص فيها يا بت فكيني خنقتيني وبعد سلام طووويل حتن سلمو علي و قعدت بعد شويه جاء واحد خاشي يكون في عمر ال٢٧ كده اسمر ملتحي عيونه عسليه حواجبه عزيره شكله رياضي كده😍🙈 غايتو انا انبرشت عديل عاينت لصافيه لقيت عيونها قدر الفنجان😂😂عرفتها فحصته فحيص سلم علينا و دخل لجواء صافيه مسكت مي قالت ليها دااا منووو قالت ليها دا اخوي وليد قالت ليها ووووااااااي لكن و تاني وااااااااااي😐😐 وانا الضحك شارطني قالت ليها يا بت مالك قالت ليها سمح سمح سمممممح😭😭قالت ليها نعرسه ليك؟؟ قالت ليها بتووب هزازي بمشي معاه بس كيف يعرسني الولد العامل زي صباح العيد دا😭😭 مع كلامها دا جاء طالع و هي سكتت تب😂😂 شوف عيني يتبسم بتحت تحت و الضحك شارطه قلت في نفسي الله يجازيك يا صافيه فضحتينا و شرطي عينا عاينت ليها لقيتها وش قلب بمبي😂😂و انا اصلا ما خليت ضحك لوراء عاينت لي و قالت.....

متااابعه😢💜

الحلقة 16

 عشقته وانا خادمته💜

من تاليف:- ميعاد عبيد

وانا بضحك في صافيه قالت لي عاجبك المنظر مش قلت ليها جدا عشان تتخااففي😏😏 قالت لي اتحشي خلاص ونسينا الموضوع و بقينا نتونس لحدي المغرب ماذن مي قالت لينا تشربوا معانا الشاي قلت ليها اتاخرنا قالت لي لالا ماف حاجه اسمها اتاخرنا و مشيت تعمل لينا الشاي و نحن مشينا نصلي بعد صلينا جابت الشاي و الكيك و ختته شربنا و مرقنا برا قدمتنا قلت لي صافيه ارح بالمواصلات قالت لي مواصلات شنو مهند قال لينا اتصلوا لي قلت ليها هو ما شغال تحتنا و خلي عندك زوق حبه جاء اخه مي السمح دا وليد🤤🤤قال لينا انا اصلا ماشي بمنطقتكم دي بوصلكم بطريقي بقينا نكشكر ليه و في النهايه ركبنا معاه و ساكتين طوول الطريق وصلنا و على العلينا نزلنا لقينا مهند في وشنا كان جاينا هناك😂😂 جاء سلم على وليد و شكره و وليد على كده روح😢😢 تعال شوفه مهند والله فايت الحبوبات في النقه انا ما قلت ليكم اضربوا لي لمن تكونوا طالعين و تقعدوا لاهسي مالكم و بعد دا يجيبكم ولد غريب وانااا ساااكته خليتهم و مشيت هو اصلا كلامه دا كله لصافيه خليتهم يتناقرو و دخلت😂😂مشيت دخلت بيتنا و غيرت و رقدت و نسيت النتيجه من اصله و شغله التلفزيون جبت قناة السودان لقيتم جيابين استعراض النتيجه في الشريط التحت😢😢اتزكرتها و بقيت ادعي اذان العشاء اذن صليت و قريت قران و قعدت ادعي و بعد كده رقدت نومت😴😴دا كله صافيه ما جات المهم صحيت الصباح حلفت كان امروق من البيت😂😂 قااعده و راجيه الساعه ١١ تجي خاته جمبي بسكويت و فنكوش و اكل سااااي و مقلقه قلق امي قالت هسي دا حال بت راجيه ليها نتيجه و لا فيلم؟؟ قلت ليها يمه انا براي متوتره عليك الله جاتها الرساله بتاعت رقم الجلوس رسلناها و قعدت المؤتمر بدا و شوف في الناس البزيعوا فيهم طبعا انا مستبعده نفسي نهاااي😂😂وفعلا ما زاعوني و خلاص الفيني كملت و بقيت اب1كي😭😭صحباتي اي وحده تتصل في تلفون امي تسال مني و كلهم نتايجهم ظهرت الا انا😢😢 و كل مرة تتضرب وحده انا اقعد ابكي😭😭لحدي بعد الضهر ما جات دخلت الغرفه و قفلتها علي بعد شويه سمعت صوت وائل برا و شويه كده امي بقت تذغرد😳💔فتحت الباب و جري ليها + انه انا بحلباب البيت😂 قالت لي مبروووك قلت ليها شنوووو قالت لي٨٥،٦٪ وانا صرخت وااااااااااااااي و بقيت انطط و بديت احضن فيهم واحد واحد حضنت امي و جيت حضنت صافيه و حضنت وائل دي الفرحه ما تلوموني😂😂 نطيت قلت ليه معليش ما حاسه بروحي اسفه ما قصدي قال لي عادي و غمز لي😉 اتحشر وين انا يا اخواني😂😂 طبعا امي تعاين ساي و لاحظت انه الفرحه اتلاشت من وشها تاني رجعت عااادي مشيت لبست لي توب وجيت قعدت ووائل قال لي هديه النجاح ما ناسيها و مدا لي تلفون و انا بقيت بعاين كده😳😳 وامي متخلعه اكتر و عامله كده😨😨 قلت ليه لكن انا....قاطعتني امي و وقفت على حيلها قالت ليه يا ولدي ماف داعي للحاجات دي مباركت لينا بنجاحها بتكفي و توفي ما دخلنا في مواضيع نحن في غناء عنها نحن شغالين عندكم بس ما اكتر من كده و بنشيل على شغلنا قروش عشان نقدر ناكل لقمه عيشنا يا ولدي سامحني لكن ما بنقدر نقبل هديتك دي و بتمنى انه يكون بينك و بين ريان حدود طبعا انا بعاين مخلوعه و الكلام دا باقي لي طشاش طشاش قال ليها يا خاله انا عمري ما اعتبرتكم شغالين عندي و قلت ليها اكتر من مرة انتي ما بتفرقي عن امي بحاجه الهديه ما تقبليها لكن فكرة انك خدامه عندنا بتمنى انك تشيلها من راسك و عاين لي و مرق زعلان و انا بقيت ابكي و دخلت غرفتي😭😭و قفلت الباب زي نص ساعه كده ببكي تاني فكرت انه كلام امي صاح و مافيه شي غلط حتى لو بحب وائل الناس ح يقولوا علينا و عليهم شنو لازم اشيل الفكرة دي من راسي و على كده نمت😴😴صحيت بصداع و لفت راس قمت مرقت عاينت للساعه في تلفون امي لقيتها عامله ١ صباح اججججي يا ١ صباح انا نمت دا كله😳 صليت الفاتني و رقدت و الصداع ما راح ما نمت باقي الليل كله شايله بتقلب نمت بعد ما صليت الصبح جات امي تصحيني قلت ليها تعبانه انوم حبه قالت لي انتي امس كله نايمه مالك عيانه؟؟ قلت ليها لا هبشت جبهتي لقتها مولعه نار جابت مكمدات و عملتها لي شويه خفت جات صافيه امي قالت لي خلي بالك عليها انا ماشه اشوف شغالتي قالت ليها كويس ومشت صافيه قالت لي ريو مالك الليله قلت ليها ما عارفه والله امس كله كنت مصدعه قالت لي اممممم قلت ليها ماشه بلد بعد باكر؟؟ قالت لي باذن الله قلت ليها ح افقدك قالت لي كلها اسبوع بس واحد واجيكم تاني قلت ليها اممممم كدي احكي لي امس بعد خليتكم حصل شنو قالت لي اسسسكتي ساي زولك دا طلع ميييت فيني عديل😂😂 قلت ليها احكي يلا قالت لي بعد انتي مشيتي نحن في نقارنا دا يلا زي ما عارفه انا لائيمه كيف و هو طلع عنده مصران عصبي و انا ما عارفه و الزول خلاص اعصابه تلفت و بقى يسب عديل😂😂 و انا بقيت ابكي قلت ليها انتي بكيتي؟؟؟😳😳قالت لي اي اتخيلي بس قلت ليها اها و الحصل قالت لي لمن شافني بقيت ابكي سكت و بقى يهدي فيني و لمن ابيت اسكت دخلني العربيه و يحنس و يخت فيني😂😂 لمن ابيت اسكت شغال لي صفو خلاص معليش و الله ما قاصد ابكيك و جاء يمسك يدي زحيت منه و قلت ما تلمسني و ما تتكلم معاي قال لي صفوو معليش حقكك علي اسف حبي (طبعا انا نسيت الحمه الفيني و فنقست في نص السرير😂😂) قالت لي لمن قال لي حبي انا خلاص شفتي زي لمن يكون في موتور شغال و الكهرباء تقطع؟؟ بس دي انا لمن كنت ببكي و قال لي حبي😂😂و قالت لي بعد قالها لي بقيت اعاين ليه كده😳 قال لي مالك ما عارفه يعني؟؟؟ قلت ليه ما عارفه قال لي هسي عرفتي اني بحبك وانتي ما بتحبيني؟؟ طوالي نزلت من العربيه و قلت ليه لع انت الليله نهرتني و بكرة ح تمد يدك علي و بقيت ماشه جاء لاحقني و مسك يدي وقال لي....

الحلقة 17

متاااابعه🌚💜

 عشقته و انا خادمته💜

من تاليف:- ميعاد عبيد

صافيه بتحكي لي و قالت لي بعد قلت ليه كده بقيت ماشه جاء لاحقني و مسك يدي و قال لي صفوو معليش والله ماقصدي ازعلك بس انتي اتماديتي معاي في الكلام و انا عندي مصران عصبي بقيت اعاين ليه كده😳قال لي ااي والله من بعد وفاة مرتي قلت ليه بصوت عالي مرررتك😳قال لي اي كنت متزوج و مرتي اتوفت بعد ٦ شهور من زواجنا كان عندها مرض خبيث و نحن ما عارفين وانا دمعتي نزلت قلت ليه الله يرحمها قال لي اميين قال لي ما تزعلي مني قلت ليه ما زعلانه منك قال لي بترضي تتزوجيني بقيت اعاين ليه مخلووعه قال لي حبيتك والله من شفتك في المطبخ و انتي بتكوركي وبقى يضحك😂( وانا قلبتني القعده بقيت اتململ في السرير😂😂جابت لي تصحر عاطفي😂😂) قلت ليها اها وانتي وافقتي؟؟؟ قالت لي انا اصلا من زمااان بحبه بس كاتمه في حناني😐👊 و الله انا الضحك شرطني😂😂قلت ما تكوني وقعتي قدامه بس قلت ليها ياخ انا عذبته عذاب لمن قلت ليه بحبك رقصته رقيص😂😂قالت لي بعد كده من الفرحه ركبني العربيه و لفى بي البلد و جاب لي دا مشت جابت ليها كيس كده كبيييير طلعت منه دبدوب كبيييير يكون طوالي😂قالت لي رايك شنو الساعه الفكيت ليك الوااااااااااااااي دي😂😂قلت ليها واااااي وااااي وااااي لمن صداعي راح😂 قالت لي اكتمي حسك دا ما تجيبي لي الهواء قلت ليها صفو اديني ليها قالت لي تحلم حلم😌قلت ليها جاي لاهلك متين قالت لي بعد امشي البلد و اقضي زي تلاته ايام كده و هو بجي لابوي نطيت في رقبتها و قلت ليها مبروووووووك ياخ فرحت ليك قالت لي عقبالك كدي😉💜قلت ليها امين كبيرة🤭 و تاني اتونسنا عادي العصر كده جات امي قالت لي تعالي يا ريان مشيت قعدت جمبها مدت لي تلفون قالت لي دي هديه نجاحك مني عاينت ليها كده😳قلت ليها يمه دا شنو ما كان في داعي ليه و لا محتاجه ليه قالت لي ليه ناقصك شنو من البنات القدرك؟؟ كلهم شايلات تلفونات الا انتي انا من زمان بلملم في قروشه و قلت اجيبه ليك هديه نجاحك وانا عيوني رقرقوا😢😢شلت التلفون و بوستها في خدها و قلت ليها الله يخليك لي و مدت لي شريحه زين قالت لي نزلي الفيس و الواتس واي حاجه عايزاها قلت ليها الله يخليك لي ياخ😭😭ومشيت ختيته في الشاحن ااااي ميته و صابرة🤭🤭 و مشيت قعدت قدام التلفزيون احضر في فيلم لسلمان خان 😍😍 امي قالت لي تعالي امشي جيبي لي حب شاي من الدكان لفحت لي توب و مشيت الدكان سيد طبعا قليل ادب وانا قاعده ادي فوق راسه 😂مشيت قلت ليه اديني حب شاي قال لي اها يا عسل جبتي كم قلت ليه مالك علي😑اديني حب شاي بس قال لي تلقيك راسبه عشان كده ما عايذه تقول لي  نسبتك🌚💜👊 عاينت ليه كده😒قلت ليه حريقه فيك و حريقه في شايك زاته وو مشيت خليته يسوي لي في تعالي هاكي ليه قلت ليه بلوا و اشرب مويته و مشيت قلت هسي لو مشيت لامي بلا حب شاي ح تشاكلني لقيت ود جيرنا اسمه طارق قلت ليه تعال تعال قال لي مالك (فصيح و ود لزينه😂👊) قلت ليه طرووق حبيبي ارسلك؟؟ قال لي هسي بقيت حبيبك😒👊 اها دايره شنو قلت ليه اتشكلت مع سيد الدكان و دايرة لي حب شاي فشنو هاك القريشات ديل و جيب لي حب شاي قال لي المقابل شنو قلت ليه مفضل خمسه جينه شيلن😑قال لي تمام🌚 و مشى بعد ساعه جاني قلت ليه انت مشيت تجيبه من السوق قال لي انا اصلا كنت ماشي اقابل حبيبتي وانت جيتي زي القدر فقلت اكمل شغلتي و اجيك قلت ليه انتو ما بتشبعوا من بعض في المدرسه قال لي كمان سوسن بشبعوا منها🤤👊(طارق و سوسن الاتنين بقروا في تامن و الحله كلها عارفه طارق و سوسن امورن وااضحه😂👊)شلت  الشاي منه و مشيت قال لي لا كتر خيرك لا بارك الله فيك قلت ليه انت شايل خمسه جنيه وبعد دا اشكرك قوم شوف حنانك بوين قال لي اصلا قلت لي سوسن ما بتاخر يلا جاو🌚👊ود لزينه و قليل ادب😂 اها رجعت البيت لاقاني وائل قال لي يا ريان الليله مالك ما جيتي عندنا قلت ليه كنت تعبانه شويه قال لي و هسي كيف قلت ليه تمام الحمد لله قال لي ريو ما تخلي كلام خالتي ياثر عليك عليك الله ما تختي في بالك قلت ليه يغ وائل كلام امي صاخ و نخن علاقتنا دي نهاي ما بتجي والله قال لي ليه اي شي ممكن و انا بحبك و زي ما قلت ليك ما ح افك يدك عشان يمسكها زول تاني فاهمه؟؟ قلت ليه افهم انت انه نحن ما بنفع مع بعض ماااا بنفع و مشيت خليته واقف و هو عصب و اعصابه تلفت و ساق العربيه و طلع وانا دخلت البيت و اديت امي الشاي و قضيت يومي عادي المساء كده جات خالتو اسمهان عندنا قالت لي ريان انتي وائل الليله ما شفتي قلت ليها شوفته قبيل و كان طالع ليه قالت لي و الله الليله ما من عوايده انه يتاخر كده و ختى لو اتاخر بتصل علي انا هنا القلق دخل قلبي بعد شويه كده تلفون خالتو ضرب رفعت السماعه و بعد ٥ دقايق كده التلفون وقع من اضانها و بقت تكورك وائل وائل ولددددي ووووب علي ولدي قلت ليها مالك في شنو مالو وائل قالت لي.......

متااابعه🌚👊💜

الحلقة 18

 عشقته وانا خادمته💜

من تاليف:- ميعاد عبيد

خالتو اسمهان تكورك قلت ليها مالك في شنو وائل مالو قالت لي وائل عمل حادث وهسي هو في المستشفى و قعدت في الارض و بقت تبكي بطريقه هستيريه صافيه اتصلت على مهند جاء بسرعه البرق ابت تكلموت عشان ما يفقد اعصابه لمن جاء شاف امه بالطريقه دي اعصابه فلتت كللمناه و مشينا طوالي المستشفى وانا مصدومه و ببكي و دموعي ابن يقيفن نهاي وصلنا المستشفى و مان دخلوا غرفه العمليات و بقينا منتظرين و انا شويه كده جاني هبوط عديل و شغاله انا السبب انا الخليته يعمل حادث انا انا امي جمبي سامعاني ساقتني بعييد قالت لي دا شنو الكلام البتقولي فيه دا كيف يعني انتي سبب حكيت ليها قبل ما يطلع اخر مرة قالت لي ما بحصل ليه شي و ح يطلع سالم قلت ليها انا السبب يا يمه انا 😭😭 قالت لي يابت دا قضاء و قدر ما بسببك ولا حاجه قلت ليها كما اتلامت معاه و سمعت الكلام😭😭 هسي هو هناك بسببي انا😭😭 قالت لي يا بت استهدي بالله يا بت قلنا ليك بطلع كويس باذن الله قلت ليها يمه انا ما استحمل لو حصل ليه شي بنتحر وراه بحبه يا امي ( تحت تاثير الصدمه يا جماعه ما تلوموني🐸💔) امي بقت تعاين لي كده😳😳 و شويه كده ادتني طاااخ في وشي👋 قالت لي انتي واعيه يا بت دا شنو البتقولي فيه دا كيف يعني علاقتكم دي مستحيله فامهم مستحيييله و احسن تطلعي من راسك قلت ليها يمه ليه مستحيل ليه انا ما بشر ما انسانه احب و اتحب ليه انتي دايما معارضه علي علاقتي معاه قالت لي لانك خدااااااااامه ما تنسي الكلمه دي و مدي كرعيك على قدر لحافك ما تمشي بعيد بخيالك دا (بتقول في كلامها دا و بتضرب في راسي) فاهمه الكلام دا و هسي هو باذن الله بطلع و تاني ما اشوفك بالغلط واقفه معاه و هدومه و غرفته انا البرتبها ليه ماعندك حاجه توديك البيت داك تاني و لو اتضطريت بدخلك داخليه للجامعه قلت ليها امي حرام عليك يا امي😭😭قالت لي لمصلحتك و قلبك في الاخير ح يتكسر في الحالتين قلت ليها يمكن الله كاتب لي نصيب معاه قالت لي ماف حاجه بتعارض حكم ربنا حتى انا لكن انتي اعملي حسابك و مشت انا طوالي طلعت من المستشفى و بقيت ماشه و راسي في الارض جات عربيه وقفت جمبي وانا خفت رفعت عبايتي و بقيت في وضع الاستعداد😂😂 نزل القزاز طلع وليد 😍 قال لي على وين سكت ساااي اقوله شنو عاد و انا ماعارفه زاتي ماشه وين😕😕 قلت ليه ماشه المستشفى قعد يضحك قال لي المستشفى ما  بهنا لكن قلت ليه هههه اي قال لي اركبي اوصلك قلت هسي لو ركبت معاه و وصلني المستشفى و امي هسي تكون قالبه علي المستشفى و تشوفني جيت معاه ح تنحرني زي الابل😂اخير اتخارج منه قلت ليه عاين الصراحه كده انا طلعت منها بلا امي تعرف و هسي ح تكون قالبه علي البلد و لو شافتني معاك بتدفني حيه فشنو انت امشي بطريقتك وانا بطريقي قعد يضحك قال لي ما بقدر اخليك بت براك حايمه بليل اقول ليك حاجه بوقف العربيه شويه كده المستشفى و بعدين اي واحد يمشي بطريقته قلت ليه طيب و ركبت مشينا وقفنا بعيد و نزلت انا اول و مشيت طوالي هو جاء لجدو قال لي ضغطته ارتفع الليله و دخلوا المستشفى انا وصلت و هو بعد تلت ساعه كده جاء داخل لقى امي تنقنق فيني ساي و انا سااكته بعد.انتهت من نقتها قلت ليها يمه وائل قالو عنه شنو قالت لي بس عنده كسر في يدو و الباقي رضوخ بسيطه قلت ليها الحمد لله و انا يا داب قلبي ارتاح مشيت لخالتو اسمهان  قامت حضنتني و تبكي قالت لي الحمد لله الحمد لله يا ريان قلت ليها حمد لله ع سلامته يا خالتو و مشيت منها صافيه لقيتها مع مهند لمن طلعت كانت بتصبر فيه هسي لقيته دموعه جاريات و هي شغاله ليه مهند حبيبي خلاص ياخ طلع كويس مالك بتبكي قال ليها الحمد لله يا صفو اخ واحد ما عندي غيره ختت يدينها في خدوده و مسحت ليه الدموع و قالت ليه الحمد لله مسك يدها و باسها ليها😭(عارفه قاعده ابالغ لكن ابلعوها🐸😹👋) خليتهم و مشيت قعدت برا تحت نخيله كده و سرحااانه جاء وليد قال لي اقعد؟؟ قلت ليه لااالا ما تقعد لو شافوك بشاكلوني قال لي ياخ قولي ليهم دكتور و جاء يسالني مالي قلت ليه انا ما مجنونه ولا اهلي مجانين قعد يضحك قال لي طيب فرصه سعيده قلت ليه تسلم😕👋 ومشى و انا قعدت لي نص ساعه قاعده في ملحي حات صفو قعدت معاي قالت لي مالك ما فرحانه؟؟ قلت ليها افرح كيف و امي مقفلها لي بجميع النواحي قالت لي كيف و حكيت ليها الحصل كله لحدي ما جات قعدت جمبي قالت لي ما عارفه اقول ليك شنو لكن امك دايرة مصلحتك و ما ح تفكر تاذيكي يوم ختيت راسي على كتفها و هي تكت راسها على راسي قالت لي بتتسهل يا ريو بتتسهل باذن الله قلت ليها و نعم بالله و بعدين شايفاكم انتي و مهند عاملين رومانسيات في المستشفى سكتت ساااي قالت لي يعني شوفتينا قلت ليها كمان انا في حاجه بتفوت علي😂👋نسيت همي معاها ياخ💜 اتونسنا حبه و دخلنا خالتو اسمهان قالت لي انتي ح تقعدي معاي هنا فرحت فرح طار اطير قلت ليها و امي قالت لي اقنعتها (للحظه كده حسيتها عارفاني بحب وائل😕💔)   امي نادتني قالت لي تعالي مشيت ليها قالت لي وييييلك و سواد ليك تعملي حركه كده و لا كده و اسمهان تشك فيك فاهمه؟؟ قلت ليها حاضر قالت لي اتعشي و ما تحومي برا الدبيان قلت ليها يمه ماف دبيان قالت لي ما تكتري معاي قلت ليها سمعا و طاعه قالت لي ريو ما تزعلي مني انا امك و ما برضا ليك الشينه و لا برضا تسمعي كلام انتي لا بتسوي و لا سيته كويس؟؟ مهما كان انا في النهايه امك و عايزة مصلحتك قلت ليها يمه ما زعلانه و حبيت على راسها و قلت ليها ما تشيلي هم ما زعلانه قالت لي الله يديك العافيه قلت ليها امين و مشت و انا قعدت مع خالتو اسمهان اتونست معاهت حبه قالت لي ح نبيت في غرفه جوا و مهند ح يجيب لينا الدفيات لانه بليل في برد و ح يجيب لينا معاه العشاء قلت ليها طيب و مشيت قعدت بعيد منها و فتحت تلفوني خشيت صفحته و بقيت بعاين في الصور ساي قلبي موجوع😭💔 و نزلت دمعه دمعتين كده لقيته اخر منشور كاتبه ( *‏يا كل كلي فكن لي، إن لم تكن لي فمن لي..!*💚) علقت عليه ( *آحببتكَ و كأنني لم اشعر بِ قلبِي يوماً اغآر عليكَ وكأن العآلم أجمع يشاركني بك احتاجكَ كأنني عاجزه دونكَ وآنتظرك و كأنني سَ اعيش آلف عآمَ*💜✨) و قفلت الداتا و قعدت بفكر في مصيري معاه جاء مهند و ادانا الحاجات و طلع مشينا صلينا و جينا اتعشينا  بعد خلصنا قالت لي تعال نشوف وائل احتمال صحا دخلنا عليه انا لمن شوفته قلبي وجعني عديل لقيناه صاحي قلت لخالتو اسمهان عندي مكالمه و اجيك قالت لي طيب و انا متهربه منه قالبني اشوفه و فعلا تاني ماشفته الا صحيت صلاه الصبح صليت و دخلت غرفته لقيته صاح فتحت الباب دار اطلع ناداني....

متابعه😍👋💔

الحلقة 19قبل الاخيرة🌚💜

 عشقته وانا خادمته💜

من تاليف:- ميعاد عبيد

دخلت الغرفه لقيت وائل صاحي كنت عايزة اطلع ناداني مشيت عليه قال لي اقعدي قعدت في الكسري قال لي لا اقعدي جمبي في السرير قعدت جمبه قال لي كيفك سكت ساااي و عيوني رقرقن قال لي ريوو بس قمت فيه بلا ريو بلا زفت😠 انت عميان ما ع تشوف؟؟؟ مهمل و ما عندك حساب لنفسك لمن ما هماك نفسك عاين لامك و لاخوك و... سكت قلبني اكمل و بقيت ابكي قال لي و منو تاني في زول غير امي و اخوي بحبوني؟؟؟ قلت ليه مافي و قمت عايزة امشي مسك يدي قال لي في انتي انتي بتحبيني قلت ليه لا قال لي ما تنكري سكت و دموعي مااشه قال لي ليه انتي رافضه العلاقه دي تتزكري لمن قلت ليك تاني ما ح افك يدك و انا للان عند كلامي و ما ح افكها قلت ليه وائل فك يدي قال لي مستحيل افكها قال لي اعترفي انك بتحبيني قلت ليه اي بحبك بس ما ممكن و مستحيل نكون مع بعض قال لي ليه بتقولي كده قلت ليه انا بت الخدامه و انت الشغاله عندك الخدامه دي الفرق بينا كبير قال لي دا سبب هسي قلت ليه اي قال لي دا خلي علي انا ما دام اتاكدت من انك بتحبيني تاني اي شي هين ابتسمت ابتسامه استهزاء قلت ليه ح تعمل شنو لا امك ح توافق و لا انا امي راضيه قال لي بتتسهل بس انتي قولي يارب قلت ليه يارب انا ماشه عشان خالتو ما تحس علي قال لي تمام و مشيت لقيتها بتصلي قعدت جمبها بعد صلت اتونست معاها قالت ماشه تشوف وائل ومشت و انا قاعده بفكر في مصيري مع وائل في انهيت تفكيري بجمله ياارب تهون و تسهل و قدر لي الخير و رجعت نومت تاني😴💜 صحيت زي ٧ و نص كده لقيت امي في وشي😂قالت لي قومي نايمه لسه انتي قايله روحك في البيت قلت ليها يمه في شنو  قالت لي قومي على حيلك عشان ترجعي البيت تنضفي انتي و صافيه قلت ليها سمح لبست عبايتي قالت لي ما تتاخري عشان صافيه براها كلنا هنا قلت ليه هي مش باكر مسافره البلد؟؟ قالت لي اااي خليتها بتلم في حاجاتها قلت ليها تمام و طلعت من المستشفى ركبت المواصلات قعدت جمب ولد كده قاعد جمب الشباك اصلا مقعدين التاني متحرك ما قعدت فيه😂 المهم قعدت جاء واحد كده كبير في العمر قعد الفي المتحرك دا يلا الراجل دا من قعد دا خشمه ما سكت و انا اخلاقي دي ضاقت منه و كل ما ليه يتصلق فيني زياده و كل مرة يسالني سؤال و انا خلاص جاب اخري قلت ليه انت يا جدو ما تسكت حبه و عليك الله بعد دا تعال اقعد فيني شنو كل مرة تزح تزح ماشي وين انت مقعدك دا وسيع ما بتخجل على شيبك دا😠 الولد قال لي تعالي محلي مشيت قعدت محله و هو جاء محلي وشكرته تاني المعفن داك خشمه ما فتحه لمن نزلت قدومه دا ما فتحه😂👊 نزلت و مشيت لحدي البيت كداري دخلت البيت لقيت صافيه لقطت حاجاتها و قعدت حرساني قالت لي ننضف البيت داك عشان العصر باكر ح يخرجوا وائل قلت ليها طيب و مشينا ننضف قالت لي ماف زول خلينا نطلع العبايات دي قلت ليها كويس و طلعناهن و بقينا ننضف قالت لي امك قالت خالتو اسمهان باكر ح تعمل ضبيحه قلت ليها اي قالت قالت لي يعني انا ما ح احضرها😢😢قلت ليها خلاص احضريها بكرة زاته عشان تخدمي معاي و سافري بعد بكرة قالت لي فكرة اصلا لسه ما حجزت في الباص كلام مهند صاح😂قلت ليها قال ليك شنو قالت لي قال لي ما بحجز ليك الا بليل احتمال ما تغيري رايك قلت ليها كويس والله خير ما فعل بقينا ننضف شغلت قناة مزيكا ما بقدر انضف بلاها والله و رفعت الصوت اعلى شي😂 و خلصنا من النضافه و حيلنا اتهدا😫😫قالت لي قومي قومي امك قالت حتى بيتنا ننضفوا قلت ليها وااااااي ياااااخ قالت لي ويوي بعدين بعد ننتهي قومي مشينا نضفنا انتهينا و بعد.خلصنا قالت لي اذان الضهر دا اذن ارح نصلي قلت ليها جعانه قالت لي الاكل في التلاجه مشيت استحميت و جيت اكلت و مشيت صيلت و رقدنا نومنا😴💜فترانين و حيلنا مهدود صحيت العصييير كده لقيت صافيه مفرشه ميلايات العيد و مبخرة البيت انا شكيت قلت ياربي في شنو قلت ليها الحاصل شنو يا بتنا قالت لي والله امك دقت و قالت اعمله كده و نهاي ما عاينت لي في غيني حاسه انها داسه شي لكن ما اشتغلت بالموضوع كتير مشيت صليت و جيت فتحت التلفون لقيت وائل مرسل لي ( *"وقضيت الليل أحدثُ الله عنك، حتى بكيت."*💔) رديت ليه ( *و لأنك جئت في الوقت الذي كنت أرفض فيه الحب*

*أحببتك أكثر مما ينبغي..*💜    ) و طبظت حبه كده فيه و طلعت😂 اكلت لي جبنه بزيتون لقيت صافيه بتعمل ليها في كيك قلت في نفسي اصله الليله ما ممكن كده في حاجه انا متاكده ياربي مهند جاي موعد هنا ولا شنو كدي اصبر حبه اشوف البحصل شنو بعد.سوت الكيك عملت الشاي و ظبطته و انا براقب سااااي ما سالتها بعد خلصت من شغلتها قلت ليها يا صافيه انتي في شنو قالت لي شنو؟؟ قلت ليها انا سالتك في شنو؟؟ قالت لي شنوووو؟؟ قلت ليها خلي الهباله دي قالت لي قصدك الشاي و الكيك امك قالت لي اعملهم قلت ليها ما قالت ليك لي شنو يعني انا متزكرة اخر مرة عملنا كيك هنا قلت ليها اممممم و سكتت و انا سكته منها المغرب قال الله اكبر جات امي خاشه انا مشيت اصلي بعد صليت و جيت قالت لي اجهزي البسي احلا فستان عندك و اتمكيجي المهم ما تبقى لي مبشتنه كده قلت ليها يمه في شنو قالت لي اجهزي و تعالي بكلمك قلت ليها اجهز لشنو قالت لي طيري من قدامي قلت ليك😠لقطت كرعي و طلعت عارفاها بتلطشني كف😂👋 طلعت لي فستان و جات صافيه مكيجتني و لفيت طرحتي سمعت ناس جوا خاشين و يسلموا صافيه طلعت خلتني بعد تلت ساعه كده قالت لي اطلعي طلعت اشوف ليك.....😱

متااابعه🌚💜

الحلقة 20الاخيرة😌💜

 عشقته وانا خادمته💜

من تاليف:- ميعاد عبيد

و طلعت شوفت ليك وليد قاعد و متشيك كيف كيف و معاه امه و ابه و اخته مي انا بقيت عامله كده😳😳 وراسي جااط و افكاري اتلخبطت😭 مشيت قعدت ابه استلم الموضوع بقى يتكلم مع امي ختم كلامه معاها انه طالب يدي على سنه الله ورسوله ( قربت اقوم اقول ليه لا يدي لا كراعي سوق ناسك ديل و اطلعو منها لكن ووووين😭) امي قالت ليه نتشرف انكم تناسبونا و نحن موافقين على طلبكم و ربنا يتم على خير بقيت اعاين ليها كده😳😳 عايزة افتح خشمي عصرتني من يدي سكت طوالي جات صافيه قدمت ليهم الشاي و الكيك و قعدت هم بتونسوا و امي مبسوطه و انا زي الصابين فيني مطره بعد ودعوهم و طلعوا جات امي قالت لي مبروك و هي مبسوطه و انا بكل ما فضل فيني من حيل ليه كده يا امي لشنو عملتي فيني كده زعلتك؟؟؟ ولا بقيت عاقه عليك و عايزة تتخارجي مني؟؟ ليه ما عملتي لي اعتبار؟؟ ليه ما اخدتي راي في حين انه انا الح اعيش الحياة القررتيها دي ليه يمه ليه؟؟؟ قالت لي انا عايزة مصلحتك قلت ليها عارفه انك رافضه علاقتي مع وائل لكن تعرسي لي غصب عني؟؟؟ انا رافضه وائل عشانك و عشان ما تزعلي و عرفاك دايرة مصلحتي لكن كسرتي قلبي يا امي💔 و طلعت من البيت كله و سامعاها بتاندي فيني بس ما رديت طلعت طوالي و ما عارفه انا ماشه وين المهم ماشه لحدي ما لقيت نفسي جمب البحر فكرت اقع و ارتاح تاني فكرت انه حرام استغفرت ربي و قعدت افكر تلفوني رنه لقيتها دي امي ابيت ارد عليها زي تلاته مرات كده تاني رنه عاينت للشاشه لقيته وائل مسجلاه *نصيبي يارب*💜 قريت الاسم و قلت امين و رديت عليه قال لي وينك قلت ليه جمب البحر قال لي جاي عليك قلت ليه كيف يعني جاي علي و انت في المستسفى قال لي انتهيت من اوراق التخريج و هسي انا جاي عليك قلت ليه سايق براك😳 قال لي لا جاي معاي منذر قلت ليه طيب وينها خالتو اسمهان و مهند قال لي رجعوا البيت و قفل على كده بعد نص ساعه كده العربيه وقفت جمبي نزلوا منذر سلم علي و ساق عربيته ما بعرف مشى وين وائل قال لي امك اتصلت و قالت طلعتي من البيت و ما بتردي على تلفوناتها قلت ليه اي قال بي في شنو يا ريان قلت ليه واحك اتقدم لي و امي رضت و وافقت بيه قال لي وانتي موافقه قلت ليه لا قال لي ليه ما موافقه قلت ليه عايزاك انت و ما عايزة غيرك سكت مسافه وانا انتبهت يااا داب انا قلت شنو😂 قال لي طيب الموضوع دا خلي علي قلت ليه كيف قال لي الاتقدم ليك دا من وين قلت ليه اخو مي صاحبت صافيه قال لي مش المان وداكم ليهم مهند قلت ليه ااي قال لي طيب ارح نرجع البيت قلت ليه ما راجعه قال لي اسمعي الكلام قلت ليه ابيت ما ماشى قال لي الموضوع دا حله عندي يا ريان ما تخافي هسي ارح نرجع قلت ليه كيف عندك حله قال لي كل شي في وقته حلو يلا ارح مسكني من يدي قال لي يلا جريتها منه قلت ليه ما ماشه مع جرتي دي ايده المكسورة وجعته شكلها قال ااااخخخ انا نطيت وقفت جمبه قلت ليع معليش ما قاصده والله ما قاصده مسكتها ليه قال لي ولا يهمك قلت ليه. كيف هسي بتوجعك؟؟ قال لي وجع بسيط قلت ليه اممم مسك يدي بالتانيه و قال لي يلا نرجع باكر يومنا طووويل قلت ليه طيب اتصل على منذر عشرة دقايق جانا ركبنا و وصلنا البيت و دخلت بيتنا لقيت خالتو اسمهان جايطه في امي قالت ليها عمري كله اعتبرتك اخت لي و صديقه و انتي معتبراني بس زوله بدفع ليك قروش عشان تخدميها و بتقولي على نفسك خدامه؟؟؟ و كمان ابيتي تناسبينا ليه؟؟ ديلك احسن مننا في شنو و انا كمان حالفه انه ريان ما تعرس غير ولدي وائل امي قالت ليها لكن نحن وافقنا....قاطعتها و قالت ليها بطريقتك معاهم انا العندي قلته دا غلطك و تتحمليه امي طبعا بقت تبكي مشيت جمبها مسكتني قالت لي كنتي وين انتي مالك بتوجعي قلبي كده قلت ليها امي معليش ما كان اطلع ما تبكي مسحت دموعها و وائل جاء باس يدها قال ليها يا خاله والله بتك بختها في عيوني ولا هي عيوني اصلا و الزول ببقى على عينه عشرة و موضوع وليد خليه علي و انا فرحانه عايزة اطييير ( اوريكم الحصل😂 امي لمن لقتني ما برد عليها اصلت لي وائل و قالت ليه طلعت من البيت و كده و ما ورته الحاصل كله فهو قام اصل على منذر و قال لي مهند يسوق خالتو اسمهان و يرجعوا البيت و وراهو انه انا طلعت من البيت و ما معروفه وين😂 المهم وائل و مهند جوني هناك و مهند و خالتو اسمهان مشوا لامي في البيت و امي حكت ليهم الحاصل على اساس انه خالتو اسمهان تقيف معاها و كده لكن هيهات😂 وائل بعد اناطلعت من المستسفى كلم امه بالحاصل كله و انه هو عايزني و امي رافضه و كده فخالتو اسمهان لمن عرفت انه امي وافقت بالعريس هاجت و قامت في امي😂لمن جينا كان دا الشوط الاخير😂) انا كده ضمنت انه وائل حقي و انا حقته مهند و وائل طلعوا و انا قمت صليت و حمدت الله و قريت قران و قعدت معاهم اتونسنا عادي بس امي شايفاها مهمومه و ما مركزه معانا و خالتو اسمهان اليوم داك باتت معانا بعد خالتو اسمهان و صافيه ناموا مشيت لامي ختيت راسي في حجرها قلت ليها يمه مالك مهمومه قالت لي بفكر في الغلط العملته دا و اصلحه كيف انا اتسرعت شديد قلت ليها بتتسهل يا يمه بتتسهل باذن الله بس انتي قولي يارب قال لي ياااااارررررب قلت ليها يلا يلا النوم و انا عارفه انها ما ح تنوم لكن نجرب مشت رقدت غطيتها و جيت رقدت في سريري و نمت مبسوووطه الصباح صفو صحتني قالت لي يلا قومي عايزة تنومي لمتين قلت ليها قايمه قمت استحميت و صليت و مشينا بيغادي خالتو اسمهان ادتني ميلايات كده قالت لي ديل فريشيهن في سراير العريشه بتاعت الجنينه بيغادي قلت ليها حاضر وانا بفرش في زول ضربني في كتفي اتلفت لقيته وائل قلت ليه انت طوالي حايم؟؟! ما بتهمك صحتك دي امشي خش جوا قال لي اولا الناس العاديه بتقول صباح الخير و تانيا انا عندي شغل طالع قلت ليه ماف حاجه اسمها شغل لمن يدك دا ترجع طبيعيه قال لي دا شغل مهم و خااص و غمز لي😉 انا قلبي اكلني عديل قلت ياربي يكون شغل شنو دا و انا سرحانه و بفكر كده لقيته جمبي مافي زاق مشى المعفن😂 انا كملت فريش السراير جاتني صافيه قالت لي سمعتي قلت ليها اسمع شنو قالت لي معقوووله ما سمعتي قلت ليها شنو يا زفت انتي قالت لي الليله خطوبتك من وائل قلت ليها شنووووووو😱 قالت لي والله سمعت بام اضاني دي خالتو اسمهان بتقول كده لامك انا عيوني بقت قلوب قلوب😍😍 و بقيت انطط براي صافيه مسكتني قالت لي يااابايرة 😂 ما صدقتي قلت ليهااا واااي انتي جاده قالت لالا بكضب 😑 يعني استفيد شنو لو كضبت عليك حضنتها و اضحك لاخر ضرس😂 بعد.كده انا الخدمه غلبتني عديل خالتو اسمهان قالت لي تعالي مشيت ليها لقيتها مقعدع ليها مرة كده قالت لي تعالي خليها ترسم ليك قلت ليها سمح قعدت للمرة رسمت لي في يدي الاتنين و هي مشت تشوف حريم الخدمه بوين قمت من جمب المرة بعد رسمت لي مشيت بيتنت لقيت صافيه هناك قلت ليها يا سجم انتي مالك قاعده هنا قالت لي خالتو اسمهان قالت لي امروق احسن فستان ليك و ما لقيت ليك فستان سمح حق خطوبه نهااي قلت ليها انا عايزة البس عبايه عاينت لي كده😒 و قالت لي الرد على السفيه مزله قلت ليها يخسسسسي عليك😂 قالت لالا فساتينك دي نهاااي ما نافعه و انا فستاني ما بتنفع معاك لانك دبدوبه قلت ليها دبدوبه في عينك يا حيوانه😑👋 قالت لي الحق يقال يلا مدي يدك قصاد المكيف دا خليها تنشف نمشي نشتري ليك الفستان مشيت مديت يدي قصاد المكيف و واقفه حارساها تنشف😂بعد نشفت مشيت غسلتهن و لبسنا عبايات و طلعنا قلت ليها يااا صافيه حلفتك حلفتتتتك ما تسوي لي سواتك لي في السوق قالت لي سمح ركبنا المواصلات و وصلنا السوق قلت ليها محل واااااحد بس قالت لي خلاص سمح دخلنا المحل من دخلنا كده عيني وقعت في فستان قلت ليها شوفي دا قالت لي ما سمح مشت لبتاع المحل قالت ليه احلى فستان عندك طلعوا لينا قال ليها طيب قالت ليه شفت البت دي؟؟ (واشرت علي) قال ليها اي قالت لي شايف وزنها دا يلا ما تجيب لينا فستان ضيق عشان لمن تجي تجربوا ما تشرطوا لينا و ندفع ليك حقه قعد يضحك وانا اتمليت منها ملي و اتغظت منها لمن وشي بقى بمبي قلت ليها شاحده ربي نخرتك تنشرك هسي دا غايتو ما خلوا ليهم ضحك لوراء المهم الولد جاي فستان كده بنفسجي😍 ماسك من الصدر كده و فاري من الخصر نظام ساندريلا كده و محل الصدر مزخرف باللون الفضي و اكمامه واااسعه و فاره كده و في اخر اليد كده مزخرف بالفضه برضو و الطرحه باللون الفضي مشيت جربته طلع مبالغه😍 و جزمه عاليه بالنفسجي اشتريناهم و طلعنا رجعنا البيت قالت لي تعالي هنا قلت ليها في شنو قالت لي وشك زي القرد دا تعالي قعدت تحتها نضفت لي وشي و حواجبي قالت لي كده يقولوا عليك بت😍👌 بعد كده قالت لي يلا نمشي نشوف طقتنا بوين انا جعانه قلت ليها ارح مشينا لقينا الناس فطروا دخلنا في المطبخ امي شافتني قالت لي ماشاء الله  صافيه قالت ليها دا شغلي طبعا😌 امي قالت ليها ماشاء الله والله ربنا يحفظكن قلنا ليها امييين قلت ليها يمه انا جعانه ما فطرنا قالت لي خشي جوا قالت لي خاته ليك مايونيز في التلاجه عشان ما بتاكلي اللحمه و انتي يا صافيه اللحمه في البتوجاز شيلي و اكلي قلنا ليها كويس انا شلت المايونيز و صافيه جابت اللحمه و جات المعفنه تشيل مني و تاكل من اللحمه و انا عشان ما باكلها بتكاوي فيني شلت صحني و طلعت خليتها😂 امي شافتني قالت لي يا بت ماشه وين بصحنك دا قلت ليها صافيه ع تاكل منه و هو اصلا حبه😢😢 قالت امشي جوا الناس قاعدين ما تفضحينا قلت ليها سمح مشيت خشيت المطبخ لقيت اشعب ديك تاكل ما جايبه للدنيا خبر😂 مشيت قعدت في المصطبه و مسكت المفراكه قلت لي ابقي مرة قربي مني😑 قالت لي ما ينفعك يا رمه قلت ليها حيوانه و اي وحده بقت تاكل في صحنها😂 بعد خلصنا غسلناهم و طلعنا خالتو اسمهان نادتني قالت لي ما اشوفك حايمه بهنا يلا اجهزي قلت ليها سمح مشينا البيت معاي صفو نمت😂دمي بارد يلا لمن صحيت كانت الساعه ٥ العصر و قلقاااانه و عارفين لمن اقلق بكون كيف بس اشتغلت اكل صافيه ما عرفت محل الطبله وين😂الا مشت لامي ورتها و جات طبلت التلاجه بعد كده اذان المغرب اذن قالت لي يلا اجهزي لبست الفستان جات صافيه عملت لي مكياج خفيف لبست الطرحه قالت لي الناس كلهم جوا في البيت تعالي قلت ليها وين قالت لي تعالي ساقتني لاقنا مهند ساقنا قلت ليهم مودني وين تلت ساعه وقفنا جمب عربيه كده و العربيه حقت منذر بعد شويه اشوف ليك وائل نازل منها و اريته ما نزل😭 واااااي لكن مع البدله جاء و سلم علي و انا لمن ارجف😂 هو لاحظ لي جاء همس لي في اضاني قال لي اهدي اهدي انا معاك وانا عيوني رقرقن خلاص دار ابكي😭 صافيه قالت لي اوعك و لا تفكري زاته انك تبكي انا قاعده في عيونك ديل قريب ساعه😑👊 كلهم بقوا يضحكوا قلت ليهم هسي جايبني هنا لشنو مهند.قال لي نظام عرس كده تخشوا سوا و كده قلت ليه امممم قال لي يلا يلا اركبي خلينا نتخارج مشيت ركبت مع وائل و منذر سايق عشان يد وائل لسه و صافيه و مهند سوا و انا سااااكته خطر على بالي وليد قلت ياربي الح يحصل شنو لقدام تاني طردت الافكار دي لانه جمبي وائل و ما عايزة غير كده شويه وصلنا البيت لقينا الناس كلها طالعه برا دخلوا قدامنا مهند و صافيه و بعدها دخلنا نحن و الزغريد بدا جات امي حضنتني عليها و تبكي و تاني جات خالتو اسمهان برضو حضنتنا نحن الاتنين سوا ودعت لينا مشينا قعدنا بعد ما الناس قعدوا شويه كده قالو وقت لبيس الدبل جات خالتو اسمهان مدت فتحت العلبه وائل شال الدبله لبسني ليها و نفس الشي انا لبسته بقوا يصفقوا و يزغرتوا وانا بركز في الناس اشوف ليك وليد😱 وووااااي دا الجابوا شنو قلت لوائل عاين وليد قال لي اي عزمته انا شخصيا طبعا انا بعاين كده😳😳قال لي بشرح ليك بعدين بعد الخطبه ما انتهت جاء وليد بارك لينا انا عيني غلبني اختها في عينه بعد.بارك و مشى عاينت لوائل لقيته بحرك في يده و شكلها واجعاه قلت ليه وائل انت كويس قال لي ياخ الجبيرة دي ضيقت اخلاقي قلت ليه معليش اتحمل قال لي اممم قلت ليه احكي لي عان وليد قال لي والله ياستي مشينا ليه انا و مهند في البيت و حكينا ليه الحاصل و هو طلع راجل ود رجال و اتفهم الموضوع و قال ح يتفاهم مع اهله قلت ليه جااادي😍 قال لي ااااي كمان بكضب انا ما بقدر اخلي حاجه حقتي يشيلها زول تاني و حاجه حقتي ح تبقى حقتي فاهمه؟؟ قلت ليه فاهمه و بقينا انا وائل مخطوبين😍 و جامعتي فتحت طبعا ياها جامعه صافيه زاتها يلا برلموني😭😂 جيت احكي لوائل انشرط ضحك فيني طبعا ودوني حمامات الولاد😂👌 في يوم و انا طالعه راجيه وائل يجي يسوقني واقفه برا جاء ولد زميلنا اسمه هادي قال عايز شيت كده و برجعوا لي اديته ليه شكرني و انا اتحركت من جمبه بحبه كده في حجر عتر لي قام مسكني لمن مسكني كان شيبه حاضني كده هو ماسكني كده جاء وائل و شاف المنظر انا اتعدلت و شكرته و عاينت لقيت وائل جاي علينا مسك هادي ضربه في وشه انا مسكت وائل وبقيت اكورك فيه و هادي نزف من خشمه اعتزرت لهادي لمن قال لي ما مشكله حصل خير و اعتزرت ليه كتير لانه منظر محرج خلاص بعد هادي مشى عاينت لوائل و ما اتكلمت معاه ومشيت و هو يناديني فيني و انا ابيت ارد  ليه مشيت لحدي مالقيت مواصلات عايزة اركب مسكني من يدي و جراني بعيد قال لي مالك في شنو لزيته مني قلت ليه زح مني دا شنو العملته في ود الناس دا قال لي قرب منك قلت ليه انا كنت عايزة اقع و هو مسكني انت بلا تفهم الموضوع هجمت عليه قال لي اسف حياتي بعتزر قلت ليه ما انا المفروص تعتزر منه قال لي طيب تعالي مشيت معاه رجعنا الجامعه لقينا هادي قاعد وائل اعتزر منه و اتصالحوا حتن انا رضيت على وائل ورجعت معاه البيت صافيه طبعا مهند خطبها من اهلها في البلد😍👌 و العرس بعد صفوا تخلص دراسه و مهند سافر ما شفته صافيه ساعه سافر تقول ميت ليها زول😂😂 امورنا ظابطه و الحمد لله مرت تلاته سنه على الكلام دا و صافيه اتخرجت و انا دي اخر سنه لي و مهند جاي بعد تلاته ايام😍 و صفو محبوسه ليها تلاته اسابيع عند اهلها و انا قاعده مع امي و خالتو اسمهان و بنجهز للعرس في يوم قاعده براااي مركبه السماعات و بغسل في العده و عامله شعري شعرتين كده لابسه عبايه طبعا🌚 جاء وائل قال لي انا طالع اكوي لي جلابيتي دي قلت ليه اكويها براك انا ما فاضيه قال لي اسمعي كلام انا اتاخرت ماشي استحمي اجي القاك كويتيها لي قلت ليه اتشطف و ارجاني جراني من شعرتي و طلعني برا المطبخ قال لي تاني تسمعي الكلام و انا اكورك فكني فكني ياخ بعضيك في يدك انا قال لي ابقي مرة قلت ليه وائل صدعت بي و دمعت (دموع تماسيح😂) قلت ليه  فكني يا وائل لمن شافني ببكي قال لي يا بت انتي جاده هسي بتبكي مني قلت ليه انت حقار هسي دا اسلوب تتعامل بيه بت قال لي معليش حبيبي ما كنت قاصد ازعلك كنت بهظر بس وبقى يمسح لي دموعي قال لي خلاص بكويها براي قام مشى يكويها و انا رجعت لعدتي😂 مرة اسبوع ومهند جاء و بنجهز للعرس  ويومي بتصل على صافيه و بحكي ليها بنعمل شنو بعد بكرة العرس😍و صافيه و امها وابوها جوا و قعدوا معانا طبعا صافيه مقفولع في الغرفه شالو ليها ليها جسمها و رسموا ليها الحنه و مبااالغه يوم العرس من الصباح معاها في الكوفير😍👌المساء صافيه طلعت احلى عروس😍مهند جاء و اتصوروا و طلعنا مهند و صافيه و انا و وائل دخلنا نحن قبليهم و هم بعدينا و غايتو عرس ولا في الخيال😍 و سافروا في ليلهم😭 بعد.كده ضايرنا المحل و حايتنا رجعت طبيعيه و انا من الجامعه للبيت من البيت للجامعه وكده حياتي طبيعيه جدا لحدي ما جاوا صافيه و مهند راجعين من شهر العسل و قعدوا مع خالتو اسمهان في البيت و مرت الاسابيع و الشهور و انا اتخرجت من الجامعه و بعد تخريجي بشهر كده حددوا العرس و بعد ١٥ يوم قلت لي وائل لشنو الاستعجال دا قال لي مسافر احل محل اخوي في شغله غشان عارفه صافيه حاليا ما فضل ليها كتير و تضع قلت ليه ايووه المهم اتحبست واااخ من عذاب الحبسه😭😭 يلا عشان اصلا سمينه احتجت للحاجات المديده و الطحنيه دي😂👌 المهم مرت الايام بين السوق و البيت البيت السوق😭 و بعد يومين العرس تعال شوفي فضايحي في شيل الجسم زغردت لي زغاريد😂👌 غايتو بكيت ما خليت لي بكا لوراء😂 اها بعد اليومين ديل من الصباح انا في الكوفير و معاي صافيه بكرشتها دي😂👌 المهم المساء كده انتهوا مني وقفت قدام المرايه انا لمن انبرشت في نفسي😂👌بعد نص ساعه كده جاء وائل لمن شافني خته يدو في راسي و حصني قال لي بسحروك لي الليله اتصورنا المصور دا قليل ادب خلاص ادانا وضيعات كده انا لمن وشي قلب بمبي🙊🙈 بعد اتصورنا طلعنا بالعربيه و وصلنا الصاله احي لمن دخلنا و الناس ديل مركزين معانا🙈🙈 مشينا قعدنا طوالي😂جوا باركوا لينا و بدوا يرقصوا خلصنا من الحفله جاء وقت الجرتق جرتقونا و شربت وائل اللبن😍🙈 بعد خلصنا جاء وقت الوديع😭😭غايتو اتجرست جرس اول مرة افارق امي😭😭 اصله ما سكت لمن وصلت المطار و ركبت انا ببكي😭😭 بعد ركبت جاء وقت الاقلاع سكت ساااي و مسكت في وائل قوي😂 لمن طارت بقيت اصرخ عديل وائل خته يده في خشمي عشان يسكتني قال لي انا عرست لي شافعه ياخ الله يصبرني قلت ليه اتحشي😒👊 المهم قضينا شهر عسل و انا عزبت وائل عزاب خليته يندم انه عاين لي خلي يعرسني😂 يوم نحن قاعدين بنحضر في فيلم رعب و انا بخاف منهم لكن وائل اصر علي اني احضروا معاه فشنو حضرته معاهم لكن ندمته ود الكلب😂الليل كله حاميته ينوم اتكلم معاه لمن احس غمض عينه اديه طاااخ في ضهره اقوله حبيبي نمت؟؟ يقول لي لالا معاك حياتي اقوله تمام وتاني اقعد اتكلم لحدي ٣ صباحا لا نمت لا خليته ينوم😂 قضينا زي تلاته شهور  عشان شغل مهند و كده لمن مسافرين راجعين نفس الحكايه في الطيارة وائل خته يده في خشمي قبل ما نقلع😂 لمن وصلنا مطارنا لقينا مهند و منذر حارسننا وصلونا البيت طبعا صافيه وضعت و جابت ولد عسووووولي😍سمته محمد على اسم ابوي الله يرحمه😭💔 مرت اسبوع يوم انا قاعده بكوي لوائل في جلابيته ليوم الجمعه حسيت بطمام كده و راسي دايخ و قلبتني الوقفه و عايزه استفرق دقيت باب الحمام وائل جواء قلت ليه افتح افتح لفه ليه بشكير في نصه و فتح لي الباب انا دخلت استفرغت و هو مخلووع يعاين لي جات امي خاشه قالت لينا يلا انزلوا الفطور وائل قال لي تعالي شوفي ريان مالها فجاءة كده بتستفرغ جاتني خاشه في الحمام قالت لي مالك في شنو قلت ليها دايخه و بطني و قالبه ما عارفه من شنو جرت قالت لي وائل امشي الصيدليه جيب شريط الحمل و تعال بقى واقف في محله و بقى يقول انا ح ابقى اب امي قالت ليه كده امشي جيبه جري مشى جابوا و جاء و طلعت حامل😍💜 وائل من الفرحه لمن شالني وامي واقفه😂 جرت كلمت خالتو اسمهان و بقن يزغرتن😂 مرة شهرين و انا كل مره بصحي وائل الساعه ٢ صباحا دايرة لي حاجه و خلاقه خلاص ضاقت😂😂 متحملني يا حليلوا غايتو فترت حملي دي كرهته عيشته في يوم و انا في الشهر التاسع و كرشي بقت مترين قدامي😂 بقرش لي في جزر و بحضر في التلفزيون بطني شويه شويه بقت تنقز فيني و كل ماليه الوجع يزيد بعد شويه بقى ما بيحتمل بقت اكورك باعلى صوت عندي نقلوني المستشفى و الولاده طبيعيه كانت ابيت ادخل الا وائل يخش معاي😂 قلت ليهم يا يخش يا بلد ليكم هنا دا دخلوا معاي بقيت ماسك فيه انا اكورك و هو يكورك لويت ليه يدوا عديل😂شغال لي يا مرة فكي يدي كسرتيها لي😂وانا ما شغاله بيه لحدي ما سمعت صوتها و هي بتبكي💜 بتي😍💜 بعد يومين خرجونا و رجعنا البيت و بتنا سمينها يقين💜

#النهايه😕